Penthouse (已結業)

去到CWB相信好多人都會系登龍街一帶食下好西，呢日同朋友諗住晚餐食餐好既於是系Midtown睇下有冇咩正野 就見到尼間入左米之連既西餐廳，於是就膽粗粗去試下咁岩有位5洗等，見入面坐得都幾爆，仲有好多外國人，待應好nice咁安排左我地坐系入邊靜D既位置同推介左D選擇比我地，成個環境好寬敞加上燈光同裝修都好舒適、仲有幅penthouse graffiti既牆，高級得尼帶點藝術感不過最正都系個露台，可以比大家出去飲下酒吹下水，30樓又夠高景色都幾靚我地最後叫左兩個餐，有前菜有果汁，我就簡左杯蘋果汁，全部都系新鮮榨 甜得尼又帶少少酸，D泡咁多都系第一次見，值得一試而個香草包都大舊，兩個人都可能食剩，記得點佢比個醬，如果唔系個包普普通通首先系Crab Cake配左Mango Salsa, Guacamole同Chipotle Aioli醬， 尼個都系推介之一，而我勁中意上面綠色個酪梨醬配埋啖啖蟹肉不得了之後就系個Mushroom湯，佢就跟餐set死左既，個湯勁重菌味勁好飲，上面個D我就唔清楚咩尼 脆脆地一定要同湯一齊飲!最尾就系主菜肉眼扒配薯仔同蒜頭，因為未系到食過所以穩穩陣陣叫左medium，

今日係銅鑼灣行完街，去左間靚靚既餐廳食晚餐。餐廳係最頂樓，一入去，餐廳美景真係無敵。環境高雅，仲可以係度飲杯野，氣氛超好。餐廳服務好好，幫你拉凳，坐低就幫你擺餐巾係大腿。叫左個12oz牛扒。牛扒黎之前有份麵包食。以為係比牛油同麵包一齊食，點知比左我最鍾意既青醬。其實麵包溝青醬先係最好味，酸酸甜甜，麵包外脆內鬆軟，個口感好好。食完個包，牛扒終於黎了，牛扒好大份，隔離仲有個烤蒜可以一齊食。一切開牛扒，牛扒既水份都出左黎，好juicy。入口個牛肉鮮味即刻出曬黎，呢個係我最鍾意既七成熟！。牛扒既香料好足，齋食牛扒唔點醬汁依然咁好味，唔會單調。個人好鍾意牛扒加埋蒜粒一齊食，烤左個蒜粒，陣好味好濃，加埋牛扒既鮮甜味，呢個配搭無敵！叫左碟薯角黎食。薯角加埋黑松露醬汁，正呀！外脆內軟既薯角，好快就比我ko曬。今餐真係超值，無論環境，服務，食物，樣樣都掂。今日真係超開心。臨走前見到原來間餐廳係米芝蓮餐廳，難怪質素同我之前食既西餐廳完全唔同。

auntie喺外國返來 特登帶小妹去食好嘢！係銅鑼灣登龍街（呢度一向多好嘢食啊）嘅一間高級自餐廳一出𨋢即刻見到有幾個牌寫住「米芝蓮指南推介餐廳」 好期待！店內陳設十分有氣氛 傾偈又唔應聲 來拍拖都幾適合（如有伴侶） 由於位處30樓 仲可以眺望銅鑼灣夜景 不過環境太幽暗 影相可能無咁靚呢度飲品好多樣化 有本幾頁厚嘅drink menu 有啲好靚嘅cocktail/mocktail 有一大個酒櫃... 為咗健康 都係飲「Fresh Orange Juice」吧 $58係有啲貴 不過勝再堅係fresh 有橙粒 又無加砂糖 好天然... 果汁係室溫 無加冰 呢個抵讚！落完order 店員率先serve咗份麵包 可能係隨湯附送... 麵包較韌 但又好易搣開 唔難咬 口感似魷魚絲... 個sauce好特別 係由白醋浸住用香草、蒜蓉、麵包碎混合而成嘅一pat「蓉」 酸酸鹹鹹 小妹喺咁點嚟食Soup of the day係特濃蘑菇湯 無加忌廉 所以成碗湯係好pure嘅蘑菇味... 湯面有麵包碎 圓形嗰塊係麥餅 一咬即碎 當然亦有主角蘑菇 湯料豐富又有益！小妹揀咗「Cold Cut Platter (f

