Oak Tree Ristorante (已結業)

之前已經想試呢間餐廳，覺得好有情調，所以買左團購套餐試下。生蠔好新鮮，套餐包8隻普通款，可以加少少錢，試其他款，有4款選擇。今次揀左2款試，幾好味。鴨胸沙律，配醋汁，好開胃。磨菇湯好creamy 特登黎試個龍蝦，超失望，隻龍蝦勁少，啲肉得2隻手指甘多，仲要肉質麻麻，差。好彩另一主菜，揀左肉眼扒，否則真係會餓暈。塊扒中規中矩。最精彩係睇廚師整卡邦尼意粉，其實4人用餐，已送一份下次享用，好抵。原本想食焦糖燉旦，點知嗰晚無，揀左 tiramisu，都好味。整體黎講，買團購套餐係好抵嘅。但不足之處係員工培訓不足，啲菲籍員工完全唔知個餐食乜，拎住個menu落order都落左幾次，問左幾次，之後都係錯，結果要經理執手尾。

朋友打黎話佢搵到一間西餐廳幾好，問我幾時有時間去。揀日不如撞日，一於就約朋友即晚去食～一去到，燈光昏暗，仲有個菲律賓歌手喺度唱英文歌，夠哂浪漫。枱與枱之間嘅距離都好夠，唔會有侷促感，私隱度十足，而侍應大多數是外國人，點菜溝通以英文為主見到有生蠔做特價，可惜朋友唔食生蠔，唯有留待下一次～菜單上有好多菜式選擇，仲有set dinner，但同朋友都唔算餓，所以散叫就算～～Carbonara spaghetti @Cooking at the table($168)有個大廚推部車去你枱旁邊即場煮俾你食，淨係呢樣野都已經值回票價～呢度既卡邦尼意粉用嘅唔係普通煙肉，而係用三十六個月嘅煙燻火腿+蒜蓉牛油落去炒個意炒，之後再放上預先用火燒溶左芝士既芝士輪度炒勻個意粉。一食落口，意粉彈牙爽口，再有濃濃嘅煙熏味滲出，咬落就開始食到芝士同蒜蓉既香味，十分有層次，好Creamy ！US Prime Rib Eye Steak 12 orz($288)我地order左五成熟，初初嚟到嘅時候見到牛扒個面剪到脆一脆，都諗住一定會過熟。點知一切開真係五成熟，嫩滑多汁，牛味十足，大滿足Tartufo lemoncell

<簡簡單單既意大利lunch set >😌😋喺佐敦彩鴻酒店上1樓既意大利菜oak tree ristorante想食佢既dinner好耐。覺得佢環境幾舒服 睇介紹 d 西餐意粉同甜品又好似好正甘🍰🍩 無奈就唔啱時間去食🙁 就食個lunch set頂住先啦😂就甘睇lunch set平均60 至130 蚊不等 以西餐黎計價錢合理 😌(若打工仔食lunch間中一次可接受 ) 每個set都有餐湯🍲餐包 餐包🥖 圓形外層硬入面鬆軟 點d牛油 意大利黑醋或者 檻欖油更佳 ! 😌🤓lunch set🤓🍴香煎龍脷魚意粉🐟 68 蚊(配蔬菜湯加熱檸水)蔬菜湯 🍀🌿🍲充滿住浸淋左既蔬菜 比較淡味口感清新 帶有點點黑胡椒香味 🤓龍脷魚同意粉放到心形甘 望落幾開心❤魚肉比較薄身🐟 有d香草 煎得比較香脆 入面既魚肉比較煙靭 加上新鮮蔬菜， 同爽口意粉🍝 , 我幾鍾意意粉既乾身再加上蕃茄汁偏酸甜 十分開胃 😌🤓Lunch set 🤓🍴香草燒三文魚沙律🐟🌿🍀 98 蚊配有磨菇湯🍄磨菇湯 落左好多切得勁碎既磨菇 好有口感 😌而且加左少少麵包碎吸盡湯汁 淋淋地幾好食 😋三文魚柳厚切 🐟口感煙靭 三文魚

餐廳位於一樓，一上樓梯就見到。第一眼既感覺係好簡單，室內天花用左少少樹藤花籃黎做裝飾，配合番餐廳名。叫左個set dinner，包左蠔，湯，沙津，主菜，甜品同一杯油。生蠔口感係creamy既同大隻。呢款味道偏甜，海水味唔重。易入口岩初初食生蠔既人食牛肝菌忌廉湯睇到同食落d菌好多飲落有口感，味道濃郁。意式米蘭牛扒因為未食過呢種牛扒所以叫黎食下。佢話係焗牛扒黎，焗豬扒就食得多，焗牛扒真係第一次食。望落似炸既，d肉都偏嫩，面頭有蕃茄食落酸酸地 。自家製意大利芝士餅十分creamy入口即溶，聞落咖啡味重，食落唔覺，所以我唔甘好咖啡都食左兩三啖另外仲單啦左碟意粉卡邦尼意粉好正既係係客人面前煮，利用一大舊芝士係上面攪d意粉，一開支火槍就好吸引人去睇同影相錄影D火好震撼。食落意粉有煙薰味好特別加上份量多，可以兩三個人share。但個人鐘意食軟身意粉，今次既就有粉粉偏硬，不過都係好食既睇餐牌，餐廳得酒或者茶、咖啡嗌黎飲，如果有番果汁就仲好啦！

