Pho Metro (已結業)

難得到銅鑼灣食飯，當然想搵間好食，見到呢間餐廳評價不錯，而且價錢又適中，於是去試試。7點已到餐廳，地方不算太大，但一個人都無，有點擔心，因為其他餐廳都會有三、四枱客。不過大概8點，開始有兩枱客幫襯。點了三樣嘢：特別牛河，份量足夠，內有生牛肉、腩片、牛丸、牛柏葉，但湯底我不喜歡，覺得怪味，所以食到一半就放棄；蟹膏湯檬，份量比特別牛河少，味道不錯，但感覺唔到有任何蟹膏味道，只有蕃茄味道，肉丸係手打但不彈口，一咬就散開;特別紙米卷，有芒果味，味道不過不失，沒有驚喜。材料、味道與價錢不相符，不會再光顧。

叫了一客$80牛油果芒果軟蟹卷，吃及看也感覺不到有芒果在裏頭，跟他們了解之後，才發現了跟手指尾甲一樣大小的芒草粒。非常失望。我不會預計芒果的份量會少得如此，請大家不要期望太高！

成日經過呢間舖睇環境唔太吸引 外賣網咁岩叫到呢間 每款麵都差唔多一百蚊 叫左招牌湯河粉 生熟牛河粉 雞翼春卷撈檬🍜 但一黎到全部麵就多肉勁少 食左一啖就明點解 因為根本唔會想食咁多 食到一半已經扔左😷 無論湯底麵定肉都完全無味 麵硬肉厚同韌 好低質 一百蚊食廿蚊貨色👎🏻 唔知係質素變差左定買好評❓但我真係未食過咁難食既pho 一定唔會再食 寫食評因為唔想咁多人中伏 寫二百字但諗極都諗唔倒有咩地方可以讚 留番個舖位比有質素既餐廳啦❗️

又到中午，我係OpenRice外賣自取搵到呢間餐廳，做緊優惠幾吸引！餐廳環境不錯，職員有禮，中午12:30客人也不多，粗略估計最少有2/3餐檯沒有客人。包裝得很有心思，炸物的盒蓋有剪一角作預留氣孔，飲品和湯粉有再額外用膠袋包好，分湯外還有隔層放配料。生牛肉河：牛肉是全熟的(已分湯和隔開河粉和配料放)，湯底直接喝也是清淡到不行，做成整碗粉沒有味道，但芽菜青檸等配料是有的只差在沒有辣椒。炸蝦餅：味道正常，不知是不是太足料，口感太硬扣分。凍咸檸龍眼蜜：有咸檸味但就唔係好飲到龍眼味，正常凍飲一杯。我實在想不到為何會有這麼多好評，如果考慮到價錢我會給負評，但看在整體服務和員工就給個中評吧！應該不會再吃第二次。

Pho Metro餐廳是已簡約為主有幾張掛畫，柔和的燈光，帶給食客一種舒適的感覺。䉀蝦春卷撈檬䉀蝦味道一般，春卷有啲炸過頭，撈檬份量多，但魚露唔夠味道，所以令到撈檬整體感覺不好吃。芒果紙米卷一客4件，食材都好豐滿，加入鮮甜多汁的芒果，令本身口味清怡的紙米卷，多了一份甜美感！咸檸龍眼蜜第一次試咸的龍眼蜜，咸咸地又幾特別！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民餐廳是已簡約為主有幾張掛畫，柔和的燈光，帶給食客一種舒適的感覺。

今晚想食清啲，所以就搵下有無越南粉食，結果就搵咗位置銅鑼灣的這間小店。店內環境幾好，舒緩光亮又乾淨。我和朋友各自點了一個撈檬。䉀蝦春卷撈檬 ($78)䉀蝦味道一般，春卷有啲炸過頭，撈檬份量多，但魚露唔夠味道，所以令到撈檬整體感覺不好吃。扎肉撈檬($78)扎肉和其他越南餐廳的差不多，没有特別，同樣，因為露唔夠味道，所以令到撈檬失色了。另外，我們點了一個小食，雙色紙米卷 - 芒果＋鮮蝦($68)這兩款也是没有特別，也没有什麼味道。試過一次就夠

見到裝修幾靚book咗枱三個friend慶祝生日, 我同friend 嗌咗牛頸脊湯河, 個牛肉真係好好食, 不過個湯就清D, 跟住見到話係真材實料煲出嚟嘅, 唔係用成桶味精開水, 即刻覺得健康曬, 另一個friend就嗌咗豬扒飯, 個侍應話即刻燒要等下喎, 個侍應幾好幫我哋雪住個蛋糕, 無收切餅費 之後再傾咗兩句, 個侍應居然話個老闆好好人,叫我哋下次支持下, 熱誠感動到呀 ,絕對唔係因為冇收切餅費而幫佢寫, 講真眼見香港啲小店經營一間比一間小, 我諗我啲friend睇到都會去支持下嘅.

