Mata Japanese Cuisine

營業中

休息中

長沙灣廣場覓食發現原來有間隱藏左嘅居酒屋喺三樓！環境雖然一眼睇曬但好有feel！有唔同嘅酒/無酒精飲品Fuji mountain $48荔枝，菠蘿，檸檬再加奶蓋飲落好fresh✨Yuzu Soda $48唔會太甜解渴解膩👍🏻-牛蒡山 $68呢款送酒小菜第一次見好特別！將牛蒡刨完炸到好脆，加左少少糖食落少少似蕃薯，好好食好創新！-雞皮薯片 $68炸雞皮見得多，但咁大塊真係好正😍用左雞脾皮所以咁大塊🤣食得好爽🤣-腐乳豬豚 $88食落甜甜地帶少少酒/腐乳味好香甜肉質十分爽口！原來係豬嘅面頰😳juicy得黎帶少少油脂👍🏻👍🏻南蠻雞 $128店主介紹先知原來傳統嘅南蠻雞並唔係平時食開炸嘅雞肉而係有薑汁一齊整嘅雞肉先係傳統南蠻雞做法！肉質好嫩滑而且多汁，配埋蛋沙律食更加項沙律菜帶少少甜酸汁解膩🥹花生酥 $25食落十分酥脆好香花生味十足！仲有好多日式甜品✨✨總括黎講呢間居酒屋菜式同一般居酒屋比好創新好值得一試👍🏻感受到店家嘅用心✨

必食日式餐廳！💯 呢間餐廳嘅食物真係好出色！環境舒適，價錢合理，值得推薦！下次一定會再嚟試其他菜式！😋雞皮薯片 $68好脆口！雞皮味好香，係一個令人驚喜嘅小食👍👍叉燒和牛串兩串 $98呢個叉燒和牛串真係好正！和牛好嫩滑，叉燒味好香，肉汁豐富，令人回味無窮！！腐乳松阪豬串兩串 $88超爽口豬肉！腐乳加蜜糖味同松阪豬嘅口感好夾，香甜惹味，食完仲想再食🤤🤤🤤火炙右口魚丼 $168呢個火炙右口魚丼真係好吸引！右口魚比起更加好味，好肥厚鮮美，火炙嘅味道好香，配埋飯食好滿足😍😍自家製花生酥老闆推薦必食！！入口即化，花生味好濃郁，甜度適中，難怪咁多人買盒裝😍😍😍古酒雪糕我同朋友都超喜歡的雪糕！加上古酒味道昇華🥰🥰藍 cocktail $98必飲cocktail！伏特加、荔枝、菠蘿、藍可可好夾，層次豐富，口感清爽，味道偏甜適合女士飲😋😋Mata Punch $48味道好清新嘅mocktail～橙味、菠蘿味、紅莓味同桃味好平衡，酸酸甜甜，好解渴😋

🍗雞皮薯片炸雞皮脆脆，非常可口。🐮牛舌味增煮超薦這個，牛舌經過慢煮，肉質鬆軟入味👍🐷腐乳豬豚很香腐乳味，特別的fushion菜，豬肉不硬很爽脆！🌶️柚子胡椒雞頸肉柚子味和雞頸肉很搭，柚子香氣逼人🍚Mata 炒飯炒飯菜就聞到紫菜的香味，用上豬油渣同洋蔥去炒，飯粒分明，鑊氣夠。☕️Honey Coffee第一次喝蜜糖咖啡，不錯。冷的會更好喝。🥥Pineapple Coco椰子味濃郁，非常解渴。總體而言，食物用心美味😋

