Mata Japanese Cuisine

營業中

休息中

長沙灣廣場雖然比較老化，但擴充之後加入咗唔少新食肆，當堂變得年輕好多，其中一間係日式居酒屋 Mata Japanese Cuisine。👘🎎餐牌發現罕見嘅素關東煮 $88，真漢子問過店員，湯係醬油湯底係冇肉嘅。有年糕福袋，雞蛋，冬菇，蒟蒻，蘿蔔，蜂巢豆腐，紹菜。店員會先問食唔食蔥，食就加入大量嘅洋蔥絲。另外送兩款前菜，一碗小町米飯。午巿同晚巿都有供應，一個人食非常夠飽。不過個湯就比較清淡嘅，可以依自己喜好加啲調味料。😅除咗清酒，cocktail ，啤酒外，佢都有啲靚靚飲品，適合唔飲酒嘅朋友。例如呢杯 Fuji mountain $48，除咗靚都好好味，有嘅似飲緊益力多。🍸🍹有酒飲當然都有好多佐酒小食啦，食素嘅朋友都唔愁冇嘢食：🫛 怪味枝豆 $48怪味其實係來自鋪面嘅呢堆嘢，應該係洋蔥，辣椒之類，用麻辣醬炒過，非常惹味，送酒一流。至於呢堆嘢我問過店員係冇肉嘅，大家可以放心食。☺️⬜ 椒鹽玉子豆腐 $48雖然係椒鹽，但唔重口味亦唔太咸。切到細細塊，一口一件啱啱好。👄🍡 燒年糕一串 $28其貌不揚嘅年糕，竟然好食到定唔到口。表面燒到脆脆哋，咬落去煙煙韌韌，加埋燒汁真係非常好味道。😋素食嘅小食仲

知道荔枝角長沙灣廣場3樓開咗好多唔同嘅餐廳，於是上去一探究竟，經過見到一間居酒屋叫Mata japanese cusine 好多人食裝修精緻，一個人me time,叫咗佢哋嘅Cocktail,爆蔥慢煮牛舌丼，兩串串燒。餐廳特色Cocktail用上唔同顏色做主題，我今次叫咗個藍色，用上荔枝，菠蘿，vodka及Blue Cacao,飲落口唔算非常重酒味，適合女士。京蔥慢煮牛舌丼亦係依間餐廳招牌菜式師傅用上超過五小時時間處理包括3小時慢煮配上麵豉汁京蔥，厚切牛舌唔會韌非常容易咬開配上京蔥，個人非常喜歡。燒年糕及燒雞翼串燒翼10分出色，年糕搽上燒汁煙韌度十足，燒雞翼翼燒得非常香脆簡單加上鹽及檸檬已經非常惹味。最後不得不提餐廳附送的花生酥，係我喺香港食過最酥脆嘅花生酥，可以講係入口化開，包保你有驚喜。

今日響附近做完facial同整指甲順便約咗男朋友響附近食晚飯試吓新嘢，費事來來去去都係食屋企附近嗰幾間~ 上OpenRice見到呢間都幾多好評同埋近地鐵站，一於試下~ 可能因為依頭辦公室多，人流集中響食晏時間，我哋夜晚嚟唔算多人，肚餓嘅我哋好快就坐低咗叫嘢食~ 呢度啲職員都好Nice，介紹咗幾樣必食既野俾我哋，反正我哋都冇乜頭緒要食乜，一於就跟佢推薦~ 其中令我印象最深刻嘅就係右口魚，因為第一次聽，之前淨係食過同埋聽過左口魚，估唔到原來有右口魚依樣野職員話右口魚係肥美過左口魚，食落油香味更加重，佢果然冇介紹錯，d魚一入口，脂肪已經半溶於口，好邪惡不過真係好香好好食嚟到呢度一定要試另外我哋都食咗好多人話唔錯嘅味噌煮牛舌，牛舌炆得好淋所以的確幾好食，不過右口魚已經令我太驚艷所以成餐飯都回味緊佢另外呢度都提供七彩顏色嘅Cocktail，仲會用好得意嘅酒杯裝住，本身都怕飲落似藥水味會好奇怪所以我哋淨係叫咗一杯試吓，點知飲落係好自然清新嘅果味，搞到男朋友忍唔住叫多杯試多個味~ 總括嚟講餐廳非常值得一試， 有下次

