Prosit Bar and Restaurant

營業中

休息中

想食豬手，又見到呢間野係訂座app有半價優惠，就book 左試試。一上去就覺得間餐廳好細。我地嗌左三樣野食：豬手，炸蘑菇同埋無得半價既蘋果批。點完菜想要水時佢先話呢度無免費既水，建議我地嗌野飲。就算外國既餐廳都有免費既tap water 啦，呢一下已經令印象差左。*他他汁炸蘑菇*($105)黎到有d 失敗，蘑菇好細爐，炸粉好厚，差過前以係apple green 食既炸蘑菇*德國白脆咸豬手配香椰菜及烚薯*($243)豬手唔係原隻而係切完上，味道都ok,配菜nth special*德國式蘋果批*($95)因為之前係鹿特丹食過一個超好味既apple pie, 見openrice 都多人讚呢間既apple pie 所以正價都要一試。老實講無乜特別，仲要唔平，唔算值得食總括而言呢間野唔算特別好食，main menu 半價但甜品同野飲正價，埋單都around$500, 野食一般，性價比不高, 唔會再試

經常來到尖沙咀也會到亞士厘道尋找美食，想不到在這𥚃隱藏了一家這麼精彩的奧地利🇦🇹與德國🇩🇪菜餐廳，而且已經40年歷史。餐廳的座位不多，但亦算闊落，擺設跟裝橫令我感覺像在旅行時到奧地利的餐廳～🤗適逢德國啤酒🍻節，還掛上了有關裝飾，增添氣氛😊✨德國傳統豆湯這款湯入口綿綿的，很幼滑，加了大量豆蓉去煮，還加了香腸，味道很特別✨奧地利式吞拿魚沙律沙律菜口感清爽新鮮，再配有車厘茄、水煮蛋、水煮馬鈴薯及吞拿魚，醬汁酸甜，很開胃✨酥炸蘑菇外層非常鬆脆，完全不會乾柴，蘑菇內𥚃飽滿多汁✨德國腸配德國鹹豬手鹹豬手本身已經起了骨，方便食用，豬手愈吃愈香，德國腸肉汁挺多，配菜是酸椰菜絲和水煮馬鈴薯🥔✨德國食蘋果批這款甜品令人驚艷，雖然外貌很樸素🤣我覺得是滄海遺珠，所以要大大力推薦，首先酥皮切下去咔差咔差的聲音已經令人食指大動，一口吃下去酥脆的外層，淡淡的玉桂香味，還有溫熱的蘋果、合桃、提子乾的口感，再配上香草味雪糕，一冷一熱的感覺，加上豐富的口感，令人難以忘懷！✨香港手工啤充滿果香味，帶一點苦澀，但不難入口～想不到香港有這款手工啤🍻

具有傳統德國及奧地利氛圍的樓上酒吧，翻查一下原來已經開業四十年！最令我難忘的是他們的甜品。傳統德國豆腸仔湯• 質感竭濃、帶有豆香味，豆的口感粉軟，入口即溶。奧地利式吞拿魚沙律• 不過不失的一款沙律，• 吞拿魚的份量多一點會更好。酥炸蘑菇• 簿簿的一層炸得鬆脆香口，• 內𥚃的蘑菇飽滿爽口，經過一炸口感層次提升。德國腸拼德國咸豬手(碎上)• 配菜份量充足，• 豬手皮炸得很脆，肉質煙韌有咬口，• 德國腸很惹味，腸衣香脆、肉質紥實。手工拉格啤酒• 以德國配方製作的啤酒，帶點啤酒的苦味，同時有一股清新柑橘味。✨德國式蘋果批拌雪糕✨• 極力推薦這道甜品！食得出店長為此精心炮製和改良過後更適合香港人的口味。• 蘋果批焗得十分香脆，帶點肉桂香味，入面還加了點果仁，提升了口感層次，• 吃的時候需要連同雪糕一併吃，冰火的口感令人一試難忘！

背景音樂可唔可以唔好播廣東歌？而且背景音樂太大聲，其實如果播純音樂或者播返德國嘅歌都好呀，太本地化不如食茶餐廳。自從轉左手之後啲嘢食退步左，少咗德國嘅特色，尤其是係個湯真係差左好多

今晩同個朋友食飯，上網咁啱睇見有人推介呢間徳國菜，所以就黎試下。今日星期一晚應該比較少人，所以都好舒服同好靜，傾計一流。佢仲設計左個bar枱，如果鐘意飲酒既朋友都可以坐係bar枱摸下酒杯底。我地兩個人叫左三個菜，先黎個吞拿魚沙律🥗份量都算大碟，兩個人食剛剛好。我幾鐘意食吞拿魚的，廚師將個汁調較得剛剛好，唔會太酸，食完仲好開胃。原本諗住叫個田園沙律，係侍應姐姐推介我地試下呢個，食完覺得都唔錯。之後叫左個豬手，豬手已經起左骨，所以好方便，皮好脆，另外配菜都係以淡味為主，冇咁熱氣！最後要介紹下個蘋果批，侍應姐姐原來係岀去學再自己加以改良，份量都多，味道好豐富，推介，有興趣不妨試試個蘋果批。

