Mee...lemongrass (已結業)

一間食肆要留得住個客，最主要因素一定係留住佢個胃！呢間野我呢幾個月都食左第三次啦！次次黎都勁多人排隊。真係好好味！而且價錢唔貴！性價比好高！Menu選擇好多！馬印泰都有，完全係今次試幾款，下次試幾款既不二之選！最喜歡呢d圖文並茂既菜單！好colorful！重點係佢無同事實不符，黎到通常都8成似！因爲多人，叫左全隻既海南雞！勁滑勁好食！醬料既配搭同d花生都洽到好處。再叫左個做緊特價既勁大版喇沙！真係好大碗！又足料！ 蝦，蜆，魷魚，豆卜，扇貝，魚蛋，青口等，咩都有d。 米粉同埋麵兩隻質地混合係同一碗嘅當中，食落去口感好特別。 仲好貼心咁麵湯分開上！喇沙湯用一個茶壺上，keep到食完佢仲溫暖！奶味非常濃！唔算好辣，湯底一流！我都飲左幾碗！你碗牛河好食過我喺越棧食嘅牛河！佢個湯底非常濃厚嘅牛味！做得好好！牛肉同埋牛丸份量都好多！而且河粉都幾厚身！係我喜歡既質地。最後叫嘅就係呢個豬頸肉檬粉，撈檬黎講冇乜特別，呢個正正常常。有一樣野不得不讚就係呢度嘅上菜速度！真係快到你唔信！係我哋叫咗菜20分鐘到，啲嘢就已經上齊曬咁濟！ 不過都可能因為喺出面真係好多人等，好想你食快啲啦！ 但我都仲係鍾意呢度大件夾

喺附近返工，每日放lunch都見呢間食星馬泰餐廳排哂隊，又見佢選擇幾多，決定同同事試下。喺放晏呢啲寶貴時間，行動快係必須，由落單到上齊菜10分鐘都唔駛，值得一讚！我叫咗個B餐，午市套餐跟沙侓＋餐湯＋甜品＋飲品，夠哂豐富抵食！首先講一講跟餐沙侓，細細碗，有生菜、車厘茄、鳳爪，酸酸甜甜咁，其實幾開胃，不過就唔係個個都食鳳爪，覺得如果搵泰國芒果整，應該會多啲人接受到。炒貴刁落足料，有大蝦、魷魚、魚片頭、彩色椒、大蔥。最欣賞佢火候十足，炒到每條麵條都沾上醬汁，又唔會覺得過油。精華所在莫過於夾住喺麵條中間嘅蛋，蛋嘅掛汁能力強，同麵嘅比例恰到好處，令到每啖口感同味覺上嘅享受變得更立體、更完整。餐湯同甜品會不定期轉換，沒什麼大期望，亦沒什麼驚喜。但值得一提的是餐飲，佢唔係求祈一杯凍檸茶、熱咖啡就算，呢杯泰式奶茶用心製作。泰式奶茶的特點在於苦、甜、香，三種味道的融合。苦澀來自紅茶茶葉，甜味來自糖同煉奶，香滑來自鮮奶。沖調時最好用碎冰，會比一般冰塊更能均勻地冷凍飲品，又可以將甜度沖淡少少。我可以話呢杯奶茶同我去泰國飲嘅正宗泰式奶茶有99%相似呀！同事叫咗無骨海南雞喇沙，A餐跟沙侓, 甜品, 飲品。海南雞

