Mee...lemongrass (已結業)

去完迪士尼Happy之後我地黎左青衣城搵食之前就有睇過佢地有個龍蝦喇沙每日限量幾有趣今次我地有四個人 所以可以叫多D野.❤️招牌海南雞(半隻) $1️⃣3️⃣8️⃣嫩滑丫，可惜個醬冇薑容❤️MEE喇沙-大蝦﹑蜆肉﹑蟹柳﹑魚蛋﹑豆卜﹑雞絲﹑雞蛋 $8️⃣4️⃣一碗面入面滿足曬想食好多款料既慾望❤️泰國豆奶紅豆冰 $3️⃣8️⃣鐘意甜既朋友千其唔好錯過呢款飲品我個人牙齒太敏感呢個一飲牙即痺😂係甜泰式豆奶再加甜既紅豆冰🥬馬拉盞炒通菜$6️⃣4️⃣❤️泰式蠔仔蛋$8️⃣8️⃣超級推介呢個！基本蠔仔蛋入面嘅蠔仔加埋係非常之嫩滑同埋好match嘅

平安夜放半日，近近地就去青衣城睇下有咩食。就見到呢間食喇沙、海南雞飯餐廳。🤪🤪今日平安夜，就一個人自私食下午餐喇。😁😁叫左個海南雞喇沙、串燒拼盤，同埋芒果🥭糯米飯（呢個就無影到相）食到太飽要打包走🤣🤣個芒果糯米飯好正，平時出面食芒果好多都係酸；但呢個芒果係甜甜地，啲糯米飯加上甜甜的椰漿好夾呀😍😍 推介給大家！⭐️⭐️⭐️下午茶時段只要加$28就有芒果糯米飯👍🏻👍🏻🤤🤤最後仲飲埋杯椰汁珍多冰，好滿足🤤🤤

青衣城二期主要都係飲飲食食同戲院 餐廳比較多 但當中最突出嘅莫過於呢間星馬泰餐廳佢以每日限量發售嘅龍蝦喇沙做賣點$100內食到前臂咁大嘅龍蝦 真係非常抵但今次我哋叫咗一個魚蛋，蝦，豆卜喇沙套餐同咖喱飯套餐唔食得辣嘅我覺得味道好適中 好適合香港人嘅口味 但可能如果要食更地道更辣嘅喇沙 可能就達唔到你地想要辣嘅快感啦午餐嘅套餐真係好抵食 除咗飯或麵以外仲有前菜，湯，飲品，仲有飯後甜品 全部放晒落同一個盤 真係食到好飽好抵食眼見都有好多辦公室員工嚟呢度食午餐 真係好值得再次幫襯

有朋友前幾日嚟過呢度，食過波士頓龍蝦喇沙，佢話$84一碗有全隻波士頓龍蝦, 非常超值抵食，所以我今晚特登嚟食呢個喇沙。點知原來每日有quota限賣60隻的，我唔好彩食唔到。於是改食秘製特色牛骨湯河，呢個湯河都有好多餸：牛腩，牛丸，牛肉同牛柏葉；湯底熬煮超過10小時，味道好濃郁，似肉骨茶味道。我個friend點咗雞絲扎肉撈檬粉，份量都唔少，有好多扎肉同雞絲，加咗魚露食，非常醒胃。另外仲點咗清炒雜菜同香茅雞翼，碟雜菜有椰菜芥蘭秋葵，清炒食夠健康；香茅雞翼有5件，未食已聞到香味，外脆內軟，係我每次嚟都例牌要點嘅食物。

Mee.....lemongrass原來好多地方有分店 今次就試試青衣店❤.波士頓龍蝦喇沙🦞呢個價錢可以食到原隻龍蝦，係原隻啊！真係真材實料！龍蝦算大隻仲要好多膏 d肉好實好新鮮喇沙都好香濃惹味 仲有埋豆卜但龍蝦係每日限量供應想食就要早少少去食🤩.小食方面叫左蜜汁炭燒豬扒豬扒好厚身仲好大份 2個人都食吾哂豬扒燒得好香 配埋個辣汁都吾錯建議多人食先叫 因為真係大大份.馬拉盞炒通菜份量大大份而且炒得好有鑊氣好惹味又吾會太辣❤.見到隔離枱叫左芒果糯米飯賣相好吸引 都忍吾住要order一份試下芒果糯米飯有4件 擺得好精美🤩可以一口過 另外仲有芒果粒伴碟芒果甜甜的🥭.作為芒果既愛好者野飲order左杯cool爆芒果沙冰超級大杯啊 可以兩個人share一杯芒果同樣甜甜的 解渴一流