​ 小妹的生日真係多謝大家捧場，請我食一餐高貴嘅晚餐， 平時同朋友出街食飯都會食啲平平哋，始終我哋呢啲年紀真係冇乜錢， 如果人哋請食飯又唔同講法，當然要寫返一篇食評做記錄。 佢哋帶咗我來呢間30樓嘅西餐廳，喺地鐵站行過嚟大約5分鐘內， 景觀開揚見到對面高樓大廈嘅頂部，啲光閃下閃下都幾有趣， 聽講係2015年同埋2016年嘅米之蓮都有入圍， 人哋話入得去嗰啲餐廳都唔錯，唔怪得座無虛席啦⋯ 走先有位...~ 諗食乜嘢真係好傷腦筋，為咗解決大家嘅選擇困難症，都係揀套餐方便啲喎！ 普通套餐已經有好多唔同嘅食品，索價$1288，如果好味嘅話價錢都抵番，值回票價。 咩嘢食都未來之前會上咗一款麵包，外脆內軟，比較乾硬，點埋綠色醬汁好清新。 24Aged巴馬火腿我成日都分唔清到底係隻豬出咗世24個月定係醃制咗24個月⋯ 不過見到呢個英文應該係2年生命豬。 人哋話巴馬火腿一定要加哈密瓜先好食，本身巴馬火腿鹹鹹地不過唔會咸親條脷， 好有風乾嘅香氣，配埋甜嘅哈密瓜中和左味道更添清新。 果然無揀錯，唔係我揀架haha！ 湯就Set咗冇得揀，一定係呢個忌廉松露蘑菇湯，表面有啲炸過嘅餅碎鹹鹹地， 叫做增

​ 一間入選左米之蓮嘅餐廳，就算唔好食都一定有個譜，所以就成為生日飯的不二之選。 好驚冇位，提早兩個星期已經book定左，雖然定價高，但係入面客人數量亦很多，大部份估計都應該有訂枱。環境唔錯，裝修格局都好高級，有高有矮枱凳但係冇一款係會令人討厭，我哋就俾人安排左坐高台，有搭腳位坐得舒服。 自己唔想諗，就交由同行者發板，所有餐牌都係英文如果唔識某部分英文嘅話可以要求店員翻譯或者自己查字典。我地咁多個人最後叫咗兩個餐，幾份前菜都有齊，飲品果汁選了芒果汁，原來真係鮮榨（唔係果汁先生或者玻璃樽），又甜又好飲！ 香草麵包份量算大，真不錯。 24個月巴馬火腿+蟹肉餅令人印象都幾深刻！巴馬火腿輕微鹹香加上哈密瓜不二之選，味道相得益彰；蟹肉餅除咗每一口都係蟹肉之外，沙律嘅調味亦豐富，新鮮得來唔會太膩。 一般西餐店都會選擇黑松露蘑菇湯，所以選擇松露蘑菇湯一啲都唔覺得出奇，套餐裏面已經定左。 整體質感柔軟之外每一口都有磨菇粒咬同埋松露粒溶解，香氣迫人，吃得多又不會膩。 炭燒美國牛肉眼12oz叫左之後先發現唔記得講幾多成熟，好彩自動變成五至六成熟，燒得香口而且筋不算多，每一口鬆軟之外近乎入口即溶，旁邊更

今日係妹妹的生日，以前每年都會係屋企附近訂個蛋糕食完就算，係屋企食埋晚飯。不過妹妹都已經係高中生（全家都比較童顏所以成日比人誤會好細個），一於搞下新意思，食下高級西餐廳！時代廣場大食代多野食就係人都知，但金朝陽Midtown（入口係登龍街）就未必有咁多人知喇！入口係正永光中心斜對面，外觀較為高級。30樓有一間叫Pemthouse的西餐廳，中午做半自助餐、晚市做散點西餐。原來景觀也不錯。我地一早book左台，帶位女侍應有禮貌又細心，好快安排入座。本身會提供飲用水，亦可選Still/Sparkling water，價錢每支計，我們還是選喝二人餐包埋的Juice好了。選擇了二人set，$1288而內容都幾豐富。Share下我食左既野，前菜就選了帶子Hokkaido Scallop Carpaccio，畢竟我也是個帶子迷！刺身放題或西餐都是我的最愛，呢份帶子共有數片，厚薄合適而且彈牙又帶點帶子香氣，鮮味反而未算突出。表面既有清新牛油果，也有比較挺身的蕃茄，爽口之餘偏甜不酸，配上Granny Smith Dressing 味道更添豐富。松露蘑菇忌廉湯香氣四溢，上桌時絲毫沒有冰冷，飄出的是熱香，中