之前黎食過一次龍蝦喇沙，食完明白點解咁多人等位，因為係好岩香港人口味既星馬泰菜，價錢又親民，所以決定同屋企人再黎食多次，人多就可以食多幾款！無⻣海南雞（一隻）$168人多所以叫一隻，唔知係咪太肚餓，第一道菜總係特別好食，雞肉超嫩滑，雞胸都一樣好食，份量足，個個讚口不絕，不過我覺得作為靈魂既醬汁就少左啲足爆版喇沙$188今次人多可以食巨型版喇沙，真係份量十足，喇沙湯用湯壺另上非常貼心，慢慢食都唔怕麵條發脹，湯底係有d辣度，唔食得辣既人可能會食到出汗，對我黎講就岩岩好！好惹味！牛⻣湯河$62湯底有好濃郁既牛味，食完粉可以飲埋個湯，配料有牛丸牛栢葉同埋唔同部位既牛肉，都幾豐富馬來蜜汁炭燒厚切豬扒撈檬$66蜜汁豬扒好香口，厚切啖啖肉小食拼盤（蝦餅，串燒，雞翼，春卷，鳳爪）$148不過不失，穩穩陣陣冇特別大驚喜，最特別係每叫一份小食拼盤，餐廳會捐$10俾慈善機構，覺得餐廳好有心，做生意之餘不忘回饋社會無⻣酸辣鳳爪沙律$62淨食鳳爪會唔夠酸，連埋配菜食就岩岩夠味軟殼蟹米紙卷$66我食開既米紙卷係用青瓜紅蘿蔔呢類比較fresh既蔬菜做餡料，但呢度用左青椒黃椒...味道太搶，蓋過本來已經唔濃味既軟殼蟹

忙碌工作了一整天決定同友人食餐好 補充下能量💪🏻💪🏻見到呢間餐廳餐牌都覺得唔錯 決定一試😋太肚餓的關係 我們叫左軟殼蟹米紙卷MEE 喇沙檳榔炒貴刁班蘭椰絲卷海鮮喇沙一上來時已經聞到好香的香料椰奶味 配上大量鮮甜海鮮配料 如 大蝦 蜆肉 蟹棒 魚旦 鮮魷魚 好不豐富 顏色也鮮艷😋 味道香濃但一d都唔咸 一粗一幼的麵 索曬湯汁 好有口感 每一口都充滿濃郁的香料椰奶味 也令到我們食指大動 檳榔炒貴刁好有鍋氣😋 配上不少海鮮 如青口 魷魚 大蝦 及佐料如蒜茸 乾蔥 辣椒 令到貴刁很香口惹味 好像置身在東南亞一般 很地道很好味!我們加多左個軟殼蟹米紙卷 香脆的軟殼蟹 加左青紅椒 牛油果 芒果 多種口感 加埋酸酸甜甜的醬汁 很清新 好開胃😋 因為都算多菜 感覺好健康😁最後當然要叫甜品我們叫左班蘭椰絲卷煎香左的班蘭薄餅 配上香甜的cream 和椰絲 卷成一條條椰絲卷 甜度剛剛好😋為呢餐畫下完全句號原來食到好味的一餐 真係會令人忘憂 😚😚 忘記工作的辛苦 下次來試下其他菜式先😊😊😋

間餐廳一直想試左好耐，但每次食飯時間都係勁多人排隊，上星期有一日終於早收工六點鐘去到終於唔使排隊就食到。好多街坊朋友都推介呢度嘅米線同檬粉，望一望菜單價錢都好合理。我地叫左香茅雞亦做小食，雞亦好入味，點埋醬一齊食，甜甜辣辣更見開胃。主菜點左厚切豬扒撈檬，勁大塊豬扒同埋真係好厚身，咬落口so juicy 超好味，勁多肉汁，咬口好鮮好嫩，好少幾十蚊食到咁厚咁好味的豬扒，超正。檬粉點汁一齊食，勁開胃唔覺唔覺食曬一碗。老公食海南雞飯，我食過d雞驚喜的好滑，好肥美好味，油飯好香，仲有菜有湯送，一set幾十蚊絕對稱得上抵食。菠蘿hoegarden 除左有新鮮鮮菠蘿仲溝埋菠蘿湖增加左hoegarden的酸甜味，只係我嫌冰太多，飲到中段杯野飲略為變左淡左。總括呢度食物質素真係幾好，難怪長期每日一到食飯時間都大排長龍，下次去又要襯早收工先可以唔洗排隊食到囉。

