Mata Japanese Cuisine

營業中

休息中

今日嚟開長沙灣廣場購物就試下依間日本餐廳,裝修靚!走日本風有居酒屋既感覺,很喜歡,和朋友二個入內安排了一個安靜既位置夠晒舒適可以傾下計長談,先嚟叫個藍盒飲品, 一上枱好靚呀,好日式啱晒卡,VODKA,LYCHEE,PINEAPPLE,BLUE CACAO四種味道既雞尾酒,本人很喜歡好香既荔枝味加埋菠蘿配了一客鱈魚片好合適好夾之後叫了一客南蠻雞,係真正既南蠻雞唔係普通炸雞，口感一流, 軟嫩多汁，肉質也比較纖細, 老闆話係用咗雞腿肉做,所以特別好味,夠出色叫了生蠔試下,好鮮味夠晒新鮮點了錫紙煮牛油雜菌,一開錫紙香味四散,用牛油煮都唔會好漏最後叫埋茄子大阪燒, 依度好特別,大阪燒只用了茄子加蛋,原來好夾好好味,夠特別,美味整體好喜歡這餐廳,會有下次!

做完一日嘢想去居酒屋坐下食返餐好，今次就試下今年1月新開嘅Mata Japanese Cuisine刺身沙律 - 油甘魚、無花果、沙律生菜、椰菜絲同蕃茄仔，賣相吸引，食材新鮮，配搭有創意，油甘魚撈咗芝麻更香口，開胃之選三色燒蠔 - 蠔鮮甜、肥美，三種味道分別係XO醬、鹽燒同明太子，加埋本身嘅海水味，味道特別亦突出青 - sake、vodka、果汁同wasabi嘅配搭好特別，剩係喺呢度見過呢個組合，新鮮感十足，從來冇想像過菠蘿汁同wasabi嘅味道係咁夾，好正黃 - rum、advocaat、果汁嘅配搭一樣特別，飲落有益力多嘅味道，有份子料理嘅感覺，兩款cocktail都好高質大吟釀煮蜆 - 用大吟釀嚟煮蜆好有誠意，個湯煮出嚟嘅味道同一般用普通白酒煮嘅好唔同，酒香更濃，飲落更清甜，蜆本身又新鮮又大粒，洗得好乾淨，加埋大量新鮮蔥花，好高質嫩雞煨日式拉麵 - 又係另一創意之作，神還完上海嘅嫩雞煨麵，用上日式拉麵，成個感覺又fusion又日式，雞肉好嫩，菜亦新鮮爽口，食落好有驚喜花生酥 - 冇諗過花生酥會咁好食，花生味極濃，口感鬆脆，好食到即場買走咗兩盒禮盒裝門面有傳統日式居酒屋嘅感覺得嚟又有

長沙灣廣場好似翻新左，特登約左朋友去覓食，見到呢間餐廳，個氛圍好似去左日本甘❣️我哋今日唔想食太多肉，就叫左：1. 素鮑魚沙律配蕎麥冷麵2. 鯛魚丼二食配白鯛魚湯每個set lunch都有2個appetisers：1. 酸蘿蔔2. 麻辣枝豆（走辣）酸蘿蔔：蘿蔔爽脆可口，清新不膩，微微酸香，而不嗆喉麻辣枝豆（走辣）：麻而不辣，非常合適唔辣而又喜歡麻味嘅朋友1. 素鮑魚沙律配蕎麥冷麵Soba非常彈牙，湯汁冰凍清新，配上少許wasabi，辛而不辣，更解炎夏之熱（無錯，天氣仲係好熱）素鮑魚同沙律嘅份量好多，食前撈起撈起，大家風山水起呢個luncht set好適合vegetarians2. 鯛魚丼二食配白鯛魚湯鯛魚刺身新鮮、香甜、富魚味白鯛魚湯 鮮甜味美、分毫不腥、每啖都濃濃嘅魚味日本米煮成嘅飯，粒粒分明，亦煮到岩岩好甜點花生酥酥脆可口、花生粒研磨到粉狀 再製成酥餅，非常非常好食一問之下，原來仲有芝麻酥可以喺餐廳買，食完飯之後花生酥芝麻酥各買咗一盒❣️Cappuccino 平時完全唔飲咖啡，但呢杯咖啡好香咖啡味，入口好舒服，亦有淡淡嘅肉桂味