這家餐廳前身是Weinstube，易手後裝修與菜式沒什麼改動，但食物質素差別明顯，不過我已多年沒光顧Weinstube，所以這說法是把現在的Prosit Bar and Restaurant與多年前的Weinstube作比較，也許接近易手前的Weinstube與我記憶中的Weinstube已有巨大差異。先不拿現在這家餐廳與前身比較，單是評論當下菜式，質素也有很大不足之處，下面一一細說。餐廳位於大廈一樓，地方小小的，除去酒吧部份，只可招待不多於十桌客人，小規模的店面頗有家的感覺，生出一份親切感。然而，若不幸碰上幾桌客人是同一伙，卻又不是完全包場，情況或會挺吵人，這裡地方小，他們幾桌互相聊起來聲浪可不小。德國香脆咸豬手配酸菜及烚薯是我吃德國菜的必點菜式，這裡做得非常差，咸豬手不香不脆，豬皮厚硬硌牙，豬肉也粗糙得很，吃這盤東西就是跟牙齒較勁。酸菜的口感像是被半脫水，"乾爭爭"的無趣。烚菜反而成為最正常的東西，因為做這個既沒有特殊技巧，而且理應淡而無味，但同時難以稱得上可口。白酒磨菇汁牛仔肉配炒薯肯定比硬邦邦的豬手要好，牛仔肉裹上炸漿下油鍋，口感是既脆且綿，炸過的牛仔肉依然軟而濕潤，尤其有了豬

鍾意食的人從來都不介意要尋找 。 花點時間、精神、走過冤枉路才找到的，那食物吃入口會特別美味 。 是日尋找一間少隱世的餐廳⋯是一間在香港來說少數的奧地利及德國餐廳⋯聞說是最老字號的奧德菜館了，當我吃完餐飯就知來尋找的時間都是值得。亞士厘道近年不斷有新食肆進駐，在這愈夜愈美麗的街道上 ，某棟商業大廈的一樓有間樓上店，當拉開木門⋯⋯便發覺⋯這是一間不侷促的小店，明看像小酒館，店內只有一 張可容納約10個人的吧枱以及七八張餐 枱，全部以以木材為主既裝修、家私。整體淺窄是淺窄， 但感覺一點不侷促 。 當晚人流也不少呀！播著柔和音樂又有點德國裝飾，心情挺放鬆⋯就跟男朋友好好享受一頓豐富的晚餐吧。餐廳主打德國、奥地利菜。選擇主要是香腸、豬手、另有德國及奧地利啤酒和一些cocktail供應..選 擇 並 不 多 。因為要吃花款的話，大抵不應也不會選擇德/奧菜 。 Starter：Deep-fried mushrooms with tartar sauce他他汁炸蘑菇 $105在外好少會點呢一樣菜式⋯以 麵包糠、 麵粉及雞蛋作脆漿，炸漿，將磨菇緊緊包裹著配上酸 甜的他他汁，香口非常，但整體都偏淡！可能

講到德國菜，空洞既腦子裏只浮起德國豬手，今次朋友介紹黎食既呢間prosit bar and restaurant 除左德國豬手之外，仲可以享感受其他有地度風味既德菜。Prosit bar and restaurant 開係尖沙咀既亞士厘道既好利時大廈1樓，樓梯行上一層就會見到廳廳門口。Prosit店子唔太大，坐位之間會貼近一點，但不禁會有一種好warn既感覺，除左二人座同4人座之外，仲可以選擇坐bar枱，都不失為好主意。他他汁炸磨菇 $105前菜我揀左他他汁炸磨菇，將磨菇炸成丸子，外表金黃迷人，鬆脆可口，入面係juicy且柔軟既磨菇肉，香口之餘比較感覺係健康有益，沾上一點他他汁同檸檬汁更可以減淡一點油膩感。德國香脆豬手配酸椰菜及烚薯 $243輪到冮食就當然有德國豬手啦，今次食既豬手製法會唔同d，以炸既方式炮製，豬既外皮會變得脆口，卜卜脆咁就有d似燒腩仔咁，豬手肉質一絲絲香軟，口感唔錯，味道輕輕咸味又不過濃，肉厚實在。另外配合酸椰菜，味道酸酸地幾特別，加埋烚薯份量十足，兩個人非常足夠。瑞士芝士配烚薯 $228另一主菜我揀左瑞士芝士，呢一道菜正正係朋友超推薦既主菜，搞到我都好期待，瑞士芝士

