MAZ Thai & BBQ (已結業)

剛剛出差回來，只想好好吃一餐慰勞自己，連帶著行李箱就來到了maz首先點了生菜包，生菜新鮮爽脆，肉碎微辣中帶少少酸，調味一流，非常惹味，一度覺得不夠喉想追加！我的菠蘿沙冰，味道不會假，也不是罐頭味，喝得出是新鮮菠蘿，還會吃到點果肉渣，清甜又不酸，解渴解辣菠蘿炒飯，首先要說它炒得夠香，菠蘿也有很多，飯粒帶甘甜，腰果為它增加了香脆的口感，不錯燒烏頭，愈煮愈入味，魚質嫩滑，看似清湯但微微帶酸，很開胃，不喜歡吃魚的朋友也能接受

好耐無食泰國菜啦，想揾間有特色的泰國餐廳同朋友聚一聚，一行四人來到灣仔MAZ Thai &BBQ,因為見好多外國人來食，閒日都坐滿晒，好熱鬧！見佢餐牌都好多選擇，問下職員有咩好介紹。原來是日精選有個三味蟹$336，一隻蟹三種食法，就點佢啦，睇下如何特別。三味蟹上桌熱辣辣的，原來賣相咁靚！第一個食法是將兩隻蟹鉗外面以墨魚滑包住再炸，就是飲宴菜式中的百花釀蟹鉗沒有了百花，但多了泰式辣醬，味道立刻由中式變泰式，外層脆脆的，蟹鉗肉有墨魚滑保存肉汁，一咬下肉汁都流出來了，很有鮮味又香口，而且蟹鉗肉還很嫩滑，証明夠新鮮，又大隻！再來第二種食法，就是蟹蓋起肉起糕，加了蛋白和爽口的蔬菜粒炒，放回蟹蓋上，超有心思！好像上海菜式賽螃蟹的做法，就是多了蔬菜粒增添口感，味道清淡，配牛油焗蒜蓉包食，變成鮮味蟹醬，每啖都是蟹肉又滑又有蟹味，似在吃fushion菜呢！剩下蟹身和蟹脚，就是第三個食法，咖喱焗蟹，不辣的咖喱，充滿椰汁香味，奶味濃，配上咖喱香料，是個香甜的咖喱汁，而且熱騰騰，如果有飯撈來吃最好！啱晒香港人口味，蟹肉配咖喱汁原來會更覺鮮甜呢！職員仲介紹我地試下冬陰公湯配特級牛頸脊$188，呢個就是打邊爐的食

今晚來到灣仔蘭杜街同友人慶祝生日, 食餐生日飯, 不過對我來說星街我就比較熟悉, 但要走過幾條街後的這裏 (雖然這裏有一間非常出名食雞扒嘅地方) , 但還是想不到這裏有一間食泰國菜的餐廳, 還真是沒有特色. 現在大約七點多的時間, 但是我想說到八點時已經坐無虛席, 而且有大部分是外國人來吃 (原來外國人是多麼的喜歡吃泰國菜啊~~~) 先來個泰式柚子沙律(HKD88), 泰式甜酸醬偏辣, 但配上帶酸的柚子, 令我整個沙律都非常開胃惹味, 也帶出泰國菜的主旨 - 酸同辣的平衡. 冬陰功加特級牛肩脊 (HKD188), 老實說, 這個冬陰公我就覺得比較酸, 辣度是香港人的 辣 (即不太辣啦~~) , 但是我的友人就非常欣賞這個酸度的冬陰功, 所以吃完這個牛肩脊後(牛肩脊非常肉厚, 肌理分明), 這位朋友就學掉了整煲冬陰功 這個是事日之選 - 三味蟹 (HKD336), 最吸睛的當然是大大隻肉質鮮嫩又彈牙的蟹鉗啦, 我同生日朋友當然第一時間搶了這個蟹鉗來吃, 正!! 而另外一個蟹肉炒蛋白, 配上蒜蓉包, 味道竟然是非常搭配, 蟹肉蛋白比較清淡, 但是這個蟹肉蛋白的滑溜感配

放工鬆一鬆，經過蘭杜街就嗅到陣陣泰菜味🤤沿氣味搵到佢！坐低望下餐牌，再問下侍應「究竟咩咁香？」😱一問之下，原來係明爐魚同冬陰公味！！於是，梗係點個明爐烏頭魚啦～另外仲叫多個生菜包同菠蘿炒飯！簡簡單單，但充滿泰國特色！生菜包都幾足料嘅，生菜大大塊，而肉碎酸酸辣辣，仲炒到好香👍🏻菠蘿炒飯，相對無生菜包炒得咁香，不過都炒得好乾身，而且仲有好多菠蘿😋成晚重點！！！明爐烏頭魚🤤好香好大條！超多配料令魚肉更加入味！甜甜酸酸，小妹超like👍🏻黎到泰國梗係要飲沙冰同梳打啦！芒果沙冰好香甜，飲落真有d芒果肉👍🏻👍🏻青檸梳打，夠晒凍而且青檸都好香👍🏻