驚喜高質日式料理❤️🤞🏻（荔枝角）又係放工食好西系列😗😘😘今日同朋友去荔枝角食飯🤭長沙灣已經係是一個尋食的好地方🙋🏼‍♀️🍽️今日去一間驚喜高質日式料理 🇯🇵職員態度好好☺️☺️介紹每一款食品 成個過程好細心❤️😆▪雞皮薯片$68 微微地辣味 再加上熱熱 脆脆的 配COCKTAIL一流❤️▪明太子翠玉瓜兩串$58 好夾的味道😋明太子好香濃 配 清清地翠玉瓜 好夾🥰▪ 腐乳豬豚兩串$88 豬豚質感好嫩滑🤙🏼再配香濃腐乳 味道剛剛好🤭🫶🏻▪茄子大阪燒$88 推薦素食朋友仔😆😆大板燒是用茄子做🍆好健康 茄子事前燒20分鐘比客人食用呢🥹▪柚子胡椒雞頸肉兩串$58好驚喜味道👅🧡清清地柚子味加上胡椒味道 使用雞頸用 好嫩滑☺️▪ Fuji mountain$48 絕對是打卡的朋友🤞🏻好飲🫶🏻▪ rum advocaat pineapple $98 推薦呢款 味道係益力多的COCKTAIL 帶點菠蘿味 酸酸甜甜🥰▪花生酥🥜非常鬆軟🥹🥹很美味😋🧡食物：🌕🌕🌕🌖🌑價錢： 🌕🌕🌕🌖🌑回頭指數 ：🌕🌕🌕🌕🌑📍荔枝角長沙灣道833號長沙灣廣場3樓308號舖

平時去荔枝角通常都會去D2 Place度食野，唔知道原來長沙灣廣場入邊都有啲餐廳。今次喺呢個意外嘅發現，我哋就選擇咗去試呢間特色居酒屋🏮整體環境都算坐得幾舒服，唔會有一般餐廳咁嘈吵，適合同三五知己嚟傾吓偈。店員亦好細心介紹菜式，服務周到👍🏻同埋欣賞佢哋好有心機設計一啲創意嘅菜式，誠意滿分🫶🏻🤍雞皮薯片第一次見到用雞皮炸成薯片做小食，覺得好新奇😂。店員特意介紹係用咗雞腿上面嘅皮，炸得好薄同鬆脆，意外地唔係好油膩！調味方面亦好豐富，上面撒咗啲七味粉同椒鹽，係好惹味嘅開胃小菜😋🤍雞胸軟骨串欣賞佢有別於一般嘅雞軟骨串，用雞胸軟骨可以每一啖都可以同時食到雞胸肉同爽口嘅軟骨，口感更加豐富😋🤍年糕串搽左自家製醬油去燒，味道唔會過濃搶左味，鹹甜適中。口感方面亦好煙韌，好有咬口👍🏻🤍叉燒和牛兩串 燒嘅時間同溫度控制得剛剛好，肉質好嫩之餘，亦鎖得住啲肉汁，好味🥰🤍芝士甲羅燒蟹肉意粉 平時係居酒屋都會食甲羅燒，不過配意粉就真係第一次食😙估唔到原來佢哋都幾夾！芝士同甲羅燒嘅香味都算偏濃，而且蟹肉嘅份量都多，每一啖都好滿足～🍸黄(rum, advocaat, pineapple) 🍸藍(Vodka, lyche

位於茘枝角站一出就到的長沙灣廣場，估唔到呢度有間咁高質的日式Fusion菜，入到去見到裝修好有日式居酒屋feel ，出面的座位亦都好闊落。店主跟員工都很親切有禮，會好細心介紹/ 推介食物，一坐低就送上前菜醃蘿蔔中華沙律很開胃。🔹Cocktail - 黃有9 款不同顏色的Cocktail，每款都好有特色，我揀咗「黃」是以 rum酒+ 菠蘿🍍為主，飲落口感似 菠蘿味益力多，好易入口，非常推薦！🔹Fuji mountain 賣相好靚打卡啱晒，富士山的藍色，味道有啲似波子梳打汽水，很消暑解渴。🔶鱈魚片鱈魚片乾 兩面都烤到脆脆的，魚味濃，蘸上沙律醬食滋味無窮，好食到停唔到口。🔶雞皮薯片用了雞上腿的皮去做，炸到金黃色超香脆，灑上少許七味粉調味，呢個小食好邪惡但超級好食。🔶叉燒和牛兩串 用了叉燒的醬汁去燒和牛，牛肉保持到肉嫩多汁，醬汁甜甜地好好味。🔶三文魚腩串三文魚腩魚油油香最濃郁的位置，燒完香脆可口，肉質肥美，配上酸酸地的汁以解油膩感。🔶古法製南蠻雞用了傳統古法去做南蠻雞，用薑汁糖醋等醃漬雞肉，不是炸的而是用煎的，雞腿肉肉嫩多汁，上面有蛋沙律，伴有椰菜絲，呢道菜真的必點👍🔶糖心蛋煙鴨胸鴨湯拉麵糖心

