影片
港鐵銅鑼灣站 D4 出口, 步行約2分鐘
繼續閱讀
營業時間
星期一至四
12:00 - 22:00
星期五至六
12:00 - 23:00
星期日
12:00 - 22:00
公眾假期
12:00 - 23:00
以上資料只供參考, 請與餐廳確認詳情
食家推介
After MK shopping day, we choose to eat crab. The holy crab NUMBER ONE~Box 6 Appetizer: 蟹肉玉子燒 蟹子日式凍豆腐 柚子醋海藻沙律 虎蝦配芒果慕斯 酸辣羅勒海蜆 海鹽枝豆。蟹肉玉子燒實蛋帶甜，蟹配蔥幾涼鮮味，但份量細。蟹子日式凍豆腐好重芝麻汁，好食又有少少豆香同小魚子。柚子醋海藻沙律好海水味帶微酸，好開胃同爽口。虎蝦配芒果慕斯，依個比上一個酸但有果味，好似有d辣辣地，蝦都厚實彈爽！酸辣羅勒海蜆好泰國菜，好食無沙！仲有酸辣汁點蜆鮮點。海鹽枝豆就有d瘦 縮水，普通。芝士蟹肉釀蟹蓋配三文魚子和白飯魚乾片，芝士蟹肉釀蟹蓋讚！好多芝士同蟹肉絲。怕太芝士？可以配火箭菜，配下蟹肉中和同更有口感。白飯魚乾片好脆，薄薄地，好重魚香。依加好正，啖啖肉，好好食。MASTER海鮮膏蟹拼盤配惹味香草牛油汁，係法國膏蟹！之後講，帶子好多，細細粒，夠辣味。蝦好吸味，爽口既，夠肉感。蜆肉仲多汁，有d似小蠔仔！青口最好食，夠大同一吉就去殼食得！底下有小椰球 小蘿蔔 栗米，栗米好甜，薯仔同魷魚，好似狼牙棒！哈哈，有菜中和肉食，nice呢。法國膏蟹係今次主菜中主食！係時候帶上手套ko蟹肉！比芝士蟹肉釀蟹蓋更加dd肉，但難開，要細心d開，好彩有夾開。膏好多同因爲配辣汁，所以唔會太油同太飽！蟹肉芬奴意式烤麵包 Crab Fennel Italian Baked Bread，用雲石碟上好文青，影相！好似吞拿魚咁，但蟹肉淡過鹽水味。多蟹肉配蕃茄。依個清清地又有蟹絲。Dessert都會有蟹嗎？係雲尼拿彩糖雪糕，粉藍色好靚。
繼續閱讀
頭盤六小缽,有蟹肉玉子燒,蟹子日式凍豆腐,柚子醋海藻沙律,虎蝦配芒果慕斯,酸辣羅勒海蜆,海鹽枝豆,頭盤配菜開胃醒神,最好味係玉子燒,海蜆都唔錯,而蟹肉芬奴意式烤麵包都好正,Ｄ蟹肉多到醬咁鋪滿麵包上面仲有芝士蟹肉釀蟹蓋,Ｄ蟹肉又係塞滿成個蟹蓋,再加埋又脆又香既白飯魚乾同鮮味既三文魚子,絕配到主菜海鮮膏蟹拼盤配惹味香草牛油汁,半隻麵包膏蟹份量岩岩好,不會太濟,其他海鮮配料有青口有蜆有八爪魚有帶子,仲有Ｄ配菜如薯仔栗米等抹茶甜品-剛好中和之前既主茶味道,配合得宜。
繼續閱讀