寶寶説帶我去酒店吃午餐，本來還很擔心會否太貴。原來是佐敦彩鴻酒店的意大利餐廳，午市套餐十分掋食，選擇也有很多，難怪只是12時，餐廳已八成滿座。餐湯可選忌廉湯或意大利雜菜湯。寶寶的雜菜湯不錯，蔬菜足料，湯底有點甜。我選的忌廉湯更好喝，味道十分濃郁和creamy，每一啖也能吃到蘑菇粒，確實真材實料，與其他西餐廳的稀湯完全不同。還有熱辣辣的麵包，外面脆口裡面鬆軟。我點了忌廉露荀煙三文魚天使麵 ($68)，賣相吸引，看起來以為份量會很小。原來醬汁十分 creamy，吃完會很飽的。天使麵沒有煮得過稔，煙煙韌韌十分好吃。配上煙三文魚，爽口露荀和香菇十分美味。寶寶點了紅酒汁燴牛脷飯 ($78)，牛脷外表煎得香脆，內裡稔而不膻。饞吃的我還加 $28 點了自家製 Tiramisu 作甜品，竟然有驚喜！Tiramisu 入口即溶，軟滑有層次，朱古力和咖啡味也很濃郁。老實説，這是我吃過最好吃的 Tiramisu！必點！餐飲還可加 $10 轉凍朱古力呢～而我覺得熱咖啡配 Tiramisu 更夾了。

今晚放工，同男朋友係西貢街附近落左車，突然落起大雨，我地決定就係附近覓食，唔行咁遠。行經彩鴻酒店，有間西餐既menu，就停低望下。menu睇落都唔錯，就經彩鴻酒店行樓梯上左去一樓。一入門口，見到有個酒櫃，環境幾大幾闊落，燈光比較暗，幾有情調一坐低，就聽到有個靚聲唱緊歌，唱返啲舊歌Imagine there's no heaven~It's easy if you try~No hells below us~Above us only sky~Imagine all the people~~Living for today~~Aha~ah~~~~枱上既餐具整齊咁放係枱，幾乾淨。我地今晚叫左一個set dinner，tenderloin & Foie Gras Set，再加個意粉。先黎左個法國龍蝦湯。龍蝦味好出，好濃郁想要多碗添Starter係三文魚撻撻，個名幾搞笑，其實係多士上面有三文魚，同埋撈左醬既蛋，2款味道都唔錯，三文魚新鮮，蛋滑塊包好脆個Main Dish未黎，反而黎左個意粉先。呢個Special Carbonara 係呢間餐廳既主打，全名係純正意大利卡邦尼意粉，揀左意大利煙肉同

今天相約朋友午飯，朋友推介這間在佐敦的西餐廳，抵食又大份。餐廳位於一間酒店內，在酒店大堂上一層就到了。內裡環境開揚，天花吊上一些植物作點綴，置身其中猶如在叢林中，悠閒寫意。紅菜湯味道咸咸酸酸，開胃之選。香草蒜片蜆肉炒意粉意粉是新鮮即炒，很有穫氣，最欣賞是蜆肉，大大粒，鮮味突出，食得很滋味。巴馬火腿薄餅超大件，足夠兩個人享用，上面鋪滿一片片西班牙火腿，餅底很脆口，火腿味道突出，很有西班牙風味。凍奶茶奶味濃，但又不會蓋過茶味，兩者味道很夾。