之前都有黎過長沙灣廣場，但唔知道原來長沙灣廣場嘅3樓都有幾多餐廳選擇，見到Mata Japanese Cuisine都幾多選擇，所以決定試下。先叫左黃Cocktail，加入左Rum advocaat 同pineapple，飲落順口香甜，飲飲下仲覺得有啲似益力多嘅味道，所以都易入口。然後仲有中華沙律同柚子蘿蔔，開胃一下。雞皮薯片炸雞皮用咗雞髀皮，每一塊都好大塊，炸到金黃色，食落好香脆但毫無油膩感，加左啲七味粉調味，令人想一塊接住一塊咁食，送酒一流。大吟釀煮蜆用左較甜嘅清酒煮成，飲到清酒嘅香甜仲有蜆嘅鮮甜，個湯都係精華。蜆肉好大粒，份量都幾多。味噌煮牛脷牛脷經過慢煮3小時，入味得黎口感非常軟淋而且好嫩滑，但又唔會煮到爛哂，依然保留到口感，牛味都十足。腐乳松阪豬串松阪豬用左腐乳同酒醃製，都幾特別。面珠墩嘅部位食落肥瘦適中，燒到微焦，嫩中帶脆，幾有口感。招牌炒飯炒飯粒粒分明，每粒飯都炒到金黃色，面頭灑上紫菜粉。加入左豚肉豬油同蛋落去炒，咬到脆口嘅豚肉，整體唔會太油。花生酥香脆嘅花生酥，咬開有漿口嘅感覺，好似食緊濃濃嘅花生醬，好香嘅花生味。

今晚去食bookmark左好耐的餐廳，一去到職員就好好咁遞上熱茶同埋兩款前菜，個醃白蘿蔔原來係自家製，酸酸地好開胃。青Cocktail $98由Vodka，Pineapple，Greenapple，仲有Wasabi溝成，入口甜甜的，到最尾會有wasabi少少辣辣地的感覺，好特別嘅一款cocktail。雞皮薯片 $68有四大片，熱辣辣又脆卜卜，上面有啲辣粉，雖然好邪惡，但又真係好好食，食起上黎會好想配杯酒🤣🤣呢個好推介。腐乳松阪豬串兩串 $88原來呢個係用日本松阪豬頸後的肉，用腐乳醃咗幾個鐘再燒，個腐乳味好出同入味。大蔥雞肉串兩串 $58用上雞髀肉，好爽口彈牙，又入味，最重要佢係用料新鮮，啲肉冇雪味。牛舌味噌煮 $88呢個係好巧功夫花時間的菜式，先慢煮再用味噌烹調，去皮都要一個鐘，真係好有心機的料理。牛舌有四塊，啲肉好淋。糖心蛋煙鴨胸鴨湯拉麵 $88個鴨胸好surprise，好淋，拉麵湯頭好濃郁，最重要佢佢糖心蛋係堅流心。最後送左個甜品花生酥俾我哋，佢個口感好似杏仁餅，但好重花生味。食完覺得呢間餐廳好用心咁烹調每一樣食物，絕不馬虎，而且職員嘅服務非常貼心，會介紹每一款食物。👍👍👍👍👍

lunch時段朋友約食生日飯，早小小10：30訂位，12:30準時到開餐。食得快無著數，食完即執枱，2分鐘後拎埋部機黎收錢，過程迅速，感覺差，冇比時間你選擇。門口係幾個人排隊，可能等舖內位，但仲有2張4人枱在舖外，我地只坐左半小時左右，價錢大約要$88-130一個餐，只係同無見好耐既朋友傾左幾句，要閃，千其吾好lunch time去。下次吾會食，揀老麥吾會比人趕囉！

