更多
2024-09-05
310 瀏覽
今日同朋友去咗稅務局辦事後,就去咗附近商場行街,到食晚飯嘅時候,見到有一間西餐廳門口嘅餐牌,食物賣相好吸引,我朋友最喜歡食西餐,我哋就選這間餐廳來食。這間餐廳叫Plato Cafe & Bistro,位於新蒲崗太子道東638號Mikiki商場一樓116號舖,餐廳環境寬敞舒適,地方整潔光猛,枱凳,擺設整齊,我哋被安排坐一張卡位枱,枱凳都非常闊大,卡位梳化坐得令人好舒服,店員有禮貌服務態度好,來這裏食都真不錯。餐廳個餐牌食物嘅款式有好多嘅選擇,包括有湯及沙律、漢堡包及薄餅、頭盤、主菜、前菜、全日早餐及特色美食、意大利粉及意大利飯、甜品、飲品,還有抵食嘅午市套餐、下午茶套餐、晚市套餐,更加有兩款好食抵食嘅二人套餐,我哋就選咗其中一款嘅精選二人套餐,這款套餐有前菜、湯、主菜、甜品、飲品外,仲有選意大利粉或意大利飯食,我哋前菜揀咗天婦羅魷魚鬚,主菜揀咗澳洲肉眼牛扒,意大利粉或飯揀咗波士頓龍蝦龍蝦汁意大利飯,飲品揀咗冰果茶同蜂蜜柚子茶,湯同甜品就不用揀啦。是日餐湯係蕃茄湯,味道濃郁,酸酸甜甜,飲完好開胃,前菜嘅天婦羅魷魚鬚配沙律醬,酥脆內嫩,魷魚唔韌唔黐牙,整體油膩感不重,外層脆漿加上有紫菜,同埋
餐廳個餐牌食物嘅款式有好多嘅選擇,包括有湯及沙律、漢堡包及薄餅、頭盤、主菜、前菜、全日早餐及特色美食、意大利粉及意大利飯、甜品、飲品,還有抵食嘅午市套餐、下午茶套餐、晚市套餐,更加有兩款好食抵食嘅二人套餐,我哋就選咗其中一款嘅精選二人套餐,這款套餐有前菜、湯、主菜、甜品、飲品外,仲有選意大利粉或意大利飯食,我哋前菜揀咗天婦羅魷魚鬚,主菜揀咗澳洲肉眼牛扒,意大利粉或飯揀咗波士頓龍蝦龍蝦汁意大利飯,飲品揀咗冰果茶同蜂蜜柚子茶,湯同甜品就不用揀啦。
是日餐湯係蕃茄湯,味道濃郁,酸酸甜甜,飲完好開胃,前菜嘅天婦羅魷魚鬚配沙律醬,酥脆內嫩,魷魚唔韌唔黐牙,整體油膩感不重,外層脆漿加上有紫菜,同埋新鮮嘅沙律菜和沙律醬一齊食,食落好惹味。主菜嘅澳洲肉眼牛扒,份量不少,牛扒好大塊,我哋叫咗五成熟,外層煎到好香牛肉味,切開見到肉質鮮嫩多汁,食落味道濃郁,肉味香濃,令口感非常滿足,仲有嚿超大焗薯,散發香濃薯味,薯仔粉糯柔軟,味道香滑軟嫩,連埋醬汁食好食,幾大嚿都好快食晒。
我哋好耐未食過意大利飯,這個波士頓龍蝦龍蝦汁意大利飯有成半隻龍蝦以香草來煮,上枱就聞到濃香味道,龍蝦肉保持了鮮美多汁彈牙口感,龍蝦汁味道幾濃郁配搭的意大利燉飯,入口綿密,米粒飽滿,又不會過於軟爛,飯粒吸收哂龍蝦汁嘅鮮味好入味好食。飲品嘅蜂蜜柚子茶好有蜂蜜同柚子香味,仲加埋檸檬片,飲落好清新滋潤,而冰果茶個果茶甜甜地,仲加咗幾塊薄荷葉,又係令口感好清新,兩杯飲品都好配合這個套餐嘅食品。最後甜品來了,我哋已經食到飽,但甜品個賣相都好吸引人去食,係好香芝士味嘅芝士蛋糕,香濃幼滑,又唔太甜,我哋一路傾偈一路食,好快就食完了。
這間西餐廳好值得推薦俾大家,好食抵食,價錢又唔貴,食物質素好,店員服務態度又好,食得令人開心,我哋下次一定再來食。
張貼