朋友推介了一間懷舊意大利餐廳，所以放工同朋友去食下，慶祝一下搵到新工。餐廳係女拔萃附近，佐敦B2出口行過去唔洗10分鐘，都幾方便。一入餐廳已經好有情調，充滿懷舊氣氛，餐廳中央仲有一位外國人自彈自唱，浪漫十足。我同朋友頭盤點左雞肉凱撒沙律$78，沙律既雞扒有預先煎香脆，沙律上面有d黃黃地既醬，同平時既沙律醬唔同，我估係芥末蜜糖醬，幾特別，配合脆面包生菜，開胃之選。主菜我地兩個叫左個海鮮意大利飯$148，同美國頂級雪花黑牛安格斯肉眼$288。海鮮意大利飯一d都無偷工減料，有一大塊魚塊、蜆肉、大粒帶子、青口、魷魚，用左好多海魷而且都幾新鮮，個汁仲有少少似南瓜汁，幾creamy，不過d意大利略微軟身左少少。另一個主菜大大塊牛扒，配菜用左連薯皮既薯仔，但食落好香脆，牛扒我地叫左7成熟，有少少血水，但正正合我地兩個心意，肉味濃郁，有少少脂肪，唔會好難咬，好香口。另外叫左個辣肉腸pizza, 芝士好多，咸香味比較重，加埋辣肉腸，食落去個pizza味道比較濃同埋偏咸最後，我地嗌左三個甜品，心太軟，法式焦糖蛋同卡薩塔。呢到d心太軟真係一流，一吉落去心太軟入面既朱古力就流哂出黎！！朱古力唔會太甜亦唔會太苦

今天有朋自意大利來港旅遊，好耐冇見，專程約左在他住的酒店見面，佢住在佐敦彩鴻酒店，我放工就急不及待地往酒店，希望早點和這個舊朋友一起晚餐敍一敍，去到了，朋友通知已在酒店餐廳等我，餐廳在酒店一樓，名叫Oak Tree Ristorante！餐廳環境雅潔，座位寬敞舒適，還有歌手為我們唱歌，悅耳歌聲中用餐，歡樂氣氛濃厚！有朋自遠方來，又有甘好環境下食晚餐，當然要叫杯紅酒慶祝一下！見到其他客叫生蠔，真的好新鮮，所以我們也order了！Pacific Rock(USA):飽滿的蠔肉，鮮味十足帶爽口。Cherry Stone ：肉比較結實，比蠔更爽口，很鮮甜！黑松露牛肝菌忌廉湯：湯很濃，黑松露和牛肝菌都是極具香味的食品，所以整個忌廉湯香味十足，又帶鮮甜味！煙三文魚沙律：鮮味的煙三文魚配新鮮沙律菜，加上廚師精心調製的汁料，酸酸的味道，很醒胃！主菜德國咸豬手：豬手好大隻，秘製醬汁炆煑得非常入味又林滑，十分惹味！純正意大利卡邦尼意粉；老闆親自席前煑，爐旁大大舊的是36個月醃製芝士。先炒過意粉和厚切的意大利煙肉，再用火燒溶一下大芝士，再將意粉倒入芝士伴勻，令每條意粉都被芝士沾上，上枱時已令人唾涎欲滴，急不

今日朋友生日，諗住同佢食西餐，上Open rice見到依間oak tree ristorante，睇落幾有氣氛所以就預約左今晚黎食飯。呢度俾我既感覺就係，雖然格調高，但係都好親切餐牌一去到，原來係喺酒店入面，個格調即刻感覺高咗～而且入面發現，都好多人預約黎呢度食野架喎朋友鍾意食蠔，見今日嘅美國生蠔竟然$10一隻！即刻唔使考慮，叫咗半打！order完好快就有得食！兩個人食半打生蠔，真係好滿足！啲生蠔好大隻，一啲都冇揸流攤！睇落都幾新鮮，食落都有海水味，但唔會係海鮮既腥臭味，竟然$10一隻都有依個質素，真係估唔到！之後兩個main dishes就叫咗辣肉腸pizza同扒三文魚。pizza係傳統意大利嘅薄pizza，未食就已經聞到好大陣嘅芝士同辣肉腸香味，食落口感都唔錯，薄得黎唔會太乾，芝士都好多（可以拉絲），不過可能食慣咗啲香港口味嘅pizza，所以依個傳統pizza對我嚟講就咸咗少少因為我同朋友都係無魚不歡，所以喺揀牛扒同三文魚嘅兩難中間，我地係揀咗三文魚好彩最後都不負我地期望，三文魚煎得好夠香，塊皮仲脆卜卜！三文魚雖然係煎嘅，不過又唔係好油膩，食落唔會成口油！而且煎完既魚肉唔會好乾，仲

憂鬱不歡的星期一需要美食意大利菜是今天的主角好吧就先要生蠔作前菜Scottish 味道鮮金屬味適可而止晚餐兩佰多元有三道菜湯品是龍蝦湯質感濃厚蝦味也突出頭盤三文魚他他不值一提主角是經典組合鵝肝拼牛柳牛柳厚切肉質細緻鵝肝煎香油脂味豐富配合食用有說不出的神奇味道沙拉菜有點苦味也沒有配上合宜的醬汁有點浪費加十五元可加配雪糕心太軟從你的表情就知道你吃得滿足我點了招牌菜卡邦尼意粉大廚推出36個月熟成的巴馬臣芝士於席上堂弄火光熊熊英姿勃勃醬汁濃厚十分美味與坊間的卡邦尼迥然不同這兒的食物不錯唯外籍侍應的服務質素有待加強