Mata Japanese cuisine 係一間位於長沙灣廣場嘅日式料理餐廳，由地鐵站行上去非常方便。炸穴子骨其實穴子骨就即係鰻魚嘅骨，平時食鰻魚最怕就係啃骨，但估唔到今次直接食又幾得意，因為炸到好脆，以為都唔似食骨咁，可以咬得平，椒鹽味粉比例剛剛好，值得試下新嘢，唔洗成日雞軟骨。大蔥雞肉串大蔥燒得夠時間，保留夠多甜味，辛味就唔太勁，雞肉係原舊雞肉，所以口感會好過免治雞肉棒好多。材料都保持到juicy.腐乳豬肉串呢個用腐乳醬雖然已經夠哂特別，但個豚肉本身先係最精彩之處。入口即化的口感唔在講，日本豚肉嘅精髓就係肉味濃烈但完全無騷味。鹽燒白鱔新鮮嘅大白鱔選擇用最簡單嘅鹽燒處理係最值得欣賞，啱啱好燒到剛熟，肉質保持到爽口彈牙。嫩雞煨日式拉麵呢個係一個比較fusion 左上海菜嘅拉麵，雞肉煨面味道比較順滑啲，大量嘅蔬菜碎做配搭平衡下奶油湯底，每一啖肉菜面都有齊，好味飲品Fuji mountain Passion tea呢度無論係cocktail 定mocktail 造型味道都好用心製作，就算唔係食飯嚟，叫d 小食飲下嘢都好好，性價比好高。

鯛魚丼二食配白鯛魚湯鯛魚剌身好多片啊～ 店員姐姐教我地先點日本豉油同wasabi，好似平時食剌身丼咁，食到咁上下再加鯛魚湯，就可以食出兩種唔同口味。鯛魚剌身幾新鮮爽口，配合飯素已經好好食! 我估因為啲珍珠米要適合魚湯嘅關係，所以係暖暖的，同剌身丼嘅凍飯好唔同，每一啖都要先腦補「飯係暖嘅，飯係暖嘅」，係一個有趣新嘗試。食到半路開始加湯，魚湯清甜完全無腥味，微微嘅鹹味又帶出返魚片嘅鮮味，後悔應該早啲加湯食。嫰雞煨日式拉麵外觀睇落似上海湯麵，的確職員姐姐都話係上海湯麵的煮法，但改配上了拉麵，可以試試個口感。白雞湯有淡淡清香，唔似平日的拉麵濃湯咁膩，有清甜嫩滑雞肉，配上硬度適中的拉麵，令到食物重心落返去雞肉度。加上滿滿的菜粒，完全係健康之選～飲品我地揀咗non-alcoholic ～兩杯都賣相好靚～ 加埋環境燈光好有feel~Fuji Mountai外表好靚啊～ 真係有那種富士山的藍～ 如果奶泡再厚啲更好～ 味到好清爽, 有檸檬+菠蘿汁的酸甜，如果溝埋酒一定再上一個層次。我見到bar枱哥哥係先用冰凍杯再上飲品, 欣賞細緻的製作～Matcha Mint Latte呢杯係偏奶味較重的抹茶，加咗薄荷