由於友人生日，一早就決定咗食午餐慶祝，之後行sogo thankful week shopping,所以朋友仔就一早選擇左大量嘅餐廳給我選擇！朋友仔所揀嘅餐廳主要係位於銅鑼灣及中環一帶，經過主角一輪的篩選後，最終選擇了呢間攞奬嘅餐廳！店舖位於登龍街，係Time square 附近，位於Midtown 30樓!係一樓大堂見到citi bank 做緊優惠，消費滿$500 可換$100coupon 可於下次某些餐廳度用！聽落都幾吸引！由於一早致電book 位，所以都不用等候，已經領我們進去！由於時間尚早我們訂的是12點午餐時段所以當時入面並不多人，我相信即使walk in 都會有位！門口擺放獎狀！我們坐定位之後，要決定食咩！餐牌分別係salad bar + dessert+/-湯+/-main course! 很快便決定了加main course, 唔要湯，怕飲湯吃不下其他東西！選擇了主食後，便往擺放食物的地方進發！自助沙律吧的食物的款式不多，兩款熱盤，沙律，芝士，ham，沙樂美腸，蜜瓜，蝦同螺！不過款式雖不多，但味道不俗，最愛螺，鮮甜而且一點也不鯹！主菜，我地知道這裡出名三文魚，於是便點了

琴日同男朋友去食飯，佢話帶我去食好野😋佢帶左我去銅鑼灣食高級西餐廳 浪漫一下！就係身處係30樓既PENTHOUSE 💙有bar枱bar椅 岩岩想relax下飲杯野既客人餐廳亦都有外國人飲下酒傾下計好大空間比大家relax一下 唔會好迫 座位好闊我地一坐到入去，已經覺得勁好feel！啲staff亦都好好人好細心動作好快就set好哂啲野身處於30樓既PENTHOUSE果然無令我失望環境好舒服 好大 樓底高雖然無豪華裝修 但擺設同望出去既風景都能夠突顯佢地既高級程度岩哂情侶慶祝生日或者週年紀念日同樣地 食呢一餐期間都已經有三對情侶慶祝生日😂 我地坐定定叫哂野食之後職員會送碟法包比我地作為starter呢個法包真係好好食啊😍😍法包外脆內軟 我相信再翻熱一定會更加好食再配埋佢地自家製既香草橄欖醬 簡直係絕配隻醬好香 搽少少係法包上面簡直食唔停👍🏻Starter我地揀左呢個crab cake ($188)呢個crab cake真係無得頂！勁多蟹肉之餘 啲蟹真係好香好鮮味而且仲煎到岩岩好 好夠金黃香脆！另外 佢仲有三隻醬可以點分別有：Mango Salsa, Guacamole & Chi

琴日係我同老公紀念日，我老公帶咗我去食一間高級西餐廳，當係比驚喜我。就係去咗食Penthouse一去到，已經被嗰度環境吸引着，由於餐廳係30樓，望出去個景好靚，好好氣氛，絕對適合情侶去慶祝紀念日或生日或一些特別日子。一去到坐低，服務員會過嚟同你講呢度有咩值得一試，於是我同我老公就叫左三樣野，同兩杯飲品。因為我同我老公好少去呢啲高級餐廳食飯，所以叫嘅都係呢間餐廳嘅招牌菜！叫完一陣，服務員會攞一啲麵包俾你地作為前菜，個麵包外脆內軟，本身已經好好食，再加上佢配埋個醬汁，搽上麵包到係一個好好嘅配搭！我哋叫咗一個前菜，叫做Crab Cake,起初以為普普通通好似煎薯餅加少少蟹肉咁，但食落完全唔係嗰回事，入面基本上啖啖都係蟹肉，唔會得少少，雖然佢另外配左三種醬汁俾你選擇，但個人認為唔點好食啲。有芒果醬，牛油果醬，仲有一種好似沙律醬咁。味道唔錯，啖啖肉！跟住我哋叫咗龍蝦食，隻龍蝦好好食，肉質好爽口彈牙，食落仲有少少海水鹹味。我哋初頭食龍蝦就咁食，冇點醬汁，之後服務員過嚟教我地要撈埋啲醬汁一齊食，撈埋醬汁一齊食，成件事唔同晒，龍蝦識落有醬汁味道，再帶少少海水鹹味，加龍蝦上面有少少香草，成碟餸又香又好味

