Plato Cafe & Bistro (彌敦道) (已結業)

-🍽德國脆皮咸豬手要焗到皮脆肉滑都好花功夫烤焗個時間都要掌握得好好而呢到就做得到豬手皮燒到好香脆肉質都幾滑同重膠質食落啖啖肉份量好大份足夠2-3人share食餐廳仲好貼心幫我地切埋👍👍🍽露絲瑪莉香草燒羊架羊架肉質粉嫩有少少羶🤏🏼部分人會嫌個浸羶味但我就覺得有少少羶味先係食緊羊😛2份主菜都再配有薯菜黑醋沙律食左咁多肉食番d沙律無咁膩 👍👍🍽英式炸魷魚圈即叫即炸略嫌炸粉有d厚☕️焦糖牛奶咖啡咖啡味香，加埋焦糖香, 幾好飲☕️特濃朱古力朱古力夠哂香醇濃滑 正!!

🔺 Plato Cafe & Bistro(油麻地）每次同朋友聚會大多數都會黎呢到，因為呢到d 野食唔錯，環境舒服，店員又好有禮，又唔會趕你走，慢慢食慢慢傾計，所以大家都好喜歡係呢到聚舊～👧🏻👧🏼👧🏽🔻美國安格斯西冷牛扒（$238)有黑醋汁配蔬菜沙律，牛油薯仔，同埋燒番薯，主菜西冷order 阻7成熟，之前食過覺得好食所以再ancall，同樣重牛味，口感唔un 好易入口，本身已帶有d 調味，唔使沾汁食都ok~🔻德國脆皮咸豬手（$248)上枱時已經好貼心咁幫你起晒d 肉，唔使自己切既咁ne hea~豬手味道唔會好咸，食落有膠質又啖啖肉，係個皮可以脆d 就更好～🔻焦糖牛奶咖啡（跟set +$14)甜味適中，奶夠滑，咖啡夠味仲帶d 焦糖香，唔錯。🔻熱檸水（跟set)正常。🔻 dinner set 跟蒜蓉多士同餐湯，蒜蓉多士夠熱同香脆，蒜蓉醬惹味～餐湯係南瓜薯仔湯，飲到南瓜絲同薯仔蓉，好足料。

這個西餐廳CASA Hotel 樓上，黃色招牌，非常搶眼😗，主打西餐，大大份，價錢合理！今晚叫左個大大份dinner set 套餐😆先有餐湯配蒜蓉法包，法包焗到香香脆脆，有蒜蓉香味！🥘德國脆皮咸豬手原隻豬手上碟，最鍾意是炸豬手皮，咬落去，豐富骨膠原，炸到香口美味，肉質烤得嫩滑，唔會太乾，旁邊仲有焗薯仔🥔及黑醋沙律🥗，酸酸甜甜，食指大動👍🏻👍🏻🥘X5 拼盤最鍾意大大份香腸拼漢堡扒，入面有酸酸甜甜嘅青瓜，側面還有沙律菜，鮮炸薯條🍟！yummy ，全肉晏非常滿足🥔🥔😝最後配少甜少冰凍檸茶🍋

因為經常係旺角附近出入，好多時旺角食肆排長龍，所以要搵啲坐得舒服既cafe shop坐下，由旺角信和中心行過去都係7分鐘左右，都算方便快捷。同朋友一齊去到叫左個芝士牛肉漢堡配暑條，另外一個叫左香煎澳洲肉眼牛仔扒，再叫一個龍蝦湯，最後叫一個朱古力心太軟雪糕。咁講下啲食物質素點先，首先講下芝士牛肉漢堡扒，睇餐牌以為正常size,黎到真係好大舊，比Ruby Tuesday 漢堡包仲要大，啲料都好足夠，所以要拆分開2舊食，食第一啖已聞到好香牛肉味，肚餓關係好快食完個漢堡包，真係好大舊好快食晒。跟住朋友個塊扒我試左少少，肉質好厚，佢order左5成熟牛扒肉味保持到，而且吾太靭，以128蚊價錢物超所值。至於龍蝦湯飲完第一啖，龍蝦味道真係好濃烈，一定好足料。食完又飲埋湯都好飽肚，再少少錢叫埋朱古力心太軟，岩岩蒸出黎仲熱辣辣，一切開朱古力溜晒出黎，又配埋福既雪糕，個口感好正，不過心太軟有少少甜，唔鍾意太甜嘅可考慮其他甜品。總結：以呢個價錢嚟講，係一間舒適嘅環境，坐下同朋友吹吓水，食個下午茶係物超所值，所以本人我要推介其他食家試一試。😀😀

