Monster Sushi (已結業)

細妹跟我說佢前幾晚用了 openrice coupon, 在Monster Sushi 食夜宵超第呀! 平時很喜歡他們的Lunch Set, 所以知道有這個coupon 立即去幫襯了!! 想不到仲可以做埋 member 攞多份壽司, 真的好著數囉, 而重點是星期六都可以用到以上著數!不過可能太多人, 我覺得側埋在卡位的一邊, 完全被忽視了.....而且侍應都太忙....速度有點過慢但一分錢一分貨, 這個價錢比平時中午還要平! 清酒煮蜆份量都幾多, 而且酒香夠, 在如此冷的天氣下覺得很溫暖! 蒜白厚燒牛舌這個牛舌有點太騷...不是我杯茶, 而且一點都不厚切囉火炙三文魚忌廉芝士蟹肉卷很濃郁的忌廉芝士三文魚,火炙了的幾香, 加上蟹肉,這個很好味日式香蒜牛肩粒em...碎切了的牛肩粒不夠juicy, 亦比較細粒, 肉質本來要 medium, 卻煮到全熟, 不太欣賞黑松露三文魚露筍卷 黑松露的味不太濃, 但配上三文魚壽司點都很夾, 露筍味道可能給蓋過了不太突出 Hokkaido Style Pork Udon豚肉很薄, 而肥瘦不太均衡....烏冬彈牙而且有粒糖心蛋加分! 

今晚收到好朋友的紅色炸彈, 忍不住要慶祝一番, 快結婚了, 當然不敢吃肥膩, 是晚去了食壽司!Monster Sushi 的裝修簡約但玩燈效, 用上了很多特別的燈 我們叫了很多東西, 發現熱食跟凍盤質素都幾好! 和風海鮮雜炊($59)有元貝, 蟹腳, 鮮蝦, 配以菇類及蛋花, 這個湯飯變得很鮮甜美味! 值得一讚牛油雜菌手羽先($42)想不到大廚已把雞翼一分為二, 所以進食很方便!! 雞翼給香煎過, 而且有蔥花在上面, 很香口, 底用上了牛油炒香的雜菇, 但進食口感又不會太油! 芝士鰻魚卷($38)這個芝士片底下有一粒厚切的鰻魚, 加上中間的魚及沙律醬, 一口放在口中, 實在覺得很香口! 只是覺得不夠熱, 入口有點冷...北寄貝壽司($28) 面上有一點點的酸梅醬, 令北寄貝的鮮味給帶了出來! 火炙美乃滋蟹捧($19)略覺得不夠熱....帆立貝壽司($38)大大粒的帆立貝很新鮮, 入口覺得很滑有口感! 柚子清酒雪葩啫喱($45)柚子清酒雪葩一定不會叫錯, 很清甜refresh 的感覺, 下面的啫喱及蘆薈都很清, 味道很夾只是不太欣賞下面的冰.....當食到一半時, 因受力不太均, 經常想

一向都好鍾意去旺角monster sushi覺得佢d 魚生新鮮。點知今次改去尖沙咀分店就出事！話說當日去食lunch，中午12幾到，出面已經有一堆人排隊，好在我地只有兩個人可以坐未滿的吧檯。因為lunch time好趕，我哋是但叫咗兩個sushi set, 當時都冇為意個set包左嘢飲，只知道有前菜同湯。店員落order的時候都冇提過有嘢飲，只係話要等二十分鐘。聽到都有啲愕然，不過覺得可以邊吃前菜邊等都OK。等啊等啊等，等左15分鐘仲係乜都冇。叫個Staff幫我地追下，佢無乜反應。又等多十分鐘，見到隔離有餐茶於是叫個貌似經理的staff幫我地落埋餐茶順便又再追下⋯再過多十分鐘，真係忍無可忍！點解可以連前菜都未有，坐足35分鐘乾等！！！好嬲咁向經理反映，佢先至如夢初醒去攞前菜同飲品比我地食住先。留意返，上前菜的時候我哋已經等左差不多40分鐘！個前菜有一小碟沙律，蒸蛋同miso soup。蒸蛋同miso soup味道都ok, 但個沙律真係完全唔掂！啲菜非常唔新鮮變晒色！睇見都唔開胃！我唔敢食呀！五分鐘後，個主菜終於出場。足足45分鐘呢！d sushi整體都ok,不過三粒軍艦啲紫菜已經淋晒，

