Pho Metro (已結業)

在銅鑼灣工作的朋友帶我來到【Pho Metro】、地點不算難找、只不過很少走進那條街。平日中午這裡附近都有不少工作的白領到這裡來找吃的。他說上一次吃過這間後便再來了幾次，亦經已把這家餐廳列入他的銅鑼灣區食堂之中。所以今天就帶我過來嚐一嚐，順便食個便飯。蘭芳道這裡頭確實不少食肆，【Pho Metro】店舖很特別，怎麼說？門面很美式，入面裝演也非常清新時尚。原因就是...它來自「多倫多」的越南河粉專賣店...好大也是一間加拿大過江龍，難怪元素反差那麼大呢！入座後有點期待喔！菜牌簡潔易明，選擇也不少，就小吃、主食、飲品都各點一些吧！主打是以當地新鮮食材和色香味俱全的粉類吸引食客。今天我的食慾也不錯呢！等了一會，煎蝦餅 $68就到！煎嘅蝦餅同炸嘅相比，就係無咁油，蝦餅既表面輕輕煎香，望落有微微既金黃色，口感跳彈，蝦肉濃而不太咸帶有鮮味，雖然蝦膠打得好，無炸到過火，但都係略嫌有小小多油。越式香腸 $48感看上似肉丸加入了豬肉和魚露，令肉質更加Juicy，再做成香腸形，用竹籤串起，以方便反覆燒烤，所以自起來外表更似烤肉串，香腸肉比較普遍既香腸有咬口，有種漸漸透岀既香草味，感覺上幾特別，有驚喜。但都

中午去到pho metro食午餐，餐廳係銅鑼灣，非常容易搵，入到去坐低就開始點野食。叫佐個特別牛肉湯河 配鹹檸7牛肉湯河好大碗，入面唔單單有生牛肉，仲有牛腩，牛丸，牛百葉，非常足料，個湯底亦非常濃郁，味道好唔錯。仲有d芽菜，香葉，青檸汁加埋落去一起食。越式香茅烤肉撈檬 配椰子水香茅烤肉可以揀豬排或者牛肉或者雞排，我就揀佐豬排，豬排烤得金黃香脆，食落有好香ge香茅味，而個檬粉加d越式辣汁撈黎食好惹味。芒果米紙卷，米紙卷又係我好鍾意食ge一道越式小吃，米紙卷煙un，入面包住d青瓜絲，蘿蔔絲，同大大件芒果，芒果好清甜，唔錯。幾正ge越南野，唔錯。

銅鑼灣地租貴絕亞洲外出用膳要小心謹慎否則荷包會元氣大傷今晚來感受越式風情枱面有支不同口味的是拉差醬點了蟹膏湯檬和順化牛肉扎肉粉湯頭呈深紅色浮上一點黃油先呷一口湯頭鮮味突出蕃茄味香濃但蟹膏味稍遜配料有肉丸球排骨扎肉等份量頗多飽肚感十足順化牛肉粉味道小辣牛肉是牛展入口鬆軟小吃點了炸蝦餅炸雞翼炸雞翼不乾身調味中普通炸蝦餅即叫即炸入口燙口飲品點了牛油果沙冰和芒果沙冰牛油果味道真實果味清淡清新解喝是夏日良品

好掛住多倫多，想食越南嘢，嗰邊拍越南街啲牛河大快碗，香港好少有， 因為牛骨成本高，一般都係畀啲味精牛河你， 銅鑼灣開咗Pho Metro, 喺多倫多有分店，師傅係當地回流，期待 ! 一去到見到個大魚缸仲有有機沙律菜感覺好fresh!叫咗特式蟹肉湯河， 充滿蟹味 絕對 唔係味精 用了神仙別出心裁, 仲叫咗越式春捲,  呢度係用手工 春捲皮自己包唔係出面有油林林脂肪皮， 心機之作! 特式牛河大大碗, 有牛嘅唔同部位好特別!我鍾意呢度嘅蝦餅 新鮮榨出嚟上枱冇油淋淋, 蝦肉彈牙,咬口， 加上size唔細 ,非常抵食!仲有呢度嘅越式香腸出面少見， 叫左越式咖啡，好細心 加埋煉奶 份量剛剛好 唔會太甜好滑! 以份量同地點嚟講絕對超值,值得一試! 掛住多倫多嘅朋友, 可以嚟試下喇!

