M3 Italian (已結業)

第一次入嚟沙田圍，見m3係呢頭多人讚好嘅餐廳就入嚟食晚餐啦。同朋友仔傾完決定先要個海鮮沙律(^^) 份量正常，不過海鮮都幾小，得3隻蝦，2舊魷魚圈，2粒青口同dd小帶子咁，贏在個汁夠fresh幫成個沙律添左分！之後要左個cheese pizza,應該係即整所以等左有半個鐘先到，不過味道真係一流！好香芝士味而且好拉絲嘅，餅底好薄好脆，食多件都唔會漏:-D另外因爲想吹水就嗌左佢個signature beer,有成8.4%酒精，所以偏苦，但呷真d又會甜甜地，幾特別！餐廳好好坐，係傾偈好地方！

After cycling with friend, we come here to have a proper dinner. First we order a seafood salad, it's very fresh as the sauce is kind of sweet & sour, I guess it should be the mixture a lemon and orange. And there are many shrimps and scallops which are quite yum as well. The breads are quite good as well. Combine with the self-made olive oil would enhance the overall feeling. Then we have one piccante pizza as our main. It make with lots of cheese and sausages!! Little bit salty but still good

平時真係好少去沙田圍 每一次過去都係為咗食野 咁岩朋友係附近 一於去食下意式餐廳M3沙律沙律份量幾多 有香草烤雞 挪威煙三文魚 帕爾瑪火腿 了半奶芝士 蕃茄乾 什菜沙律 麵包粒 仲有白醋 黑醋 沙律醬選擇 酸甜開胃 也十在太豐富了帕爾瑪火腿火箭菜薄餠Pizza嘅皮薄 食落完全吾會好似厚pizza咁飽肚 二個人都可以食哂成個pizza 再加上有密桃 酸酸甜甜 吾會膩鮮魷魚墨汁意大利飯魷魚新鮮 鮮甜 意大利飯粒 軟硬適中 濃郁嘅墨魚汁嘅香味 令人食多幾淡

是日去咗沙田河畔花園嘅一家西餐廳《M3 Italian》同朋友慶祝生辰。 呢間餐廳地點雖然唔算方便，但卻深受沙田區嘅朋友力捧，今日有幸品嚐， 一定要試晒呢度嘅推介菜式。一坐底，點了一杯比利時啤酒【Kwak】$60，啤酒杯造型非常特別，有點像做實驗的感覺。酒精成份8.4%，顏色呈現焦糖啡，泡沫頗多，但入口滑溜。味道回甘帶有果香，入口帶一點甘苦，有淡淡嘅啤酒花香氣，跟住就慢慢滲出淡淡嘅香甜，由於酒味較為濃烈， 特別適合一眾喜歡手工啤酒朋友品嚐。先以一個【洋蔥湯】來作出序幕。洋蔥湯經過煎香後，味道變得濃郁香甜。經過炒香嘅洋蔥絲不但沒有半點辛辣味，反而醞釀出洋蔥自然嘅甜味，甜絲絲嘅味道，令每一口都暖胃滿足。洋蔥湯入面加入法式麵包，麵包吸收咗湯嘅精華，每一口都是美味。再來一個M3必食推介【香辣蒜片啤酒煮蜆】$148， 呢個啤酒煮蜆可謂每一檯嘅必點菜式。蜆肉飽滿多汁，而且每一口充滿海水嘅鹹香。配上味道惹味嘅蒜片，香氣十足嘅芫茜， 同辣椒絲，令味蕾帶來刺激。這道菜嘅另一精粹就係個湯汁， 不但可以品嘗到蜆嘅鮮甜、海水嘅鹹鮮、仲有蒜嘅香氣。 呢度菜式令人食到津津有味，認真要大力推介。另一個令人非常具驚喜

去完行山，其實很累，肚子很餓，所以毫不猶豫在OpenRice跟着評分第一來到m3 Italian。靠着意志力由沙田地鐵站來到這裏。可能期望太高，因為評分第一和好評實在太多了，感到有點失望。叫了四樣東西，帶子意粉、小食拼盤、長腳蟹飯及四色芝士薄餅。帶子意粉——最為滿意的一個餸，味道不過不失。小食拼盤——味道比較濃烈，雞翼只有兩隻，辣味薯角沒有辣味，很普通。長腳蟹飯——最不建議叫的一個，製作需時是異於常人等待的時間，如果不是我堅持等待的話，可能一早已經用膳完畢離開了。而且也證明不是你付出了，便會有回報。味道也非常之濃烈。四色芝士薄餅——我想應該是很喜歡芝士的人才會喜歡吃吧？一上枱已經傳來陣陣的芝士味道，我本來並不是很喜愛只是的人，但因為OpenRice的人推介，所以才叫了這個薄餅。剛吃第一塊薄餅的時候，感覺還可以接受，但以手制薄餅來說，我覺得很普通。再者，為了等長腳蟹飯的時間實在太久了，所以這個薄餅放涼了，芝士的味道濃烈得難以接受，所以我建議不是太喜愛芝士的人，千萬不要要這個，不然，你一定後悔，而且會感到非常之失望。總括來說，我真的不認為這間餐廳值得在沙田區排名第一位，本來我是想吃陳根記，