Mee Lemongrass已經開業一段時間，依舊晚晚大排長龍。泰式食品，價錢不貴，看來很受歡迎。素菜喇沙今次叫上素菜喇沙，素菜喇沙用料也不少，有豆卜、雞蛋、生菜、芥蘭、椰菜、紅蘿蔔，其中豆卜吸滿喇沙湯，味濃帶辣，十分惹味。喇沙用上油麵及米粉，既有油麵的煙韌又有米粉的爽口，配上喇沙湯底很是不錯。大蝦炒金邊粉金邊粉少油不膩，味道略甜，旁邊附上辣椒粉、砂糖及花生碎，可根據個人喜好隨意混合，鮮蝦有兩大隻，肉質鮮甜彈牙。金邊粉份量不少，十分飽肚。馬拉盞炒秋葵馬拉盞醬帶有發酵蝦仔味及辣椒蒜頭味，減去秋葵本身滑潺潺感，秋葵變得爽脆可口。泰式蠔仔蛋蠔仔蛋上枱時鐵板仍吱吱發響，十分熱辣，雞蛋香甜軟滑而蠔仔鮮甜爆汁，味道討好。

放工約左朋友去東港城行新開個間GU順便係個邊食埋飯本來想去食米線點知見到Mee..Lemonglass 朋友都未食過所以我地就入去試試呢間餐廳主打東南亞食物有好多野揀 好多都好吸引 完全選擇困難症不過 好肯定既係一定叫龍蝦喇沙😍因為仲係店外既時候見到好幾枱客都點左賣相超級吸引 好鍾意食海鮮既朋友話一定要食😜所以今次叫左龍蝦喇沙 $84印尼炒飯 $74香葉蝦仁米紙卷 $62同芒果糯米飯 $48好得意，用公雞碗～😘香葉蝦仁米紙卷：個米卷點住魚露食 酸酸甜甜好開胃睇落細舊 但食幾舊都有D飽足感☺️印尼炒飯：不過不失 諗返起前年去既印尼旅行～😭果度啲蝦片食到好過癒我地最期待既龍蝦喇沙送到枱面啦！勁大個碗載住，賣相真係無得輸！😯😯😯😍😍食喇沙緊係先試喇沙啦 個湯底唔會太辣好香椰奶味 龍蝦令個湯多左種海鮮既鮮甜呢碗喇沙岩晒我口味😏😏😏食吸滿喇沙既豆卜，正！🙆🏻‍♀️呢碗喇沙幾特別 有兩款麵油麵加米粉，份量都幾多麵好吸湯汁☺️☺️食左咁多鹹既係要食下甜野--芒果糯米飯🤓到最尾一道野食，賣相依然都係好好個碟係隻拖鞋黎😂😂芒果糯米飯壽司呀！！！甜甜既芒果～食埋呢份甜品好滿足😜😜

坑口呢邊其實都有好多野食呢間野我之前見到其他地方都有今次就黎到呢到食呢到真係好多人食我地一入到去就即刻揀野食呢個小食拼盤好多野食正中間仲要有泰式鳯爪好開胃特別推介蝦餅唔單止好大餅仲炸得好好外層好酥好脆入面蝦肉鮮味好香甜而且蝦肉好幼滑另外仲有雞串燒同雞翼 我地叫左呢個緬甸咖喱咖喱唔算好辣但好香椰汁味而且有好多牛根仲要煮得好腍好入味 食咖喱就要叫埋油鬆餅外皮好酥而且酥而不膩點埋緬甸咖喱都唔會太肥仲好惹味我地仲叫左個泰式蠔仔蛋放上枱個下熱辣辣一路出煙一路飄住香味好吸引蠔仔隻隻都大大粒而且好足料足足有十幾隻加上蛋煎得好嫰點埋泰式醬汁好惹味 呢個Cool爆士多啤利冰冰聽個名就吸引左我叫杯沙冰超抵飲唔算好貴但好大杯而且賣相好吸引照相一流飲落士多啤利味好重一開始有少少甜飲多幾啖沙冰融左就岩岩好最正係份量真係好足兩個人都未必飲得哂

