Number Fifteen (已結業)

今日一支公，決定一人前晚餐，係去食好東西既晚餐。翻開網頁，尋找公司附近的西餐廳，見到這新開張不久位於工廈的餐廳就去試試看。坦白講，工廈餐廳通常是茶餐廳或快餐，吃高級西餐就真是第一次。餐廳裝潢簡約，明顯不是吃環境格調，點了set dinner.鵝肝無花果沙律頭盤是以鵝肝mousse 做主打，這煮法有別一般煎煮，雪凍後質感好特別，像是吃cheesecake, 而且凍食令油膩感消失。無花果這用料相當特別，食落異常清甜，配上olive oil 同意大利黑醋，令人醒胃。蘋果湯西湯以青蘋果做主材料相信係比較特別，加埋蘋果肉，仲有忌廉做襯，未食主菜已經有輕輕飽肚感覺。Beer cheek with potato mush非常特別的主菜，牛食得多，beer cheek係第一次食，真係食得勻轉。肉質爽淋之外，而且具骨膠員，口感黎講比牛爽腩更佳，如此特別的主菜怎能不清碟呢。薯蓉充滿蒜蓉味，夠香滑。Creme brulee對於焦糖控的我係必試的，材料足，蛋味濃，焦糖唔燶，又唔會好甜，比合格有餘啦。

工廈裡臥虎藏龍，只要花點心機發掘一下，必定有收獲。這天，離開憶利，來到不遠的恆昌工廠大廈。跟食肆雲集的億利不同，恆昌只有15樓的Number Fifteen，知名度沒那麼高。誰會想到幾十年歷史的舊式工廠大廈裡，竟然藏著世外桃源般的餐廳。淺木色系，餐桌上放了一瓶乾花。有日系cafe的和風，又有西式餐廳的優雅。午餐選擇包羅萬有，單是扒類，有牛／羊／豬／魚，也有意粉，薄餅和漢堡。吃厭西餐，也有海南雞飯、印度咖喱、肉骨茶，甚至中式的瑤柱蛋白炒飯。午餐配自助沙律吧，算是個小型的半自助餐，百餘元，價錢可以接受。另外有a la carte和包類，如quesadilla, burrito和wrap，百貨應百客。沙律吧的款式，視乎當天供應而訂，提供最新鮮的食物。今天的10款選擇包括薯仔沙律、華道夫沙律、蕃茄配水牛芝士、火腿和烤蔬菜配couscous。醬汁有4款，自由配搭。餐湯是南瓜忌廉湯，還有法包和伴法包的黑橄㰖醬和蘋果醬。早到的我，有幸成為是日第一個客。見到一桌子擺放得整齊企理的沙律，喜上眉梢。一片色彩繽紛之中，竟有最喜歡的蕃茄加水牛芝士，簡直心花怒放。沙律質素令人喜出望外。烤茄子、南瓜、翠玉瓜和甜椒

不知何時開始把它變為自己的飯堂!  雖則位於工廠大廈內, 但地方舒適整潔.食物新鮮,好味又不含味精.  後來和老闆傾談下,才知道他們的廚師是來自五星級酒店的,怪不得中,西菜都煮得那麼好味.  很多時候自己或與朋友去吃餐時, 都碰到外籍人士在塲，相信他們也認同這是一間有水準的餐廳吧!午餐非常抵吃 - (任添的新鮮沙律和美味餐湯)+主菜+餐飲都只是百多元.  下午茶時段的食物也不錯,份量相等一個正餐.  晚上的套餐也只是三百多元一位.  以這些价錢能享受到五星級味道的餸菜, 簡直是超值.值得一提的是他們的甜品也相當有水準, 味道剛剛好,不會太甜.很喜歡他們的VIP房 - 是慶祝牛一和與老友記聚會的不二之選.  只可惜不是每次都記得拍下食物照, 暫時只有這幾張可作留念. 

朋友生日飯，上網找到 number fifteen，有很好的評價，便一試。從致電訂位開始就感覺很好，負責人很有禮貌，話音親切，當告知為朋友慶生，還提意給我訂做一個蛋糕，但我怕太飽吃不完而婉拒了，但仍請他們幫忙在甜品時為我寫上 happy birthday 等字句。用餐當日下午還再來電確認訂位，仍然是那親切的聲音。到達餐廳，侍應生禮貌地給我們開門帶位，很舒適的環境。我們點了 set dinner, 沙律(帶子沙律，牛油果沙律)，湯(南瓜湯，磨菇湯)南瓜湯不太濃，富有南瓜清甜味磨菇湯有濃郁的菇味唯獨是那片麵包失色了點。主菜(西冷配蘋果香煎鵝肝，香煎帶子意粉)鵝肝煎得香脆，入口即溶，但又不覺油膩，蘋果醬酸甜適中，跟鵝肝很配。相比下西冷只是水準之作。帶子意粉的帶子很鮮甜味美甜品則是全晚重點之作，令人驚喜這是set以外的，應該是專為我們預備的甜品，裝飾很美，很捨不得破壞。黑森林蛋糕有rum酒的香味，朱古力味香濃，令我們十分回味。至於跟set的甜品(相片上方)，也十分出色，很香滑，很有水準。總括而言，環境好，服務好，只是價錢略高，但以此服務及食物質素而言如此收費絕對合理。