見好耐無食衣間店舖，便同家人下午5點15分入去食下，入到去，侍應同我地講係咪食下午茶，5點30分截單，我地話仲有15分鐘，「好呀，下午茶」之後另一位侍應出來，食下午茶只可食到6點走，你都係食晚餐。點呀，呀姐，你地夾好口供先喇！我問個阿姐，現在未截下午茶，我叫左下午茶，咁我地未食灑，你趕我走。個阿姐唔出聲走左。最後都叫左下午茶餐，碟鐵板黑椒牛肉粒係生到食唔到，最好食係碟炒貴刁，但溫度可以熱d。相比以前，質素比以前差了，服務態度都差左，不知是否轉灑人的關係。青衣城好食店舖唔多，希望店舖食物及態度可以改善下。

呢間泰國菜都幾多分店，不過就第一次嚟食，閒日黎都幾多人。當然要試吓呢度嘅芒果沙冰，食泰國菜必點！呢度嘅芒果沙冰夠兩個人飲，勁大杯，都有啲芒果肉。軟殼蟹米紙卷，一客有六件，食落脆薄博，雖然軟殼蟹有啲細隻，不過加埋入邊嘅沙律菜，口感豐富！馬拉盞炒通菜，份量多，不過味道偏鹹，好啱送飯！炒貴刁，原本以為係會辣辣地，不過呢個唔會，感覺較濕，不過味道唔錯。整體來講食物分量偏大，飲品同前菜都唔錯，不過主菜味道偏鹹，比較適合重口味人士。

見到Mee...lemongrass 做緊原隻波士頓龍蝦喇沙的推廣優惠，原價168，現在半價84蚊，被佢吸引左入去。晚市雖冇套餐優惠，但各款美食價錢都幾抵食，選擇仲好多添，選擇困難症發作。原隻波士頓龍蝦，超級足料，賣相十分霸氣！喇沙湯不算太辣，鴛鴦面，油面同米線，份量好滿足！大大龍蝦鉗同龍蝦膏！肉質幾好。飽滿實在，啖啖蟹肉，幾鮮甜！豬扒撈檬，一整枝檬汁任用，一d都唔小氣，豬扒香口，撈檬夠爽口，酸酸甜甜胃口大開。香脆鱸魚配青芒果秘制醬汁，非常抵食，大大條魚，師傅已經將魚肉起骨，再砌返魚型，魚塊脆香可口，同青芒果好夾，淋上酸辣汁，正到一個點！

同朋友一齊又返番來老家～『青衣』喇，吃咩好?都係去返之前吃開龍蝦喇沙嘅Mee…lemongrass喇。但今次唔吃龍蝦，試吓第二啲嘢啦。嗌咗两個套餐，一個係秘製肉骨茶配飯，另一個係軟殼蟹撈檬粉。两個餐都跟有前菜，甜品及飲品，加22蚊就有勁吸睛的泰國豆奶紅豆冰，豆奶係倒立而放，好似滴漏豆奶咁，有特色。而另外加咗8蚊就有嘅珍多椰汁冰也好飲。肉骨茶係地道星加坡Style，有濃厚的藥材味，内有排骨，龍眼肉，杞子，豆卜，排骨够腍，豆卜索哂啲湯零舍好味，而軟殼蟹就普通size，但佢嘅鮮味為檬粉加鮮，而啲撈汁好正，差唔多用哂成樽

天氣凍左，但就好懷念夏日美食，去泰國旅行又泡湯，唯有食返泰菜補下數珍多冰多奶，吾算太甜，吾錯炒貴刁少少辣，吾會太乾吾會太濕，好適中蒜蓉炒通菜，好香，份量都吾少老公必選海南雞飯套餐$80有湯有菜有油飯同海南雞雞肉好嫩，無肥羔，皮吾厚，合格油飯好香但又吾油膩湯好夠火喉菜心無咩特別伴碟仲有好多花生，青瓜米飯分明好好咬~~~湯好甜好夠火喉~~菜心份量算多，走油，幾健康!!上菜速度比較快,所以食完仲有時間坐係度慢慢傾下計食下甜品~~

聽朋友講餐廳出咗隻好有 gimmick 嘅大龍蝦喇沙！！！！只需84蚊，仲要係每日限量供應！ 今日放假，所以早少少去食，以免失望而回。真材實料，大大隻龍蝦放喺香濃惹味嘅喇沙湯麵上面，正呀！