最近行果欄成為我既定期活動之一😂今日收工同朋友行完就嚟咗呢度食晚飯，我哋點咗一份set dinner同單點左個risotto～❤️餐湯&蒜蓉法包個湯應該係蔬菜忌廉湯，濃稠度介乎兩者之間～法包香脆，蒜蓉味夠濃郁😋 ⭐️美國煙燻豬仔骨唔知點解BBQ ribs對我嚟講係有種魅力😂通常餐牌有呢個選擇都會叫佢🤭燒得幾好，邊位微微焦香，肉質唔算韌👍薯條夠脆但略嫌油左少少～❤️龍蝦汁大蝦露筍意大利飯 大蝦非常吸睛💯店員一放低就聞到好香嘅燒烤味😍 蝦肉彈牙～飯粒煙韌，菇菌索晒啲龍蝦汁好鮮味☺️❤️朱古力心太軟伴雪糕總覺得食西餐唔可以缺少甜品🙊心太軟微暖得黎外脆內軟，同雪糕冷熱交溶既衝擊，絕對係一個偉大發明👏🏻🤭呢度環境同服務都唔錯，仲望到街境，係聚餐唔錯既選擇👍

有時食飯，都係以地點為主!💨係附近揀D岩自己食的餐廳!🎈呢晚剛好在油麻地，之後朋友講過Plato Cafe and bistro好方便又抵食!🛎今晚就決定試下!🔑-Plato Cafe and bistro 📍真係好方便，好容易搵到!好岩一班朋友聚會!🍴食物方面以西餐為主，可以單點同SET DINNER!🍽一向鍾意食牛的老公點了 SET DINNER!📋美國安格斯西冷牛扒🥩仲有餐湯同餐包! 蒜茸多士的餐包好好食!🍞西冷牛扒點了5成熟! 好大份呀!😍肉汁滿滿! 肉感好厚實!😙而且仲有薯菜! 以呢個價錢泥講幾抵食!鍾意食牛的朋友唔好錯過呀!📌-我自己則點了全日早餐!🥗🥕🍳入面有兵加腸，煎蛋，煙肉，茄汁焗豆，薯餅，蕃茄，沙律，牛角酥!🥐🥓🍅超滿的一個全日早餐!最鍾意有兵加腸，好好食又厚實!🍞🍑而且全日早餐絕對係comfy food 之選!😍每樣食物可以試少少!岩晒如果唔想食意粉既時間叫呢!💖-小食方面，我們點了黑松露芝士薯條!🍟又一被份量驚喜到! 好大份!🤪有松露醬同茄汁! 而且薯條上面有芝士!🧀絕對係邪惡之選!而且好大份呀! 我估3-4人share 都好夠!🔖好岩同朋友一齊share! 🧡

今日黎到旺角同朋友揾咗間樓上café去chill下~我地叫咗2個set lunch 包是日餐湯及蒜蓉法包  - 蒜蓉法包好脆同好香蒜蓉味❣️ 香煎紐西蘭西冷牛扒(蒜蓉燒汁) 跟薯條 $102 - 西冷牛扒6成熟, 煎到好香口，而且牛味濃同好林呀! 一定要配埋蒜蓉燒汁! 味道更出更惹味- 薯條炸到熱辣辣, 好脆口❣️ 香煎澳洲肉眼牛扒. 蒜蓉燒汁 跟意粉 $128- 肉眼牛扒6成熟, 一樣煎到好香口，而且塊肉好厚身仲要勁林- 意粉爽口彈牙, 唔會煮到林晒- 仲有沙律菜好fresh ah!❣️ Tiramisu 提拉米蘇跟餐+28- 佈滿好多可可粉tiramisu上~- 蛋糕好鬆軟，仲帶有少少咖啡同酒香❣️ 日本芝士蛋糕 Japanese Cheese Cake 跟餐+28- 重芝士味, 但食落去唔會太heavy(跟餐包一杯$34飲品, 超出只需補番差價)❣️ 凍檸茶- 好多檸檬片，份量算多❣️ 榛子朱古力- 朱古力味好香濃，加埋上面既cream配埋一齊飲好香滑!

