One More Hotpot 來一鍋 (已結業)

一行十幾人去來一鍋，係任食式，點了一人3xx 的海鮮餐，肉類，菜，餃丸任食，有一間房比我地坐，紅白酒汽水任飲，朋友話啲白酒唔好飲，但有得任飲都ok la講返食物，任食的牛都幾好食，不是全油那隻，是似手切那隻，有口感，另外餃類丸類都唔差，菜都算多選擇侍應既招呼都好好，今時今日火鍋選擇咁多，要生存到全面服務真係好緊要講真，食材有幾貴，或者識食既人的都唔多， 所以感覺良好真係好重要如果鐘意任食又想整體質素較好，呢間係唔錯選擇

堅·任飲任食一般的任食火鍋食物都有，款色差不多。食材新鮮最開心的是，紅酒白酒都任飲，愛酒之人不能錯過哦！每枱都有一set手打丸、魚皮、響鈴與餃。特別在於湯底、飲品和裝修藥膳花膠螺頭雞湯底未十下十下前，先品嚐藥膳雞湯，足料真材實料，仲有半隻雞⋯每兩人有一碟 雪花肥牛，肉質新鮮，但厚了一點。總結，唔平但值得的任食火鍋，落樓每人約$300。在一個西式裝潢的環境，打邊爐，任飲紅酒🍷實在可以ONE MORE HOT POTP.S. OpenRice 連接的google map 地址，帶了到堅東⋯大家要留意哦⋯⋯

想唔食甘貴，又想就老人家唔食辣，又要想減肥唔食啲甘肥既野，最好既方案一定係打邊爐！ 老人家都係唔中意等，依間又甘岩訂到位就試試啦！本以為任食既質素普通，估唔到比想像中好好多我就叫左有海鮮拼盤既火鍋任食。不過依盤海鮮👆🏻係無refill，但勝在幾新鮮，老人家話啲魚片好好食！☝🏻卜卜蜆湯底，用既係大蜆，肉都有一個湯匙甘大，不過就沙多左啲。飲品有紅白酒，韓國啤同不同汽水任飲，都好多選擇！ 另外佢有送個牛奶布甸—好好食！ 真係估佢唔到！ 另外一讚，啲姐姐服務幾好而且好勤快！

估唔到打邊爐都撞到朋友🤩 唔知我幾時食哂所有火鍋店 😍係cwb 個餐牌有兩款 任食邊爐 我揀左有海鮮拼盤果個 抵好多 湯底揀左花膠螺頭湯 同喇沙湯底 好足料呀 可以直接裝黎飲 個湯黎到個陣已經好香同飲落幾入味🤤🤤🤤 真係未落料先飲湯！螺頭湯都多花膠同螺頭 好爽好 另外個喇沙 本身已經有好多蜆同青口 蝦海鮮拼盤有好大隻嘅象拔蚌 貴妃蚌同扇貝 仲有青口 大蝦 🍤 個set 仲有自家制手打丸墨丸餃果啲 重點係有埋安格斯牛肉片仲有最愛嘅即炸巨響玲周炸魚皮 未叫其他任食已經飽飽地 咁話明任食 飽都要叫下其他任食 肥牛 蔬菜金菇 羊肉片等等 我成個肉食大王咁 叫左好多飽肚野 食得好飽 叫左好味道 都物超所值 料同湯底都好夾 ☺️👍🏻👍🏻👍🏻👍🏻飲品好多款任飲 仲有紅酒🍷白酒🍶🍸啤酒 🍻韓國啤黎 上網睇人食有心太軟甜品 原來今晚係奶凍🍮☺️