長沙灣廣場有間特色日本菜 MATA，位於三樓，睇menu見到好多唔常見嘅日本菜仲有好多fusion元素。餐廳職員好有心咁講解下每道菜嘅做法同特色。呢間餐廳仲有多款cocktail, 用顏色命名。經過店員介紹後，我地加左wasabi嘅青試下青 - Vodka, green apple, pineapple, wasabi飲落清香，有wasabi嘅味道但唔嗆，入口舒服，唔會太甜。前菜有兩款怪味枝豆 - 加左川式香料，食落有微微嘅麻，好特別。柚子蘿蔔 - 酸酸地，有柚子香，食落爽口開胃。小食 牛蒡山，係用牛蒡刨成薄片油炸再加糖粉上面，呢個小食好花功夫，夠薄而且炸得啱啱好食落唔會覺得油，食到牛蒡嘅甘香，配以糖粉，易入口。日式炸魚薯條！ 吉列池魚扒配脆炸甜蕃薯條醬係餐廳自己調製-日式酸瓜配上美乃滋，酸甜而不膩。蕃薯條蕃薯味香甜，而且食落裏面軟綿綿。吉列池魚扒冇骨，可以大啖大啖咬，魚肉好香，炸到外脆內軟啱啱好，非常好食。柚子胡椒雞頸肉串，雞頸肉嫰滑juicy,柚子味重，配上胡椒，配搭得宜。素鮑魚沙律配蕎麥冷麵 - 素鮑魚絲，紫菜，青瓜絲，蛋絲等得，配上蕎麥冷麵，加埋昆布醬汁，清涼微甜，食落好舒服，

今日好開心同屋企人去咗元朗附近嘅一間餐廳食飯，估唔到去咗一間質素好高的隱世美食餐廳，呢間餐廳好方便搵到，西鐵站一出口，行3至4分鐘，就會搵到，可能首歌，好啱一大班朋友嚟聚會食飯，而且響商場裏面，我唔怕蕩失路，呢間餐廳選擇好多，而且張相好特別，清潔又乾淨，衛生好好，而且餐廳嘅氣氛都好寧靜，可以慢慢享受食物，呢度嘅食物都好特別，我哋叫咗個魚柳，佢哋嘅汁同飯配搭一流，而且最驚喜嘅係有一個溫泉蛋響中間，廚師好有心思，擺盤好靚，一定係對食物嘅要求好高，而且佢哋嘅配料都好有心思，佢哋嘅肉汁，鮮嫩，我想再嚟食呀，而且佢哋嘅朱古力都好好飲，甜度適中，如果鍾意你食西式飯嘅話，一定未啊，而且呢度嘅侍應服務都好好，有笑容有親切咁，賓至如歸的感覺

原來而家長沙灣廣場3樓開咗好多新嘅餐廳，趁假期嘅時候朋友約咗我去呢一間居酒屋度食飯～ 呢間居酒屋主打創意料理，基本上喺度食過嘅嘢喺出面都好難搵到！所以就好吸引我哋嚟試一下🌟青一坐低就介紹咗佢哋嘅酒俾我哋，我哋叫咗「青」。味道非常之特別，裏面係包括有青蘋果、菠蘿同芥末，我都係第一次飲又芥末味嘅酒，意外地同蘋果都好夾好好飲😍🌟怪味枝豆前菜係有枝豆同埋柚子醋嘅漬物，呢個枝豆又特別調味，有香辣嘅味，十分之開胃！🌟油甘魚沙律油甘魚沙律仲有加埋時令生果，今期係無花果，成個口感好清新，而且油甘魚亦都非常新鮮！🌟炸穴子骨呢一道菜我都係第一次食，其實佢係鰻魚嘅一啲骨，海鮮味道非常之濃香，師傅將佢炸脆，然後加上海苔粉，極度好味，你會忍唔住一條友一條咁食🌟牛蒡山牛蒡其實食得多，但係好食嘅炸牛蒡都係第一次。佢嘅味道完全係食唔出係牛蒡，本身佢好薄身，然後炸得非常之香脆，再加上少少糖粉喺面，有啲似平時識嘅果乾咁，非常之有驚喜！🌟芝士甲羅燒蟹肉意粉基本上邊度食都冇得輸，而呢一度再加上芝士落去仲有佢嘅意大利粉醬汁跳得啱啱好，令到成件事更加昇華！🌟甜品最尾甜品方面師傅仲有比到花生醬製造嘅餅乾俾我哋食，味道好濃郁，而且加