前兩年去東歐旅行，好多地方都係走馬看花，停留得最來的就係奧地利，印象中記得出名嘅係炸豬扒，但就冇乜機會發掘其他特色奧地利菜，反而最近朋友介紹咗一間酒吧餐廳 Prosit 俾我哋，係香港好少數主打奧地利菜式的餐廳。趁著朋友生日出嚟慶祝下，位於尖沙咀亞士厘道好方便，裝修走懷舊風格，木製格仔窗感覺置身歐洲小店。奧地利式煙肉火腿雞肉雜菜沙律 $148食主菜之前我哋習慣食個沙律先，賣相精緻而且色彩鮮明，重點在於想試吓奧地利式沙律是怎麼樣的。脆口的煙肉、火腿、雞肉口感嫰；雜菜沙律特別在有好多椰菜絲、生青/黃/紅椒絲，口感變得十分爽。紅色嘅沙律醬汁帶點微辣，惹味又刺激。德國香脆鹹豬手配酸椰菜及烚薯 $243一提起德國真係唔可以唔食佢嘅鹹豬手，我哋喺德國食個濕嘅豬手，始終覺得食乾身香脆嘅比較適合我哋口味。德國香脆鹹豬手味道充滿鹹香，肉質結實但唔會好乾，豬手皮確實係香脆都聽到聲，食得出嘅骨膠原感覺，滋味得很！配酸椰菜更有地道特色，烚薯真係好耐都未見過，口味較清淡，中和返豬手嘅油膩感。Sex on the beach $65香甜得來帶點酒味，happy hours 抵飲！地方雖小五藏俱全，有餐檯或坐Bar

今晚同朋友行過這裡比我發現了間唔錯嘅食德國菜嘅餐廳，食物都唔錯，雖然這裡地方唔算大，但座位都算闊落，而今次當然就點了個最愛嘅德國口味嘅什錦腸併盤(大)$248，因見餐牌內有腸仔類嘅轉頁，望埋鄰枱大大碟分量十足被它吸引了！加埋杯夠晒凍嘅Asahi啤酒500ml$55，真係一個愉快晚上。什錦腸併盤上大大條嘅脆皮香腸、又有充滿香草味豬肉腸、還有濃郁口味嘅火腿芝士腸，維也納腸肉爽皮脆，而件菜嘅薯條亦十分香脆，配埋「身材」小巧玲瓏紐倫堡豬肉腸，一次過集鹹、鮮、香，送啤酒最邊飲邊吃邊傾談就真係十分適合！愛吃肉嘅我還追加埋呢個經典德國香草肉丸$168，大大粒肉丸，入口啖啖都係肉，加埋煎得啱啱好，外面香脆可口，入口咬開就充滿肉汁，今晚真係以肉為主，感覺滿足！

尖沙咀亞士厘道雖然只係一條小街，但已經集中多國美食係度，有不同特色食肆係度經營，而且仲係一個飲酒聖地，又可以歡聚暢飲之餘同時品嚐一番美食，今次就相聚好友齊來朝聖，就去左呢間餐廳開飯，入去已見有一系列酒放滿係櫃上，放便點自己心愛嘅酒享用除左酒外千祈唔好錯過呢度美食份份食落有驚喜，係餐牌上已有多款人氣美食，有前菜、沙律、腸仔類以及主菜同廚師推介等菜式，口味夠晒多完化當然點番幾款美食齊齊享用，先來係奧地利式煙肉火腿雞肉什菜沙侓，同平時食開果D確實有分別，味道會較為香濃又帶點香辣，會越食越惹味到另一款係什錦腸拼盤配薯條，一次過食齊晒各款特色肉腸，入口香脆內裏香嫩，再飲杯mocktails咁先輪到主菜就點左香煎羊脊肉，唔知味道又如何真係要慢慢細嚼一番，放上枱仲以為係牛肉添索到果陣濃郁嘅肉味，羊脊肉外層煎至焦香同時可以鎖住肉汁，切開已見肉質好嫩滑又帶點油脂食落份外香甜又多汁，啖啖肉滋味十足，不知不覺品嚐左一餐出色美食。

同男朋友行左成日街，黎到尖沙咀，行經亞士厘道見到有間食德國菜餐廳，就話一於走入去試下。入到去個環境好靜，帶點舊式德國小木屋裝修風格。我地試左佢地招牌菜既「德國香脆咸豬手配酸椰菜及烚薯」，咸豬手真係好脆好香，份量亦好夠我地兩個人食；同埋我地叫左細既「德國香腸拼盤」，每款都唔錯，薯條多到幾乎食唔哂；最後我地點左「德國式蘋果批」作為甜品，餡裡面有蘋果、提子乾、合桃肉等，再加少少朱古力醬，味道出奇地夾，值得推薦。Prosit比人一種好舒服的感覺，沒有太多浮誇的裝飾，三五知己飲杯野傾下計係一個不錯的選擇。