約食飯由我話事，帶住兩個極咀刁老友，再到number fifteen試菜。午餐包自助沙律吧同餐湯、麵包，是日任飲餐湯竟然係南瓜湯，發達喇！連氣飲咗兩大湯碗，大滿足！沙律都好新鮮，只係肚皮位置有限，點到即止。朋友唔食南瓜，點了個洋葱湯，都話唔錯，要叫去慣大酒店嘅佢點頭唔易啊！各自點主菜，咀刁老友話香草羊架好味。我就略嫌牛肉漢堡太熟，有啲鞋同實（失望得滯唔記得影相 ），食咗半份就停手，叫阿姐打包。點知阿姐搞錯咗，將佢變咗廚餘。算啦，叫咗件北海道牛奶蛋糕賀一賀生日啦，牛奶味都幾香，蛋糕軟啲仲正：最後餐茶嚟個港式奶茶，超～～濃滑，比好多大酒店同荼餐廳啲洗碗水好好多，果然用心製作，下次有大陸客過嚟一定帶佢哋上嚟，唔貴又有卡士，腦細見到張單都冇咋型啦！臨走前老闆娘送大禮:，竟然係新做咗一份牛肉漢堡補數？！！搞到我鬼咁唔好意思，我只係唔想浪費食物咋！最後都帶咗番屋企，第二朝叮熱做早餐。服務態度咁好，抵讚！

生日飯，有心老友知道我好食，特登揀咗間開業啱啱兩個月嘅西餐廳，貪佢人少靜局唔駛等位，之前仲專登嚟試過菜，確保無甩拖，果然係老友！出地鐵站5分鐘，好方便喎！以為工廠區實好污糟啦，又唔係喎！鬼咁乾淨，全層新裝修，連廁所都立立令一入門口已覺得好舒服。由識途老友發板:15號凱撒沙律好新鮮，加個炸蛋好特別，蛋香濃郁，推介！連續食咗個幾禮拜生日飯，有啲滯， skip咗個湯，原來佢嘅南瓜湯超正，粒粒南瓜肉又creamy，好彩老友點咗，䅻咗幾啖主菜係炭燒香草羊架同香煎三文魚拼帶子牛枊配牛油果沙沙兩個人share啱啱好，睇個樣都知得啦！咁飽以為唔點甜品啦，點知老闆一家排排坐隔離試中菜，話想測試新請中廚嘅水準穩定性喎，好認真嘩！仲私人醒咗隻牛油蝦、鹽焗雞：最係果件朱古力蛋糕，好味到講唔出，聽聞係同層自設餅房日日新鮮，每日只做一兩款，熟客識得成個買走。最後飽到連咖啡都飲唔落，滿肚而歸！臨走前聽到原來西廚係Island Shangri-La前總廚，唔怪之後啲嘢咁得啦，一定翻兜！ 

CEO又大一歳喇，個個做人阿媽的，都是邊做邊學，所以我都繼續和我家孖寶教學相長，孩子就像父母的照妖鏡，陪著他們成長的同時，自己也長大不少。今次慶生，在工廈搵食，找到一間未去過的試試。可能位於15樓，名字便叫number fifteen吧。脆薯球是整晚最差的菜色，外皮炸得不夠香脆，入面的薯蓉又不夠香滑，好乾的感覺...最出色的是南瓜和磨菇湯，好足料，入口順滑之餘又食到粒粒南瓜和磨菇，非常好飮:最差和最好的已經介紹了，其餘菜式均相當不俗，鵝肝配蘋果粒，在油膩與清新之間取得了平衡:充滿濃濃的蛋和肉味izza和羊扒比較普通:餐廳都幾有心，臨時知道是本人生日，送上好吃滑滑的芒果布甸和奶凍甜品賀一賀我，最特別是餅房師傅已收工，沒有朱古力醬，咁啲字用乜寫呢?原來腦筋急轉彎，臨時臨急用醋寫㗎！因為位處工廠大廈，晚上格外僻靜，這晚只有我們一枱客人，令CEO意外地包場，過了溫馨而平靜的一個晚上。

今天到了一家NO.15餐廳和朋友食生日飯此家餐廳是由朋友推介新開營業了一個月左右,我們一行7人膽粗粗嘗試下味道先跟大家講餐廳雖然是在工廈內,但餐廳內環境舒適不過一定要提早訂座,現在其他餐廳都會限時1:30-2:00 就要交枱,但這家沒有,可以和朋友慢慢傾計 是不錯聚會之選食物味道相當不錯,我跟此店老闆傾談了一會才知道此家大廚曾在有名的5星酒店工作,難怪食物有水準第一味 是沙律,沙律就普通啦不多講第二味是 銀雪魚配薯蓉, 魚很滑,我最喜歡是薯蓉,外面皮係脆脆地第三味 牛肋骨 (推介) 我們ORDER 5成熟,相當有肉汁第四味 西班牙燒豬 (推介) 個皮真係好鬼脆 (P.S : 我地係要提前2天預訂&加大了半份)第五味 羊膝 其實味道應該都好,只係本人不吃羊,但吃羊既朋友都讚好,大家可以試下第六味 黑松露意粉 (推推介) 係出面食過好多次意粉,但呢個真係堅好味,好難形容意粉軟硬剛好甜品當然係女仔另一個胃叫了3款,2款芝士餅+黑森林, 黑森林蛋糕我本以為會好甜,點知有驚喜,甜味岩岩好,呢道仲有個梨蛋糕都係好好味,下次再試下先我們7人平均都係 HKD 350 左右 價錢就一般啦,不過水準一流,