東港城內有間泰國料理, 經常爆滿排長龍。 今日早放工6點到步見冇麥人即刻去拎位。餐具有特色佈置有心思抄金邊粉 $72兩隻新鮮大蝦賣相吸引, 配上花生碎, 青檸角, 調味料, 金邊粉抄到岩岩好乾身, 加上蕃茄醬吊出各種配料既鮮味。 芒果糯米飯 $48食到呢個位勁飽, 但一定要點。 芒果果肉嫩，香甜, 仲有不少芒果肉係一旁, 勁滿足。糯米飯香軟, 兩者好match 叫人如何抗拒 。 珍多冰$26 。 荔枝冰$26啖啖荔枝肉好重本, 珍多冰既椰奶甜度岩岩好, 帶出椰子香味。同場見到好多人叫沙冰同龍蝦麵。 真係好大杯同好大碗。 龍蝦麵有好多配料, 仲做梗減價。 下次一定要點。雖然餐廳好full, 員工快手有笑容叫我下次再黎光顧。 十分欣賞每人都係100蚊有找, 又有特色飲品又甜品。 好抵食。

發覺原來好耐都無食泰國或越南菜，早幾日就決定同朋友一齊去附近既一間泰國餐廳食。七點幾黎到發覺好多人等位！不過好野就梗係多人等Ga啦，咁我就拎左飛先，等埋個朋友，之後等左一陣就都有位了。 入坐之後都見到有唔少人揀龍蝦喇沙，不過我個人就唔係咁鍾意喇沙，所以就無揀。 睇下份menu其實都幾多野食，第一次食都係由廚師推介度揀D 岩食既食，合共就點左四樣野。 第一樣吸引我眼球既就係牛骨湯河，有好多餸，湯底又煮超過十個鐘，都係62蚊。而且牛腩炆到超級腍，完全係唔會痴牙既，牛丸有兩粒，𠝹開左容易熟，牛肉都有牛味，而個湯底真係幾正，食埋個入哂味既蘿蔔，正。 第二樣就叫左個泰式素菜春卷，58蚊，依個就唔係好驚喜，同一般春卷一樣都皮都好脆。 之後就食緬甸咖喱雞加埋雞油飯，夾埋就90蚊。之前都無咩點聽過緬甸咖喱，但食落就唔辣，幾重椰汁味，送飯一流。 最後加個甜品，香芒椰汁糯米飯，48蚊。個賣相已經好特別，係一隻拖鞋黎既。真係名乎其實係拖鞋飯黎既，因為個芒果糯米飯入面既糯米真係好軟身，煙煙韌韌，加埋D椰汁一齊食，甜甜地搞到我甜品胃都開哂。而且最最重要係，D芒果好甜！因為好怕出去食到D 甜品芒果係酸既，咁就影響

好耐無同Daddy 出街食飯特登放工返屋企車佢出黎同家姐食飯 (超趕呀!! 因為daddy 習慣早食飯)近近地去TKO 東港城 見到有間好似新新地既Thai food (以前呢個位都好似係thai food)都幾多人等位, 等左一陣 就入得因為Daddy 肚餓所以一坐低就叫左個海南雞飯比佢食先我同家姐就慢慢睇下menu 有咩食我地叫左泰式無骨鳳爪 (最好食係呢個菜!!!)軟殼蟹紙米卷, 都幾好 不錯既, 清清地又有D 菜食下蒜容炒通菜 好似係要加錢改蒜容 不過因為daddy 唔食得辣, 好在有改咋, 蒜容炒得好香 熱辣辣另外再叫左個泰國菜必食既串燒 (牛肉) 普普通通喇 不過有多士做配搭 (有D 新奇)Overall 餐飯都算中上既 價錢公道