秋天開始黎，又係開始打邊勞的季節！黎到銅鑼灣呢間，喺 timessqare 嘅附近，地置都算方便。養生湯底，對女人好啊！送左d小食開胃前菜，準備打邊勞ge胃口，哈哈打邊勞黎任食講，有得食海鮮真係十分不錯！不過有定份量，呢個兩個人 size，都夠食！呢個雪花肥牛好靘啊，真係忍唔到口，食左好多好多！！！嘻嘻，呢兩樣放埋一齊真係好吸引！任食最怕食唔哂哂野，所以每樣都係點少少，不過點少少都食左好多啊！呢個三色滑，唔錯！其餘打邊勞食物一次過用三層架上，一D都唔哂位，做得好！特長響鈴真係超級長！你睇用手一度，仲長過隻手，真係超大，差d唔夠位放入煲添！飲品餘左有基本的汽水櫃之外...仲有紅白二酒可以選，我同朋友一紅一白，試哂。食物同飲品係任食打邊勞黎講，都好過 average。會再黎幫襯！

今天是我的生日，幾個舊同學為咗幫我慶祝，約咗我去到銅鑼灣（來一鍋）打邊爐，其實我今天 是剛由內地公幹回來，放下了行李就來赴約，因為大家都好畀面為我慶祝，所以再疲累一些，也沒所謂，真心多謝各位舊同學，為我預備這一餐美味的火鍋。微辣的牛腩煲，牛腩份量較少一些，但係牛腩肉質部位好靚，每一舊都好軟淋，加埋其他配料一起，十分惹味。超級海鮮大拼盤，每樣都好新鮮爽甜，有帶子、鮮蝦、青口、貴妃蚌、鮑魚等，食完這大拼盤已經好飽了。肥牛肉不會太肥，肉質仲好有牛肉味。食落去chok chop聲的響鈴，成半隻手咁長。蔬菜相當翠綠好新鮮 。

之前黎過依間火鍋店，食物同服務質素都係無得頂，於是再黎食番餐。今次都係叫咗海鮮火鍋套餐($368，每位+$10醬料費，需加一)，鍋底係湖南香辣牛坑腩干鍋，揀咗少辣，牛坑腩炆得特別軟熟，香口多汁，加埋香辣真係好滋味。每位有一份海鮮，包括大蝦、貴妃蚌、象拔蚌、扇貝、青口、鮑魚等等，種類多，賣相吸引，睇落好新鮮，平時都好難買到咁靚嘅海鮮，食落好清甜。特別中意蚌類，爽滑有口感。每兩位會包一碟貴價啲嘅肉，我地揀咗牛頸脊，紋理清晰，淥幾秒就熟，好重牛肉味，好滿足~另外每位仲包咗手工丸類，包括墨魚丸、豬肉丸、流心牛肉芝士丸、墨魚釀豆卜、韭菜餃、羊城水餃、獅城雲吞、豬肉釀鮮冬菇。做法精緻，丸類打得扎實，非常彈牙，而餃類就皮薄餡靚，soak哂湯底嘅味道，超惹味~其他火鍋配料就係任叫，種類好多，同樣咁高質~最後仲包一份甜品奶凍，牛奶味好濃，非常香滑~

公司員工食飯，個個都想打邊盧，尼間野一個價錢任食，酒水任飲，唔錯，抵食！個嚮靈大到成隻手瓜咁，好新鮮好好食！其他野都唔差，以任食火鍋來講都算真係唔差！7個人打邊盧，買單先1千七百倒，有白酒紅酒啤酒任飲，真係唔知去邊度搵！唔怪得知有成2百幾個好平啦！原來真係好抵食，食物又唔差！9:15分後打仲有85折，超平！藥膳窩唔差！湯無咩味精，我仲飲左幾碗，牛肉每兩人一碟（手切）幾好食，因為任食所以要求唔會過高！會返轉頭既！