呢間小店位於荔枝角地鐵站上面長沙灣廣場非常方便，呢度老闆好好人，每碟菜都有少少介紹，真係唔錯值得推介。首先,佢哋嘅飲品好特別,我試左兩支唔同味既cocktail, 第一支熱情果，清酒,，冧酒，仲有蕃石榴，紅橙色好靚,中。 另一支就用左伏特加、青蘋果、菠蘿同芥末wasabi, 清新得黎又帶點辣,真係一流。食物都好出色。頭盤有自製嘅蘿蔔海帶。跟住炸牛蒡,又脆又香。不過我最鍾意食嘅就係松阪串燒蜜糖腐乳豬面頰,肉好厚實多汁,配上微甜嘅醬汁,超級絕配!仲有呢個明太子翠肉瓜，好juicy.還有鎮店之寶，南蠻雞配蛋沙律椰絲絲,外酥內嫩,配料好清新。最後佢哋嘅甜品花生酥都好特別,濃郁嘅花生香氣真係好吸引,咬落入口即溶,好滿足。總之,呢個餐廳將傳統同創新嘅日式菜式完美結合,令人驚嘆。無論係經典小食定特色主菜,全部都好特別好好味。我諗任何鍾意日式風味嘅人,都一定要嚟呢度試下先。

喺長沙灣收工，約埋啲同事去食，今日食咗間好好食嘅日本野，值得推介。mata japanese Cuisine ,,地址荔枝角長沙灣道833號長沙灣廣場3樓308號舖。餐廳地方雖然唔大，好有日本格調，入面感覺好舒適。黑胡麻醬有幾沙律 78元，沙律份量勁多，賣相好吸引，中間配上日本黑芝麻醬味道清香，配上青瓜蘿蔔絲椰菜一齊食味道清新又開胃。牛舌味噌煮 78元，呢個牛舌真係好好味一肉質嫩腩，經過慢煮嘅牛肉牛肉嘅香味好香濃，配上味噌味嘅醬汁京蔥令到牛肉嘅鮮味提升腐乳豬豚 兩串 88元，豬豚肉燒到有少少焦香，入口豬肉非常嫩滑，有腐乳嘅香味令到個鮮味提升，豬肉肉質爽口，燒完仲好juicy食到停唔到口。cocktail藍 ，賣相勁靚仔用咗日式冰底坐住，入口有少少菠蘿，荔枝嘅香味，酒精味唔重，非常易入口又好飲又靚。

成日係荔枝角出沒都唔知道長沙灣廣場有間好有質素既日本小店！🍽️ 免費餐前小食 🥳- 醃蘿蔔+中華沙律我平時係唔食醃蘿蔔，但佢比左一人一碟，仲介紹係自己醃製既，甘就試下一舊，點知令我對呢樣野有d改觀，微甜微酸清爽，唔會有好生同青澀味👍🏻🍽️ Pineapple Coco & Rocky Mountain叫左兩杯mocktails… 兩杯都好飲🍽️炸池魚BB呢個大推👍🏻炸得好脆得黎裡面肉質仍然有濕度，唔係乾曬又無油淋淋，可以成條食，點d沙律醬，唔覺唔覺一條接一條就食曬♥️ 🍽️雞皮餃子裡面係一貫日式餃子個種比較碎同軟身既餡，亮點係塊雞皮，雞皮炸得金黃透身，好味🥹🍽️腐乳豬豚 用腐乳同Sake醃既松板豬肉加上蜜糖衣，好味！🍽️叉燒和牛用叉燒醬去調味既和牛串🍽️福袋烏冬第一次見呢個造型😍 唔係得個樣，內同外都滿分🤩 🍽️花生酥店家推介佢地甜品既材料都係黎自日本，所以我地揀左花生酥試下。花生味好香，非常酥，真材實料，推！💁🏻‍♀️ 睇得出黎有用♥️既餐廳，每一道菜店員會精簡介紹亮點，加上精美既擺盤，食材既選用同烹調既味道，可一可再既餐廳！

