One More Hotpot 來一鍋 (已結業)

高質海鮮火鍋放題雖然呢幾日都好熱，但無阻止我想打邊爐既心🤤夏天打邊爐一樣咁爽。之前睇到呢間火鍋網上評價不錯之所以一於約左閏密行街兼試試個晚我地叫左個晚市海鮮火鍋套餐，個餐有海鮮，鮮製餃，安格斯牛，以上都係跟人數上，而其他配料就任食，飲品亦都係任飲。首先係湯底方面可以揀兩個湯底，職員推介我哋試花膠螺頭雞窩同埋麻辣干炒雞雞煲。果然兩個都非常出色，花膠湯底最啱用黎食海鮮，清清地，唔會蓋住海鮮嘅鮮味而麻辣干炒雞煲係超級香!非常野味，用嚟食啲易入味嘅嘢一流👍🏼 跟餐既海鮮拼盤，自製餃同安格斯牛，整體都非常滿意。以呢個價錢呢講，非常之物超所值。因為所有野都非常之新鮮同大隻，我同朋友都感到滿載而歸仲有特別推介佢哋嘅魚皮，蟹樓同響鈴手板咁大隻，真係非常之邪惡🙈最後令我估唔到嘅係，每位客人都包左一份甜品，仲要係心太軟，真係捧住個肚走呀👍🏼👍🏼👍🏼

本人係海鮮控亦又係火鍋愛好者，加上之前係網上已經見到來一鍋既海鮮拼盤好吸引架啦，任飲任飲都係＄368，決定要黎試試佢～上到去首先環境乾淨，比起其他任食打邊爐坐得舒服好多，店鋪仲有圍裙提供，好細心。我地2個人食，揀左花膠螺頭雞湯（濃湯），岩哂女仔食呀，打邊爐仲可以美顏！我地叫左海鮮拼盤，有大蝦、扇貝、貴妃蚌、象拔蚌、青口、鮑魚。 正呀～ 任飲任食黎講配料都算多選擇，當然有D靚牛肉係要加錢啦～另外會有埋一D手工餃同手工丸，聽講係駐店師傅手打架！口感彈牙，必食推介之一！野飲都係平時放題有既汽水，最正係佢啤酒、紅酒白酒都任飲，下次可以同成班朋友黎啦～～～食到中段，可以試下湯底入面既花膠同螺頭了。 螺頭吸收左湯底既鮮味，但又唔會好似𡁻香口膠咁咬唔爛～ 花膠都真係超足料，食極都仲有呀，哈哈。食完仲有甜品心太軟，呢個要等15分鐘左右，本身對任食火鍋店既甜品冇乜太大期望，但反而有驚喜喎，入面朱古力醬真係有流心，好似平時出去甜品鋪既心太軟一樣，唔錯。

今日去係銅鑼灣唔知食咩好，發現左呢間One More Pot係OpenRice 都有好多好評，所以就同朋友上咗嚟食下， 推介晚市海鮮火鍋套餐，有鮑魚食😋😋😋😋仲有超長嘅蟹棒，鮮味十足！花膠螺頭藥膳雞錯鍋嘅花膠超厚，可以滿足矜貴嘅我， 呵呵！ 推介大家嚟試下！ @ One More Hotpot 來一鍋

本来要去101吃小火锅，没预订没位子，走累搜了周边这家评价高，结果蛮失望。汤底没什么可圈可点之处，所谓一人一份形容词很多的海鲜拼盘，货色普通，除了鲍鱼涮完鲜脆，其它的东西并不出色。宣传中的品种，到店时菜单标注海鲜随时售完以实际为准，生蚝于是就没上了。除了即位份的菜品，任点部分可选的并不多，点了6-7样，只上了一半，青菜和豆腐到结算时都没上来，其它上来的东西，西班牙黑豚肉片、牛骨髓都是两小块单薄地躺在盘子里，份量少得可怜，加上任点的上菜慢、很快没了吃的兴致。