食開泰國菜有條癮，今天來到灣仔邊皮的蘭杜街吃泰菜。 時常經過這邊，以為這間是酒吧，原來是西式包裝的泰國菜館。 長方形的格局，一覽無遺。左邊牆全玻璃，空間感頓時加倍。 鮮青檸冰紅茶 $32 今天不喝酒，來些泰式特飲。 冰紅茶很特別，帶乳酪味。加片青檸點綴，味道更突出，好喝推介 特濃泰式凍咖啡 $40 換上Expresso的泰式咖啡，咖啡味比平常濃厚，但不失泰式咖啡的甜味。 覺得平時的泰式咖啡太甜的朋友可以試試它，或者會令你對Thai Coffee改觀呢～ 明爐烏頭 $166 落單時，店員說醬汁有辣和清湯可選，很貼心。 喝一口就明白，為什麼有不辣供食客選擇。一開始辣味不太搶，喝下，辣味才徐徐滲出來。辣汁番茄味比青檸味重，感覺較西化。上菜時，有還一碗醬汁以備不時之需，又一貼心之舉。 魚肉夠結實、嫩滑，正合我口味。 海南雞飯 $136 是日精選：海南雞飯。 黃油雞皮薄，但雞味不夠突出，若雞肉可以再滑一點就更完美。 幸好醬汁夠惹味。 辣中帶甜，讓雞件有畫龍點睛之用，好吃得把剩餘的都用來撈飯。 油飯甚有色澤，不油不膩。口感偏軟身，是我喜歡的口感。 泰式燒豬頸肉 $138 豬頸肉

位於灣仔蘭杜街2號地下的MAZ Thai & BBQ, 主打泰國菜和串燒。餐廳的環境充滿情調，除了可以品嚐味道有水準的泰國菜，還可以點酒精飲品，和朋友收工後小酌幾杯。卡位的後面的鏡子令餐廳更有空間感，感覺更闊落。落單約十分鐘後，串燒拼盤便來到了。拼盤有半打串燒豬肉、雞肉和牛肉各兩串。串燒即點即燒，熱辣辣的，而且不會燒得太過燶。個人最喜愛雞肉串，入面的肉質仍然很Juicy, 而且點上自家製沙嗲醬。沙嗲醬很香濃，有花生的味道。如果有剩餘的沙嗲醬，我會用來旁邊的菜點來吃。接著來到的為泰式燒豬頸肉。豬頸肉的份量很多，而且切得很薄，很香口，不知不覺便會吃掉半盤。入口頗Juicy，不會燒得太乾。和串燒不同，吃豬頸肉前點少許泰式酸辣汁，更加能吊起整塊肉的鮮味。 之後為最愛的冬陰公湯配海鮮拼盤，當中包括海蝦、花甲、墨魚滑、肉丸、花膠、生菜、金菇。滿滿一盤的拼盤，賣相很精緻。而且海鮮份量很重手，如果二人來吃的，每人有三隻海蝦。海蝦十分爽口，可見來貨新鮮，墨魚滑也十分彈牙。冬陰公湯的味道十分棒，酸度適中，又能飲到當中的香料味，煮完海鮮後更鮮味。如果不夠，更可詢問店員加湯。D24榴蓮薄餅有點像甜品。餅皮較為

近排特別愛吃泰菜，繼早前去太子吃了頓超抵食嘅泰式咖喱辣蟹後，這晚又再次出動，而今次就揀咗灣仔一間口碑唔錯嘅新派泰菜館「MAZ Thai & BBQ」。餐廳位於蘭杜街，門面以黑色為主調，帶點神秘感。走近細看，頭頂嘅招牌好 Sharp 醒，頗搶眼。從門外往內望，水吧上嘅吊架放滿了各式各樣的酒瓶，唔講仲以為呢度係間西式酒吧添。趟門而入，店面呈長方形，白色牆身配以木系裝潢，帶北歐情調。座位分成左右兩排，左手邊以四人方桌為主，拼墨綠色長沙發；而右手邊就擺放了兩張配咗高凳嘅雲石長檯，裝潢簡約，但亦不失時尚感。餐牌一版過，項目很簡單，食物分成三大類，BBQ、Smaller、Bigger，有傳統也有新派的泰式料理，另外亦有做緊特價嘅 Oyster Combo、冬陰公火鍋，包括有海鮮拼盤同特級牛頸脊，甜品及飲品等。飲品選擇不多，以酒精類為主，由於二人都不太懂品酒，還是乖乖的點 Smoothie 好了。揀咗 55芒果沙冰 ($38) 和菠蘿沙冰 ($38)  各一，兩杯飲品都係自家製嘅，用上新鮮果肉打成，味道好 Fresh，香甜濃郁，夠曬原汁原味。食物方面，先來一客泰式辣肉碎薄餅 ($76)  打開胃口，