之前聽同事極力推介過呢間 M3意大利餐廳， 話佢嘅食物抵食得嚟又好有誠意， 雖然唔係位處於超旺區， 但佢嘅食物絶對唔會馬虎。 見同事讚成咁，今日約咗家人去沙田行街 shopping，順便去試下係咪真係咁掂先。店裏裝修唔算得豪華，簡單地選用了紅白大格仔枱布，但環境總算是乾淨和舒適。入正題喇。。。食物方面我哋Order 了《烤安格斯西冷牛扒》《黑松露野菌燒帶子意大利粉》《法國鵝肝雲吞配蕃茄醬》，仲有《香辣蒜片啤酒煮蜆》。 首先講下個烤安格斯牛扒， 我哋點咗五成熟剛剛好，佢哋烤到個牛扒外脆內軟， 又軟林林又勁多肉汁超好味， 仲配有其他配料。。例如蘆筍苗， 焗蒜頭和長薯仔，樣樣都好味， 尤其是個焗蒜頭 ，今次第一次試食， 竟然會有驚喜 。輪到個黑松露燒帶子意大利粉， 我一向都對黑松露情有獨鍾， 好鍾意食佢嗰陣香濃嘅味道，帶子共有三粒，每粒都大大粒， 外表煎香了， 咬落去好彈牙，而d意粉又煮到軟硬度適中。 至於個法國鵝肝雲吞配蕃茄醬， 個賣相同一般嘅雲吞好唔同， 食落口個雲吞皮好滑，入邊啲餡好豐富， 非常特別。到最後個香蒜蒜片啤酒煮蜆， 起初點嘅時候都怕佢啲酒味會太濃，而我唔太識飲酒， 但食落口

今晚又同男朋友出去食晚飯啦,上openrice見到呢間食評好高,決定一試入到去環境暗暗地,都幾有情調. 餐牌算多野食,但我地鍾情於食2人套餐,感覺比較多野食首先上餐包, 個包底好脆, 包上面係軟身 呢個南瓜湯好好味,飲落去有少少甜味,感覺有幾種味,好香,最緊要夠熱,Caesar salad芝士一條條上, 重手, 望落去好似好細碟, 但其實食食下,發現隻碟個底算深呢個墨西哥薄餅我男朋友好中意食,因為個層皮係超級脆, 食落去好濃味,入面有少許芝士味, 食完仲好想再食, 呢個大蝦意粉d蝦好爽, d汁好多,都係好好味, 份量好多牛扒我叫左5成熟, 切開見到好肉汁好多, 食落去好淋到最後上甜品啦，其實已經好飽啦!賣相一d都唔求其，，甜度適中，燉蛋好正呢間餐廳絕對值得推薦朋友去食！

自己住九龍 平時好小會入到嚟沙田搵嘢食，但係就畀呢間喺openrice 排名頭5位嘅餐廳 吸引咗入嚟沙田圍呢個地方，餐廳位於屋宇樓下，附近沒有太多嘅餐廳，環境好舒服而且好有氣氛。 打開餐牌就畀個燒乳豬吸引咗，但係落單嘅時候發現冇曬 睇嚟應該幾受歡迎，最後我哋就嗌左一個簿餅 豬鞍同埋黑松露意粉 。帕爾馬火腿火箭菜薄餅pizza嘅皮十分薄好似一塊餅乾咁，珀爾瑪火腿帶點 鹹味，而火箭菜就剛剛好做咗一個平衡嘅作用，令到乾腿唔會太鹹 帶點清新，火箭菜的確係pizza嘅一個加分配搭。芝士就令個口感更加柔軟 成個配搭都好夾，每人食半個都唔會覺得膩或者飽。烤西班牙黑毛豬鞍配燒什菜及辣西哥汁豬鞍十分厚 切開一切有一隻手指公咁厚，但係食落又唔會好似豬肉咁好煙靭，七成熟嘅熟度啱啱好，亦唔會覺得有血水。分量十足，配埋一啲以蕃茄同其他材料煮成嘅墨西哥醬汁係豬鞍的面，令味道唔會好單調 有點刺激 不會很辣， 而且配菜 煎完 一啲都唔乾仲保留住本身嘅水分。黑松露燒帶子意粉兩個女仔 食完個pizza同埋豬扒其實都已經有啲飽，但係最後想嘅黑松露燒帶子意粉。 黑松露十分香 即刻想食埋佢 帶子都新鮮 有帶子的鮮味，整體好c