去青衣城搵嘢食，發然間新開嘅泰國嘢，就興致勃勃入去食！其實入去係因為見到有原隻波士頓龍蝦喇沙，見到張相好震撼，見到人地叫都好大碗，可惜我哋去遲一步，所以冇叫到所以叫咗其他嘢食，第一樣嚟嘅有軟殼蟹撈檬，但隻軟殼蟹嘅大細同我想像中有啲出入⋯⋯雖然隻蟹細咗啲，而且唔太熱，如果我再光顧呢間嘢，我諗我下次唔會叫呢個呢間店係喇沙出名，當然要叫碗喇沙食下其實嗰喇沙湯底好好食，而且佢個麵底有油麵同埋米粉，豆粕吸左湯底既味道，我而家美中不足嘅係塊炭燒豬扒一般般，唔夠熱⋯⋯最後上菜嘅有大蝦炒金邊粉，呢個有個吐嘈位係上菜既時候個待應將條蔥同青檸跌咗落枱面，但就咁就走左去，所以我影出黎就係上完菜既狀態，嗰一刻有啲汗顏😓，心諗我用唔用個青檸好，最後我都有擠幾滴青檸汁落去個金邊粉度，但味道都係一般般，幾樣材料嘅味道唔太混合埋一齊總括嚟講呢間野價錢唔貴，而且份量都好足，但味道方面就爭小小，不過喇沙就真係值得一試嘅，下次有機會我會想試吓佢嘅波士頓龍蝦喇沙

原本將軍澳中心開咗呢間mee...唸住去食但係我次次去都大排長龍食唔到 最後我誤打誤撞係青衣終於試到lu~【波士頓龍蝦喇沙】🦞絕對要去食！個湯底唔太辣充滿椰香同埋甜甜地咁仲要唔會過膩超好飲😍 加上豆卜吸收曬啲湯好食！最重要係有龍蝦呀呢個價錢我唔理係咪真係波士頓啦😂但係龍蝦肉比較韌同冇乜味但係都ok嘅 但係我下次會叫番佢普通嗰款喇沙會性價比再高啲同埋佢地係可以揀要咩麵架我叫左米粉同埋唔會太淋搞到爛晒值得一讚👍🏻佢地有好多間分店架呢間絕對可以再食!!!

星期五相約好友，到Mee...lemongrass品嚐滋味泰菜，餐廳有Seasonal Offer，原隻龍蝦喇沙以優惠價$84，每天限量供應60隻，售完即止，我們也趕緊把握機會。波士頓龍蝦喇沙 $84 巨型龍蝦鮮豔吸睛，佔據了整個碟面，龍蝦肉質彈牙、爽口，入口鮮甜惹味，蝦箝已經敲開，喇沙香味透入蝦肉，連同彈牙粉絲，滋味吸引! 咖喱喇沙加入椰奶，湯頭濃稠香溢，豆腐卜、蛋黃吸收了湯底精華，入口充滿椰香。湯麵混合了米粉及黃麵，煙韌和彈牙口感相輔相成，令人食慾大增！香芒椰汁糯米飯 $48 擺盤別緻，糯米飯搓至小飯團，放上新鮮厚切芒果肉，酷像壽司，一口Size方便享用。在芒果肉淋上蜜甜的椰漿，入口冰涼黏糯，夾雜花生碎，綿密中脆卜卜，口感多層次。總括而言，餐廳食物水準不俗，價錢走親民路線，是必試之選。

青衣城睇完戲，經過餐廳門口，畀佢餐牌吸引了，原隻龍蝦喇沙只需要$84，餐廳環境不錯， 立刻入去試試。原隻龍蝦喇沙湯麵原價$168 優惠價$84 (溫馨提示： 每日限量60碗， 賣完即止)原隻龍蝦開邊放在湯麵上， 顏色鮮紅悅目， 身型巨大， 令人驚喜， 賣相十分吸引 ，當然是相機食先啦 ，放下湯麵，陣陣誘人椰香味飄來， 材料仲有銀芽、 雞蛋及腐卜， 足兩人份量 ，先呷一口湯， 十分鮮甜 ，香而不辣， 湯麵裏面有粗麵和幼麵 ，湯麵和腐卜吸收了湯的精華 ，十分滋味，龍蝦已經開邊，好輕易將龍蝦肉取出來吃， 龍蝦肉雪白彈牙， 令人吮指回味。香炸蝦餅$68四件蝦餅即叫即製，熱辣辣，香噴噴， 外皮炸到金黃色， 賣相令人垂涎，蝦餅入口緊緻彈牙， 啖啖蝦肉鮮味 ， 完全不覺得油膩 ，沾上泰式酸辣醬，十分惹味，令人想一吃再吃。