打邊爐莫過於係香港人最鐘意嘅醫肚方法，係銅記附近返工，樓上嘅雞煲就食得多，樓下嘅邊爐一直都想試下，所以今日就一於孖住家姐試下。呢間打邊爐嘅裝湟有別於一般邊爐鋪頭，呢間鋪係行清幽路線，環境企理乾淨！服務員服務非常熱情，一坐低就問我地要咩湯底，店員亦十分細心，見我地兩個女仔都著白色衫，就主動問我地需唔需要圍裙。餐廳嘅飲品都係自助式，飲品嘅選擇都算多，有茶、汽水.......，最特別係有酒，紅酒同白酒都係任飲架！我地揀左藥膳湯底嘅人蔘雞湯，個湯底個人蔘愈煲愈出，但如果好怕油嘅朋友仔要注意，因為隻雞都幾油架。安格斯牛肉呢個碟牛真係必食推介，雖然係送，但餐廳都非常敬業，質素好高，好有牛味，同埋雪花分佈好平均，入口即溶，牛嘅油香味係口入面擴散。海鮮拼盤呢碟海鮮拼盤都係送嘅，入面有超過5種海鮮，如:鮑魚、扇貝、龍躉及青口等，海鮮非常新鮮、十分鮮甜，值得一提係鮑魚十分彈牙。手工丸心機之作，好少打邊爐嘅地方會有手工丸，我最鍾意嘅冬菇壤肉，冬菇好鮮，同埋通常打邊爐都係好唔健康，呢到有另類健康選擇。鴨血鴨血好彈牙，但唔係好入味。花膠&牛骨髓花膠比得好大方，好大塊，好啉口軟滑！牛骨髓好啉，比較特別，唔係間間火

今日同男朋友仔喺銅鑼灣行完街👫👫，大家都勁肚餓，突然唸起同事早前有推薦過”來一鍋任食火鍋”，地址喺: 銅鑼灣堅拿道西10號冠景樓2樓.... 睇Google Map位置有啲唔準確，好彩朋友有提過，記得喺聖安娜餅屋嗰邊😅😅，所以我哋好快就搵到喇！我地立即上去睇下walk-in 有無位，當然17:35...但上到去已經有人剛坐底，侍應話六點基本上Booking 都full 得七七八八, 好彩仲有兩位🤗🤗，即刻入得！yeah!!!💃🏻💃🏻裏面環境唔錯喎，座位設計大多數都以卡位為主，舒適度高同埋私隱度高！👍👍👍因為一般出邊嘅任飲任食打邊爐都係圓枱，枱與枱之間非常狹窄，環境擠迫。反而呢度卡位同好寬敞，我哋兩個人都可以坐卡位，卡位應該夠六人坐！第一次任飲任食打邊爐食得咁舒適，呢一個要讚！😎😎🤩🤩好，講返食物....一坐低就見到有10款湯底選擇，選擇困難症又係時候發作！😜🤪有辣有唔辣，養生鍋，記得包括有： 酸菜卜卜蜆鍋、冬瓜白肉卜卜蜆鍋、四川麻辣野菌鍋、湖南香辣牛坑腩鍋、麻辣雞干鍋、胡椒豬肚鍋、印度椰子雞鍋等等，最後我都係決定問侍應，邊個鍋係你地既推介？🧐侍應推介，招牌湯底花膠螺頭雞鍋，侍應話係用西

今晚全家人都得閒，一齊出去威 去開銅鑼灣，就去咗朋友介紹嘅來一鍋！選址方便，好近時代廣場！店舖乾淨，地方寬躺光猛，裝修特別！我哋嗌咗呢一個$368/位既套餐，鍋底有10款選擇，除咗主菜、前菜同肉類冇得添之外，其他火鍋配料都可以任嗌，嘢飲任飲，應有盡有我哋揀咗酸菜卜卜蜆鍋拼四川麻辣野菌鍋 (小辣)，湯底材料豐富，主打冇味精！麻辣鍋唔算太辣！手切安格斯 Prime  Grade  牛頸脊肥牛片：脂肪比例平均，分布均勻，肉味濃厚！西班牙黑豚肉唔會太薄同韌！海鮮盤一嚟到已經心心眼 有好多款唔同嘅海鮮（大蝦、貴妃蚌、象拔蚌、扇貝、青口、鮑魚、龍躉片），全部都好新鮮、好大隻、好好味，真係超級正！認真推介獵殺菲林嘅即炸響鈴！超級脆，超級大條，有成個膊頭咁長即炸魚皮都好脆，正！手工丸(墨魚釀豆卜、豬肉丸、墨魚丸、牛肉流心芝士丸、豬肉釀鮮冬菇) &  手工餃 (韭菜餃、獅城魚尾雲吞、羊城水餃)：特別推介牛肉流心芝士丸，芝士夠多夠味夠流心！食嘅時候要小心啲 另外所有手工餃我都好鍾意好推薦，雖然細細粒，但係內裏嘅材料比例十分好，個皮亦包得好實好味花枝片 & 山根 & 午餐肉 & 花膠 & 黑豚腩片：其他火鍋

