One More Hotpot 來一鍋 (已結業)

好耐冇係出面打邊邊，之前同佢地都係係酒樓或屋企打，冇咩特別，只係貪平🤑今次大家都想豪少少試下好野，由細識到大，又住同一區，有好多共嗚，但各人口味唔同，所以一於試下呢間任飲任食，又有海鮮，岩哂大家口味😜佢有兩個餐，一個係貴價海鮮套餐$368，另外一個冇貴價海鮮既套餐$288，兩個都可以食兩個半鐘，夠哂時間食😆我地揀左食海鮮套餐，襯野未黎出去拎野飲先佢有兩個飲品櫃，有汽水、蘆薈汁、仲有呢排好hit既可口可樂plus。佢另一個櫃有啤酒🍻，不過我地唔飲啤酒所以冇拎打邊爐驚熱氣，整罐仙草爽打定底先😝呢盤海鮮好快就送上黎，大家都嚇左一跳，嘩嘩聲😳，有鮑魚、扇貝、青口、貴妃蚌、魚片，全部大大隻，好新鮮，正阿😍鮑魚好彈牙唔um，肉質飽滿，食得出係靚野☺️牛頸肥牛片，望落色澤均勻、肥瘦適中放係鍋度烚兩野拎上黎食好正😙西班牙黑豚肉，又係烚一陣拎番上黎點醬食好正韭菜🥟、羊城水餃、獅城魚尾水餃同豬肉釀鮮冬菇質料好高，羊城水餃最正墨魚丸、豬肉丸、流心牛肉芝士丸，全部手打，好有心思，值得一贊食流心牛肉芝士丸時小心燙口😂朋友鍾意食鵝腸，話好爽脆好過癮我地揀左花腸螺頭雞鍋，記得要雞開頭食，咁食最嫩滑

地點位置易搵、店員服務、食物新鮮、紅白酒任飲都不錯，店員在無特別要求下主動幫我們改入獨立的房間，這點是加分的。【其實可能是怕我們太嘈吵影響其他客人 😂】唯一要批評的可能是麻辣鍋唔夠辣和放題肉類食物不多。整體上貴店是一個朋友聚會的好地方。👍👍👍

今日無啦啦覺得自己好需要打個邊爐去平衡一吓自己，所以就去咗之前去過嘅"來一鍋"一嚟宜家做緊85折優惠二嚟啲嘢食真係好好味。記得要行樓梯上嚟，因為隔離㗎笠係用唔到㗎~藥膳 vs 海鮮 ....海鮮嬴海鮮拼盤，材料超勁!有大大塊厚切龍躉片/鮑魚/象拔蚌仔/聖子/海蝦/貴妃蚌/元貝。我鍾意呢間嘢其中原因係可以食唔同嘅嘢。又想飲湯，又想食辣所以就叫咗個海螺花膠煲雞湯，味道非常之濃。雖然係用隔鍋，但材料十足!有兩舊大花膠，鮮甜海螺仔，仲有切件大雞脾跟set嘅第一道菜有，霹靂大響鈴/超級巨形炸魚皮/黑毛豬肉片!次次見到個大響鈴都好自癒手打牛丸/豬肉丸/花枝壤豆卜/大冬菇壤豬肉/仲有唔同味嘅小雲吞。除咗套餐指定食物其實仲有好多好多其他正嘢食!我就叫咗個脆肉鯇腩~勁新鮮同好味打邊爐點可以唔飲啤酒，仲係成櫃任你飲韓國氣水任飲!又有芒果汁，蘆薈汁 基本上呢間打邊爐真係好抵。p.s 服務very good

好耐冇食過任食邊爐啦😍之前聽人講話呢間好食，所以就去試下啦🤤任食邊爐有分有海鮮同冇海鮮，有海鮮既貴80幾蚊，但係就有好多野食😍餐廳好貼心！通常食任食邊爐都係餓住個肚去，務求儲多啲戰鬥力💪🏻去到由order到上菜再等水滾再等食物熟都有排等🤦🏻‍♀️餐廳就安排左兩款涼拌嘅前菜，頂肚之餘仲好開胃！酸酸地辣辣地好好食🤤我哋叫咗椰子雞湯底，湯底一上到黎就已經聞到好香好香嘅椰子味😍我就咁試咗一啖個湯底，好清甜好好味😍😍😍佢仲要用咗好多椰子同埋雞去煲，感覺好補身😂只係加多80幾蚊就有多咁多嘢食，真係好抵😍啲丸好好食，食得出唔係雪藏既cheap cheap丸😆啲海鮮都好新鮮，一次食到咁多海鮮，好滿足呀😍肥牛真係一流，肥瘦啱啱好，唔會太肥，而且仲好林添😍

