Mue Mue

營業中

休息中

今日終於有機會試一試新開嘅泰國餐廳先講餐廳裝修設計方格比一般泰國餐廳走更高端路線環境和服務水準都有中上水平 亦有獨立房間今次平日中午用餐 有set lunch menu是日午餐蝦醬菠蘿和牛鬆炒飯蝦醬味道唔算特別濃厚味道唔會太咸，加上肉鬆口感到達另一層次另外都追加咗小食泰式蝦餅表皮炸粉唔會話太多，外脆內軟，口感不錯香茅檸檬茶 味道不會太甜帶點淡淡香茅 更加清新最後叫咗個甜品 雪糕芒果糯米飯價錢抵食，味道亦不錯 值得再次光顧

紅磚豆腐 $128賣相好特別，外層脆身，豆腐好滑，因為加左紅菜頭，所以外層橙紅色。一碟只有4件，份量有啲少，旁邊有啲乾辣椒同八角，但豆腐食落就唔覺有辣味。青咖喱和牛面頰 $298和牛面頰肉質軟腍，牛肉味道十足，加埋青咖喱辣辣地，仲有椰香味，好正！手工白刈包 $68白刈包好鬆軟，打開夾啲青咖喱和牛面頰落去食一流。芒果糯米飯 $128同平時食開既芒果糯米飯有少少唔同，佢上面有啲粟米片，側邊有兩球芒果雪糕，雪糕幾滑，但芒果酸酸地，糯米飯稍為硬身，唔夠軟糯，椰香味唔夠重。如果有朋友生日，可以免費加生日牌。呢間餐廳開左半年都唔夠，以泰國菜黎講價錢偏貴，每道菜份量都細。不過餐廳環境好優雅，以白色為主調，分室內同室外，都好適合慶生。如想chill啲，可以揀坐室外座位。

Mue Mue是今年新開嘅新派泰國菜，有趣嘅係餐廳由入行逾25年嘅中菜師傳坐鎮😂，所以係中泰fusion菜! 餐廳環境寬敞，象牙白色主調、西式摩登風格，有不少沙發座位，還有獨立房間同戶外座位<酸辣脆皮手撕雞 (半隻)>$298<青咖喱和牛面頰> $298<炭燒沙嗲拼盤(6串，每款2串)> $188<参巴豬頸肉炒椰菜> $168<菠蘿炒飯> $248<酸辣脆皮手撕雞>呢道菜沿用炸子雞嘅做法，所以比一般泰式燒雞脆皮。以冬蔭公醬醃製入味，待風乾後再炸，然後拆肉上碟，另可夾配泰式蝦片同粉皮一齊食🤤雞肉充滿冬蔭公味，但唔會過辣，開胃、皮脆肉嫩，好食!👍<青咖喱和牛面頰>選用澳洲和牛面頰，肉質軟滑易咬開；青咖哩香濃，配上茄子等配料，送飯啱晒🤩<参巴豬頸肉炒椰菜>又係fusion菜，以回窩肉風格和参巴醬烹煮，豬頸肉同椰菜都好夠味，如果辣多少少再惹味d😈<炭燒沙嗲拼盤> 雞、牛、豬各2串，每串四大舊，肉質頗淋多汁，配埋沙嗲醬幾好食👍<菠蘿炒飯>

🔸泰惹味🔸Mue Mue取自泰語中的「手」，同時亦代表著泰國「合掌」文化習俗，象徵店內每道菜式都由餐廳誠意滿滿地親手烹調製作，富有泰式風味。總廚廚壇新貴周世韜師傅擁有逾25年入廚經驗，曾主理多間知名中菜食府。他以嶄新手法重新演繹來自不同地域的傳統泰國菜，為客人改變固有泰菜印象。Mue Mue 空間寬敞，佔地7,000呎，除大廳座位外，還有美美的貴賓房及60個戶外雅座及新概念酒吧Mue Bar。除咗一般朋友約會食飯，亦適合party宴客。當日一行4人午膳，失望只有 lunch set 供選擇，未能夠試較出名的菜式。但不打緊，Lunch set 有炒粉麵飯可先試試周師傅嘅工夫。點了3個招牌主食4人分，包括海南雞飯、泰胡椒手切牛頸脊炒河、咖喱滑蛋虎蝦球炒粿條。前菜香辣脆蝦片，鮮炸香口，厚薄適中，蝦味濃，大家讚不絕口。海南雞飯中規中矩，較驚喜是隨飯送上的大蜆湯，鮮甜厚肉，相當有誠意。另外泰胡椒手切牛頸脊炒河、咖喱滑蛋虎蝦球炒粿條都非常高質量，份量十足，有鑊氣，醬汁調味 balanced，很讚。另外add on 泰式蝦餅亦非常出色。回頭率滿分嘅餐廳！