香港人越黎越喜歡打火煱，大熱天時都約埋打邊邊，有啲重係樓上舖，如果無乜特別，真係好難吸引人。好似在銅鑼灣鵝頸橋有好多食市，有間在堅拿道西10號2樓叫來一鍋，朋友介紹佢啲海鮮火鍋套餐好正，當然要試吓門口好光猛，大大隻字one more hotpot,正門一入去就對正一個酒櫃，好多紅白餐酒和啤，令人眼前一亮，原來可以任飲，爽呀，服務員好好，安排坐係窗邊重可以睇吓街景，卡位闊落舒服，跟住放下menu和介紹有乜好吃，真的花多眼亂，我都係選擇套餐，可以吃多少少款式湯底係酸菜卜卜蜆和四川麻辣野菌鍋，有辣又有酸，夠晒入味一黎就試左兩罐韓國飲料，啤酒和可樂，夠晒凍好快配料到左，擺到滿晒特別係手切安格斯牛頸脊肥牛片，有貴氣和口感，西班牙黑豚肉，薄切入口溶化從未吃過咁大條嘅即炸響鈴和魚皮，兩隻手掌咁大條重頭戲係海鮮拼盆，包括有大蝦，有殼鮑魚，青口，扇貝，貴妃蚌，厚鯇魚片，見到都流晒口水樣樣都新鲜又夠晒份量，重有其他配料手工丸和餃子，呢個套餐真的值回票價，爽，下次再黎

「來一鍋One more pot」主打海鮮放題，新鮮二字是該店的宗旨，只有顧客不斷，食材得以暢銷，先可以一直保持premium and outstanding quality。海鮮拼盤按人數而定，四位用的已足夠入目,其實已經可以occupy70%的飽足量。花膠紅棗雞湯火鍋，花膠乃是滋補湯水食材，也是女士美顔佳品。只有小數火鍋放題提供花膠等高端食材，「來一鍋」價錢抵玩certainly!肥牛並不是本店主打，質素中規中矩，打邊爐必備，牛魔王們不容錯過。XXL size的炸響玲，一大口也吞不下。豆腐卜、冬菇釀在蝦滑墨魚滑，新鮮手工製作無得輸。朱古力流心的心大軟，幸福滿載的甜品happy end 各類日本清酒隨意點選，配送海鮮一流。

朋友聚首一堂，就算天氣熱都冇影響我地想打邊爐嘅雅興。其中一人大力推介來一鍋嘅任食套餐，說非試不可。既然如此，便約好一同前往。一看點菜紙，已覺得任點的食物種類繁多，而且有不少是高價配料，急不及待把愛吃的都揀好。怎料，原來套餐本身已帶極豐富的指定主菜：海鮮併盤，內有鮮鮑魚、扇貝、青口、大蜆、象拔蚌，全都新鮮大隻，真是不得了！除此之外主菜原來還包含了多款手工丸和餃，平常只點這些已過百元，在這裡竟然全包了而且是多併不重複，為肚子省下位置吃多點其他食物，夠哂貼心。湯底我們選了冬瓜白肉卜卜蜆鍋，材料甚豐，一邊吃卜卜蜆一邊談天，很滋味。湯底有鮮味又不過咸，湯料的冬瓜和白肉尤其美味。不得不提這裡除汽水任飲外更有紅白酒任添！推薦必吃的巨型響玲和魚皮，比坊間的炸得透薄酥脆，輕咬下去已應聲斷開，不會吃至成口油。只顧吃著主菜到8分飽，已完全忘記了還有一坐下來已遞上的任食紙食物還未來呢！！各樣食物全都整齊地放在層架上，還有美味的肥牛片，油脂豐腴。這是我吃過最豐富，食物又食鮮的打邊爐任食，朋友果然冇介紹錯！

今日同女人去打邊爐，發現一間唔錯的！店舖係鵝頸橋旁邊，算易搵到！呢間店係任食2.5小時，比一般的長半小時，已經很足夠，亦無咁講！佢有2款menu，一款有海鮮，另一款無。海鮮是368，無海鮮288，當然重要加10蚊醬料費！我地當然要海鮮啦！不過要注意的是海鮮不是任食，只會位上，當日無晒生蠔。我地要左冬瓜白肉卜卜蜆，超多蜆！就咁數有50隻以上，不過美中不足係有d蜆有沙！成個冬瓜掏空嫁！鮮味十足！之後黎海鮮船無生蠔，就比左魚我地，出奇地，魚十分滑！蝦很有彈性，比我地時隻腳仔重有少少郁！貴妃蚌和象拔蚌亦很新鮮，沒有雪味！青口就正常，無乜特別！帶子都好大隻，連殼掉落去已經唔洗放其他野！鮑象彈牙！最重要係佢好似幫你清埋內臟，十分抵讚！呢d手打東東，說真的都好食，尤其墨丸！十分新鮮好吃！之後來的就正囉！牛肉好正，簿簿的一下就得！即炸響玲十分正，大條到好似隻手臂咁長！不過食完都會好滯，重有即炸魚皮，脆卜卜，佢重加上淮鹽，更好食！不過我忘了影相！其他的有午餐肉，滑雞和滑牛，亦有花膠！滑牛特別好食！汔水自助，任飲！不得不提是白酒！白酒配海鮮十分合適！