好的打邊爐除左食材新鮮外，湯底更加可以帶出食物鮮味的重點。兩者相輔相成，缺一不可。今日黎左呢間來一鍋打邊爐，仲係任飲任食，包括紅白酒！前菜小食有手拍青瓜和四川麻辣木耳，個人覺得有小小偏辣但係都爽脆和開胃。我揀咗花膠螺頭雞濃湯底，淨係聽個名都覺得好滋補。見到個湯底就知道冇揀錯地方 。見到個賣相就知道材料十足，除左眼見大半隻雞外，仲有花膠，黨參，紅棗枸杞等，所以喺未開始打邊爐之前都要飲下佢啲湯和食件花膠先。花膠塊塊都好厚，比得好大方。首先上場係牛肉，雪花分布得幾平均！新鮮嫩滑。作為一塊魚皮，比佢坊間的魚皮確有唔同，更大更脆。正！係我見過最大的響鈴，有我前臂咁長，我真係「哇」一聲。好鬆脆！由於我揀嘅係晚市海鮮套餐，所以今晚主角出現了，海鮮拼盤，我的最愛。有鮑魚，大蝦，貴妃蚌，扇貝，青口...鮮味，爽口，彈牙。一d 都唔會腥。呢度全部按客人人數上菜，所以就少食多滋味。再戰其他食材。手工丸類，向來手打丸都係較彈牙，呢度的手打墨魚丸，豬肉丸果然都無令我失望。食完套餐裡面的食物後，如果唔夠喉仲可以追加火鍋配料，我個人只可以再order 蟹柳和菜類，套餐既野太豐富啦，食到好飽！食埋個雪米磁，今餐就畫上

嘩嘩嘩！係打邊爐呀！仲係有好多唔同種類嘅海鮮提供嘅邊爐呀🤤點同平時果啲普通嘢比呀？呢到你揀咗餐之後，就會送一大埋嘢食😎而呢盆海鮮就係其中之一啦！青口甚至鮑魚都有㗎，啲海鮮又洗得乾淨，完全無沙！大家可以放心食㗎呢個牛都非常高質🤤我就比較鍾意食少肥嘅，而呢個就啱哂一班想減肥嘅朋友啦！呢個真係超超超級長超足料呀！除咗送海鮮同埋牛肉之外，仲有各色各樣特別嘅丸比大家食㗎！椰子雞嘅湯底都十分足料👍🏻

平日打邊爐最多飲品+啤酒係任飲，依間竟然有紅.白酒任飲，仲要質素唔太差令我食得開心飲得盡興，仲要有新鮮海鮮盤，安格斯牛，同埋特色嘅魚皮跟響鈴。地方冷氣夠，湯底仲有花膠響螺煲雞，椰子煲雞，麻辣煲等等…由於近期食得太多熱氣嘢，所以就揀咗比較清嘅花膠響螺煲雞跟椰子煲雞嚟到估唔到個湯料好足，一煲滾就聞到湯嘅香味爽呀，之後安格斯牛一到就急不及待就即放落去滾一滾就可以食又甜又有牛味而個海鮮盤有好多種類（斑片，蝦，鮑魚， 象拔蚌，帶子），仲有手打丸，蝦膠釀豆卜，餃子，最令我出奇係個自家炸響玲，個響玲超大條有 手臂咁大條嘅響玲放落湯都有少少難度，索咗個湯底當然好味，食食吓當然要飲啖嘢啦，邊食邊飲我最愛嘅凍白酒簡直係賞心樂事，而其他打邊爐嘅配料都好新鮮，令我食到攬住個肚走。

前兩天有朋友生日上openrice找到呢一間打邊爐 因為我們一行有18位大人 兩個小朋友所以選擇了訂一間房有兩張枱 今個月還遇上了有朋友生日可以全部人頭$368就全部人頭有折 精選介紹海鮮盆 超級新鮮 而且價$連任飲大家不防去試下👍🏽