媽媽最愛吃西餐，特別係生蠔、芝士，上星期佢嚟到佐敦搵我食下午茶，諗起之前同同事來過食下午茶，抵食夾好坐，便帶媽媽來試試！而家做的美國生𧐢又大隻又鮮味，只係＄10一隻！生蠔一上枱媽媽立即試食！半打生蠔立即被吃清光，竟然忘記影相。再來兩個下午茶餐，一個是 parma ham pizza，一个是卡邦妮意粉！質素都是酒店級！👍👍👍

Oak Tree Ristorante位於佐敦Travelodge酒店一樓，置身其中，你不時會感到身體突然熱烘烘的，原來這裡每晚都有好多人點Carbonara意粉，全部用原個圓形大芝士即席炒出來，這些沒停止過的火焰表演，再加上真人現場獻唱，令晚餐有如錦上添花。 周五晚上七時多來到，偌大的餐廳已經坐滿了七八成，非常旺場。雖然好多人都會點Carbonara，但因為我不喜歡吃太creamy的食物，所以還是點了兩個套餐：德國鹹豬手餐 ($238) + 鵝肝拼牛柳餐 ($248)。 三文魚撻撻 煙三文魚沙律 法國龍蝦濃湯、黑松露牛肝菌忌廉湯 兩個餐都有前菜和餐湯，我是「龍蝦控」，平時龍蝦湯一定是我的最愛，不過這晚我卻「移情別戀」，因為黑松露牛肝菌湯實在太出色了，菇味香濃，而且還吃到粒粒雜菌，很有口感，完全將稍帶甜味的龍蝦湯KO了。 德國鹹豬手 豬手皮烤得像乳豬，脆卜卜，又不會太肥膩；裡面的肉質仍保持嫰紅，夠滑溜，而且分量頗多，一個女孩子沒可能吃得完。 鵝肝拼牛柳 鵝肝煎得好香，面層都是脆的，內裡軟滑；牛柳我們點了五成熟，這晚好像有點過熟，但幸好肉質不俗，沒有過韌，還是不俗的選擇。 焗

週二晚去到呢間餐廳食飯，餐廳位於彩鴻酒店1樓，上一層樓梯就見到，企喺樓梯口望入去就不怎麼樣，有一個整齊嘅酒櫃，感覺係比較舊式嘅西餐廳。近門口位置就係水吧，隱約望入去都可以見到廚房部分。位置都幾多，空間感足，但由於正值晚飯時間，客人不少。唔想影到其他客人入鏡，所以我都係襯十點零鐘離開時先影到餐廳環境。甫坐低已經聽到有位駐場叔叔唱歌，是夜我都聽左好幾首披頭四，呀仲有，應該在場有客人生日，我聽左3次生日歌 (笑)，客人以中年為主，所以一路聽歌都好投入，氣氛係相當唔錯，好輕鬆咁食左餐飯。而且店員都好有禮，主動為客人影相、點蠟燭，有求必應，而且同客人都有講有笑。餐牌選擇唔算好多，前菜、生蠔、湯、沙律、薄餅、肉類、意粉、意大利飯、甜品等，定價中上。一人餐有兩款，平啲嘅包括前菜、龍蝦湯、主菜 (2選1)，可以優惠價配甜品，連埋加一，人均都250蚊以上；另外一款$488/位，會多左生蠔、沙律、主菜 (選擇較多，7選1)、甜品、飲品。本來店員都有推介我地食生蠔，價錢就唔貴嘅，隱約記得佢話食一打可以送酒；但由於我唔食生蠔，以免男朋友要自己食哂一打，所以我地都冇點。加上係諗住黎隨便食個飯，冇打算喺度消費太高

今日lunch在Oak Tree吃個午餐set，點了個 Risotto Truffle Mushroom, 跟餐有忌廉磨菇湯和飲品；見到甜品menu上的Cassata 賣相不錯，所以一拼點了。點餐後有點後悔，因為見鄰桌的豬手很吸引，大大份的，下次再試試吧。磨菇湯不錯，不會像用粉的那種，但湯還未用完，Risotto就已經到了，Risotto應該沒這麼快煮好吧？磨菇足料，不會切到分子般大小，味道也挺香，飯身雖然未做到正宗Risotto的熟中一點生，但也不俗。偷看一下其他人的食物，Oak Tree的份量真的挺足，大男人也絕對夠飽。甜品的雪糕就不太合口味，Cassata本身是指以當地當季水果造的水果雪糕，但看來這個不是自家製的雪糕了，雪糕有點「蘇」。單以主食的湯和飯來說，味道還可以的，下次有機會再來試試這豬手吧。p.s. 餐具有點髒呢......