Master Kama早早就已經喺我個to go list上面，朋友約我嚟呢度食飯我當然即刻話好。牆上嘅logo寫住「love at first bite」，冇誇大啊［Holy Crab，$538］我就最鍾意叫set㗎喇，又唔洗揀，又抵食啲。呢一日就同朋友叫咗呢個兩人餐，都幾豐富啊［六小缽］呢六款前菜包括有海鹽枝豆、酸辣羅勒海蜆、虎蝦配芒果慕思、柚子醋海藻沙律、蟹子日式凍豆腐、蟹肉玉子燒。其中我最鍾意個虎蝦，好鮮味好爽；海蜆亦都又好味又大隻，酸酸辣辣咁好開胃［芝士蟹肉釀蟹蓋］個蟹蓋充滿左蟹肉沙律，creamy得嚟又食到蟹肉鮮味，加埋三文魚籽一齊食就口感更加清新。另外好特別嘅係，上面嗰塊脆片係白飯魚乾片嚟㗎，食落非常香口又唔會腥，正［Master海鮮膏蟹拼盤］呢個拼盤除咗有眼見嘅膏蟹、帶子、青口、蜆、海蝦之外，底下仲有大量蔬菜，好健康啊。香草牛油汁帶微辣，帶出海鮮鮮味，亦令甘荀、薯仔等蔬菜更加惹味海鮮全部都大大隻，而且食得出非常新鮮膏蟹更加係名副其實好多膏［蟹肉芬奴意式烤麵包］麵包烤得幾脆身，而蟹肉份量都幾多，少少嘅車厘茄同洋蔥令個蟹肉醬冇咁漏，整體幾清爽［抹茶蕨餅］軟綿綿嘅抹茶蕨餅配黃豆粉，再淋上黑糖漿，唔會太甜，非常好味，但如果再煙韌啲就更好
繼續閱讀
好不容易等到秋涼了, 真係望穿秋水, 這幾天的天氣令我時刻都心情好好, 胃口同樣大開, 預算冬天發胖的日子又將到來了. 外出吃飯, 仲要計埋肥唔肥既問題又太無癮了, 不過今餐應該絕對可過關, 因為我們來到銅鑼灣的Master Kama食蟹宴. 位處商廈之中, 乘電梯到4樓, 一出門就看到藍白色的燈箱和璧畫, 配合格仔牆磚, 都幾有潮味和型格. 店內風格走西日文青路線, 簡約不花巧, 並以大量小飾品點綴, 營造小清新氛圍. 難得是平日, 又是樓上鋪, 但卻人流甚多, 而且食客都以年青上班族為主, 放工後相約三五知己, 閨密來品嚐美食, 自己身在其中, 頓時也感到年青了. Master Kama供應的是阿拉斯加蟹和法國膏蟹, 而且更推出了兩款蟹套餐, 以Holy Crab為題, 分別在於一款是海鮮膏蟹拼盤, 而另一款則是雪塲蟹海鮮火鍋. 每款套餐都有頭盤, 蟹蓋小食, 主菜和甜品, 美中不足是沒有包括飲品. 我們不太喜歡火鍋吃法, 於是決定選擇Holy Crab. One ($538), 這是二人份量的海鮮拼盤和套餐.頭盤: Box 6 Appetizer 六小砵 以六格木盒盛着6款不少的涼拌前菜. 分別有: 柚子醋海藻沙律 蟹肉玉子燒 酸辣羅勒海蜆 虎蝦配芒果慕絲 蟹籽日式凍豆腐 海鹽枝豆虎蝦配芒果慕士好清新, 去殼虎蝦伴以蕃茄莎莎, 底層是酸酸甜甜的芒果慕絲, 味道很豐富, 十分fresh和開胃.蟹肉玉子燒, 蛋厚而滑, 質感鬆軟, 蛋香濃郁, 但蟹肉味道不太突出. 蟹籽日式凍豆腐, 配上胡麻醬, 豆腐冰凍香滑,蟹籽增加口感和鹹鮮味道, 十分美味.酸辣羅辣海蜆, 有泰式味道, 羅勒葉炸過, 清香薄脆都幾特別. 蜆也不細隻, 肉質有嚼勁, 酸辣開胃. 小食一: 芝士蟹肉釀蟹蓋 (配三文魚籽和白飯魚乾片) 原個蟹蓋填滿蟹肉, 面層鋪上芝士一起焗, 用附上的小餐匙一羹羹吃, 啖啖蟹肉充斥口腔, 芝士味香濃creamy, 蟹肉柔滑不乾, 相當令人回味. 