一講起要去荔枝角覓食，一定會諗起D2place一帶🥸又有幾多人會想到長沙灣廣場😎最近同朋友傾開長沙灣廣場三樓有翻新過，開咗好多唔同嘅餐廳🥰既然D2附近食到悶悶地就試吓新嘢，或者會有意外驚喜🤩港鐵荔枝角A出口一出就係長沙灣廣場，無錯！係荔枝角站唔好去錯啊！三樓的確有各式各類既餐廳可以選擇，而今次我地就揀咗間日式居酒屋試試😋餐廳裝潢充滿日式居酒屋風格，日本氣息洋溢☺️用餐時間係平日六點半，可能時間仲早人唔算多。炸池魚仔$68池魚仔炸得金黃香脆，表面加了七味粉，味道鹹香帶微辣，非常惹味佐酒一流😆值得一提係池魚底部有一塊摺成扇狀的紙，細心地把每條池魚分隔開，將剛炸起池魚仔多餘的油份吸乾，真係做到既美觀又實用，值得一讚！👍🏻腐乳松板豬串$88/2串松板豬經腐乳醃製，鮮鹹微甜。而豬串表面加上蜜糖，肉質嫩滑多汁。😋茄子大阪燒$78大阪燒用茄子取代傳統用麵粉做底，相對變得輕盈健康😆茄子味道鮮甜配上蛋味濃郁既雞蛋，而表面有大阪燒醬、鰹魚乾、海苔粉，沙律醬。食晒咁大份既大阪燒，都冇果種飽飽滯滯嘅感覺。👍🏻芝士甲羅燒蟹肉意粉$168上菜果刻已經聞到香濃既蟹膏味。蟹蓋上鋪滿經調製過既蟹膏。蟹膏鮮甜甘香，單吃已經

近來喺荔枝角多左好多搵食機會，先發現原來長沙灣廣場上層多咗咁多餐廳😍今次先試日式。店內外都有座位，我地揀外面較光猛位置。座位闊落，裝修簡潔。點了幾款小食、一個主食及兩杯飲品。前菜有枝豆及醃蘿蔔各每人一份味噌煮牛舌 $88牛舌竟然不似一般食嘅牛舌，一嚟我未試過味噌煮，二嚟個牛舌煮到好淋，一啲都唔似平時嘅牛舌點整都有少少韌。聽講呢一道菜都係呢度招牌，係廚師專誠向70年代香港嘅日本餐廳師傳拜師學藝，而家都冇乜人識呢個煮法。三文魚腩串 $38油脂豐富嘅魚腩位燒咗魚皮香脆，配上油香，再沾少少醬油調味，不錯！燒年糕 $28明太子意粉 $78份量大，醬汁充足，所以放左一陣都唔會黏成一大舊分唔開。呢度都似乎主打各酒精飲品，我地就揀左兩杯無酒精飲品。 matcha mint latte $48用matcha syrup，綠茶唔算突出。Fuji mountain $48Japanese lemonade, blue curacao, milk嘅配搭，酸酸地幾好飲。富士山嘅造型亦十分吸引。一開始點餐時店員有問有冇花生敏感，原來送嘅甜品係自家製花生酥！一如店員所形容，花生酥入口即溶，非常酥化香口，出色。唔知