知道荔枝角有間人世高質日本料理, 吃貨的我當然唔會錯過🤪佢哋真係漆黑之中嘅螢火蟲🤣, 呢個商場我都成日嚟但係估唔到有間咁好嘅日式料理餐廳同埋佢哋Menu嘅嘢好多地方都唔會有， 除咗食材新鮮之外啲味道鐘超級好😍我覺得佢哋仲好食過日本多多聲我都係啱啱喺日本返嚟😝我哋叫咗幾樣嘢樣樣都好出色而且我哋買埋佢哋嘅自家製花生酥添，超級酥化而且充滿花生味好鬼正😋佢哋嘅Cocktail好飲到不得了我真係想再追加留喺度慢慢飲🥳串燒嘅肉好多肉汁🐷又燒🔥得好好而且佢哋用咗腐乳醃製同埋佢哋好多小食㗎送酒🥃一流除咗食物質素之外服務真係一流店員超級細心🧡呢間餐廳真係我私心推介⭐️⭐️⭐️⭐️⭐️

去D2市集行之前，諗住食個午飯。因為咁岩響正長沙灣廣場落，所以就去左3/F望下有咩食。最尾決定左揀番我最愛既日本野。因為我地去到既時間比較早，所以唔駛等位就即刻可以安排入座。見到餐牌上野飲同野食既選擇都唔少，而門口仲有埋店舖推介既菜式，有哂圖，咁就更加容易揀食d咩。由於我同frd都唔飲酒，所以揀左兩杯無酒精飲品。如果唔係一定揀佢既酒黎試，因為打卡真係一流。飲品：Flat White $38 ⭐️⭐️⭐️奶味較濃，咖啡味似係中烘焙，所以飲落唔會有苦澀味仲有陣奶香Fuji Mountain🗻 $48 ⭐️⭐️⭐️⭐️呢杯飲品除左打卡一流之外，睇得都飲得。飲落有d乳酸飲品加波子汽水既味，都幾開胃。唔會太甜，好適合夏天響出面行完，飲番杯用黎解暑。小食：鱈魚片 $68 ⭐️⭐️⭐️⭐️如果飲酒既話，真係送酒一流。鱈魚片好鬆脆、都好香既魚味。主食：牛舌味噌煮 $88 ⭐⭐⭐⭐呢個係慢煮牛舌，煮左3-4個鐘先可以上碟，拎出黎比客食。食落口佢個味噌同牛舌好夾，同埋因為慢煮左3-4個鐘肉質真係好淋，食落好易入口，都唔會有羶味。對於鍾意食牛舌既朋友真係要試下。極上鰻魚丼 $138 ⭐️⭐️⭐️⭐️⭐️個鰻魚汁係店舖自家調配既，所以響出面

約左朋友放工係荔枝角食飯，朋友介紹長沙灣廣場有間居酒屋啲野食好高質，一於同朋友今晚去食下😆Cocktail $98鋪頭除左一般酒精類飲品之外，仲有以顏色為主題嘅雞尾酒，揀左【啡】同【綠】🤎💚【啡】以Vodka同baileys為主調，味道香甜順滑，有咖啡香味🤎【綠】味道比較清爽，甜甜嘅菠蘿味加上涼涼地嘅薄荷🍃最後胡椒微辛嘅感覺更加特別鱈魚片 $68整得脆卜卜，佐酒一流，味道咸咸香香，做小食一流炸池魚BB $68份量好多，起碼有8-9條，炸得香脆可口，池魚bb一啲都唔bb，條條都肥嘟嘟🐟黑胡麻醬有機沙律 $78用上日本九鬼黑芝麻醬，香味濃郁，跟清爽嘅青瓜絲、紅蘿蔔絲同椰菜絲拌埋一齊食幾特別腐乳豬豚串 $88（2串）超高質串燒🔥用上豬面頰肉以腐乳調味，燒烤過程仲搽上蜜糖🍯令味道甜甜咸咸好惹味，加上豬面頰肉質爽口，令人食唔停口🐷雞胸軟骨串 $48雞胸軟骨係雞胸中間三角形果舊骨，爽口彈牙，炸得焦香，中間有啲雞肉肉質都幾嫩滑🐥三色燒蠔 $128三色指【XO醬】【鹽燒】【明太子】三款口味，各有各特色，其中鹽燒更食得出蠔本身嘅鮮味，加上蠔燒得火喉岩岩好，香口之餘仲保留到蠔汁，非常Juicy自家製花生酥