銅鑼灣週街都係嘢食可以分為四個區域， 崇光百貨謝斐道一區，時代廣場希慎一區， 近大坑加路連山道一區 ，鵝頸橋附近商廈地舖一區。我就比較喜歡去鵝頸橋附近嘅餐廳seek for good food， 因為又有地舖揀又有樓上鋪， 今晚去咗來一鍋任點任食放題都係三百幾蚊一位 ，仲有啤酒紅酒飲。呢度就係紅酒區。座位坐得都好舒服。即製酥炸魚皮 ，香脆惹味。特大海鮮拼盤， 有齊青口、鮑魚、帶子、鮮蝦、貴妃蛤全部都好新鮮。食炸嘢當然係要食新鮮啦，響鈴真係 chop chop 聲。仲有釀冬菇，釀豆卜，唔同嘅手打丸類。你睇下隻大蝦幾清甜美味， 顏色又夠嫩紅。肥牛質素都好，油脂分份好平均。

雖然天氣仲喺有啲熱，但踏入9月初秋嘅時分，打邊爐鋪癮又走返曬出黎，所以上星期我約咗朋友，一齊「來一鍋」，一邊烚下烚下，一邊吹水講下近況。來一鍋係正鵝頸橋隔離, 係時代廣場行過去都幾近。打邊爐幾怕去啲又迫又窄嘅地方打，行出行入唔方便而驚整到啲野食，而來一鍋好在環境闊落，張枱都大，叫成枱野食都夠位擺 (重點: 廁所都好乾淨, 唔似一般任食店 shrug)。來一鍋算係半任食火鍋店, 提供咗藥膳鍋及海鮮鍋兩款火鍋套餐以及10款唔同湯底。我地揀咗海鮮鍋配合花膠螺頭雞鍋濃湯湯底。佢個火鍋湯好足料，花膠同雞件數目超出想像，而且好夠味，最後我地忍唔住飲咗好幾碗。跟住湯底先上嘅，有安格斯牛肉，超長嘅即炸響鈴同魚皮。安格斯牛肉帶有豐富脂肪，烚一烚食落去入口即化。而炸響鈴同魚片有手臂咁長，淥完仲脆卜卜，仲有好濃厚嘅花膠雞味，正!重點出場，海鮮拼盤!!! 拼盤有大蝦、貴妃蚌、象拔蚌、生蠔、扇貝同鮑魚，數量可以拍得住主打海鮮鍋嘅鋪頭，而且食落去好新鮮，大滿足!我地仲食咗佢地手工製作嘅三寶丸、餃子，仲有啲任食火鍋配料。手打丸彈牙但可惜細粒咗啲，火鍋配料雖然任食但都有鴨血、冰豆腐呢啲特別野，令到我地有啲喜出望外。

雖然天氣還未轉涼，但踏入九月，吃火鍋的心就已經開始蠢蠢欲動這天和男友去了一間任食的火鍋店，地點就在時代廣場附近，很方便。這𥚃的任食火鍋有2種，海鮮和藥膳火鍋。各有2部分，主食和任食。主食部分按人數提供，2種火鍋有不同的主食，海鮮火鍋就有一盤海鮮，包括鮑魚、扇貝等。任食部分就有肥牛、芝士腸、蔬菜等。温馨提示，其車主食的分量很大，我們只額外點了豆腐和3個蔬菜就已經很飽2種火鍋的湯底也是各有不同～ 我們點了海鮮火鍋的鴛鴦火鍋，湯底選了花膠螺頭雞鍋和胡椒豬肚鍋，要滋補有滋補、要濃味有濃味2個鍋底都相當足料，湯內都放有滿滿的雞肉和花膠、豬肚～個人認為花膠湯配海鮮較好，而豬肚湯因為較濃味，配響鈴這些很不錯這個就是海鮮拼盤，有鮑魚、青口、蝦、扇貝、魚等等，全部都大隻、鮮甜，絕對值回票價這是二人分量，一大班朋友來，相信這個拼盤一定會很壯觀除了海鮮拼盤，主食還包了這盤餃子和丸子，如羊城水餃、韮菜餃、豬肉釀鮮冬菇、墨魚丸、豬肉丸等。特別推介這些餃子，餡料的比例和調味都做得很好；另外，釀鮮冬菇，肉不會靭而且混合冬菇的汁更juicy誠意推介的還有這2個，即炸響鈴和魚皮這孖寶本來就是火鍋必備的配料，而這𥚃的讓我