平時比較少行到蘭芳道吃飯，但到了一趟越車旅遊後對當地牛河念念不忘，一於就到平時見過幾次但未有緣一試的這家PHO METRO試試，進了店內環境覺得挺有實力的，一望就被牆上的新解椰青黑板吸引了，吃越南菜真的真的不能少了一個好喝的椰青!很現代風格吧~~午市餐牌選擇洽到好處，我還是吃PHO了~這個是PHO-SPECIAL, 有生牛肉, 牛太,牛柏葉, 腩片等，很豐富~湯底喝得出是真材實料牛骨湯，味度剛好不太濃, 會想把整碗湯都喝完了~~河粉也很滑溜~~牛肉亦新鮮，同我在越南食的不會比下去~~來個青新的菜心吧~還有必叫的米紙卷, 跟越南相比, 少了太多的香葉, 沒了食草的感覺, 我個人認為比較適合香港人口味~這是越南香腸, 吃起來很像台灣的蝦餅也很香脆可口~這個是我的最愛，一喝就知道, 是泰國椰青!! 此店真的很用心，我見廚師走過，問他個椰青係咪泰國來的，佢話伙記每天都開車到水果市場拿新鮮貨~~花了不少人力物力，而且我發現個椰青開得特別靚, 一問之下, 原來有開椰青神器~~廚師跑進去拿這小工具出來, 就係用佢, 輕易開得咁靚, 我都想買返套哩~~~可見老板一定用心經營了!!!

這陣子的晚飯基本上但求方便就腳，下班後實在太肚餓便到蘭芳道看看有什麼餐廳未吃過的。意外地看到這家越南菜，門面很特別，因有個魚缸在外面，感覺很治癒。但我想不到跟越南有什麼關係。店鋪比我想像中大，可以坐到20-30人。我們被安排坐在左邊的角落餐牌只有一張簡單的。我們一人叫了一份正餐及一份小食，一人一杯飲料。檯面還有醬汁以便客人隨時調味！鮮蝦紙米卷＄58這個紙米卷一客四件，看似簡單，但內容豐富，有原隻蝦在內，還配了海鮮醬食用，但我是第一次沾海鮮醬，我還是喜歡平時撈檬的酸汁。紙米卷大大件，口感豐富，吃了兩件也覺得很滿足。燒雞扒蛋飯 ＄78雞扒大大件，雞扒是煎到脆脆的，配了一隻蛋及少量油菜，醬汁不是很多，但整個飯很有份量，有種家的感覺，但沒有了越南風味。蟹膏湯檬 ＄118聽說是招牌菜，感覺很特別，因為比較少地方有這一道菜。湯不算太濃，檬粉份量足夠，有扎肉、豬肉、豆卜，當然少不了蟹膏及蟹肉吧！咸檸龍眼蜜 ＄28第一次試咸的龍眼蜜，咸咸地又幾特別！凍滴漏咖啡 ＄35好少何飲凍的，味道不差！等一下便可以倒進杯子飲用。

銅鑼灣一向多野食，今日行下行下竟然發現到呢間越式小店，睇完餐牌覺得幾吸引就入左去~七點鐘入去，店內人不多，馬上就可以入座~肚餓既我們好快就決定左叫個順化牛肉扎肉粉(轉米線)、越式香茅烤牛肉金邊粉、煎蝦餅、炸春卷，而飲品就試下芒果沙冰同埋熱咸檸龍眼蜜。炸春卷和一般越南店一樣，春卷配合生菜包住食，雖然份量少了點但不得不讚既係春卷炸得好香口，跟碟的淡淡酸汁配合下口感不錯!煎蝦餅黎到既時候我地仲諗緊有冇叫錯，原來係煎不是炸，哈哈。感覺比炸蝦餅冇咁熱氣，食法同樣是配合淡淡酸汁而不是甜酸醬，食落口感幾清新，推薦可以試下。至於順化牛肉扎肉粉，男朋友就好鐘意呢碗粉，入面隨左所有料佢好鐘意之外，佢特別鐘意個湯底，濃味中帶有小辣，非常滋味。我碗越式香茅烤牛肉金邊粉亦都非常吸引，男朋友試完後就覺得好後悔叫左米線，一啖金邊粉一啖湯咁食，佢差啲想食埋我個碗。不得不推介的是另外上的香茅烤牛肉，廚師烤得非常好食，肉汁淡淡滲出肉身，食落口好JUICY，正!!!飲品方面，比較意外的是咸檸龍眼蜜原來可以做熱飲，開胃之餘亦有飯後消滯既感覺!男朋友的芒果沙冰較淡，配合濃味的菜式岩岩好!呢間小店感覺不錯，越南食品黎講，算係高上