老友推介呢間餐廳，話食過會回頭，咁又試下啦。晌彌敦道既一幢大廈二樓，行過就會見到招牌，好易搵。.上到二樓一出𨋢就到，地方都幾大，坐得舒服。店員安排我地坐左窗邊位，好好呀。.Menu 好多選擇，基本上咩類型都有呀。意粉、Risotto、Burger、All day breakfast、沙律、牛扒同魚扒都有。剩係dinner set 都有十幾款，仲有二人餐，不過我地就揀左兩個dinner set 再加個墨汁pasta。.Dinner set 有包餐湯同塊蒜蓉包，蒜蓉包又幾好食。.燒雞肉凱撒沙律 HKD128雞肉幾嫩，沙律菜新鮮。芝士牛肉漢堡配沙律及薯條 HKD158覺得呢個好有誠意，包有焗返脆身，漢堡一切開就勁多肉汁，好juicy !!! 仲有個醬酸酸甜甜，好食。薯條係幼身既，好岩送酒。.墨魚汁大蝦意粉 HKD好鐘意食墨魚汁呀，佢仲有兩隻大蝦，蝦都新鮮呀。.餐廳仲有啤酒同wineHoegaarden 跟餐大杯都係加$54🥰 抗拒唔倒。真心，呢間係有質素既，而且d staff 都好nice! 環境不錯，地點又方便，果然老友話會回頭。我地今次都好enjoy 🥳

今日約左以前同學仔傾計，揾左間位置方便，環境舒服既cafe，仲可以坐一段時間傾計。Cafe係油麻地地鐵站一出行兩三分鐘就到，今日落好大雨，好彩沿路都有野遮。依間餐廳都好大，枱同枱之間既位都闊落。野食方面有肉類既Main，意粉，小食、甜品，仲有特飲。佢意粉同小食既份量比我想像中大好多，適合大班人食。軟殼蟹黑松露意大利粉隻蟹係椒鹽口味，配上忌廉黑松露意粉，仲有青紅椒、菇依啲蔬菜，唔會太肥膩。香蒜白酒蜆意大利粉依個意粉好足料，我數過有成十隻蜆，個調味做得Ok，佢加左Basil、酒同蒜去整，如果再加啲辣會仲好食酸忌廉煙肉薯條依個薯條好大份，比我想像中多，變左食唔晒，佢個Sour cream好好味，配上熱辣辣既脆薯條真係好正。薄荷朱古力同Oreo milkshake好大杯，味道剛好不太甜，再加埋忌廉真係大滿足朱古力心太軟，熱辣辣，一打開，濃濃既朱古力漿就流出，好正，再配上凍既雲呢拿雪糕，中和返個温度。整體，食物質素好好，份量比想像中大，食唔晒，如果叫少個小食/意粉就岩岩好。職員好有禮，而且都會好alert，留意客人需要，適時加水/收碟，依點好欣賞。環境方面好適合朋友聚餐，好坐又唔趕人走👍🏿👍🏿

是日星期日,同朋友相約油麻地一家樓上café 享用晚餐。因為當晚都很早到店,所以都不用等位,好快就入到去。睇左餐牌,就見到個2人精選套餐好吸引。(1)頭盤(選一):英式炸魷魚圈魷魚圈即叫即炸,粉不多,好鬆脆(2) 意粉/飯（選一):法國牛肝菌帆立貝忌廉汁意大利粉份量夠, 帆立貝兩面有煎過,香。汁適量,食落5會太”漏”(3)主食(選一):美國安格斯西冷牛扒叫5成熟,剛剛好,牛扒香嫩,食落吾會”un” 同”柴”,仲有沙律菜,薯仔做配菜(4)甜品叫左份芝士蛋糕同+28$升級朱古力心太軟雪糕,可以同朋友share 試下。芝士蛋糕好香芝士味, 朱古力心太軟切開後,朱古力就流曬出黎,真系好正,好味。呢個2人set dinner 真心抵食,除左上面果d外,仲有2杯飲品(34$以上要補差價)同埋餐湯,蒜蓉包。Café坐得舒服,食物質素高,兩個人食到好飽,好滿足😊

.🔺 Plato Cafe & Bistro 位於油麻地的樓上café ~ 地理位置方便👌🏻行街行到攰，過嚟食個Tea都唔錯😆.酸忌廉煙肉薯條🍟超大份量！適合三至四人享用，薯條熱辣辣，同涼浸浸嘅酸忌廉有好強烈嘅對比😆.蜜糖雞翼🐣不過不失👌🏻旁邊仲有沙律菜減低油膩感😄.香煎帶子牛肝菌忌廉意粉🍝醬汁creamy而且非常足料，價錢都唔貴👍🏻.凍榛子朱古力🧉非常推介！朱古力味濃😋😋飲完之後透心涼😀

