Pho Metro (已結業)

又到一星期出外午餐的日子，今次去左蘭芳道個度食越南河。店員問我地介唔介意坐房，我地無所謂就坐了。入到去發現有兩張枱，如果想靜靜傾下計，坐入面都唔錯。但係因為太入面，要叫店員就有少少難度，因為店員多是集中在外面。我叫左碗特別牛肉湯河，是單點的，唔包飲品。芽菜青檸係分開上的，視乎你需要同喜歡嚟自己加幾多。呢個湯河入面有生牛肉、腩片、牛丸、牛柏葉，款色多多，有濃濃的牛肉味。不過，如果牛丸大粒少少同埋牛柏葉不用切這樣細會更好。越南河個湯好傳統，搭配河粉一流，我特別喜歡夾埋洋蔥一齊食。河粉大大碗，都幾滿足！但係如果呢個價格係包埋飲品，會感覺實惠一點！

牛頸脊新鮮好好味，河粉嫩滑好易入口，湯底味道濃郁，我推介大家食，地方環境乾淨，員工服務態度好，喺銅鑼灣好少有咁平嘅越南食品店，我再推介一個係生牛河湯底濃郁，這間店我食過好多次我好喜歡佢啲湯底，所以我推介俾大家

當晚，跟一位灣仔工作的好姊妹食飯，走到位於銅鑼灣蘭芳道的越南餐廳 <Pho Metro>，其門面放置大魚缸及植物，為店子增添朝氣！ 令人越睇越喜歡其門面！店內空間感充裕，可以在舒適寧靜的環境下享用美食！女店員都幾 nice 又有禮貌！供應：越式小食、檬粉、飯及飲品...等！桌上已備有餐紙、餐巾、餐具及越式調味醬汁！芒果紙米卷 $48一客4件，價錢合理！加入鮮甜多汁的芒果，令本身口味清怡的紙米卷，多了一份甜美感！蟹肉湯檬 $118 +$20 腩片腩片有三塊，看起來及食起來是牛腩！我們以為是豬腩肉，況且兩個都不食牛，只好淺嚐吧！肉質鬆軟牛味濃郁！加入蕃茄的湯底呈橙紅色，入口酸甜帶鮮，尚算夠味！檬粉好像米粉般雪白及幼身，食落柔軟煙韌！吸湯度一般！其他配料包括：3片調味適中的扎肉、吸收湯底精華的豆卜、保持應有質感及鮮味的豬肉、滾瓜爛熟、甩皮甩骨的蕃茄，整體總算不錯！卻不及半年前，我跟她在銅鑼灣另一間樓上越南餐廳的蟹肉湯檬令人回味！熱蜂蜜柚子 $28我不敢亂試其他飲品，點了口味較為穩陣的熱蜂蜜柚子，加入蜂蜜，是正常的酸甜味！熱咸檸龍眼蜜 $28龍眼蜜是糖水，沒有龍眼的蹤影，只有咸

眨吓眼又到11月尾, 年尾又到打工仔清假嘅時間😅 今日就攞咗半日下晝假諗住行下街去吓salon 💇🏻‍♀️ 先食一個豐富嘅lunch開心下先!銅鑼灣呢條街都有幾間越南嘢食嘅, 呢間上過報紙話係由加拿大開過嚟, 入邊啲裝修都幾新, 見有位唔駛等就入去試吓啦! 仲係午飯時間有lunch Menu揀, 揀咗個特別牛肉湯河餐!特別牛肉湯河, 有生牛肉, 腩片, 牛丸, 牛柏葉, 餐飲係熱檸檬柚子蜜🍯個湯味道都唔錯, 食得出係有用心做嘅, 環境都坐得幾舒服幾寧靜, 可能價錢比隔離幾間越南野貴所以少人d, 可以間中享受一個寧靜寫意又唔使趕返公司嘅午餐感覺唔錯😋

仍為一個不吃牛肉的朋友, 出現在越南菜的店, 概率是很低很低的, 但今日卻是一個例外.在不吃帶湯和非牛的情況下, 豬肉和飯類是一個好選擇.點了一份越式香茅烤肉飯(豬扒)($68, 加一小費)和一份炸春卷($12, 加一小費).炸春卷一份就是一條(切成2邊), $12一條貴不貴就因人而異, 但對於愛好炸物的我來說, 只有1條就有點不夠吃.越式香茅烤肉飯(豬扒)也在10分鐘後上桌, 賣相相當漂亮, 有一只煎太陽蛋在飯上面, 配上點點豉油, 挺好吃的.豬扒是烤出來的, 火喉剛好, 配上蔥, 非常的惹味.看來不吃牛的我, 還是會再來的, 哈哈!