長沙灣廣場好多平民美食，而MATA呢間居酒屋質素好高，但價錢只屬於中常，無論環境同擺盤都好精緻餐廳幾年前做omakase起家，儲落唔少熟客，喺度食嘢仲會送每人一份花生酥，係以前omakase set嘅其中一款甜品，入口即溶極鬆化，佢哋禮盒預訂嘅需求非常大，所以開設工場，順便轉型做日式fusion菜，喺長沙灣廣場服務荔枝角居民雖然我哋今日冇飲酒，但都叫咗啲日式送酒小食，蕃薯 Crème Brûlée都係必食推介！！雞皮薯片 $68用咗雞髀嘅雞皮，大大塊咬落去脆卜卜真係好似薯片咁！柚子胡椒雞頸肉 $58/2串雞頸肉爽口多汁，油香爆棚，柚子胡椒酸酸甜甜，冇平時食開咁辣咁啃，夠fresh幾好👍🏻吉列黑豚肉配小町米飯 $98呢間居酒屋唔止得送酒小食，如果想食飽醫肚一樣好多選擇，有拉麵、丼飯、意粉等等，我哋揀咗吉列黑豚肉，肉質超級鮮嫩，吉列皮入口即溶好酥脆，連埋椰菜絲一齊食，完全唔會覺得油膩蕃薯 Crème Brûlée $68竟然係原個番薯做器皿裝燉蛋🤤 番薯本身已經好香甜、燉蛋奶香、焦糖焦甜，三種甜味各有特色但零違和感！味醂魚乾 $88魚乾鹹鹹甜甜，好好咬可以慢慢食住傾偈真係好啱送酒洋甘菊茶

成日都話長沙灣有好野食今日就發堀到一間位於長沙灣廣場既日本居酒屋環境都幾大 餐廳分為兩邊想有情調啲飲下酒 就可以坐入店內燈光較暗 談心一流😳想三五知己傾下計坐得闊落啲 坐店外既位置就岩曬喇 環境寧靜舒適👍🏽坐低後第一個感覺係店員好有禮貌亦會耐心同我地講解每一道菜既特色黎得居酒屋 當然要飲下酒喇食主食前 店員都為我地介紹左幾款清酒 心大心細既我最後揀左一款容易入口 較甜既清酒🍶清酒有好多選擇 岩曬係酒鬼既你!前菜係佢地自己醃製既柚子蘿蔔同中華沙律個柚子蘿蔔味道清爽 酸酸甜甜 好開胃🤤鱈魚片份量好足 唔會食幾塊就無曬🤣脆卜卜加上個蛋黃醬 食唔停口🤭叉燒醬和牛串和牛既肉質淋得黎有彈性 表面搽左一層薄薄既叉燒醬 甜甜地 唔會蓋過本身和牛既肉味亦帶出和牛本身既juicy 將味道提升左一個層次~素菜關東煮E個關東煮用左七種素既配菜每樣都好入味 古法製南蠻雞👍🏽👍🏽E個招牌菜推薦大家一定要試聽聞係店主係外地拜師再自己改良既做法🤭夠曬用心平時食既南蠻雞通常都係炸但佢e個竟然係用煎既方法先用醬汁醃 再拎去煎 最後加入黑醋汁 外皮少少脆得黎又鎖得住d肉汁 仲要無骨 啖啖肉甜甜酸酸 送飯一流😍加埋必配既蛋沙

朋友知道我喜歡吃日本菜，今日特登帶我去試佢讚口不絕嘅居酒屋。先叫了兩個飲品，打卡超靚的Fuji Mountain 和Mata Punch。兩款果味香濃亦相當清新。兩個人試了幾道菜，真心有驚喜。1）炸日本明蝦白蝦來自北海道，炸得鬆脆甘香，可以連殼一齊食，加上海鹽，佐酒一流。 2）雞胸軟骨串平時外面叫雞軟骨串就只係得雞軟骨，但今日食的是一塊軟骨一塊肉串起來，兩種質感加埋又沒有燒得太乾仍然保留到肉汁，好味! 3)海膽汁燒蠔驚喜之作，汁燒三大隻生蠔，不是普通日式醬汁，而是海膽製作的汁醬放在生蠔上來汁燒，生蠔淡淡的鹹鮮，加上甘甜香濃的海膽，每一口味道也有不同層次，兩者交集在一起堪稱絕配。4)爆蔥慢煮牛舌丼份量都幾驚人，厚厚的一層日本大蔥，下面四件有成cm厚的牛舌鋪在飯面，份量相當充足。店員介紹由食材處理直至慢煮完成，全程大概需要三個多鐘，烹調手法傳統，係手工菜。牛舌口感軟嫩，單獨會吃到吃到淡淡的麵豉味，但夾雜大蔥一齊食又各有風味。牛舌的脂香加上大蔥嘅清新，真心推介。絕對不能不提碗飯，日本麵豉嘅味道就響呢度發揮更明顯。整體幾樣食材嘅味道各有特色，又不互搶，但加起嚟嘅層次威力就絕對感覺到大廚嘅誠意。