一行四人的生日飯局，跟這三位好友已經第二次光顧位於尖沙咀國際廣場的Monster Sushi了。星期四晚上七時左右到達，不用等位。先來最基本的三文魚壽司(每客兩件$16)。玉子燒是Monster Sushi的招牌菜之一，這次選了松葉蟹膏玉子燒($24)，十分鮮味。這一碟的顏色很美，前面的是黑松露吞拿魚腩鵝肝卷($42)，後面的是黃金卷($26)，即加了芒果的加洲卷。兩款卷物都有芒果，芒果非常香甜。海膽甜蝦壽司(每客兩件$36)和帆立貝壽司(每客兩件$36)。我們都愛吃牛舌，當然要點蒜香厚燒牛舌($36)。好友推介的鹿兒島炸黑豚肉($45)，簡單來說是一件炸過的東坡肉，味道很好，不會太油膩，淺嚐一件便夠。炸雞軟骨($32)是另一款要跟一班好友分享的美食。安歌的帆立貝壽司，還有某好友非常喜歡的劍魚腩壽司(每客兩件$26)。最後點了兩客甜品，有沒有上鏡的北海道3.6牛乳奶凍配草莓雪糕($36)，還有充當生日蛋糕的比利時朱古力雪糕配布朗尼($39)。

原來這食評是第100篇食評，今日女朋友帶我往Monster Sushi食tea，我們點了劍魚腩壽司，玉子鰻魚燒、Monster壽司和龍蝦沙律蟹棒玉子，劍魚腩壽司好新鮮，玉子鰻魚燒燒得香甜、Monster壽司好特別，內有蟹籽，拖羅、海膽和帶子裙邊，口感好多層次好好味，而最後的龍蝦沙律蟹棒玉子，超大件呀! 未食過咁大件壽司! 味道好好食，玉子好香，好豐盛的下午茶。

祝我生日快樂^^ 生日既晚上同兩位好朋友黎i-square食sushi! 呢度既環境比起朗豪坊好好多大好多, 而且私隱度都幾高, 挺適合談心的其實食物就唔止嗌左咁少既, 不過太肚餓有啲唔記得影就食左啦@@刺身-只點了帶子和三文魚各一份。兩樣都好新鮮, 而且雪得夠凍, 忍唔住想encore!小食-雞軟骨炸得岩岩好, 唔會太脆又有少少肥肥地既口感, 點埋佢橙色既sauce食味道好夾! 牛舌係友人極力推介, 一份有四塊上面有啲蔥同炸蒜, 牛舌表面炸過, 外脆內軟, 食落口成浸so味, 真係無推介錯!南瓜同蕃薯天婦羅炸粉唔會好厚, 兩樣都好甜!壽司-整體黎講都幾好味, 飯唔會太大舊, 亦無落太多壽司醋令到啲飯好酸! 三交魚愛好者表示三文魚全都好好食, 而我就中意食蟹棒, 如果多啲沙律醬加少少芝士就仲好味!cocktail-生日咁開心, 每人嗌左杯cocktail!我嗰杯無記錯係"sex on the beach"..有啲咩其實唔太記得, 好似有西柚, 橙, 酒係rum? 酒味唔算好濃, 不過可能因為西柚關係, 飲落有少少苦!