為了回味一下加國牛河專程去試試，老實說和在多倫多吃的越南牛河真的不太一樣。沒有給予芽菜青檸和薄荷葉已經扣了分，湯底味道都一般，個人認為太清，不夠濃郁，牛肉是可以，沒有驚喜。另外也嘗試了越式炸春卷，在多倫多吃的和在香港其他越南餐廳吃的一般都會是約兩根手指般粗，內𥚃有些粉絲什菜肉碎，可能是價錢和預算是一人份，春卷出來賣相實在個人認為不太得，實在太幼細條不太似越式春卷，有點失望。撈檬其實可以呀，香茅豬扒好吃。

繼續銅鑼灣尋找滋味午餐，是日下午茶時段來到此餐廳，點了個雞翼春卷湯河（$58）湯河由濃湯配製，河粉屬咽韌形，雖要咀嚼的時間較長。不過如圖，賣點是大碗，份量多。缺點是油膩，消化系統較差也會感到不適。至於雞翼和春卷。雞翼賣相有點差，有點像炸太久的樣子，幸好味道正常。而春卷相對失色，麵粉味太重，蓋過春卷的味道。不過其實春卷是足料的，只是比例可以再拿捏好一點。熱紅枣茶（+$5）寒冬飲紅枣茶想活血暖身，加$5並不貴，可是紅枣份量十分少，而且應該加了糖水，甜味並非出於紅枣本身，因此不建議浪費這$5。總結：下午茶份量來說算多，但油膩加上糖水紅枣茶卻令人卻步再試。

見有新開越南菜，很想試試看，中午1:30 入坐，還有很多吉枱，裝修清雅舒適，見餐牌相片很是吸引！立即點了我最喜愛的香茅豬扒撈檬！份量很大碗，檬粉是我食過的最差👎🏻很失望，雖然招呼很好，但是很基本的都可以咁難食，難以再支持

一直都好想試下呢間出名越南餐廳，今日就同朋友仔嚟食，早到所以唔洗排，如果7點半打後嚟就要排啦！因為一到食飯時間就多人排隊了。一入門就已經聞到好濃郁既牛肉香味，即刻叫左碗特別牛肉湯河試一試不愧是招牌野，碗湯河入面有生牛肉，腩片，牛丸，牛柏葉。料都算十分之多。先講湯底，湯底清澈但帶著香濃既牛味，再奉上一盤芽菜及香料，配上拉差辣椒醬沾牛肉食用，非常好吃。另外仲有甜醬，唔食辣的人就有多個選擇啦。特級蟹肉湯檬配軟殼蟹湯底用蟹膏蟹肉製成，好鮮甜惹味，配檬粉勁入味勁好食，飲曬D湯都唔會口乾，仲有一圈圈洋蔥絲帶出蟹的鮮味，唔係味精野。軟殼蟹炸得剛剛好，好大隻，熱辣辣，唔會話太厚粉，好脆口。鮮蝦紙米卷蝦肉大隻新鮮爽甜，紙米卷外皮煙韌，入面除左蝦肉仲有沙律菜同米粉，配埋醬汁一齊食，特別開胃。整體黎講食物質素好好，環境都幾舒適，唔怪得之咁多人黎食，下次會試下佢個牛油果沙冰同煎蝦餅。

一個普通的星期四路經銅鑼灣，一個人難得有時間食lunch於是上openrice睇下銅鑼灣有咩新嘅越南餐廳 🍴就畀我搵到 Pho metro! 我見佢哋話自己係多倫多嚟嘅越南粉，即刻好有興趣！😍自己在多倫多都住過幾年，好掛住嗰度嘅越南粉!!! 於是就行過去嗰條街，一來一回行咗兩次先搵到間舖頭！個門面係好似金魚缸嘅東西，根本睇唔到係越南粉！幾乎行咗去越棧！入到去員工就帶我坐低，但係之後冇理過我喎🤔三分鐘都冇攞個menu畀我😑 於是我就同其中一個女侍應打眼色，佢先至醒覺我枱面乜都冇然後就攞個menu俾我。 冇幾耐pho到喇 🍜🍜 睇落個顏色就淡咗啲，但係間餐廳係唔會主動畀芽菜你嘅，又要我自己問真係覺得好煩！Anyways, 湯底係淡咗啲，同多倫多有出入，整體都可以接受啦70分。 另外試咗蝦餅同埋芒果米紙卷，不過不失，我未必會再返嚟食，祝你哋好運!