圃坐下便立馬點了一杯啤酒來解解渴，選取了 kwak，印像中這是一隻比利時的 IPA，聞起來有點蜂蜜的味道，細喝一口，口感綿密而帶麥香，入口後先帶點苦味，接著是一點甜蜜的回甘，很好。店員說我們的牛扒能加60元跟餐，會附有餐湯及甜品，心裏盤算著反正也有叫甜品的打算，現在只是加上數元便能有多一個湯喝，除笨有精。不一會餐廳及餐包送上，不是羅宋亦不是忌廉，是較偏門的洋蔥湯，正好刷新了餐湯只有紅白這一個悶局，洋蔥湯帶有強烈的洋蔥味，喜愛蔥蒜等五辛的我大愛，沐浴在餐湯中的法包被烘得脆身，索盡湯汁的精華，跟蘸油醋汁的餐包又是另一種食法。黑松露野菌燒帶子意大利粉，此道圃上桌便聞到強烈的黑松露香味，香氣所及無遠弗屆，令在座各人為之精神一振，廚師把意粉的熟成度掌握得剛剛好，是我最喜愛的 al dente，帶子兩面被煎得香脆，蜆肉的新鮮及飽滿程度絕對超乎想像，配合切得細碎的葱頭，洋蔥，還有那新鮮的蘆筍苗，是今晚很精彩的一道。烤安格斯肉眼扒配蘆筍苗，焗蒜頭及長薯仔，廚師把安格斯肉眼扒兩面煎得微微焦脆，入口焦香，牛味在口腔充斥着，還有那脂肉均稱的肉眼位，跟那焗得半熟的蒜頭，沒有不好吃的理由，稍為點一點隨附的肉汁，

難得的姐妹聚會，搵一間可以傾下計食下野嘅餐廳，來一個舒服的晚上。最愛拼盤的我去到邊都一定會點一份。拼盤就是什麼都有，每樣少少，適合小吃又貪吃的我。薯角、炸蝦、雞翼，這種拼盤真的很新鮮喔，炸得新鮮，吃得熱氣。點了一份5成熟的牛，肉質鮮嫩，而且肉汁都仍然鎖在肉裡，非常Juicy,雖然份量唔係好大，但其實是很厚的。另外，焗薯也不要輕視，絕對是伴薯牛肉一齊吃的良物，真是很入味的。甜品是女士最愛：焦糖燉蛋。表面的焦糖是脆脆甜甜的，面蛋也燉得很滑很香，甜品永遠是女士抵抗不到的食物

好耐好耐無試過同男朋友浪漫下，所以轉登揸車去到沙田圍食餐浪漫嘅。餐廳環境很好，黑黑地，座位也很寬敞很舒服。餐廳的二人餐$400內，一至四先有嘅，所以就一於試下啦！由餐湯到甜品都包晒，完全係滿足晒乜都食嘅我點了Palma Ham作前菜，清新而又開胃。黑毛豬火腿入口即溶，而哈密瓜亦很清新鮮甜。加埋沙律菜，真係好開胃呀！餐湯是雜菜湯，係最愛嘅蕃茄湯呀！有薯仔粒、蔬菜粒、青蘋果粒，仲有蕃茄粒，所以都好有維他命呀！點了煎銀鱈魚配薯蓉，銀鱈魚很香口，而且魚肉很香滑，唔會因為煎左而無晒水份，而且以薯蓉墊底，薯蓉吸收了魚的油份，所以好入味。而且銀鱈魚是有茫果肉蓉在面，所以唔會好膩，都幾香口、甜甜地。最後當然要試下甜品啦，甜品是意大利芝士餅。這個甜品是意大利餐廳必食的甜品，有咖啡味，有濃濃的朱古力味，口感一流，賣相吸引，正！

生日, 我覺得應該係要同阿媽食, 尤其係正日更應該留比阿媽因為媽媽鐘意食西餐, 所以SEARCH 過屋企附近有間意大利菜, 我地本身都鐘意食意大利野, 所以預早BOOK 定位嚟食平日晚上都 90%滿坐, 但環境有D嘈, 一來係因為暑假, 二來又係屋村附近, 好多帶埋細路嚟, 枱同枱之間又真係迫左D, 坐到有D 似 M 記咁, 西餐嚟講唔太得點餐要左個2人SET DINNER, 有頭盤+餐湯+主菜&甜品, 頭盤要左凱撒沙律 + 蒜蓉炒大蝦, 2 個都好讚,  凱撒沙律我自己覺得比酒店的還好食, 蒜蓉炒大蝦好香蒜味, 蝦都好彈牙, 餐湯就好普通的蕃茄雜菜湯, 主菜要牛扒 & 鱸魚, 牛扒好有肉味, 唔錯, 但我自己唔太鐘意佢用木盤上菜, 因為個木盤比人鋸到花晒, 藏晒漬, 我自己就覺得唔太乾淨鱸魚煎得好香口, 冇雪味, 都好大一份, 但始於係雪藏魚, 冇咩魚味, 調味較淡, 同埋煎得老左D 甜品要左法式焦糖燉蛋 & 另一個白酒味布甸 2 個甜品都好好食, 連唔食甜品的我都覺得好OK 但又可能因為人多, 焦糖燉蛋又係有D老整體嚟講, 唔錯的一餐, 但可以做得更好