一間好有特色既日式料理居酒屋1. 令我意想不到，超級刺激到味蕾既，唔鍾意wasabi都鍾意飲既酒精飲品Vodka+green apple juice + pineapple juice+wasabi2. 古法制南蠻雞呢一度嘅南蠻雞出面嘅好唔同，一般嘅南蠻雞係以炸皮做成，因為天婦羅做法嘅影響，或多或少都會牽涉到炸嘅做法。但係呢一度嘅南蠻雞並唔係以炸嘅手法嚟製造，而係以古法烤制做成，因此令到佢呢一碟南蠻雞傳統風味十足。佢配上個熟雞蛋沙律，令到成碟嘅口感以及味道再昇華。這烤制比起炸嘅做法更能夠突出雞嘅鮮味同埋佢雞上脾肉質得細嫩。3. 腐乳豬肉串呢2串全腐乳豬肉串，咬落去食落爽口，而且肉質嫩滑，烤嘅程度剛剛好，而唔會令到肉質變老或者變韌嘅感覺。而且味道上，腐乳用作為淡淡嘅提香材料，更容易勾勒到豬肉嘅香味！4. 吉列豬扒呢一度嘅吉列豬扒極具特色！佢選用嘅材料質素頂級，先可以做到豬扒嘅肉質咁結實，食落後一啖啖慢慢咀嚼，完全感受到選用材料嘅用心。而有著咁完美嘅食材，烹調更加用心，佢外層香脆可口但唔膩口，配上豬扒汁，有住酸酸甜甜嘅口感，令人一舊一舊咁將啲豬扒慢慢咁放入口，而且覺得食極都唔夠。不論係醬，

Mata是一家日式食店，以其精緻的料理和創意調酒而聞名。在這裡，我品嚐了兩種特色Cocktail，分別是赤與青，還有一系列精心準備的日式小吃和主菜。炸池魚仔外脆內嫩，搭配酥脆的外殼和鮮嫩的魚肉，帶來了無與倫比的口感享受。叉燒汁和牛串則展現了Mata在燒烤方面的精湛技藝，叉燒汁配上牛肉，出奇地夾，嫩滑的口感，肉質鮮美。這些小吃不僅賣相精緻，而且味道豐富，絕對能滿足挑剔的味蕾。在主菜方面，我嘗試了明太子翠肉瓜和蒽吞拿魚丼。明太子翠肉瓜是一道別開生面的創意料理，綠色的肉瓜搭配鮮嫩的明太子，口感鮮美，味道濃郁。蒽吞拿魚丼則是一道將新鮮的拿魚弄成魚蓉，搭配軟糯的日式飯，再淋上特製醬汁的精緻料理。每一口都能感受到新鮮魚肉的鮮甜和米飯的香氣，完美的平衡了口感和味道。最後，我品嚐了Tequila Expresso和花生酥。Tequila Expresso濃郁的咖啡香氣與龍舌蘭酒的獨特風味相結合，帶來了一種令人振奮的味覺體驗。而花生酥則是一道傳統的日式甜點，酥脆的外殼包裹著香濃的花生醬，入口即化，令人回味無窮。Mata的用餐環境舒適愜意，服務態度親切周到。無論是與朋友聚餐還是商務宴請，這裡都是一個理想的

牛蒡山 $68 牛蒡一片片薄片見到師傅嘅刀工出色，每一片都係扁長條型。調味方面都新奇，之前冇食過炸牛蒡，主要甜味之中又帶有微微嘅鹹味。茄子大阪燒$78好鍾意食茄子，大阪燒茄子煎完之後底部依然金黃。上面加咗隻蛋同埋大阪燒醬、沙律醬、木魚。我自己個人認為呢一碟餸應該係呢間居酒屋最受歡迎嘅菜式。大蔥雞肉串$58雞串裏面嘅雞髀肉好嫩滑，煎完之後加埋醬汁配埋酒好適合。大蔥煎嘅時候掌握得好好，仲保留大蔥嘅鮮甜。吉列豬扒$88一咬入口，就知道肉質唔一樣。日本豚肉肉質鬆化，高質少脂肪。但係肉質依然保留喺肉裏面，食落去完全冇豬嘅腥味。紫cocktail $98 特別鍾意去小型居酒屋飲酒，老闆會同你介紹酒精飲品，同埋喺你面前沖酒。紫Cocktail好適合女仔飲，用左乳酸、利賓納、蘋果同埋小紅莓汁黎調製。酒精味唔會太重。藍cocktail $98 老闆話呢一款雞尾酒用咗好出名嘅荔枝嚟調味，飲落去真係好似飲緊果汁。幾個女仔過嚟一邊傾偈一邊食嘢就最適合加埋呢隻雞尾酒。