今次嚟左呢間店舖打邊爐，好易搵，鵝頸橋灣仔街市旁就係，搭地鐵由Time Square 出口街過嚟唔駛5分鐘。叫左個任飲任食套餐，任飲喺包括埋任飲紅酒及白酒，白酒配海鮮，紅酒配紅肉，佢哋仲提供埋cooler👍。前菜有安格斯牛頭脊肥牛片，從肉色望到啲牛肉片都幾新鮮。海鮮拼盆個presentation夠吸引，有班片丶元貝丶鮑魚丶象拔蚝丶青口丶海蝦丶貴妃蚝，大大隻，肉質鮮美好食。另外仲有好多其他嘢食，包括自製響鈴(差不多仲長過對筷子)丶香脆魚皮(亦都係成對筷子咁長)丶自製水餃/雲吞/韮菜餃(香口之餘啲雲吞皮夠滑，味道好似小時候街頭宵夜嘅雲吞咁)丶自製牛肉丸/墨魚丸(唔會太咸，咬落去夠彈牙)丶自製墨魚釀豆腐卜/豬肉釀東菇，樣樣都好味道。

朋友選的餐廳，第一次黎呢間火鍋店，有驚喜啊！未到7點已經黎到，可能黎得太早都仲係有好多位，我地4個人揀左卡位坐，好闊落坐得好舒服，環境唔錯！坐低侍應介紹左兩種價錢既任食套餐，$288同$368，$368既就多左個海鮮拼盤，任食兩個半鐘我地叫左個花膠螺頭藥膳雞鍋，大家餓起上黎好快就食哂啲雞件同螺頭，所以個湯其實唔濃味，不過冇落味精都好既。反而係兩大舊豬骨愈煲愈重豬骨味。一見到呢個海鮮拼盤大家爭住影相啊！好靚全部都好新鮮好鮮甜溫馨提示烚一陣好撈起啦，好爽，帶子，蝦真係幾甜呢個丸，菇，雲吞都係跟餐既，所以唔計佢任叫既其實已經飽飽地！手切安格斯牛頸脊肥牛，我唔食牛既，朋友話好食呢碟西班牙黑豚肉，係咪西班牙我就唔知啦，不過我品質鑑定過有肉味係好食既個擺碟好似afternoon tea咁幾精緻我覺得最好食既係鵝腸同鯇片，用料靚個巨型響鈴我真心覺得有點誇張，見到都o左咀，不過係好食既，係飽左啲啫最後都要食啲菜心理上健康下，雖然次序唔岩……食到好好好飽，店員話仲有雪米滋！已經冇cap食啦！雪米滋就留番下次再試啦ps.有紅白酒任飲，不過是日大家齋飲茶

今次同朋友黎到銅鑼灣既來一鍋恰下恰下。其實佢係近地鐵站，不過係樓上舖都要搵左陣。果度既環境唔錯，門口度藍色門好搶眼，裡面座位之間都夠大夠寬敞。店員服務態度好好，佢好詳盡介紹佢地既set，同有咩分別。好啦哎野食，叫左個花膠螺頭雞鍋，配料就樣樣都哎d啦。等緊其間當然係混醬同拎野飲啦，佢地會有個調味料盤，唔洗自己去common area拎，衛生方面加分之外，裡面d芫荽、蔥係青綠靚色架！個花膠螺頭雞鍋方面，都好足料，但吾會太咸。話咁快配料到，擺設好靚，特別係盤海鮮，好似刺身擺設。另外炸響鈴同炸魚皮好驚喜，Size好大。炸魚皮係即炸出來，好脆口。味道方面，有好幾樣都好深刻，大蝦（好鮮甜），手切安格斯牛頸脊，手工丸s，手工餃s，都勁味，不過手工流心丸要小心盪口。食物多多，都冇叫粉麵，飽飽滿足地離開。

通常作為吃貨都會擁有一系列口袋名單 餐廳 總會有再食既機會🤤 不過往往都要相隔一段頗長既時間 因為始終太多餐廳有好野食💕隔咗好耐無食 有兩款套餐可以簡😗 我同朋友都係簡較貴個款😛😛 我地簡咗海鮮任食邊爐$368 醬油費一人$10早離座有85折連醬油費都有折👍🏻 任飲任食 有齊多種海鮮 一大個海鮮拼盤 份量按人頭計 高級食材包括鮑魚大帶子 海蝦 青口象拔蚌同扇貝等 見到個海鮮拼盤都覺得正 款款都大大隻😍餐廳湯底選擇不少 有濃有淡有辣湯 上次簡咗花膠螺片雞湯底🐔今次就簡咗款相對清淡既湯底 冬瓜白肉卜卜蜆鍋 諗住試真材料既新鮮度😬未打邊爐前 當然食下小食先 又長又大舊既炸魚皮就係新鮮炸起 咬落夠哂香口 脆卜卜 絕對係我打邊爐既最愛🤣牛肉🐮同豚肉兩人一碟 同上次一樣我地簡咗手切安格斯牛 因為牛味夠哂濃 高質牛 肉質嫩滑 雪花部分分佈平均 厚薄岩岩好😆鐘意飲紅白酒🥂🍺🍷🍾就真心化算 因為包埋任飲 回本之選 可惜我地都唔多鐘意飲酒 所以就飲咗一堆韓式飲品同啤酒都有 選擇亦好豐富🤘🏻多款手打丸同手打食材 包括墨魚丸 豬肉丸 韭菜餃 豬肉釀鮮冬菇等 款款都幾足料同夠哂新鮮 按人頭計份量 絕對唔怕食唔哂