一間Mira Group 棋下新開嘅餐廳，星期日試吓佢哋個Brunch ，頭盤有2頴，任食小食有6種，我只係試過4種，豆腐好惹味👍，串燒雞一般；冬蔭功湯頗辣，但海鮮料幾多👍; 鮑魚大隻但冇乜味；主食好味，牛肉好焾👍, 香矛烤魚炸咗後再浸sauce 夠惹味👍 ；除咗烤魚仲有其他選擇，不過烤魚係廚師推介；最後甜品芒果糯米飯都好多芒果，但太飽要打包😅服務幾好，不時加水，又會幫手追㕑房；有位好好職員幫我手扶老人家去廁所，抵讚👍👍👍

早幾日朋友帶我來嘗試這間新開的中泰Fusion餐廳位於美麗華商場內，環境不錯🤍特別喜歡室外佈置，空間感十足，以象白色做主調，充滿異國風情食物方面，好推介呢道✨✨✨✨🍤好邪惡的金沙麥皮蝦😋大大隻的蝦球爽口彈牙，鋪滿咸蛋黃再加上麥皮，每一口都好滋味，好有口感，好足料🥥黑糖椰子雪糕✨✨✨✨竹蔗茅根果凍，夠晒特別，加上綿密椰子雪糕，配搭爽口桃膠和黑糖醬，推介最後撒上炸椰子肉，香脆亦帶出陣陣棷香味🍢炭燒沙嗲拼盤✨✨串燒粒粒肉都好大粒好juicy，燒得香口，加埋醬汁份外惹味泰式和牛炒河 ✨✨河粉好煙韌，牛肉質地嫩滑又多個好地方用餐或同朋友嚟喝一杯放鬆下🍸

很久沒有吃泰國菜了，今日特地去位於尖沙咀的MUE MUE。身為一個冬陰功的愛好者，所以今日點了一個冬陰功湯河粉，本身湯的辣味酸味配合泰式金邊粉，我覺得是非常配合的，而且這個冬陰功湯底放了很多不同的海鮮分量十足，更加張它的味道昇華了。另外我也點了一個八爪魚沙律，這道菜特別之處在於用了西瓜作為配菜，西瓜的甜配合八爪魚的鮮味，想像不到原來如此配合。飲品方面，pineapple punch 的味道正好中和整頓晚餐的濃味，有錦上添花的效果。至於餐廳的環境，室內空間感不錯，用餐環境十分舒服。另外餐廳也有室外的位置，很適合渡過悠閒的下午。

朋友終於結婚，約左其中幾個兄弟收左工一齊Happy Hour，順便落實婚禮細節，主人家Book 左呢間泰國菜話一齊試下。枱同枱之間既距離好闊，同朋友傾得大聲少少都唔怕嘈到隔離Happy Hour 時段，除左叫野食外，仲叫左d 酒呢杯Cocktaill 好似叫Mue Thai，有淡淡柚子味，酒味唔算好濃烈，加上少少甜味，會唔覺唔覺咁飲晒，個人黎講幾鍾意。叫左個蝦片做前菜，好脆，上面有少少辣粉，鍾意食辣既人都應該會鍾意，拎黎送酒都豬頸肉炒椰菜 - 比想像中多豬頸肉，都炒得幾有鑊氣同埋幾爽幾惹味，推薦。軟殼蟹柚子沙律 - 個軟殼蟹先係重點，好多時係出面食既軟殼蟹有油饐，難得呢個冇，合格。冬蔭功脆皮燒雞呢個我認為係是晚的MVP，雖然價錢少偏貴，但都值，食落個皮好脆，雞肉好嫩，一擺上枱大家好快就食晒，有少少酸辣味但不算強烈，怕辣既人都可以試，大家一致認為好食。炒芥蘭燒豬頸肉呢個都幾特別，食泰菜通常都會叫，但通常都會韌，呢個唔會，連埋個醬食幾開胃。菠蘿炒飯幾個男人都係要食D 飯先夠飽，但呢個炒飯同我期望有少少落差，因為我以為會有個菠蘿殼，但味道係可以的。甜品 — 黑糖椰子雪糕呢個係朋友們認為的VI