今晚放工約咗朋友去荔枝角站長沙灣道833號長沙灣廣場3樓303號舖食日式晚餐，店名叫‘Mata Janpanese Cuisine’ 店舖面積大約可坐四十人左右，店內有酒吧枱及四人餐桌，我同朋友6:00 pm 去到但大部分已經full booking 所以我地只能坐酒吧枱，因為坐酒吧枱面向店舖老闆所以我地品嘗食物嘅同時亦能即時給予老闆食物質素嘅議見，這體驗非常有趣。我地坐底後老闆先放上前菜有酸蘿蔔，海帶，及餐飲 wasabi 雞尾洒這款酒味道清新唔辣送小食一流👍之後送上四款小食，一碟飯及一款甜品。第一款小食鱈魚片配七味粉芝士醬 $68入口鬆脆，鱈魚片本身比較淡味加入七味粉芝士醬後，不但夠脆口感亦豐富。第二款小食雞屁屁一串$48 老闆話係雞尾嘅上方位置，雞肉嘢味入口鬆軟。第三款係海膽燒汁蠔 $198 共有三隻蠔，蠔上面放滿海膽非常吸引味道濃郁。第四款係腐乳豬䐁兩串 $88 肉質厚身味道清甜如果再加多d腐乳會更嘢味。之後叫咗一碟Mata炒飯 $108 其實係豬油渣炒飯，豬油渣擔擔油香炸豬油咬落香脆配飯一流。最後係自家制甜品送嘅不用收費，花生脆餅兩塊咬落似花生酥上面有兩粒花生，香脆可口花生味

長沙灣廣場3樓，裝修後轉左幾間食肆，可能位置問題，估唔到星期五晚都比較冷清。前菜：有枝豆同蘿蔔刺身沙律🥗 - 刺身新鮮，因為有橙，所以沙律味道係甜甜酸酸叉燒和牛串 - 味道濃郁，有入口即溶感覺😍三文魚腩串 - 三文魚肉質嫩滑細膩、口感豐富！生蠔🦪- 肉質鮮美，多汁，但$78一隻略嫌稍貴豬骨湯拉麵 - 只有拉麵同配料（粟米同海苔），味道都OK日式叉燒拉麵 - 湯底濃郁，味道比豬骨湯拉麵更濃，拉麵彈牙。芝士甲羅燒蟹肉意粉 - 蟹肉鮮甜，加埋濃郁芝士，令一碟簡單嘅意粉變得口感豐富。原條魷魚 - 新鮮、肉質彈牙、份量都大。可能人客不多，環境清靚。值得一讚嘅係既職員服務很好，一餐晚飯時間，職員會常常過嚟睇下需唔需要加茶👍🏻另外，因為杯茶唔係一般嘅綠茶，而飲落又真係幾好味，所以忍唔住問職員😂，原來係玫瑰伯爵茶☕，不過佢話每晚都有機會唔同的。

