Mama Mia! Pizzeria (已搬遷) 新店位置

#哈比四圍食純粹行街經過見到有個黃色招牌好搶眼，再望入去，就比櫥窗入面整緊Pizza嘅師傅吸引住🤤而且櫥窗入面仲放滿晒大大個Pizza喺度，真係見到都流晒口水🤤 Pizza有10款口味，而且仲有12吋/10吋比你揀，如果純粹係經過口痕想食吓，都有單件裝比你揀😁最得意嘅係，有一款真係好啱選擇困難症嘅朋友，每一款味道都揀一塊，拼返埋就係一個完整嘅Pizza😆話晒第一次幫襯，當然就試吓佢個招牌Pizza😎入面有沙樂美腸、辣肉腸、牛肉、番茄醬、同埋適量嘅芝士，pizza唔太厚，食落係鬆軟嘅，而且啖啖都食到芝士同餡，批邊亦焗到脆卜卜唔會好硬😋之後仲叫咗個意粉，係我最鍾意食嘅卡邦尼意粉，意粉食落彈牙，個汁好香蛋味，如果多番少少芝士味就更好☺️.➡️ Mama Mia! Pizzeria (九龍城)九龍城獅子石道44A號地舖

Pizzas are freshly made here. Ordered a 9-inch spicy ‘nduja pizza for takeaway, it was still hot after a 10-min ride home. The base was thin and the crust was light and airy. Plenty of ingredients on top. Overall, a very authentic Italian pizza. Extra marks to the garlic and herb dip, it’s like the dominoes one, but lighter and a bit more sour which is even better IMO. This is definitely the best pizza in Kowloon. Will visit again soon!

難得有一間新Pizza店喺九龍城，仲要唔係大型連鎖店，點都要試一試味道先。平時開Party好鐘意叫Pizza，如果呢間好食，就有多一個選擇！今日大概晚上6:30到，都有4個人等緊pizza😯大家都好歡迎新開嘅Pizza 店，有人買單塊，亦有一行四人的家庭買大批。我今晚兩人吃，買一個9吋Pizza，一盒意粉加一個芝士棒小食，應該岩岩好。【青醬雞肉薄餅Pesto Chicken 9inch】$118香港少有的青醬薄餅，我本身好鐘意食青醬意粉，但就未試過Pizza。青醬本身係用蒜泥，羅勒，松子，橄欖油同芝士做成嘅，所以感覺好香濃，重重嘅芝士味。上面仲灑晒一啲松子，口感帶少少脆口。唔錯！pizza 仲會配埋一個青醬sauce，店員話俾我哋食到個pizza 麵包邊時可以點嚟食。sauce 帶咸咸甜甜，清新感覺，令沉悶嘅麵包邊可以有多一個食法。【伏特加醬長通粉Vodka Rigatoni 】$88長通粉偏大粒，中間嘅窿窿可以裝到好多醬汁。醬汁用伏特加醬來煮，帶少少酒香，配埋蕃茄醬。簡單嘅長通粉都好好食，幾有驚喜。【脆炸水牛芝士棒Mozzarella Sticks】$68好鍾意食芝士棒，因為熱辣辣炸

九龍城獅子石道新開了一間Piaaz 店，淡黃色的裝修顯得份外搶眼，店內地上貼了Pizza 形狀的圖案做點綴，坐位不多，但簡單整潔。各款Pizza 有9吋和 12吋選擇，也可以$28買一塊，今日試了款廚師推薦的招牌Pizza，以店舖名字為名的「MAMA MIA Pizza 」《MAMA MIA薄餅》$138以番茄醬、沙樂美腸、意大利辣肉腸、香腸和牛臉肉為主要餡料，上面撒有水牛芝士碎，味道非常夾，而餅底也很鬆軟，再加上蒜蓉香草醬汁，立即把味道的層次提升了。《卡邦尼意粉》$88意粉用特級初榨橄欖油烹製而成，內有意大利煙肉、蛋黃、巴馬臣芝士……打開時香溢撲鼻，意粉軟綿creamy 《余均益辣味雞翼》$78余均益辣椒醬可謂無人不識，這味水牛城雞翼用了余均益做亮點，先炸後上辣汁，雞皮炸至香脆可口，油而不膩，惹味可口，雞肉肉質嫩滑，咬開肉汁四溢，齒頰留香。而雞翼表面鋪上厚厚的紅色醬汁，加上余均益獨特的辣味，出奇地美味。