無錯，近期我打邊邊打上癮🤤於是就去咗One More Hotpot 來一鍋啦朋友都話呢度好正點😍就等我嚟試下啦首先打邊爐又點少得一個靚湯底我就揀咗鴛鴦鍋冬陰功海鮮鍋配花膠螺頭雞湯😋淨係個湯頭已經係無得頂啦冬陰功湯配料十足 🌶啱曬鍾意辣嘅我花膠湯超級滋補未打之前我已經飲咗幾碗🤤嚟呢度一定要試下佢嘅魚皮同響鈴有成隻手板咁大㗎 而且脆卜卜一定唔可以錯過😇再嚟就係呢個超級海鮮盤入面嘅海鮮新鮮到不得了之後再加上呢個手切安格斯Prime Grade 牛頸脊肥牛片🐮一睇就知係靚嘢 牛肉味超濃再嚟一個手工餃子同埋手打丸有別於一般貨色 食得出係自家製造誠意之作😍食完呢輪我已經飽到想死🤣但係仲有我好鍾意食嘅皇帝菜當然要嗌啦總括黎講今次嘅邊邊令我十分滿意一定要再嚟多一次啊👍😋

經過銅鑼灣鬧市中近鵝頸橋發現一間火鍋店叫「來一鍋」，鵝頸橋最出名就係打小人，食飯之餘又可以看到這中國人的小習俗，非常有趣。朋友共聚可以叫一些日本清酒，一同暢飲。店主好細心，安排了一次性的圍裙給客人用 ，可不用整污糟自己的衫褲。火鍋湯底用花膠紅棗淆成，非常滋潤及滋陰。淨係食過海鮮拼盤已經夠曬份量。除咗海鮮拼盤，還有其他火鍋的配菜都好新鮮。炸魚皮比起一般的長很多，新鮮即炸香脆口。時令海鮮食材size都蠻充足，也十分新鮮。甜品心太軟 ,肉心比軟厚實，稍欠鬆軟質感，但可可味香濃，奪回不少分數。

香港人真係可以一年四季都打邊爐，今次同朋友去食火鍋放題，前菜有木耳同埋青瓜，青瓜不夠爽口，但是味道還是不錯！呢間餐廳啲海鮮好新鮮，都落重料，有鮑魚，元貝，這些回本食物牛肉切得比較薄，快熟透！而且係主打 火鍋放題，除咗有一set 嘅食物之外，食唔夠仲可以另外再嗌！啱晒大食嘅朋友，任食仲包括花膠，女仔真係食多多都唔怕！😛食完皮膚靚心情好！🙈至於餃子皮薄 肉厚，吸收埋啲湯汁 超正❤️手打丸 細細粒又彈牙，令人想食完再食！🙈大家經過銅鑼灣都可以上去試吓，我個人比較推薦🇮🇳印度椰子雞鍋！雞肉嫩口, 而且吸收左椰子既香味 ☺味道清甜 飲多多都不怕肥膩！👍🏼飲品除咗果汁 之外仲可以飲啤酒！都幾啱麻甩佬黎，一齊睇波打邊爐飲酒！🍺🍻#hotpot

我同一大班男性朋友敘舊，佢地又鐘意飲酒，食量又大，所以我一定選擇任食。見到公司附近有單張介紹這間餐廳，不防去打邊爐好主意。出面放滿大大小小紅白酒，仲有啤酒等。法國紅白酒一樣出色，我的朋友幾支係甘任飲。仲有韓國牌子啤酒任飲。有幾隻價錢選擇，$288或$368任食二個半小時，如果食埋海鮮及特色湯底就要選擇$368，佢日至四7:30前離座或9:00後入座有85折。除了酒外，仲有韓式果汁、汽水等任勻選擇。我叫鴛鴦鍋底，一邊花膠響螺雞湯，另一邊是湖南香辣牛坑腩干鍋。花膠響螺好滋潤又養顔，另一邊非常有驚喜，好似雞煲先食牛坑腩，差不多食完再落上湯打邊爐，麻麻辣辣好醒胃。手切安格斯牛頸脊肥牛片，十分high grade,食完一件又一件，真的講句牛肉味濃。海鮮拼盤有鮑魚、帆立貝、青口、海蝦、象拔蚌、貴妃蚌。非常肥美可口，海鮮新鮮。手工墨魚丸、豬肉丸、流心牛肉芝士丸、韭菜餃、水餃、墨魚釀豆腐、豬肉釀鮮冬菇等不錯，人手包確保新鮮用料上盛。仲有即炸響鈴、魚片，非常美味。