首先，讓我們來品嚐炸獅子狗。這道菜以鬆軟的獅子狗包裹著香脆的外層，每一口咬下去都能感受到肉汁的爆炸。接著，我們來品味三文魚腩串。這道菜以新鮮的三文魚腩串燒至金黃酥脆，外層酥脆內裡嫩滑，搭配著微妙的燒烤香氣，讓人欲罷不能。每一口都能感受到三文魚的鮮美與嫩滑口感，絕對是海鮮愛好者的最佳選擇。接下來是燒雞胸軟骨。這道菜以嫩滑多汁的雞胸肉搭配著香脆的軟骨，口感豐富且層次分明。經過燒烤後，雞肉散發出的獨特香氣讓人垂涎欲滴，而軟骨的酥脆口感更加增添了食欲。接著是燒腐乳松板豬。這道菜將豬肉與腐乳的風味完美結合，讓豬肉更加鮮嫩多汁，且腐乳的獨特風味能夠提升整道菜的層次感。豬肉的外層燒至微焦，內裡鮮嫩多汁，每一口都散發出濃郁的腐乳香氣，絕對讓人回味無窮。還有是南蠻雞塊。這道菜以嫩滑的雞肉塊搭配麻辣醬汁，帶來一股香辣的風味。雞肉的外層炸至酥脆，內部保持著嫩滑的口感，搭配上辣椒和香料的調味，絕對是辣味愛好者的最愛。最後甜品番薯 入面有布甸咁好好食仲有兩杯燒酒配襯，簡直一流！

Located in Lai Chi Kok, this Japanese restaurant is a hidden gem that offers an authentic and delightful dining experience. With a wide range of dishes to choose from, you can indulge in a variety of flavors that showcase the best of Japanese cuisine.One of the highlights of this restaurant is their Fried Burdock Root (炸牛蒡). This dish features thinly sliced burdock root that is deep-fried to perfection, resulting in a crispy and flavorful appetizer. The natural sweetness of the burdock root shin

荔枝角好多寶藏食肆~今日嚟到地鐵站同巴士站隔嘅長沙灣廣場3樓食野。估唔到商場入面都有價錢平民嘅居酒屋坐低嗌咗個炸獅子狗送酒先~香脆惹味，送酒一流見佢啲Cocktail咁特別，嗌咗兩款有橙色同藍色橙色嗰隻重酒味啲，藍色就甜甜地啱女士飲，vodka base都唔會好難入口清酒煮蜆啲湯好清甜，蜆肉大大隻~黑胡麻醬手撕雞配蕎麥麵第一次食黑胡麻醬，其實同白胡麻醬差唔多味🤣但係黑色又幾過癮！手撕雞唔鞋，好食~蕎麥麵好彈牙，配上佢哋自家調製嘅汁好開胃！燒豬肉串入口爽口，油脂豐富自家製花生酥連平時唔食花生嘅男朋友都覺得呢個花生酥入口酥化，香而不膩最後嗌咗個焦糖燉蛋番薯呢個配搭都係第一次食，凍嘅焦糖燉蛋配熱辣辣嘅番薯，冰火交融又幾特別喎！

D2 place做完present，同同事附近食下野，原來長沙灣廣場3樓裝修過 進註左好多餐廳，經過其中呢間日本餐廳見到LOGO同佈局都好特別，分左兩個不同格調:1.深宵居酒屋 + 2.小清新Cafe最後揀左小清新位置，第一個驚喜位出現 一坐低 就送上暖暖的玫瑰花茶🌹，攪到人地好期待呢餐飯💎Cocktail - 藍 $98Vodka + lychee + pineapple + blue cacao收工來到居酒屋 一於小酌兩啖放鬆下，有好多特色Cocktail，其中有種以9種顏色做主題 我地揀左藍色，用Sake杯杯上枱，以果味為主 再滲出微微酒味，易入口(最後比我獨自飲晒)🐟鱈魚片 $68第一碟上既菜式，份量都唔少 有十幾片，入口鬆脆 魚香味濃 下酒一絕，最誇張係...我食晒成餐飯 最後再慢慢嘆佢同Cocktail時 佢都仲係脆卜卜 唔知佢點整到咁，必點❗️🔥炙燒鰹魚刺身兩切 $98鰹魚魚味濃 魚皮滲出燻燒香氣，而魚肉半生 依然油脂飽滿軟滑，拌上醋麵豉+洋蔥做的醬汁 味美又開胃，店長哥哥話鰹魚係用禾稈草燻燒表皮 再運到香港🔥明太子翠玉瓜 (兩串) $58明顯自家調制的明太子醬 鹹香適中，