今日Team Lunch 秘書提議去 Monster Sushi，這裏提供了5大頁不同款式的set lunch。我選了魚生飯，雜錦粒粒魚生丼 ($98) － 這個餐包了一個魚生飯，前菜，蒸蛋，沙津，湯，甜品，還有茶／咖啡，魚生不是非常新鮮那種，賣相也只屬一般，粹粒魚生上有一小片海膽(小得差點看不見），魚生分量也不多，只是薄薄一層放在珍珠米上，用來拌飯吃有點不夠。 蒸蛋不夠滑，而且是凍的，但味道還可以前菜是漬物蓮藕，味道不錯 味噌湯有點淡，內有紫菜和豆腐粒，如可濃味少少就好旁邊同事選刺身定食刺身定食($138) - 海膽賣相不新鮮，但同事說食落味道還可以，但不算鮮甜。這餐 Team Lunch 只屬一般，如果各位真的没有選擇也可以來一試的。但我應該不會再來。

在openrice看見有9點半後優惠coupon，滿$250減$100，仲要可以一次用5張，即管去試試吧！星期五晚上9點9去到，不用排隊不用等位，還安排我倆到梳化位坐，感覺已經不錯。壽司感覺新鮮，不錯。配上清酒真的不錯。牛脷就很香，但口感不太好，個人認為太“林”。這個優惠真的抵吃，比起那些9點半後半價但要大排長龍的好多了！

朋友在openrice 印了優惠劵﹣9:30後食滿$250減$100, 好抵咁, 便去食, 門口也有不少人手上是拿優惠劵呢～ 一入門口已坐了很多人, 迴轉枱座位略嫌迫頗嘈。第一好吃的是和風明太子醬燒帆立貝, 超好吃, 那個醬很香濃, 帆立貝有鮮味, 我們還多叫兩件！第二好吃的是“芒果花之戀”, 芒果很香很甜第三好吃的是“三文魚壽司”, 不是出面某間壽司店的超薄切, 這間吃得出三文魚的鮮味, 賣相亦不錯！總結, 每人百多元的價錢, 可以吃到好味道又飽肚的日本餐是超值 (美中不足是座位不算得上舒適)

復活假期玩完一整天, 我們到了Monster Sushi吃晚餐, 我們點選了三文魚, 吞拿魚, 鰻魚, 甘蝦和天婦羅等等的壽司和牛肉烏冬, 壽司的份量很足夠, 餡料夠多, 非常鮮甜美味, 當中的三文魚壽司很肥美, 有入口即溶的感覺, 吃到停不了, 而天婦羅炸得很脆, 但不算太熱氣或太油, 而牛肉烏冬熱辣辣也挺不錯, 此外, 店員服務周到, 落單一會兒已有供應, 值得一讚.

因為在iSquare睇戲,選擇在iSquare吃飯,最簡單方便~性價比高的,立刻想起monster sushi.7點不夠,没人等位.叫了一點壽司和熱食~三文魚子筋鹽漬壽司: 原價$32. like + share "monster sushi" fb page之後半價~$16. 鮮味!! 鹽漬夠味,不用點豉油,否則咸到飛起...三文魚壽司: 魚很薄,不夠新鮮... 三文魚親籽手卷: 紫菜淋的.... 最愛的帶子壽司~没雪味,但不夠鮮味... 創意壽司~味道還可以的~但不致於好吃到要encore保持美味水準~玉子嫩滑,蝦爽口~與芝士非常配合~好吃!! 烏冬煙煙韌韌~ 加蛋後猶如打了"獻"一樣,使烏冬更美味. 可以一試!!還點了軟殼蟹~1開4, 炸得剛剛好,不會太乾.吃得差不多,還點了甜品~但甜品...令．人．失．望．超難吃的鯛魚燒.... 配非常一般的芋頭雪糕....浪費了錢之餘,還浪費了胃容量... 下次還是專注吃壽司吧!!

星期四晚七點零，唔洗等位就可以入座。其實monster sushi算是本人食日本菜的飯堂以前最愛呢到既蟹籽沙律（青瓜切到絲咁幼，一住住咁夾好開心！）、火炙左口魚邊同火炙美乃滋蟹棒壽司。好可惜依家已經無幼幼青瓜絲、左口魚邊上的辣汁太多蓋過了左口魚的魚油香、蟹棒雖大件但內裡略乾不太juicy。但仍然有些食物每次都要食、又保持到水準既！@玉子燒層層滑層層香，有無饅魚都咁好味：）@哥斯拉卷雖然唔太食得出入面有海饅、牛油果⋯但係外邊炸得脆卜卜，入面軟淋淋有d糯米口感，我同男友大愛！最鐘意係最後先追加，一人一件當甜品(因為其實有點似食緊炸紫薯餅)@刺身每次都無失望既, 新鮮！總結：水準整體穩定，但希望繼續保持！上面已經提到既希望可以改善番