前一天book 枱，晚上7點來到人不多，坐低枱上有餐具有杯，環境裝修簡單的來幾靚，門口位亦吸引，不過無人理，唔知什麼原因，食評大多人講服務好好，又會有人講解每道菜，但完全感受不到，講一講先，坐低無人比Menu 要開聲叫，睇左一輪揀好食咩，都無人行過黎斟水，只得幾個杯一直喺枱上面，感覺裝修幾優雅都好，最基本水都冇一杯要開口叫，先至有人斟左一次，跟住叫咗食物完全冇食評所講，會有人介紹係咩食材，其實係再睇返先見到大家話有呢樣貼心服務先知😂😂食物嚟到賣相好，味道都特別。烤魚炸得香脆。個汁啱啱好唔會過酸，青咖喱牛面頰好腍青咖喱好香，炒飯炒得好乾身 ，入邊有潤腸嘅味道👍🏻個豆腐都做得恰到好處外脆內滑👍🏻食到尾聲，其實仲有一個菜一直都冇嚟到。於是乎我哋就嗌咗甜品轉頭嗰個侍應就話俾我哋知有個菜未嚟食埋個菜先食甜品啦。OK啊，我哋之後再等咗15分鐘再提一提佢話我哋唔要啦你上甜品啦。其實一個菜都等左一個幾鐘，我唔要都唔過分啦，而且俾咗一次機會佢，都係未嚟，當時侍應只係話睇吓炒咗未先，不過佢最後都係冇話究竟炒咗未之後再等10多分鐘嗰個兩個甜品都分開到，整體嚟講個甜品都等得幾耐下，同埋講返斟水嗰度。第一杯係暖

幾吸引的中泰式fusion餐廳 他們把中式食材糅合了經典泰國菜當中 碰撞出有趣的口味🤤例如泰王咖喱龍蝦🦞配以刈包夾大大塊龍蝦肉吃太爽了~~當晚MVP頒給香茅檸檬葉烤魚🥇魚肉嫩口加香茅檸檬的酸味很開胃又有泰式汁的微辣提升了味道的層次實在太厲害 ✨另外每一道菜只要有蝦出現 牠們的尺寸都XXL🦐 #大隻又彈牙餐廳位置超級方便 坐落在美麗華商場一期3樓裝潢看影片就知道有多高質！而且座位闊落+私隱度高 很適合跟朋友或者帶家人來晚餐🥰加上外面有寬敞的露台空間 適合打卡和Happy Hour呢🥂

環境非常舒適有feel，踏入餐廳感覺已經唔錯，職員有禮貌又細心，有耐心介紹餐廳招牌菜連椰青都印有餐廳名，有心思紅磚豆腐 $128以為好辣，食落冇辣味，外層好脆，唔係普通鹽味炸豆腐，仲有d脆粒增加左口感炭燒沙嗲拼盤 $188性價比高，粒粒肉都好大粒，夠juicy，唔洗點個沙嗲醬已經好夠味酸辣脆皮手撕雞 $298好似食緊冬陰公味既手撕雞，好開胃，皮真係好脆，而且雞肉一d都唔鞋，好好食，入面仲有粉皮，真係中泰fusion泰式和牛炒河 $228河粉好特別，煙煙韌韌，會食上引，牛肉似係嫰牛肉，唔肥

見尖沙咀開左間中泰式Fusion餐廳，就決定去同朋友試一試佢!我地坐左係露天位置，涼涼地又有風，個環境好Chill好適合一邊食一邊同朋友飲野吹水環境整體以白色為主，室內有個打卡位可以影相青咖喱和牛面頰，青咖喱好香，牛面頰好淋，而且辣度岩岩好酸辣脆皮手撕雞，中式脆皮雞做法配合泰式醬汁做成手撕雞，好有驚喜各甜品我地叫左黑糖椰子雪糕，除左雪糕之外，入面仲有黑糖醬、椰絲同桃膠，第一次食到咁樣既配搭，好得意