今日路過九龍城獅子石道，就被呢個黃色招牌吸引咗。其實吸引我嘅唔單只係大大個黃色招牌，最重要嘅係櫥窗內見到用真薄餅做嘅display，加上店內傳出陣陣烤焗嘅香味，就忍唔住落咗單。薄餅總共有10款口味可供選擇，而且亦有大批(12”)、細批(9”)、同單件裝俾你揀。除咗主打嘅薄餅之外，亦都有提供意粉同小食。仲有廣告牌教埋你可以自製6款唔同口味嘅薄餅，不過其實就冇特別再優惠價，因為$28×6=$168😅店內亦有自助點餐機，非常方便，但如果唔熟悉點餐機操作的話，亦可以搵店員落單。廚房呈開放式設計，望到入面非常乾淨整潔，並且隱約見到一位外籍廚師，雖然店舖冇特別介紹，不過相信呢度真係有意大利人親自主理。大概等咗10分鐘，就拿着外賣浩浩蕩蕩回家去。簡單如薄餅盒都有精心設計過，盒面上開個小洞，令新鮮出爐熱辣辣嘅Pizza喺盒內不會有太多水蒸氣，印象中連全港最大型連鎖薄餅店都冇呢個設計，可見店主嘅細心之處。而餐具就用上木製即棄餐具，減少對地球嘅污染。第一次幫襯，就一於揀咗呢度嘅招牌薄餅MAMA MIA!材料包括莎樂美腸、意大利辣香腸、香腸、牛臉肉，當然唔少得芝士同番茄醬。首先佢嘅批底不厚不薄，烘焙過帶點脆

屋企附近開左間pizza店，間中見到個好似意大利人既廚師，心思思去試一下，目測啲pizza似正宗做法，唔似港式咁舖滿晒料，試完覺得好有驚喜招牌薄餅mamamia!新野緊係試招牌先啦，佢用料好特別，有兩款腸同埋牛面肉，真係未食過牛面肉pizza , 每樣材料都好足料，個pizza邊好香口，配埋個醬汁，又唔同食法。余均益辣雞翼呢隻雞翼望落似水牛雞翼咁，成隻雞翼都包住一層橙色醬，食落味道係有層次，有啲咸，酸，辣，唔係好識形容，個醬既味真係未試過，好有層次。仲有個藍芝士醬，點埋黎食又有唔同層次。不過數量就少啲，多人就唔夠食啦。卡邦尼意粉呢個本身無咩期望，見佢啲汁都好濃厚，肉粒似傳統做法，係厚條既（唔係普通煙肉），個意粉一入口係有蘇味既芝士味，好大膽呀，可能好多人會食唔慣，但呢啲先係真正芝士味呢，仲食到蛋黃香味，意粉硬度不錯，唔會因為外賣就淋晒，好有驚喜，男朋友食唔停話好鐘意，真係用蛋黃去煮個汁完全覺得佢唔會因港人口味而將就。

收工行過見到門面同pizza幾吸引下，仲要係外藉人士主廚整，即刻想懷念下意大利旅遊時食既pizza。即叫即整，候時10-15分鐘，座位唔多，買返屋企食仲熱仲脆。🥢招牌薄餅 MAMA MIA 9 inch 🥢 $138正宗既意大利pizza同香港真係好唔同，係勁薄且硬到脆。辣肉腸、烤牛肉，肉粒，薄餅醬料唔多，味道來源主要係芝士同肉，特別係辣肉腸，鹹香微辣，加埋油脂既香味，豐富左個味道。🥢卡邦尼意粉 CARBONARA 🥢 $88唔係出面食開果勁creamy 既意粉好唔同，芝士相當重量，芝士既油香又膩，令人又愛又恨。🥢燒烤醬雞翼 BBQ Chickens 🥢 $68雞翼就肉嫩juicy，係好食既，比起pizza同spaghetti味道上就無特別過人之處。

九龍城終於開pizza店😍🍕。餐廳裝修以🧀為主題。座位不多，以外賣為主。🍕Mama Mia! 薄餅（9吋）$138 主要配料係番茄醬、莎樂美腸、意大利辣肉腸、香腸、牛臉肉。呢款啱晒食肉獸🐯。三款香腸味道濃郁，各有風味。撕成細塊嘅牛臉肉口感軟腍。加上番茄醬口味酸甜開胃。🍝卡邦尼意粉 $88香濃幼滑又有好香巴馬臣芝士味，煙肉粒增添香氣。🌶余均益辣味雞翼 $78每隻雞翼都沾滿大量辣椒醬。而醬汁味道同一般水牛雞翼醬亦有唔同。余均益辣椒醬味道較柔和，辣度唔高。但酸味同辣味平衡得好好，亦有少少蒜香。

呢間新餐廳主打外賣pizza 同pasta，都有少量座位裝修己有辨識度，最鍾意部飲品機(如圖)，btw見佢有tiramisu!!! 🍮😍：-1️⃣「MAMA MIA!薄餅🍕($138)」-有牛面肉同辣肉腸🥩🍖，食落鹹香鹹香，仲有芝士同番茄醬🥫，個人幾鍾意個餅底，中間唔會好乾，但邊邊就好脆！仲可以沾香蒜醬食🧄如果更多芝士就正🧀！~ MAMA MIA! Pizza: salami, pepperoni, beef cheek, cheese and tomato sauce as toppings 👍🏻-2️⃣「卡邦尼意粉🥓🍝($88)」-睇住廚師煮👨🏻‍🍳，食落好creamy，煙肉好香唔會好乾味🥓，麵條都ok有咬口，不過芝士味有啲膩🤪~ Carbonara: bacon with cheese