普普通通的一餐，一家人同行七點進場，已有兩三枱人在正在進食。點了胡椒豬肚湯，冬瓜蜆肉湯，鴛鴦湯底，要加$68。二人送一碟牛肉（乾爭爭的）餐廳環境一般，有電視機，有免費汽水紅酒白酒。整體評價：正常環境，普通食材。可能因酒水免費，同時間有一班醉酒客在喧嘩，不停在店舖內大叫，十分騷擾。三人同行，每次落單的食物數量都是得三件，真是要分開點多幾次才行。值得一讚是是店舖的侍應招呼不錯！普普通通的，要求不大的可以一試

周末係銅鑼灣行完街睇完戲有d 肚餓，就係鵝頸橋附近搵左間樓上既火鍋店醫下肚。坐低發現原來係火鍋放題，除左普通火鍋配料，仲有唔少海鮮可以揀，啤酒汽水仲要係任飲，一於食盡佢！基本既醬料都應有盡有。韓國進口啤酒，淡淡地，打邊爐飲多d 都唔怕湯底揀左花膠螺頭雞湯，好足料呀！煲得耐d 螺頭更加冧同入味，裡面仲有豬骨同雞，愈煲得耐就愈正呀！海鮮拼盤！有青口，貴妃蚌，扇貝，鮑魚，鯇魚片，大蝦，仲送多塊紫淮山。手切安格斯牛頸脊肥牛，好有牛味，又新鮮，正呀！打邊爐當然唔可以唔食餃同丸，選擇都幾多！超巨型響鈴同炸魚皮，味道唔錯，但細舊d 會容易食d

係港島想搵火鍋野食，見到來一鍋好似幾抵，所以一試，果然不錯！晚市有兩款套餐可以揀，＄288既藥膳火鍋套餐同＄368既海鮮火鍋套餐，另外有任加既配料！見海鮮火鍋套餐都幾多海鮮好似幾抵食就叫左～因為想惹味少少但又唔想食太辣，所以叫左胡椒豬肚椗鍋，胡椒味好重，味道夠晒！海鮮套餐包左海鮮拼盤，有蝦、蚌、扇貝、青口、鮑魚同斑腩（本身係蠔但今日冇）睇得出材料幾新鮮，食落頗有鮮味～另外仲有即炸響鈴同魚皮！一上檯嚇親，冇諗過會咁大條，係普通size既兩倍！響鈴可能我地唔係即刻食，所以唔算好脆，但即食既魚皮好脆好食～手工丸們一口size，好食！除左套餐包既野食之外，每兩個人就送一碟手切安格斯Prime Grade牛頸脊肥牛〜牛味幾重，食落去唔難咬〜食火鍋放題最正就係有得任飲，今次仲居然有紅白酒任飲！飲落去甘甜，飲多兩杯都真係醉醉地，幾堅〜 唔飲酒仲有幾款飲品同啤酒可以任揀〜其實淨食套餐既野都已經好夠飽，不過唔再嗌多啲野就好似蝕左咁哈哈〜 任食個度有得揀普通美國肥牛，雖然唔差但都係手切個款好食啲〜總括黎講係好扺食，野食係略嫌唔夠味，但有湯底同醬油加持，唔錯啦！

叫左豪華餐，除左第一碟既牛之外，全部都係肥到入唔到口（見下圖），實際質素連佳寶48蚊一磅既質素都不如。佳寶都叫半肥瘦丫，呢度係仲差過佳寶，店主入到呢啲貨都算犀利。好評見到既靚牛相，都係第一碟，但自此之後就係堆填區質素。如果全餐既質素都好似第一碟咁係三百幾係可以接受，奈何唔係。問下侍應，有無瘦啲架？無。係全部都咁肥架。全部呀。係全部呀。但個侍應態度唔差既，好有禮貌，值得一讚。你唯有寄望下食一碟就飽。