好耐無見姊妹，所以要揀打邊爐，要慢慢食慢慢傾。呢間係銅鑼灣嘅打邊爐唔單只位置方便，而且座位闊落，冷氣又夠，抽風又好，就算打完差唔多2-3個鐘邊爐，都無一身油煙味，抵讚咁岩我地仲有窗邊卡位坐，唔會嘈到人，夠曬privacy，我地傾得好滿足呢間任食打邊爐依家做緊85折，梗係試海鮮火鍋套餐啦~ 到遲下冬天，再上黎試滋補藥膳火鍋。呢個價錢仲包埋任飲紅白酒和汽水，真係好抵~ 可以揀一款鍋底，有10款選擇，包羅萬有，連冬陰功湯底都有 (下次一定要試)朋友心大心細，好菜有前菜比我一路試一路等佢慢慢揀 首先，我地揀左湖南香辣牛坑腩干鍋，極惹味，小辣超級香，肉都諗，好入味然後每位會上一輪新鮮美味嘅時令海鮮和配料，包括大蝦、鮑魚、貴妃蚌、扇貝、青口、生蠔，全部都有殼，勁新鮮~ 每兩位就會有一碟手切安格斯牛頸脊，好肥好靚，牛味一流其他配料都好出色，響鈴同魚皮都係即炸，零舍好味~D肉丸細細粒，而且好彈牙，同餃子一樣，絕對不是cheap cheap野樣樣食完都可以refill.埋完單仲有雪糕糯米磁，正到爆~ 

約了靚女杏賢吃火煱，真的心花怒放! 因為我們2姊妺無火煱不歡，所以很開心决定訂今期大熱One More 來一鍋吃過痛快首先主菜當然是花膠螺頭雞鍋，花膠很足料，又很有骨膠原，所以最合我們女孩子進補!前菜有四川麻辣木耳及手拍青瓜，又香又脆!手切安格斯牛頭脊肥牛片很新鮮又很有肉汁的味道!另外手工墨魚丸，豬肉丸，手工韮菜餃，羊城水餃很新鮮!手工墨魚釀豆卜，豬肉釀鮮冬菇，流心牛肉芝士丸爽口彈牙!其餘任点任食的火煱配料應有盡有，我覺得吃得開心，吃得稱心!

打邊爐 — 一年四季也是香港人的最愛當然，我們一家人也不例外，喜歡去不同的特色火鍋店，我之前在聖誕和朋友來過，覺得無論質素還是性價比都很高，決定同家人來多一次·來一鍋晚市有兩個主打火鍋套餐，一個是$288/位的「藥膳火鍋套餐」，另一個是$368/位的「海鮮火鍋套餐」，兩者都是任食2小時半，作為無海鮮不歡的家庭，加上之前試過覺得海鮮很高質素，我當然選擇後者吃過痛快💕店員會奉上醬料架，給每位客人自行調醬，隨即亦會給予藍色圍裙以免客人進食時被醬汁沾污衣服兩道涼拌小吃 — 木耳跟手拍青瓜酸酸辣辣，為接下來的「火鍋持久戰」開一開胃全場飲品是任飲，自行在飲品櫃拿取，除了上次已提供的港式罐裝飲品、韓式飲品外，今次來到發現增添了Fitz啤酒🍺、紅白酒任飲🍾 很適合一班愛酒之人邊吃火鍋邊欣賞世界盃球賽邊品嚐美酒🍷湯底選擇有10款之多，主要分為3類：清湯、濃湯、辣湯 ，我們選了清湯中的冬瓜白肉卜卜蜆鍋，超大的冬瓜玉環加上番茄、蟲草、蜆、白肉等材料，湯底清甜鮮味時令雜錦海鮮拼盤有海蝦、貴妃蚌、象拔蚌、鮑魚、扇貝、青口、鱔片，款款都新鮮足料，份量以位上，上枱時這拼盤巨大到使人嘩然🤩肉類方面我就簡了上次激讚的手