想當年同最好的朋友第一個長旅行嘅目的地就係德國，閒時約好朋友食飯都想食餐德國菜，懷緬一下。好朋友揾到呢間呢亞士厘道上樓嘅德國－奧地利菜。每次係香港食德國菜，我都滿心期待～想起當年學過下德文，曾渴望過去德國生活。入到間餐廳，感覺幾有氣氛小木屋設計，柔和的燈光，配上小擺設和酒樽，仿如身處德國嘅酒館～餐廳嘅坐上客都幾多係外國人，坐係吧枱度食下野、飲番杯再同Bartender傾下計，聽下佢地傾計都幾開心。一邊幻想自己身處歐洲，一邊享受美食。先來前菜，Niçoise Salad 尼斯沙律～有吞拿魚架！份量十足～非常欣賞沙律有大量鮮甜的青椒紅椒黃椒同車厘茄，香濃嘅沙律醬配上雞蛋，令人好開胃呀！主菜～Jägerschnitzel 白酒磨菇汁牛仔肉呢個係一個非常受歡迎嘅傳統德國菜色，如果食德國菜一定唔可以錯過。將牛扒搗成薄片，撒上鹽和胡椒粉等調味料，加麵包屑去炸，再加入蘑菇汁。磨菇汁非常濃郁和creamy，配上juicy嘅牛仔肉，很好嘅配搭。薯角都幾香脆～因為味道幾濃烈，加上份量非常充足，2個人分享都仲得呀。最後先係重點，原來甜品先係主角。Apple Strudel 德式蘋果批～完全係當年嘅味道呀！上

前排約咗朋友係尖沙咀呢間Prosit Bar & Restaurant食飯，個氣氛又幾舒服，所以坐坐下就坐咗成兩個鐘，就算坐耐咗都唔會感到拘謹，非常適合放工後約埋三五知己聚腳吹下水。是日我地都正常地分別柯打咗頭盤、主菜、甜品等等。最先到嘅係磨菇湯同匈牙利牛肉湯。兩款個人比較喜歡蘑菇湯，味道調配得剛剛好，每一啖都帶著濃厚嘅蘑菇味，入口相當滑，除之陣陣忌廉牛油香味係味蕾擴散，非常不錯。碗湯都確實相當大，因此呢個湯除咗暖胃都幾有飽腹感。接住到既係吞拿魚沙律，同朋友相互笑言賣相有少少似中菜，非常罕見嘅沙律配搭。朋友帶頭一試，佢指味道出奇地不俗，由於三色椒等等沙律都相當新鮮，而且配搭起吞拿魚，調味相當和諧，唔會太溜好健康，極深得我朋友喜愛。飲品方面，我地分別柯打咗Somersby Apple Cider同Stiegl (Grapefruit)，Apple Cider就唔洗多講。而Stiegl我就第一次飲，感覺幾易入口，因為我都怕好重酒精嘅酒，淡淡啤酒味，帶少少提子味道，就連唔多鐘意飲啤酒嘅我都覺得相當唔錯。而之後到嘅什錦腸拼盤，同預期想像雖然有所出入，因為誤以為整碟都係腸嘅小食，萬萬想像不到係類

朋友難得返嚟香港聚舊梗係帶佢去食好野😍今次我哋嚟咗呢間奧地利餐廳食晚餐餐廳位於樓上一樓地方唔算好大 枱與枱之間都比較親密但成個格局好似去咗德國當地嘅餐廳咁環境非常適合一大班朋友吹水聚舊餐廳員工服務好好會推介好多好嘢食畀我哋！香脆德國咸豬手配酸菜及烚薯：呢款菜式幾乎每一台客都會點份量亦都十分大兩個人食都未必食得曬食德國咸豬手最緊要夠脆同埋夠香一啖鹹豬手一啖酸菜擺入口完全係味蕾上嘅刺激十分開胃配埋啤酒簡直係一流 可惜個晚要揸車試唔到佢哋舖頭嘅啤酒肉眼扒 Rib Eye Steak另外我哋亦都嗌咗一個rib eye亦都係好高質素好juicy 連埋秘製黑椒汁食會更好我哋揀咗炒薯配菜 炒薯食落中規中矩 冇咩特別德國香草肉丸不過最最最最推介嘅係佢哋個德國式蘋果批：呢個蘋果批老闆娘話好多客人都會特登預留因為數量有限每次都係即叫即整我哋等咗一陣之後就上枱一上枱之後已經聞到一陣好香嘅肉桂味本身我好鍾意食肉桂味嘅嘢 呢個蘋果批同我哋平時食嘅好唔同入面多層酥皮包住蘋果同埋提子乾再配合埋雪糕一齊食完全冇膩嘅感覺！