Happy Friday 本身約咗朋友喺諾士佛台飲嘢 見到有間新開泰菜餐廳就入嚟試吓 紅磚豆腐 - 推介👍🏻賣相好吸引 外皮好脆 非常惹味 咸魚炒芥蘭 - 呢個味道正常 芥蘭新鮮唔老酸辣脆皮手撕雞 - 推介👍🏻冬陰公味原來好夾粉皮手撕雞 再加脆皮係面 口感一流 金沙麥皮蝦 - 推介 我朋友覺得最好食係呢個👍🏻蝦球好大粒 咸蛋黃再加咗啲麥皮 係香港好少食到呢個配搭 鍾意鹹蛋黃嘅就唔可以錯過 泰式和牛炒河- 推介👍🏻河粉夠煙靭 唯一係辣咗少少 唔食辣嘅朋友要慎叫 紅咖哩香蕉雞 - 入面有香蕉同炸咗嘅薯仔粒做配菜 好特別 我哋另外嗌咗刈包配咖哩都唔錯 如果有埋薄餅就更好 豬頸肉青木瓜柚子沙律 - 正常發揮 黑糖椰子雪糕 - 推介👍🏻出邊比較少見 下面有桃膠同冰粉 椰子味都好香 總括黎講 環境氣氛都幾舒服 適合朋友聚會食飯傾偈 但略嫌音樂大聲咗少少 傾偈要大聲啲

天氣太凍，好想食返啲溫暖嘅嘢！朋友介紹尖沙咀美麗華商場新開嘅 mue mue聽說這餐廳是標榜中菜與泰菜的mix and match。第一道菜：紅磚豆腐不油膩的黃金脆皮，包裹著嫩滑的豆腐，帶點微辣喚醒味蕾，預備身心開始晚宴。第二道菜：泰式青醬牡丹蝦大大隻牡單蝦，彈牙新鮮，要分數口，才吃得完。第三道菜：炭燒汁八爪魚薄切八爪魚伴秘醃鮮西瓜，意想不到這個新穎的配搭，竟然出奇好味。三道前菜後，要品嚐那個泰皇冬陰功湯。四人份量，用料十足，可以每人兩至三碗，十隻沙白五隻青口，香氣四溢。終於到主菜：泰王咖喱龍蝦配手抓餅微辣香甜咖喱汁，加軟綿綿的刈包，伴著大啖大啖的龍蝦肉，簡直就是泰王享受！再來一鍋，冬陰功脆皮燒雞皮脆肉嫩，少油香口，又伴著粉皮，以手撕雞的方式上碟，確有一點點中式的感覺。接著是，香茅檸檬葉烤魚這不以泰式火爐上枱，卻以大大隻蒸魚碟上，外皮煎得香口，魚肉則剛剛好又少骨。另一樣海鮮，麥皮蝦黃金脆炸彈牙海蝦，每人一隻又怎夠呢！大魚大肉後，應該食點菜，那就叫一碟，參巴豬頸肉炒椰菜。沒有泰式香葉辣味，卻多了點中式鑊氣。菠蘿炒飯腰果、提子乾、肉鬆、蝦仁、菠蘿用料十足，配搭得宜，即炒即上，熱辣辣，香噴噴

朋友早前去過li 間新開的泰式fusion 餐廳食晚餐，大讚li 度的烤魚好好食，所以今日決定試埋佢地的午餐，再食多次條魚。餐廳環境優美舒適，職員安排我地坐係梳化位，座位舒服。同朋友慶祝生日，食得好少少。我地散叫左個香茅檸檬葉烤魚，再加兩個lunch set 同一個小食, 青咖喱和牛面頰珍珠香米，泰式和牛炒河同泰式蝦餅，加多杯椰子雪糕珍多冰。香茅檸檬葉烤魚$368：好好味!! 佢用左筍殼魚整烤魚，肉質鮮甜嫩滑，無泥味，魚皮炸到脆卜卜，個汁酸酸甜甜好開胃!青咖喱和牛面頰珍珠香米 $148: 青咖喱微辣，有椰汁的香味，和牛面頰肉好嫩滑，好好味，如果佢份量再大d 就好。胡椒牛肉炒河$168: 炒河煙靭，同平時的炒河唔同，食落去唔會散曬，幾特別，鍾意胡椒味既朋友可以試下。椰子雪糕珍多冰跟餐半價 $60 椰子雪糕好香，有椰絲，甜度適中，食完甜品好滿足。總括來說，職員服務殷勤，食物質素中上，lunch set 尖沙咀黎講價錢適中, 可以再來!