本身很喜歡越南菜尤其是牛肉湯河，從小食到大，越食越精。今天路過這餐廳，看見門前展示的餐單上的粉面很是吸引，於是約朋友特地晚上去。結果是湯底無味，牛肉不好，咬不斷，牛丸冇味又細粒，收$138一碗特別粉，不應是這個水平。市面上集團式經營的那個越南河粉店，水平好高好多，收費比他便宜。請這間餐廳的老闆去參考參考。越南魚露像水一般，春卷雖炸得好，但餡料全碎冇口感。服務雖然殷勤但食物水平實在令我太失望了。就這樣浪費了我一個晚餐的quota，包括金錢和卡路里。

睇到佢話溫哥華嚟嘅越南菜，諗住試下，試完嚇死人，價錢已經貴，仲要d湯完全無味叫左個蟹肉湯粉，竟然一d蟹味都食唔到，只有番茄味，仲要係常餐質素，而家可能租貴，食物完全沒質素，去茶餐廳都好食過佢。

星期日夜晚7點都唔係好多人，坐得舒服既。兩個人嗌左：越式香茅烤牛肉湯檬（$88）同越式香茅烤雞扒撈檬（$78）。湯檬黎先，牛肉分開碟上十分好，不過肉既份量都唔多。但味道ok，唔會太油。至於雞扒撈檬，都係肉既份量唔多，不過檬粉就勁多實食得飽既😂佢隻檬粉有d似米粉🤔🤔另外魚露同出面食開個隻紅色既唔同、係黃色既。撈落淡d同無咁酸，重口味如我就要瘋狂落😂😂個人覺得雞扒好食過牛肉。鐘意辣椒既朋友仲可以加下辣椒醬。

本人一向都喜歡食越南牛河，在香港行到邊見到越南河都會去試吓。早兩星期行過銅鑼灣見到這店，覺得門面幾特別，上OpenRice check下見到好多comment都係話這是來自加拿大的店，一於入去試吓。因本人在加拿大生活多年，不同省份都能吃到濃郁牛味的湯河。在香港實在搵唔到可以比拼的（申報：在香港食的都是$100以內一碗，超過$100一碗的就未試過。）當天是星期六晚市，店舖六成滿，一家五口，點了 特別牛肉湯河；扎肉湯河； 香茅豬扒飯；香茅雞扒飯；炸春卷 和 鮮蝦芒果米紙卷。食物賣相是可以的（除了炸春卷外）。特別牛肉湯河的份量和配料都足夠，但最重要的湯就大鑊，淡的，失望極了，香港任何一間都俾佢濃郁。香茅豬/雞扒飯，普通，冇香茅味。炸春卷，冇嘢好講，賣相又衰，又幼。整餐晚飯唯一可取的是紙卷。食完離開發現在同一條街有另一間越南店，嗰間鋪頭就滿座，價錢比這店便宜少許。

我相約好姊妹食野傾計相聚，到了這間未食過的越南餐廳打算試試，地方方便易找，滿滿客人的。我們點了2個粉麵加2個小食及openrice訂位飲品買一送一優惠。（青檸可樂和青檸雪碧）清涼之選環境幾好，舒緩光亮又乾淨。點了特別牛湯河（有爽口牛柏葉、彈牙牛丸、新鮮香滑生牛肉及有咬口腩肉，味道香、河粉滑份量足，可惜是個湯不夠濃）越式香茅雞扒撈檬（雞扒乾身硬了點、撈檬份量多但用魚露汁撈唔夠味唔夠涼快，可惜有點失望）炸蝦餅（同相片不符，硬身了、但外脆口）芒果紙米卷（賣相靚，但芒果硬唔甜，無了理想清新的感覺，內有硬身米粉及生菜，點上配上醬汁，甜甜的醬）

We came here for a quick meal at around 5:30pm. There were only a few customers at that hour. The service was good but the food was really average. We ordered the crab noodle soup and the pho special. I liked the crab noodle soup a bit better, but the portion was small. The pho special was very bland. I liked the lime soda tho. it was light and refreshing. they served the Thai glass bottled soda. I read that this restaurant is a franchise from Toronto, maybe they like the pho this way in Toronto

近來愈來愈多越南餐廳，而且好多個名都好似，今次就試左一D唔係連鎖式既pho metro。晚飯時間，但餐廳唔算多人，一入去就有位。我地冇叫到signature 既特別牛肉湯河同蟹膏湯檬，只係叫左普通生牛肉河同埋香茅豬扒湯檬。聽聞餐廳係食加拿大式既越南河，所以湯底同平時食開既都好有分別。呢度既湯色較清澈，有牛骨香味，但食落就冇咩味。可能自己食慣濃湯既越南河。呢度成間店都好chill，店員都唔係好理你，但食同傾計就可以傾耐D，門口個魚缸都幾有特色。我地3個餐但佢只係俾左一份配料 (越南青檸、九層塔、薄荷葉、芽菜) ，我地要問佢拎多2份佢先俾，而且D配料一杯杯放係open area，我自己就一般般呢個做法…….

同男朋友行街，今晚想食清啲，就搵下有乜嘢粉麵啦🥰🥰行過依一間鋪頭，即刻俾佢啲裝修吸引住，好多水耕種植🌲🌲🌴🌱🌿🎄🌵環境舒服，喺櫥窗出邊仲有扭蛋機添！寫先試咗佢個單骨雞翼先！中規中矩！😂😂😂😂因為掛住睇佢啲裝修，唔記得影個主菜，整體來講佢個湯底都幾清，份量都適中！最鍾意係佢可以揀個麵食係米線，平時食開越南粉都係河粉，好少有得俾你揀其他麵！👍🏼😂😂😂😂😂😂😂😂