Pho Metro 被這間餐廳的裝修吸引到，有個大型魚缸，更種植了植物，例如辣椒，可以當作配料。 特別牛肉湯河 材料有生牛肉、腩片、牛丸及牛柏葉。芽菜、九層塔同青檸另上，可以按自己需要添加。生牛肉片嫩滑、牛丸彈牙、牛柏葉爽口，而且清甜。 蟹膏湯檬用蟹膏製成的湯味道鮮甜，檬粉吸收左湯汁更美味，不會覺得重味精而口乾。特別喜歡由蟹肉同豬肉製成的肉丸，味道味濃郁而且有口感。 煎蝦餅 蝦餅表面輕輕煎過，有淡淡的金黃色，香口而不油膩，蝦肉彈牙，配上甜酸醬特別惹味。 芒果米紙卷 用越南米紙包著菜葉、米粉、芒果。原以為是又甜又軟身的芒果，誰知是硬身的青芒果，不過配上花生海鮮醬又是另一種風味。

Pho Metro來自加拿大多倫的越南餐廳，之前幾次去食都係TEA TIME時候，今日諗住食清少少所以去咗食碗粉，今日係星期日晚，餐廳唔多人都唔使等位，平時去都係食佢既LUNCH / TEA SET所以無乜好多選擇，但估唔到晚市餐牌選擇都唔多，最後我同朋友都係點番平時LUNCH食個D，一個扎肉湯檬，一個燒雞扒飯再加杯芒果沙冰。先講我個湯檬，D檬粉似乎一日整定放入碗再加湯，因為個檬粉係一舊咁黐住，湯味都算幾好，如果係LUNCH SET價錢我可以接受佢煮定，因為午市多人出餐要快，但晚市收成差不多$70唔太值而份量唔多，但朋友個燒雞飯沙冰佢都話唔錯，而服務都幾好。

越南菜在香港雖不算是主要受歡迎的菜系，但其實當中的支持者也不少，還記得當年銅鑼灣景隆街的越菜名店長期有人龍等位便可知一二。越菜之中較為港人熟悉的可算是越式春卷、蒜蓉牛油雞翼和越式生熟牛河。上年年尾筆者曾造訪越南河内，品嚐過當地的地道生牛河之後一試難忘，只是隨機在街邊找一間街坊小店，想不到那湯頭的鮮甜和濃郁完全非香港出品的可以媲美，現在執筆之時還在回味呢！近期由著名食家開設的越南生熟牛肉湯粉店掀起了一陣越式湯河熱潮，人們都開始對這道傳統地道美食重拾了興趣。而最近筆者就在銅鑼灣蘭芳道品嚐了一間來自加拿大的新派越式湯河小店，設計裝潢年青時尚，門口落地玻璃後放了一個趟大的水草魚缸，看著青翠的水草和活潑的魚兒在游來游去，瞬間讓人放鬆下來，側邊還設了一列列的香草種植裝飾，清新特色，更予人心曠神怡之感。店內環境簡約寬敞，配上亮麗燈光，寧靜舒適，帶著一般越式餐店沒有的氣派。細閲餐牌選擇不算太多，主要有幾款不同的牛肉湯河和蟹膏湯檬，再加上數款越南小食和不同的飲料而己，但有時貴精不貴多，專心做好特定菜式也不是一件壞事。先試一下這裡的小食，炸春卷算是皮薄餡爽口，就是沒有用上傳統越南米紙做春卷皮，缺少了那種風

來自多倫多的Pho食pho，係先飲佢個湯，佢個顏色好似好濃，但冇牛味，個湯比較單調，但值得一贊佢個越南金邊粉又幾有口感，牛肉都可以既,中規中矩的一碗pho，仍然比較喜愛錦麗

同男朋友心血來潮想食越南牛肉粉，搵到呢間小店，鋪頭面積唔算大，裝修簡約，座位亦闊落舒服。食物方面，由於我地唔多肚餓，兩個人只叫左一碗「特別牛肉粉」（$98）同兩款小食Share（各約$40），份量剛剛好！牛肉粉既配料有生熟牛肉、牛丸及比較少見的牛栢葉，牛肉嫩滑、厚薄適中，放於清甜湯底中亦唔會過熟，牛栢業切得幼細爽口，沒有異味。至於牛丸，牛味夠濃，而且亦好彈牙，如果不是對半切會更好！河粉的粉量好足，即使男士食亦都唔會唔夠飽。芽菜、香葉同青檸會另上，份量都比坊間多。而小食方面，雞翼是單骨雞翼，一碟有8件，適合同朋友開心Share，但味道比較普通。反而春卷就非常驚喜，炸得非常香口同乾身，配上冰凍生菜食唔會覺得油膩，一上台就秒速清碟了！最值得一讚既係，兩樣小食都係即點即炸，全部都係熱騰騰，你知啦，炸野熱食先好味！最後介紹下杯飲品牛油果沙冰，牛油果味好濃，唔會太甜亦唔會只有冰沒有料，只係$38，性價比高！誤打誤撞試到間唔錯既小店，都好想推介比大家😊