同朋友黎到九龍城揾食，見到一間門面黃色有個人食緊pizza既店舖，好似幾特別甘，入面堂食坐滿左人，所以我地決定叫外賣拎走，餐廳採用自助落單形式，有10款之多既pizza口味選擇，款式選擇多，卡邦尼意粉蛋黃醬味濃郁，煙肉厚切，不過就燶左少少12吋pizza大大個，mamamia批涵料比較特別用左牛臉肉同莎樂美腸，比較重口味，即叫即制，意大利外藉廚師制作余均益醬汁雞翼辣得幾過癮中式辣醬煮落雞翼度又幾岩味，配埋blue cheese醬又幾夾，個cheese醬汁。

黎到出名多抵食餐廳的九龍城，今日就去左間以醒目黃色門面同簡潔裝修的pizza店叫mamamiai! 新開張的鋪頭在當眼位置擺左4-5款pizza 做display，見到實物容易啲揀心水! 可以去自助點餐機點餐，快捷方便，唔識用點餐機都可以去人手落單，好好禮貌的～店員話即叫即製所以要等候15分鐘，我40分落單55分就拎到Pizza，絲毫無差，勁！今次就pizza, pasta, 小食各試一樣mamamia 9寸的招牌薄餅有我至愛的辣肉腸及濃濃的芝士，芝士勁香! 加埋牛肉同香草食落口感層次豐富，餅皮一咬落去脆脆地，再食落去又煙煙韌韌，成個pizza都好好食👍🏻卡邦尼意粉卡邦尼醬汁濃稠，意粉有咬口唔會過腍搞到一pat pat，加上有咸香的碎煙肉增添口感，整體不錯～余均益辣雞翼橙橙紅紅的雞翼食落過癮刺激，香辣平衡得黎帶點酸，味道豐富👍🏻

Mama Mia九龍城開咗間新嘅外賣Pizza店連改個名都特別得意叫Mama Mia😝Mama Mia! 薄餅🍕番茄醬 莎樂美腸 意大利辣肉腸 香腸 牛臉肉第一次食用牛臉肉做Pizza餡料 好特別真材實料 加入辣肉腸 辣辣地令Pizza更加惹味所有Pizza都會撒上水牛芝士碎同蒜蓉香草醬呢個配搭比其他連鎖Pizza店更加好味余均益辣味雞翼🐣竟然有個同老牌辣椒醬余均益Crossover雞翼製法同水牛城雞翼差唔多但加入左呢隻辣椒醬之後令到呢隻水牛城雞翼不再普通仲跟埋藍芝士醬芝士味好香 建議點埋一齊食😛卡邦尼意粉🍝意粉煮得Al dente而且加入特級初榨橄欖油 巴馬臣芝士 意大利煙肉令到個味更加香

今日行過九龍城見到間新開嘅Pizza裝修得好靚而且仲好funny😍有個自助販賣機喺門口，而且入到有個大玻璃可以望到廚師整嘢食👍點左卡邦尼意粉🍝，用上意大利煙肉，蛋王，巴馬臣芝士同埋初榨橄欖油緊成，真係好creamy好好食呀，每條意粉都吸收晒蛋黃汁❤️❤️超正囉😃余均益辣味雞翼👍個名好好笑，老闆超級介紹我哋食，佢話隻味就好似水牛芝士嗰隻辣味，已呢隻辣醬係佢哋自己親自調配架，果然食囉有啲似水牛芝士嘅辣，但係又帶點新意🥰加上雞翼趣卜卜，酸酸甜甜，食極都唔停口呀😝最後一定要喺度嘅招牌Pizza🍕嗌左signature MAMA MIA pizza😝材料有勁多，有巴馬臣芝士，辣肉腸，牛面頰，番茄醬👍全部都係我最鍾意食嘅材料，而且Pizza有分兩個尺寸，我哋嗌左個細嘅，點知打開都勁大個，好足料👍

今日去九龍城攞文件 然後趕返屋企開視像會議 時間太趕嚟唔切坐低食嘢 驟眼見到獅子石道開咗間外賣自取薄餅店 嗱嗱臨揀兩款件裝薄餅拎返屋企-薄餅口味有肉有素 其中兩款坊間比較少有 就係青醬雞肉薄餅同新豬肉薄餅 可以逐件買 亦可以自由組合 $168有六件 一次過試六款口味 正呀🥰☺️-🍕🍃#Margherita 每件$28簡單用水牛芝士 羅勒同蕃茄底醬 薄餅細件薄身 酸酸地味道清新-🍕🍄#Porcini 每件$28唔係獨沽一味淨係得牛肝菌 仲有日本香菇 白菌 搭啲迷迭香蒜蓉百里香草 味道唔單調 想重口味可以補錢追加黑松露醬-📍#Mama Mia!九龍城獅子石道44號A地舖

主打的pizza非常一般，而且等咗好耐，另外叫咗個mac & cheese，收$88，serving size、外表同味道完全失望，個面焗到超乾，完全唔合格，所以應該冇下次。