點綴以白飯魚乾拼成的魚乾片, 都幾有趣, 但又令我有一點密集恐懼XD...不過炸過的小魚相當香脆, 鹹鮮鬆化, 跟蟹肉的鮮甜相得益彰. 伴碟是微苦澀的火箭菜, 正好能減膩, 帶出層次感. 小食二: 蟹肉芬奴意式烤麵包 蟹肉的味道基本上跟釀蟹蓋差不多, 只是少了芝士味, 多了香草味道. 相對較乾身, 沒太多忌廉,意式麵包式頗具韌性, 似法包, 並非香脆型, 嚼勁不錯. 味道清淡.主菜: 海鮮膏蟹拼盤 (配惹味香草牛油汁) 海鮮拼盤尤如一個大集會, 以深碗盛載着, 鋪上洋化的牛油紙, 內裡有着很豐富的海鮮和蔬菜.逐樣拿出細數, 分別有半隻法國膏蟹, 2隻大蝦, 扇貝, 大蜆, 魷魚, 青口, 另外還有些甘筍和粟米作配菜.主角當然是法國膏蟹, 切了幾份, 可見紅褐色的蟹膏佈滿在蟹肉上, 蟹蓋也充滿了蟹膏, 可用匙刮出來吃. 蟹肉很新鮮, 一絲一絲的充滿彈性, 而蟹箝也很大隻, 啖啖肉, 鮮味突出. 至於蟹膏跟平時吃開的本地蟹不同, 屬紅色硬膏, 口感結實, 脂香都頗濃郁. 我就一向喜歡吃肉多於膏, 這些膽固醇留給另一半啦~ 其他海鮮也夠新鮮和彈牙, 其中以魷魚的口感最為突出, 彈性十足, 一點也不會韌, 魷魚鮮味也很出色. 配上微辣的香草牛油汁, 都幾惹味. 不過若然汁料是分開會更好一點, 吃時才自己加入, 因為吃到後來感覺全個拼盤也是同一種味道, 有點單調. 甜品: 日式厥餅 雖然跟西化的海鮮餐有點格格不入, 但反正是Fushion菜, 也沒有關係. 軟糯的厥餅配以黃豆粉和黑糖漿, 是最傳統吃法, 厥餅清淡中帶微澀, 配上同樣淡味的黃豆粉, 不過甜又能解之前的濃味, 不錯.十月又是食蟹季節, 但大閘蟹近年屢爆問題, 沒有太放膽去吃, 解解蟹癮, 向洋蟹入手都頗有新鮮感. Holy Crab套餐以外, 還有不少單點美食, 見鄰座兩少女點了龍蝦飽, 賣相吸引, 價錢只要二百多元也很合理, 有機會要一試.
繼續閱讀
朋友帶路到了一間樓上日本料理店食野，聽說網上好評如潮，其主打龍蝦，蟹等海產食材，最出名龍蝦包，所以例牌點了龍蝦包和朋友share，留肚再食其他好野呀😉點了大阪燒，雞軟骨餃子，正常水準，無驚喜💥另外見廚師推介海鮮拼盤，裏面有蟹，蝦，蜆，魷魚，薯仔，紅蘿蔔，雜菜等，少少胡椒辣味既配合，幾惹味，類似冬陰功，喜歡呢種味道既朋友仔一定會鍾意]主角來了，賣相相當不俗，好重蒜香牛油味，不愧為招牌菜，麵包經過烤焗脆口暖暖的，感覺不像之前在東京名店Luke's Lobster吃過的那樣，蝦肉新鮮，口感不錯，拼薯條一set幾好👍🏻👍🏻]餐廳類似樓上cafe，佈置簡單不迫陋，和朋友係銅鑼灣又多了一個聚腳點啦，如大家去master kama的話，首推龍蝦包啊，必食之選 !
繼續閱讀