係銅鑼灣行街行到好累，行左幾間鋪見呢間越南野裝修得幾靚就入去試下，朋友叫左個蟹膏湯檬，我就叫左個札肉湯金邊粉。野食好夠熱，金邊粉既質地好好食，好有咬口，札肉都吾錯，個湯底唔油膩，味精吾多，。朋友個蟹膏湯檬有好多料，有豆卜、札肉、豬肉丸兩大舊肉食到粒丸係加埋蟹肉落去，有心思。叫左杯芒果沙冰，我中意佢吾係好甜，用黎解渴一流。叫左兩碟小食，煎蝦餅同上湯油菜。炸蝦餅好大粒，有四舊，佢又吾係好油膩，但都整到好乾身，相對健康，我中意。上湯油菜，有生菜同芥蘭簡，叫左芥蘭，上面有D炸蒜。兩個人叫左咁多野都係360蚊，食到大家都幾飽，算底食。

今朝同老婆去跑馬地探去左醫院待產嘅表妹出返黎銅鑼灣已經差唔多兩點, 我地兩個因為都未係早餐, 超級肚餓, 老婆提議食越式湯粉, 上網搵左一陣, 決定去Openrice評價唔錯, 位於蘭坊街呢間來自多倫多嘅越南河粉店Pho Metro醫醫肚。😙我地到餐廳時已經過左午市繁忙時間, 所以客人唔太多, 唔需要等位已經有位坐, 餐廳唔大間, 裝修幾有格調, 牆上掛左幾幅越南艇仔嘅畫, 同餐廳越南菜主題好配。😁餐牌設計簡單, 主打越南湯粉, 另外有多款越式小食選擇, 我地點左兩碗湯粉同一碟菜Share, 加埋飲品應該夠食。😙特別牛肉粉 $98作為牛魔牛嘅我, 難得遇到一碗粉係由湯底至配料全部都係用牛製成, 當然要叫黎食啦, 呢碗特別牛肉粉牛味特別濃, 配料有生牛肉, 牛腩, 牛丸同牛栢葉, 加上芽菜同青檸汁, 味道層次好豐富, 而且牛肉同牛腩都軟腍爽滑, 湯粉大大碗, 一個人嘆非常滿足。😙蟹膏湯檬 $118老婆點呢款蟹膏湯檬湯底蟹味好濃, 加上蕃茄令湯頭更鮮甜, 由蟹膏, 蟹肉同豬肉製成嘅肉丸蟹膏味突出, 而且好多汁, 口感鬆軟, 檬粉口感軟滑, 配上美國製嘅拉差醬食, 特別惹味。😋上湯芥蘭 $

之前係峴港既街頭食過一碗橙橙地色既湯檬粉，好味到大為震驚!個陣唔知佢係咩名堂因為間野係連menu都冇!估唔到今晚係呢間PHO METRO會無意中食番!🙀🙀🙀原來佢叫做順化牛肉粉!🙀🙀🙀🙀🙀🙀呢到用左米線, 湯底同係越南食一樣!其實唔辣!湯底同一般PHO唔同, 根據GOOGLE:「湯底通常是牛骨及牛肉煮成，有香茅、越南蝦醬及辣椒等調味」所以味道複雜又惹味!朋友就叫左特別牛河即係PHO, 牛肉好多，生牛肉最好食，好重牛味!湯底都好夠味!小食我地叫左春卷，時菜，芒果米紙春卷炸得岩岩好，點埋個酸汁食一流芒果米紙卷入面有薄荷葉、粉絲、芒果，非常清新好食!最後要講下杯牛油果沙冰，第一次飲，好鐘意因為佢唔甜，好清新但又帶有牛油香味，必叫!!呢到環境好, 坐得好舒服, 又有洗手間, 店員都好有禮貌!下次去CWB會再食!