好多人都唔知蘭杜街喺邊，其實就喺灣仔莊士敦道同皇后大道中間，呢條街雖然唔係太長，但都有唔少食店，又有拉麵、雞排、麵店、西餐等。黎到位於中間嘅呢間泰國菜，外面嘅裝修睇落都好似一間酒吧咁，比較特別係近門口位置有個開放嘅吧枱位，可以人喺餐廳裡面，但望到街外情況，而家天氣稍涼，吹住啲自然風都幾舒適。店內燈光、裝修都類似酒吧，共實佔地唔大，不過喺牆上裝左塊大鏡，幾特別，令視覺效果上覺得環境好似大左一倍，幾有心思。一行三人坐左喺長餐枱，都食左幾款佢地嘅招牌菜，包括三味蟹、冬蔭公火鍋配牛頸肉、榴槤薄餅、燒大蝦。1)三味蟹賽螃蟹：包括有賽螃蟹，放喺蟹蓋上，蟹肉已經拆開，份量都幾多架，而且蛋白都好香滑蟹鉗：因為係兩人份，所以有兩隻，蟹鉗就唔算話好多蟹肉，中規中矩。咖喱蟹：大約有一隻蟹份量，唔係話太大隻，主要係食啲蟹腳同咖喱汁，個汁都幾杰身，所以都跟左幾片蒜蓉包，唔會好辣，送包一流2)燒大蝦：大約每份四、五隻，視乎重量，用上越南虎蝦，真係好大隻啊，燒得好香，每啖都好彈牙，新鮮十足3)冬蔭公+特級牛頸肉：牛肉大概有八片左右，冬蔭公湯味道香濃，鐘意食海鮮可以揀另一款。湯底一路滾住都聞到好香，辣度唔高，容易入口

萬聖節晚上，我地如常工作，如常收工，六合彩冇我地份，繼續扮工仔生涯。適逢灣仔嘅「巨型月球」展覽最後一日，因為之前專程黎過，都人頭湧湧，月亮邊都影唔到(笑)，是日安排喺呢邊晚飯。同時相約一位朋友聚聚舊，最近佢轉了新工作，希望佢有好嘅發展，下班時間提早左，日後相信有更多機會聚餐我地選定呢間位於蘭杜街嘅泰國菜，平日晚上時間客人唔算好多，有唔少外藉客人飲酒食下小食。裝潢方面花過唔少心思，一半係普通四人枱，一半係高枱高櫈，用上雲石枱面，如果日頭黎，相信照片會好靚。餐廳格局有多少酒吧感覺，燈光偏暗，唔會好嘈吵，一班朋友傾下計，食飯飲酒係非常ok餐牌方面以泰菜為主，定價中上，有傳統嘅沙律、小食、海鮮、串燒、薄餅、飯麵等，仲有比較新式做法嘅菜式，例如將冬蔭公用作火鍋湯底，加入牛、海鮮等配料，又飲得，又可以烚下烚下。不得不提係其他餐廳比較少見嘅D24榴槤薄餅，鐘意榴蓮嘅朋友可以一試呢。此外，因為有唔少人飲酒，餐廳都有供應生蠔，甚至我覺得價錢都幾抵，有興趣可以喺op訂位享用$98/6隻生蠔+一杯紅/白酒嘅優惠。冬蔭公+特級牛頸脊 $188/2人份如果不配牛頸脊，有另一份可配海鮮、花甲、墨魚滑等，價錢唔同。

友人係呢頭返工發現係呢條內街有間食泰菜店, 之前食過午餐後又試埋晚餐, 約左放工後去呢度開餐, 泰菜?! 岩我口味喎!昏暗燈光, 一邊設有高身雲石長枱, 裝潢非一般傳統泰菜店, 店內播著流行外國歌, 感覺幾岩FEEL!餐牌上提供串燒, 頭盤小食及主菜類, 價錢以地段黎講算合理價就黎冬天, 見到佢有冬蔭公湯底火鍋做推廣, 分別有海鮮/牛頸脊比你選擇見佢牆上牌寫上是日推介有呢客海南鷄 (半隻)伴油飯 ($136), 一於試下!鷄隻雖係冰鮮鷄, 但食落肉質非常嫩滑, 連埋鷄皮食仲食到香味, 已去骨啖啖肉, 配埋個特色醬汁, 辣辣地仲好味; 個油飯夠晒份量, 夠2人分享, 略嫌飯身軟身, 硬身番D會更岩我口胃!呢客限時推介既明爐酸辣海龍王 ($288), "海龍王"係每日新鮮係街市攞貨既沙巴龍躉, 專挑選D斤半!  由於有爐"慶"住關係,  廚師只煮至八成熟, 當湯底煲至滾起時就可起動!   湯底味道酸辣度好夠, 配上青檸片及芹菜更加惹味; 熱辣辣先食魚, 魚肉嫩滑, 魚皮雖唔太厚但夠膠質, 酸酸辣辣, 愈食愈想食 每次食泰菜, 仲食得落既話我都會叫芒果糯米飯, 呢度既芒果糯米飯 ($66)仲