✨古法制南蠻雞💰128 🔅推介🔅💫評分: 8.9/10📝呢款好推薦，第一次食，同平時食炸嘅南蠻雞唔同，原來正宗唔係炸，係煎，餐廳用獨有醬汁煮，嫩滑多汁，唔油膩，面頭唔係剩係用沙律醬，係用蛋沙律，配埋椰菜絲、蕃茄仔好滿足，同店長傾偈，話有個熟客一星期會叫呢款lunch set 4次，店長好風趣話見到佢咁食都會厭🤣，大家都可以試吓呢款菜式嘅吸引力🥹🫶🏻🥰✨青（一盒）💰98 🔅推介🔅💫評分: 8.6/10📝有青蘋果、菠蘿汁、volka同 wasabi，同啲嘢食都幾match，店長推介呢款最高人氣，所以第一次試加Wasabi 嘅cocktail，唔會好甜幾fruity，易入口，wasabi味只係最尾浮出嚟，最尾嗰啖有細細粒嘅wasabi碎會有少少嗆鼻，但係好有驚喜✨雞皮薯片 💰68💫評分: 7.8/10📝燒物好香口，上面啲辣粉令到偏重口味，送酒一流✨腐乳豬豚串 💰88💫評分: 8/10📝fusion菜，日式加左香港特式，食到淡淡嘅腐乳味同豬肉都好match，肉質彈牙✨生蠔🦪💰78@💫評分: 7.9/10📝生蠔蠔味鮮甜都幾大隻。上面有啲酸汁柚子同埋粒粒三文魚子，有另一層嘅口感✨Mata炒飯 💰1

平日下午到依間勁多好評嘅日本嘅試吓，已經三年冇去過荔枝角，呢個商場翻新咗，真係好多唔同嘅嘢食，按照門面，如果你唔係睇過食評，我相信你唔會入去。店舖設計擺設有心思，燈光有格調，日式設計似居酒屋，內有吧枱及有兩張四人枱。一進入店舖有一浸好香嘅茶味，原來今天的茶是綠茶，很好飲。店員好有禮貌幫我沖茶，有最少六次以上！讚呀！點咗兩個午餐包前菜及甜品，前菜醃製蘿蔔及豆😋 另外叫咗蝦皮薯片，脆口乾身，不油膩，好味到唔記得一開始影相。炸蝦櫻花蝦拉麵：湯底夠濃郁，櫻花蝦味濃。天婦羅炸蝦炸漿粉輕盈不黏口，蝦肉質感不會烤到乾身好老好食！我飲晒所有湯底！另外3隻炸蝦下面的菜份量勁多，我估佢落咗柚子醋落去，好惹味，很容易令你成盤吃晒，我很快已吃完，感覺很健康實在。我直程當佢係沙律並唔係配菜！右口邊飯：入口即熔、比左口邊更多肥油，好彩得侍應很有禮貌關心我們及詳細講解有什麼分別！飯中的配菜Wasabi，不是很辣，不知道是否主廚自己整，我用來撈飯食。最後甜品花生酥非常好味，口感輕盈而入邊鬆脆，仲有好多粒花生粒真材實料！怪不得他們出自家品牌的花生酥及另外兩款味道的酥作為中秋節限定禮盒。一句講晒：樣樣好味😋