今日喺沙田收工，一支公諗起返到去又係要毒撚般食自己煮嘅 indo 撈，心諗不如食埋先返屋企啦，醒起之前同事介紹過一間喺河畔花園嘅高質素西餐廳，係你喇。朱古力工廠，口淡淡想搵啲甜嘢嚟飲下，見呢個沙冰類嘅朱古力工廠又有朱古力，燕麥，香蕉，花生醬同埋牛奶，咁豐富就嗌嚟試下啦，原來都真係幾好味喎，朱古力味夠哂濃郁，伴隨著淡淡嘅香蕉同埋花生醬味，係一個好特別嘅朱古力沙冰。香辣蒜片啤酒煮蜆，啲蜆勁新鮮，粒粒都脹卜卜咁好飽滿，喺口入面咬爆佢嘅時候仲好 juicy，唔知係咪蒜味太強烈嘅關係，掩蓋咗啲啤酒味，不過呢個都經已係一個好好味嘅煮蜆。法國鴨肝雲吞配蕃茄醬，法國啊，意大利等等嘅雲吞就食得多，有餡喺入面嘅都係第一次試，入口先係好香甜嘅番茄味，當雲吞隨住每一口嘅咀嚼散開之後，鴨肝嗰陣獨特嘅香味即刻佈滿味蕾，鍾意食鴨肝嘅我大愛。原本仲諗緊使唔使嗌多個意粉或者牛扒，點知飲完杯咁夠份量嘅朱古力工廠之後幾乎飽咗七成，好彩無嗌太多嘢食啫，即刻嗌多個甜品嚟個完滿嘅結束先。巴伐洛娃蛋白餅，個餅底嘅口感覺好似威化同埋叮叮糖嘅混合體， 本身淨食個味道偏甜，不過夾著面頭帶有微酸嘅 蘋果同埋隔離都係酸美美嘅熱情果汁一齊食就

冇諗過沙田圍都有咁高質素的意大利餐廳～見啲野食咁好食，所以想黎試下我地入到去冇咩人，可能我地都早到，當我地食到八點幾果時已經見到有人係出面等位了～三文魚凱撒沙律，三文魚份量幾多，同埋啲菜既份量幾多，再用木盆去載，好特別！好鮮味！！！之後上左四式芝士Pizza，同正宗嘅意大利Pizza一樣，薄而且脆，佢落既份量真係好多, 我食左四塊,食極都唔厭!!小食拼盆我至愛，每次一有小食拼盆我必定叫，因為真係好抵食！黑松露帶子意粉，蜆肉肥美又鮮甜，黑松露香味好出！正！侍應服務唔錯，動作快，好有禮貌！唔錯啊～

冇諗過沙田咁偏都有啲算係幾高級既意大利餐廳平時我係呢頭返工都唔知, 咁啱今日男朋友黎沙田接收工,又唔想四圍走,所以就上黎SEARCH下附近有咩食咁啱見到呢間,就黎試下!6:30到左,冇咩人,環境幾舒服, 雖然燈光暗左少少,不過我呢啲港女就係要浪漫,哈哈我地叫左四個餸, 凱撒海律三文魚, 小食拼盆, 黑松露帶子意粉, 同埋四重芝士PIZZA(呢個男朋友勁鐘意, 鐘意到傻)小食拼盆-有薯角,炸蝦,炸雞翼, 炸蝦幾出色喎,啲粉好簿,食落口唔會似係食粉!!薯角就冇咩特別啦, 雞翼都係,但全部都係熱上既!!!凱撒沙律三文魚-三文魚既份量好多, 食極都食唔晒, 啲沙律菜好新鮮, 食入口好脆!四重芝士PIZZA-呢個真係不得了,我自己唔係好鍾意食, 黎到果時真係勁香, 但可能我自己唔係好鐘意食每隻芝士, 到最後我食左兩塊,男朋友食左4塊!!!啲芝士味好重,仲可以拉絲!食入口我覺得唔稠, 香味濃郁~黑松露帶子意粉-意粉既硬度剛剛好, 唔會煮到太淋, 蜆我最鍾童食,食得出佢冇雪味,而份量都好大碟!我見隔離枱叫左份乳豬食, 其實本身都想叫,但肯早兩日先食完,所以決定下次黎食會叫扒同乳豬試下先!