同朋友去I SQURARE 食由吳彥祖有份開的MONSTER SUSHI我本身無留意這間SUSHI 店的,但朋友說好好食的,所以去試食一下。我地一行4人,3女1男,其中一位女朋友放9點,所以我地約了9點半去食晚餐。原以為9點半己已經夜食啦,點知還有好多人在等位。我地一坐下點了個熱清酒飲,因為我有位無酒不歡的朋友仔。清酒不會太烈,容易入口,女仔都可以飲到。魚生刺身盛盆~~有像手指一樣粗的真寶甜蝦,肥美三文魚腩,新鮮三文魚,鮮甜的牡丹蝦,大大粒的帆立貝。芒果花子戀~~平時食花子戀多,但今次食有芒果肉的花子戀,比較特別,有芒果的香甜,鮮嫩的三文魚,我喜歡一口把全個花子戀放入口,好有口感及滿足感。好開心呀! 火炙三文魚忌廉芝士蟹肉卷~~把忌廉蓉放在三文魚上面,再燒一燒,把魚及忌廉的香味帶了出,內裡有芝士及蟹肉,食落不會太"漏"。韓國產鮮人參手羽石鍋~~有新鮮韓國人參,鮮茹,雞翼,燙圓去煮這個鍋,雞翼好嫩滑,有淡淡的人參味再加上煙煙韌韌的燙圓,燙好清甜。我不太喜歡食咸燙圓的,但這個味道確實幾好味。朋友把新解的人參食了,佢講仗條參好粉及嫩,好 喎!!炸蠔~~蠔大粒,炸後又香又脆,不會太多油留下

等位不是很久 我们去的是晚场 打印了优惠券 优惠完一共268东西不算便宜 但是感觉都不新鲜 ！而且不是很好吃！！环境也很吵！觉得还是板长的更好一点 无论食物或是环境所以从坐下差不多半个小时我们就吃完走人了不会再光顾啦～

以前返尖沙咀Monster sushi又剛開舖，佢地嘅set lunch好大份好好食，所以好鐘意食。幾年冇黎，今次再食晚餐睇下有冇改變。3個女仔叫左個2人餐，再每人叫多樣鐘意食嘅小食，點知太多，個餐太豐富啦!!前菜 ~ 和風蕃茄唐揚凱撒沙律有d妹仔大過主人婆，炸雞份量大過沙律。炸雞唔係太脆但唔會林，沙律菜都好新鮮刺身 ~ 鮭魚山葵香草汁刺身 其實冇咩山葵味，酸酸地，好味鍋物 ~ 北海道蝦味噌黑豚素菜鍋好濃味嘅豬肉雜菜煱，OK啦揚物 ~ 海之贈物天婦羅天婦羅全部海鮮，有鱔有蝦有軟殼蟹等等，但就冇我最愛嘅炸蕃薯。食一件鱔天婦羅好甜，不過唔夠脆。食事 ~ 江户前壽司盛盒共20件壽司，包括2件花之卷、2件海膽及4件卷物，好新鮮，不過太多食剩了數件魚壽司汁物 ~ 油揚蜆肉味噌湯本人對味噌湯冇乜興趣，所以俾哂朋友飲甘味~ 3.6北海道牛乳布甸配士多啤梨雪糕好味，唔太甜，雖然已經好飽都食左大半杯個餐可半價叫2杯特飲，咁我地再另外叫多杯，不過唔係太特別。另外散叫多3樣野，第一個係我最愛，芝麻醬冷烏冬，唔太冰，個醬同烏冬好夾；第2個係燒魚較，呢個我唔太愛，有D腥第3個係赤貝壽司普通，冇話唔新鮮又冇話特別