今日同朋友經過呢間意大利餐廳嘅招牌，因為朋友同我本身都想食意粉同埋牛扒，所以諗都冇諗就入咗去。另外，佢嘅鋪位都幾容易搵到，幾方便。一入到去整體裝潢偏黃，俾人感覺輕快同埋熱情，而成間鋪頭都好乾淨。我地就叫左一個二人套餐、一個香蒜白酒蜆意大利粉、一個鵝肝法國吐司。食物方面，蒜蓉包個味偏重，不過因為有湯同埋沙拉，所以中和左同埋另人食唔停口。二人套餐我地選擇左大蝦蘆筍意大利飯同埋五成熟嘅西冷牛扒。個西冷牛扒嘅牛排食落唔會覺得咬唔郁，而且本身已經有落鹽調味，就咁食都得，如果鍾意重口味就可以點醬食。甜品方面，我地叫左雪糕同埋芝士蛋糕。雪糕就係哈根達斯嘅雪糕，而味道都有好多款式。芝士蛋糕都唔會太膩～ 整體黎講，會同朋友黎多次呢間餐廳！

好耐都冇食過西餐啦，今日出去油麻地咁岩附近見到呢一間西餐廳，覺得喺價格上嚟講真係算唔錯，所以就同朋友一齊去。首先有嘗試將餐升級為龍蝦湯，味道都幾濃，算還好。另外有叫一個安格斯牛扒七成熟，我覺得佢嘅熟度都係岩岩好既，唔會話太生或者太熟，而且味道都非常濃郁，可能係我平時嘅口味比較清淡的原因，覺得唔需要加醬汁已經幾夠味，如果加咗，反而可能味道有d太濃，可能平時如果口味比較重少少嘅朋友會鍾意。整體而言不過不失，但就西餐廳嘅價格黎講都算不錯

今晚約了朋友行ins望望有沒有心水，行完就沒有收獲，朋友就想搵個地方可以將購物嘅欲望轉為食欲，沿著向尖沙咀方向，比我見到佢，就係咁同朋友上了餐廳，這裡地方環境都清潔企理，加埋以前都在這裡食過飯，質素高份量足，嘅然化成食欲，就係近近地嘅選擇！餐牌有單點、多人套餐或晚餐選擇，望望有我最愛嘅卡邦尼煙肉意大利粉，而朋友就點了份露絲瑪莉香草燒羊架，兩個都包了是日餐湯同埋一杯在$34內的飲品，多了就補回差額便可以，是日餐湯是薯蓉忌廉湯，個湯底充滿薯茸十分之濃郁，配埋塊香脆牛油法包，先係一個好開始！而個人喜好所以加了個水牛城雞翼小食，雞翼上沾滿了水牛城醬汁，雞翼外脆內嫩，帶點酸辣，十分醒胃！主角卡邦尼煙肉意大利粉及露絲瑪莉香草燒羊架分別上枱，兩碟都係份量十足，朋友的露絲瑪莉香草燒羊架有兩大件，七成熟剛好，入口軟淋之餘，配埋個汁味道更香濃！朋友完全被這個羊架嘅味道吸引，沒有再理我😂卡邦尼煙肉意大利粉，上面有一塊用芝士做成嘅芝士脆片，十分搶眼，除此之外意粉上亦放滿了煙肉碎、芝士碎片，將它們在香濃嘅卡邦尼醬汁攪勻入口感覺份外滿足，加埋個意粉都十分有口感同份量十足！真係十分滿足！最後加錢追加埋個甜品朱古力心

開心使錢振興經濟，油麻地 shopping完之後，到彌敦道樓上 Plato Cafe 食西餐，出品水準穩定，CP值高，地方乾淨闊落，坐得舒服😌晚餐抵食，已包括 是日餐湯及蒜蓉法包，開胃小食確實不錯。蘇格蘭三文魚魚扒 $198媽咪想食 Scottish Halibut ，剛剛好售罄，店員禮貌解釋改為三文魚扒，我們也OK不錯。三文魚營養豐富，配搭清新醬汁，味道鮮甜又唔腥，肉質嫩滑多汁。芝士牛肉漢堡配沙律及薯條 $158好鍾意食呢度嘅 burger 🍔 熱辣辣炸粗薯條，香脆可口。清新沙律菜，感覺自然健康。幾寸厚的芝士牛肉漢堡，牛肉味道濃郁，入口爆汁。蕃茄、生菜加洋蔥🧅口感更加豐富有層次。＋＄38 朱古力心太軟伴雪糕 朱古力心太軟蛋糕外脆內軟，切開有朱古力爆漿感覺，伴雪糕冰一火，刺激味蕾，好味道！＋$28 加配意大利雪糕一杯 綠茶 gelato 🍧 回味無窮。熱檸水可以解油膩，西班牙咖啡增添愉快感覺，非常滿意的一餐，下次一定會再來。