星期五晚難得餐廳無咩客人坐得舒服又夠寧靜~ book 左窗口位置. 服務幾好. 職員幾主動又有禮. 點左個二人 set 另再加 steak 同意粉. 頭盤選左crab cake 同帶子.賣相精緻. 分量好 mini. . 主菜選左石鍋西班牙飯同慢煮三文魚. 三文魚好滑好好味👍🏻職員介紹既意粉. 但味道一般· 另 order 既牛肩. 份量都係好 mini. 牛味幾濃 juicy. 反而 side dish mushroom 份量超多😅甜品可以加錢寫名牌連煙火蠟燭~ 慶祝就一流~ 仲有室外座位. 飲野傾計好選擇. 原來餐廳有信用卡優惠. 但職員埋單時完全無提· 全店亦無卡仔牌仔等通知, menu 又無提. 感覺唔太老實👎🏻

Honey話好耐冇食西餐，週四晚約會就決定去銅鑼灣一幢食廈o既頂樓「Penthouse」度撑枱腳。餐店佔用面積全層，一出升降機門即為酒吧候座處。店子樓底極高，空間感足，加上柔和o既光線及潮格o既裝潢，氣氛極為輕鬆。位於三十樓高空當然有景睇，餐桌亦好順理成章地圍住窗邊排列。因外出設有露台，吸煙者唔洗落街都可以呼吸新鮮空氣。兩口子被安排入座弧形o既梳化式厚墊散座，高人一等都幾過癮。眼見散叫餐牌成本書咁厚，小肥就決定簡單啲食個二人套餐，頭盤要哂honey最愛o既海鮮，主菜就點咗三文魚同牛扒，一於黎個自選海陸大餐。套餐定價為$1,188，另收加一服務費，包咗兩杯果汁或汽水，小酒鬼XO仔就當然係揀咗貴一百蚊，但包有兩杯Moët香檳o既升級版啦！Cheers，晚餐隨即由麵包作序。麵包暖手又脆口，點上綠色o既自家製香草橄欖醬食，醒神又開胃。Hokkaido Scallop Carpaccio, Avocado, Tomatoes, Citrus & Granny Smith Dressing：生帶子滑溜非常，個人只係略嫌個酸汁調味蓋過咗帶子本身o既鮮甜。Deviled Crab Cake, Mang

同朋友兩個人想夜晚想去間靚靚地既西餐廳, 坐低傾下計,揀左間近排好多朋友介紹既Penth house。黎間餐廳係Midtown既30樓,成棟大廈都好新,從大堂開始,環境已經好好，好舒適。上到30樓, 我同朋友見到個風景都讚不絕口。餐廳有落地玻璃, 從30樓望落去, 同平時睇既銅鑼灣好唔同, 好似去左第二個地方咁，對面係五光十色既玻璃大廈，望出去風景好有時代感。坐低後，waitress拎左面包加醬俾我地食,再慢慢揀菜，面包好新鮮，仲熱熱地。平時餐廳通常會俾橄欖油加醋，但黎間餐幾有heart,連唔洗錢既面包都調配特別既醬油。由於我地已經食左下茶，只係叫左兩個菜，　分別係Stone pot pork ribs paella($278) 同埋australian lamp chops($368)。第一個菜係Stone pot pork ribs paella($278),一間咁西式既餐廳入面,估唔到會有石頭鍋飯。所以特登試下佢手勢。始終係西餐，其實同韓國既石頭鍋飯好唔同。上面係豬肋骨，下面係炒飯。好中意食佢既豬肋骨，好入味，肉質又夠林。最最最特別，係佢個醬，我發現黎間餐廳對醬汁幾用心。個醬係牛