今晚又去返呢間位於荔枝角地鐵站長沙灣廣場嘅日本居酒屋"Mata Japnese Cuisine"’。除左鐘意佢食物夠創新之外，店員服務都好窩心，好有耐性為我哋介紹菜色又閒話家常一番，非常友善。cocktail 好具創意用左紅、橙、黃、綠、青、藍、紫..表達。上次試左‘’青‘’，今次叫橙(一盒)有gin、marashino、iced tea、orange juice 飲落似Earl Grey刺身沙律$138油金魚好肥美，仲有蘿蔔絲、蕃茄仔、生菜絲及啤梨。有啤梨好清甜伴埋和風沙律醬食開胃醒神叉燒和牛串燒$98叉燒醬入晒味與和牛融為一體好好味。醬油漬糖心蛋鴨湯拉麵$88鴨胸肉好多塊厚切又夠林，麵夠彈牙湯底濃甜茄子大阪燒$78一般出面大阪燒都係用粉漿，但呢度只係用蛋和茄子，所以蛋香味濃烈。食埋甜品蕨餅（抹茶+黃豆粉)$68大滿足

同朋友約咗喺附近行市集，朋友上次食過話好食，就帶咗我嚟呢間日式小店。😋前菜係糖漬蘿蔔同枝豆，糖漬蘿蔔好爽脆，酸酸甜甜; 枝豆唔係白烚咁簡單，經過簡單調味，仲食到豆香。飲品我地叫左一杯Pineapple Coco$48同埋Apple mojito$48。兩杯飲品都係有水果成份，所以飲落好清新，而且大大杯。無幾耐鱈魚片$68就到啦！份量唔少，有成十幾片，食落口估唔到係脆卜卜㗎！點埋蛋黃醬一齊食，又係第二個味道。錫紙牛油雜菌$48，顧名思義嚟到你嘅面前都仲係攞錫紙包住嘅，打開咗少少啲菇嘅鮮味已經飄緊出嚟。我鍾意佢嘅黑椒撈埋少少焗完雜菌嘅菇汁，打斜隻碟用匙羹筆出嚟飲真係好鮮。大吟釀煮蜆$168，蜆肉份量慷慨，蜆肉肥美脹卜卜，蜆肉精華流入湯汁同清酒煮埋一齊，聞到清酒味好香，個湯非常香甜，蜆肉除咗脹卜卜之外，食落仲好有海水味。本身唔知啲嘢食咁大份，驚唔夠飽仲叫多咗個醬油漬糖心蛋鴨湯拉麵$88，食完個大吟釀煮蜆已經飽飽地。🥲我嘅習慣食拉麵一嚟係要飲湯先嘅，鴨湯好甜，好清，唔油膩，一唔小心，已經飲咗半碗😂。鴨胸仲有足足六塊！糖心蛋唔係半隻，係足足一隻，非常入味；拉麵口感軟硬適中，而且湯汁掛喺拉麵上面一

今日為咗慶祝朋友生日，約咗一齊去位於荔枝角嘅長沙灣廣場食，原來裡面有間具有特色嘅Fusion日本餐廳。😃📍 Mata Japanese Cuisine (荔枝角)荔枝角長沙灣道833號長沙灣廣場3樓308號舖🔻1. 雞皮薯片✨脆卜卜，油而不膩，食完開哂胃🔻2. 花椒枝豆+醃蘿蔔✨枝豆麻而不辣，會食上癮🤪🔻3. 吉列池魚扒配脆炸甜番薯條✨邊會估到Fish & Chips都會有咁多花臣😛佢比一般fish & chips 用嘅鱈魚滑身好多，魚香味滲透。佢地嘅自製他他都好出色，平衡返酥炸嘅野食。🔻4. 古法制南蠻雞✨上面係秘製蛋沙律和椰菜絲，俾我清一清味蕾。老闆話呢款汁加咗醋而成，配上嫩滑雞髀肉，唔怪之得食落咁開胃。同師傅傾落，原來已經係失傳嘅做法，唔怪之得同出面食嘅係有啲唔同。🔻5. 茄子大阪燒✨用茄子加多嚟取替大阪燒用嘅麵粉真係好有創意，食落又真係似模似樣🤣再加上大阪醬同木魚，做法一絲不苟，係唔係素食者都必點嘅手工菜而今次試咗兩隻Cocktail各有特色，而且都好易入口🍶🔻6. 青✨用青蘋果、菠蘿、Wasabi，並用Volka底調配而成，好有清甜嘅感覺，更有wasabi 微微嘅後勁。大推🎉