今日到了Pho Metro食越南河，又平又好味，值得同大家分享佢嘅Pho、紙米卷同咖啡。🇻🇳特別牛肉湯河用料十足🤤有生牛肉、腩片、牛丸同牛柏葉。大家食之前可以按自己需要將芽菜、香草同青檸汁加到河粉內。牛丸彈牙、牛柏葉爽口而且湯底香甜。🇻🇳順化牛肉扎肉粉順化湯底果然係幾出色！牛肉同湯底香辣，扎肉則夠曬入味。🇻🇳芒果紙米卷賣相幾靚仔！更有特式醬料比大家蘸黎食。卷入面有芒果、甘筍絲、青瓜絲同米粉，味道酸酸甜甜、入口清新爽口。🇻🇳越式滴漏咖啡超地道的咖啡。滴出來的咖啡味道濃郁，飲前記住攪勻底部的煉奶喔！

放工同同事去放鬆下，經過望到門面覺得幾舒服，就入左去試下。環境相當好光猛、空間感充足先來一個特級蟹膏湯檬～個湯充滿濃濃嘅蕃茄味，配上魚味、蟹膏，感覺好均衡，檬粉好入味仲要配埋心愛嘅軟殼蟹，好正～越南菜必點嘅牛肉河～湯底清甜，濃郁嘅牛味，配上嫩滑嘅生牛肉！再黎一個鮮蝦紙米卷，鮮蝦大大隻，啖啖肉👍🏻好耐冇飲椰青，清涼解渴加減壓。越式滴漏咖啡香而不苦。用鍊奶冲係幾特別～成餐飯夠哂休閒輕鬆，真係身心舒暢

今晚去左銅鑼灣行街, 之後大家都諗住唔好食咁飽，粉麵最好。黎左間越南野，叫左小食，仲一人叫左一個河/ 湯檬~小食有鮮蝦紙米卷，清清地幾好食。我要左個特別牛肉湯河：材料非常豐富，入面有牛肉、腩牛、牛丸、牛百葉 etc.牛肉本身好香，又嫩滑，而湯底清甜唔會油膩，配上河粉好滋味，一定要食！朋友點左個雞扒湯檬~雞扒煎得岩岩好，一d 都唔鞋！當然仲叫左個菜芯，健康D 丫MA.另外好特別，要左個滴漏咖啡，第一次飲，唔錯！ＯVERALL 價錢抵食, 下次可再黎=]　

放工約左男朋友去銅鑼灣睇戲，睇完戲去左Pho Metro食肚。鋪頭裝修設計簡潔舒服。特別牛肉湯河 - 配料有生牛河、腩片、牛丸、牛柏葉，每一碗Pho均附有一些配料，包括芽菜、青檸、九層塔及薄荷葉。牛湯顏色半透明，無乜油光，湯頭飲落清甜順口，幼身的河粉掛汁力強，口感好好。生牛肉脂肪比例剛剛好，好香嫩；牛丸腩片彈牙無渣。 蟹膏湯檬 - 聽講製作方法係將把鮮蟹盅碎，脫殼取肉取膏，再加洋蔥番茄熬煮至少3小時，難怪湯底味道咁鮮甜，蟹膏味濃郁。配料豐富：有蟹肉餅，豬肉、豆卜等。檬粉分量好多而且好索湯。 芒果紙米卷 - 包裹得層次分明，紙米卷外皮煙韌，內裡有新鮮芒果夾住沙律菜同埋肉碎，有點酸香甜味，配埋濃郁的醬汁，好開胃。 煎蝦餅 – 外脆內軟，唔會煎到好油，蝦肉夠鮮甜，肉質彈牙。炸春卷 – 外皮炸得好香脆，裡面餡料好豐富：有蘿蔔絲、粉絲同埋雲耳絲。 牛油果沙冰 – 好幼滑，唔會太甜，感覺好fresh。

同小朋友喺銅鑼灣上完堂，佢話好肚餓所以我哋就走左去搵嘢食，小朋友被呢間餐廳嘅魚缸吸引，所以我哋就入咗去試試。為咗滿足小朋友首先叫咗個炸雞翼，雞翼切開左，單骨上令到小朋友更加容易食到，新鮮炸起好香脆，有少少辣大人食覺得好惹味，不過小朋友食就食到佢不停飲水hahaa除咗雞翼我哋仲叫咗春卷做小食，春卷都係新鮮炸起另外有幾塊生菜，可以包住春卷一齊食，感覺冇咁熱氣。我地再叫咗兩碗粉，其中一碗係豬扒湯檬，我哋額外再加左生牛肉，都幾大塊又有牛味，湯係亦都好濃郁，味精唔重，食完都唔會好口渴。另外店員推介左呢款蟹膏湯檬、個湯底好有鮮味，仲有2粒大肉丸，大到小朋友隻手咁大隻，感覺好抵食最後食埋個菜，呢餐就營養均衡啦，價錢每樣都係幾十蚊，喺銅鑼灣區仲要地鋪，算好合理囉。