近來老是到外邊吃飯，很少在將軍澳的餐廳進食。今天放工，同事突然提議聚餐，便在TKO GATEWAY這家餐廳吃了個晚餐。坐下來才發現食物種類很多，泰式、越式、緬甸等口味應有盡有，近乎囊括了東南亞地區的食物。因為不算很肚餓，我只點了一碟炒金邊粉，喝着一杯暖水，一邊聊天一邊等，想不到連飲品都沒有點，光是一碟金邊粉已很有驚喜。金邊粉很快便到了。放上桌時熱氣不斷上冒，顯得鑊氣十足。因為同事的餐都已到了，我們便立刻開動了。這個金邊粉十分不錯，以商場餐廳來說，算得上是功架十足，甚至一般的大排檔都不一定有如此水準。金邊粉不但炒得條條分明，而且每一條的色澤都十分均勻亮麗。而味道和口感亦算高質，鹹和辣平衡得很好，十分惹味。我們很快便吃完，便決定再點一個香芒椰汁糯米飯分享。這個糯米飯外型十分精緻，用一個拖鞋形狀的碟盛着，腳趾是一塊塊金黃色的芒果，而腳掌則是四件「芒果糯米壽司」，十分有心思。這裏的芒果味道不算很甜，但吃得出十分天然，是新鮮芒果，而「芒果糯米壽司」既有芒果的鮮味，又帶了點糯米香，是不錯的飯後甜品。想不到在這裏工作這麼久，一直沒發現這樣就近的商場內有一家高質餐廳，實在失策。

新開左一段時間keep 住多人，今次都等左1個鐘先入到去! 其實係坐得幾舒服，場內都光猛，侍應都多呀，一叫即到，上菜好快呀，乾淨俐落，繁忙時段都唔會黑面! 整體係岩香港人口味既馬拉菜，你話要好地道就一定唔係嫁啦! 所以睇下你想食咩啦…叫左幾樣都好岩口味，尤其是個喇沙係推介既 最有驚喜係碟馬拉盞炒秋葵軟硬度同味道好適中，會keep 住係咁一粒一粒唔停咁放入口! 個人而已，會再黎試埋其他菜! 不過當晚食完係咁飲水。。。唔知係咪太多味精!

..話說當日星期五晚，等位等左粒幾鐘，滿心期待，但真係比較一般，我個人唔會有意欲回頭再試。...當日食左個龍蝦喇沙（老老實實名都唔記得）個龍蝦鞋到不得了，好難咬⋯我終於明點解係從幾十蚊一碗咁大隻龍蝦了⋯佢係油麵同米粉各半既正宗做法都幫佢唔到⋯.至於個喇沙湯底，好重椰汁味，落重椰汁，其他味無咩食得出，講完。..

今日放工後突然很懷念喇沙的味道，剛巧記得坑口附近開了一間馬來喇沙專門店，所以相約老公在坑口食晚飯。我們到達時只是七點，但已經要排隊等候了。以平日坑口區來說真的少見！餐廳名字很特別:Mee…lemongrass!枱上的餐紙也很特別，有齊分店位置的圖片，還有一個很可愛的公雞小碗！店內的裝修亦很趣緻，牆邊擺放了很多公雞裝飾，可能是由於這𥚃是海南雞專門店吧！剛巧店舖做推廣優惠，可以半價食到原隻龍蝦喇沙，所以二話不說就點了！湯碗超大，龍蝦亦很大，而且有很多膏呀！配上喇沙湯真的一流。串燒亦是另一推介，雖然$66四串好像有點貴，但味道確是物有所值！雞肉烤得香口，配上沙嗲汁更滋味。旁邊的鮮菠蘿亦很清甜開胃。下次可以試牛肉串燒。另外亦點了炸蝦餅和馬拉盞炒通菜。蝦餅$68有四大件，而且很彈牙，可說是超值之選！今晚真的很滿足啊，下一次會再來哦！