宜家去銅記食野，十次有九次都係去登龍街，今次唔食拉面，去飲食地標Midtown試下新餐Penthhouse。入到去midtown 大堂，有staff會好有禮貌會開門俾你，大堂又光鮮亮麗，個人心情都特別好，帶心儀對象去食飯，一定會加分 ！Penthhouse係Midtown 30樓全層,一出life ,就有Staff serve 你,態度十分好。雖然一個人，但都揀左張窗邊位，自己浪漫下。望住個靚景，梗係要叫支白酒嘆下。叫左支316 Terrazas Tor($480)，雖然唔係貴酒，但一個人黎飲下氣氛都唔錯，下次叫埋男朋友先叫支靚野。飲白酒，要配埋海既鮮味，先係一流，所以前菜叫左個Deep fried calamari ($178)，用左木板做器皿,魷魚外層包左一層香草,食落去有微微香草味,加埋個醬,酸酸地幾開胃,但不足既係魷魚唔夠新鮮,肉質唔夠爽，一定要襯熱食。份量都唔算細，可以做兩個人既前菜。一路飲下白酒，等下一道菜。再叫多左個Linguine Vongole, 用大碟上，黎嗰陣見到香草佈滿係意粉上，碟身仲保持熱度。側邊有幾隻大蜆，雖然肉就唔係太多太厚，但係嗰種香草味配埋扁意粉，白酒

唔知由幾時開始，我哋成日都會覺得呢啲咁高級浪漫嘅西餐係應該同男朋友或者女朋友去食，有可能係某姊妹嘅生日飯選取場景。我都好鍾意去呢啲高級西餐廳，我亦都相信屋企人同樣都鍾意試吓呢啲咁高級嘅西方美食。正當四周圍全部都係姊妹團，隔離兩台響度切緊生日蛋糕，我嘅呢一台，就有爸爸。媽媽。同我。大家有留意我嘅食評都應該知道，我家嘅爸爸媽媽好少出街食飯，今次同樣又呃佢地出泥，理由就係朋友做經理，好平食牛扒。嚟到嘅呢一刻我阿爸的對話係: 乜咁靚啊，我以為你帶我食休扒餐咋喎！然後我瞬間用凌厲嘅眼神啤住佢！係呢度的確好靚位於30樓嘅高層，雖然而家已經冇靚景睇，不過環境舒適，座位闊落，配上陰暗的環境燈光，仲有入牆嘅大酒櫃。呢一度嘅環境真係十分之適合男女調情。呢個環境影嘅食物+靚女的相，呃like 指數極高有得呃like wor ~ 我有點可以執輸！然後我望住我爸爸再望着媽媽, 我嘗試叫爸爸幫我揸機。。。。亦都嘗試叫媽媽。anyway ~ 影左N 次。。算啦！先來嘅係麵包配香草醬，我好怕一啲軟淋淋嘅麵包，呢種就適合我了！香草醬比牛油更吸引！兩位老人家快速清碟。再來的係招牌沙律，10分新鮮爽脆嘅沙律菜配上美味大蝦，

之前為友人準備的賀生辰第一擊：即畫生日甜品畫令她很有驚喜。第一擊成功就要準備出第二擊：浪漫一夜。打算為友人安排一個可眺望夜景的餐廳, 享受一頓豐富的生日飯, 不知第二擊會否成功呢?餐廳位於大廈最高層, 上到30樓, 一出升降機門已看到以燈泡砌成的店名, 金光閃閃, 相當搶眼。內裏燈光柔和, 蠻有情調, 很適合情侶燭光晚餐, 而最吸引友人之處是可在高處眺望一望無際的景色。早點來到，可看到清晰的街景，令人醒神; 待晚一點，可望着絢爛的夜景，令人醉心。餐廳地方寬敞闊落, 設有多張二至四人枱、兩張長形的六人高枱、數張馬蹄形的二至三人卡座, 還有近門的一排吧枱座, 枱與枱之間距離甚多, 令人坐得舒適自在。另外, 亦設有露天用膳區, 客人可邊吹着涼風, 邊望着靚景, 在夜空下把酒談心, 多浪漫啊!安坐後便馬上細閱menu, 分啡色(食品)和黑色(飲品)兩本. 另外還有一份甜品menu。除了有二人晚巿套餐, 包了前菜、餐湯、主菜、甜品和果汁/汽水($1188)或酒類飲品($1288)外, 還有多個系列的菜式, 分別有Oysters、Crudo、Salad、Starters、Pasta、Risotto