到灣仔接朋友放工，順道吃晚餐，朋友介紹位於蘭杜街的泰國餐廳，甫入店內，被節奏明快的音響喚醒疲累的身軀，人也輕快起來。長長的雲石餐檯，排列有序卻不算密集，還帶點氣派。翻開餐牌，看來選擇不少，中、西、泰菜都有，還有不同種類的飲品我們先點份泰式柚子沙律用料新鮮，柚子肉厚多汁，蝦肉除了新鮮，份量還不少，沙律汁的甜酸味道剛好，那一少撮的腰果肉增添風味沙嗲串燒拼盆豬、牛、雞各兩串，肉件厚身，份量超值而且肉質都滑溜可口榴蓮沙冰喜愛榴蓮的朋友不要錯過，綿滑的沙冰，配上濃濃的香甜味道，活像兩片綿軟的榴蓮跳入口腔內，叫人回味芒果沙冰色澤亮麗，香甜可口店員推介的明爐酸辣海龍皇，較特別的用上沙巴龍躉，比一般用烏頭作食材的顯得矝貴，斤両十足，酸辣味濃還帶點鮮魚湯味，吃完連湯也沒浪費，店員提示預貨不多，想吃的朋友可早一天order ，確保貨源新鮮是間有點酒吧feel，卻又不覺嘈雜的泰式餐廳，為一眾想輕鬆相聚，又吃得滋味的朋友提供選擇。

泰國fushion菜都係第一次試姐，估唔到有意想不到的驚喜，所以要同大家分享正野！先比餐牌大家望望，有多種款式的選擇，而家價位唔算貴，試過食物質素嘅話就甚至會覺得抵到爛。聽店員講呢排做緊promotion $98就有六隻生蠔，仲要係新鮮法國返的食生蠔就少不了開白酒飲啦。食完生蠔黎個泰式辣肉碎薄餅，微辣的肉碎加上crispy的餅底，係泰國加意大利菜式的結合。然後黎個串燒拼盤加杯新鮮菠蘿製成的刊菠蘿沙冰，帶領舌尖去一趟泰國。重頭戲三式蟹！呢個重點推介，蟹非常鮮甜，賽磅蟹、炸蟹鉗同埋咖哩蟹，以不同的方式去烹調蟹，一次過滿足三個願望。最後食返個椰汁糕做甜品，非常滿足

又係大食妹為大家食好野時間，今次一於試下泰國菜，知道灣仔區近PPP有間隱世泰式餐廳，就等我為大家一試佢地既招牌菜。泰式串燒拼盤（$88）：泰式拼盤包括豬肉，牛肉，雞肉串燒。豬肉串燒不但用上嫩滑的豬柳肉而製，所以食落好有豬肉的鮮甜味，非常嫩口。而牛肉則用上牛柳，所以入口唔會太硬，加上牛柳肉味十分濃，可以話係高質之選。雞肉串燒用上雞柳肉，唔會太肥，而且肉質軟滑，唔會有太多雞油，所以好岩小朋友食。冬陰公牛頸肉（188）：冬陰公湯底用上香茅，紅椒，洋蔥，同泰式配料，所以飲落會有一點辛辣既感覺，但係這就係正宗冬陰公的味道。而且，牛頸肉肉質嫩滑，師父又切得十分厚，啖啖肉的感覺，牛肉加上冬陰公可將泰式風味提升，絕對係必叫。D24榴連pizza(68): 用上D24榴連製作的pizza,不但入口有著濃香的榴連味外，脆脆的皮層，入口唔會覺得食緊pizza,口感一絕，絕對係必叫的食品。芒果糯米飯（66）：正宗芒果糯米飯，就係要熱熱的糯米，再配上椰汁，咁先叫做正宗，估唔到可以再次係這裡食到，不但入口香甜芒味十足，而且芒果又用上泰式青芒，簡直係用料正宗。今次，大食指數有5粒星，不但食物有新鮮感，而且用料上乘，