Rain Restaurant & Bar (已結業)

尋晩男朋友同我補祝情人節，佢好有心思咁book左中環既Rain餐廳，之後我地已經去過2次，覺得好好味，地點又方便，決定再黎食。一入去餐廳，waiter們都好有禮貌同笑容，值得一讚！頭盤有cinnimon stick, 煙三文魚，螺，洋蔥湯同鵝肝，鵝肝非常肥味, 每道菜都好有水準，再黎主菜有鱈魚，鹿肉及千層麵，鱈魚肉質鮮甜，鹿肉既味道似牛肉，比牛肉淡味，唔錯！食到千層麵我同男朋友都幾飽，但千層麵都好足料，蕃茄醬味道啱啱好，最後甜品有心太軟及火焰雪糕，為Lee餐情人節大餐劃上一個完美嘅句號！

情人節因為要就女朋友放工 同埋唔想畀人劏0既關係 就揀左呢間餐廳食飯。間鋪五六個時十點後係任飲場， 不過 轉左食飯 環境都ok wor ~情人節黎講呢度算唔錯，以呢個價錢黎講嘢食都ok ~ 最好就係 環境好 同埋佢地個menu 有心思~~ 唔知其他節日會唔會有咩special呢~

十一月廿五日，感恩節前後 ，難得工作輕鬆下來，是日已一早約了工作上的大姐，大哥，當天有點所託人非人的感覺，未到最後一刻都未知食點，那天早上還有點傍惶之隮，選址蘭桂坊。對此地有點陌生，亦印象一般，吵耳聲樂，對我來說，絕對"聞風喪膽"。但這一刻，沒有選擇，只有順着…星期五晚，還有位？！應該不是城中熱點，抱著但求跟朋友相聚的心情…對不起一直都說着好像委屈的，才可以讓你感受餐廳食物的水準。坐下先來個白酒煮蜆：略咸 但蜆肉尚鮮。奉上蒜蓉包及檻欖醬：我吃得最多 叫了set dinner. 失望只有sea bass已經不再在menu上。頭盤全選了鵝肝：不是頂級，但接受。主菜選了： 羊架，牛眼扒及雪魚…嘩！肉的份量，驚人的大，做得好，及晚餐價錢同一作比較下，可算是不錯。真的不錯。 甜品就笑大了嘴,Creme Burlee的訂位還可接受,雖然一般,但那個大如面盤的提子酥卷,令我們全枱捧腹,連服務員都給我們感染! 冇問題,將貨就價,明白,明白...雖然這裏情調似暗了燈的高貴茶餐廳，十點後又變成了酒吧式食店，如果只為用上一餐經濟餐，這裏絕對不失望。不防一試, 服務員亦招呼週到,笑容可掬! 努力呀!用心,

星期六約了數位同樣愛食的朋友見面,搵餐廳首選免開瓶費的,中上環也有很多選擇,最後鎖定此地.星期六晚飯時段既蘭桂坊冇想過會咁少食客,此餐廳位處某雪糕店對面樓上,竟然得我們一臺客 我想他們要好好做下宣傳功夫了!7:35pm4位到齊可以落order了. 頭盤大家都叫不同既salad,有鵝肝,,煙三文魚,蟹肉及蜆肉拚蝦salad.賣相很好.鵝肝幾大片,煎得香脆(友人請我試少少 ) 我既煙三文魚合格,另外2款salad係清(蟹肉)及少少咸(蜆+蝦), 大家都滿意之後上餐湯,得2款選擇: cream mushroom or carrot chicken ,cream mushroom好多菇蓉,好香濃,carrot chicken清湯相對失色了,仲有d似金X雜菜雞湯main course: 2位點燒羊架伴薯蓉,1位點燒牛扒,1 位點香煎鱸魚,燒羊架我要求7成熟,有dd over cooked ,不過紅肉我唔喜歡太生,算佢過關.食羊最最最怕係有陣羶味,此羊架冇此問題,肉質尚可,調味合到好處,good job!另鱸魚也非常滑,半點腥味都冇,我試過其他更貴價餐廳既煎鱸魚,都冇做得咁美味,相信魚肉既分佔去8

may 13, 11, 2人來dinner,叫咗 : set dinner x 21) 麵包-上枱時,佢哋喺冒煙的-入口暖熱,都算脆,亦有明顯牛油蒜蓉味-不錯2) 沙律 i) mango crab meat thousand islands sauce salad-蟹肉同芒果混埋1齊,伴以mixed沙律菜-蟹肉也有其鹹鮮味,而芒果就有點果甜品-ok的1個頭盤 ii) shrimps & clams w/garlic white wine sauce-有3隻大蝦,很爽脆,不過鮮味道1般-蜆肉就好細隻,但就有鮮味-個汁好夠味,幾好飲,忍唔住飲咗幾"羮" 3) 湯i) white truffle cream soup x 2-見好多食家都話佢個truffle湯好味,咁當然要試吓啦-小"杰"-果然好有菇菌味,很香也鮮,面層相信喺truffle oil-得 4) 主菜i) grilled sea bass w/lemon butter sauce (hk$268)-這也是餐廳嘅名物-魚肉很嫩滑,juicy,亦好出魚嘅油香味,但幸好食唔到腥味-喺我嘅印象中,sea bass唔應該喺咁重魚油嘅魚種,

齊齊在中環上班的朋友仔, 好耐無出嚟食飯.上個星期就約好今天聚一聚, 揀了這間樓上餐廳, 五個人都沒一個幫趁過, 見食評寫得唔錯, 不過.... 其中兩個朋友在樓下德己笠街上上落落幾次都見唔到個入口, 樓下又無指示牌或者招牌... 記住要係橫街入囉! 不過應該都無下次...唔係食物水準或者服務好唔得, 係因為食唔飽set lunch頭盆, 大家都揀左pama ham & honey melon salad, 其實都預左得三幾片火腿, 不過沙律菜你都俾多少少啦, 大大隻碟, 得一層菜, 完全見到菜同菜之間既碟底, 砌埋都無一塊羅馬生菜咁多既份量main course, 兩個揀左鱈魚配薯蓉, 三個要越南虎蝦配法式炸薯球舊雪魚得半隻手掌咁大, 講緊係女仔手喎!!!! 墊底既薯蓉同舊魚一樣大細我食蝦.... 得一隻咁大把, 個薯球係用一層薄薄既薯蓉, 包住中間有幾粒應該係雜菜碎既cream狀饀, 然後外面碌過麵包糠, 攞去炸, 個樣同味道無咩特別, 但係食左好似無食過嘢咁囉!!!! 呢個係頭盆就差唔多!好在後面有甜品 - 一小件cheese cake, 但唔覺有芝士味, 好"削"吓!!!!

位置正正處於繁忙的LKF的一座商廈的一樓。門口位置跟內裡裝潢有點不相襯。我預先把生日卡和birthday cake放在餐廳準備給他一個surprise。我們被安排於窗邊的座位, birthday card 就置於桌上。環境不錯, 但窗子打開, 附近酒吧熱鬧的聲音不絕於耳。未order dinner之前, 先開一瓶紅酒加一支sparkling water, 發現酒的年份跟menu上的不一, 但都不錯, 易入口。喝酒時送上熱烘烘的蒜蓉包及黑松露醬料(唔肯定係咩黎), 提供這種醬料的餐廳實在不多, 我厚厚的塗在麵包上, 超滿足的! 濃郁的白松露磨菇湯沒有令我失望, 黑松露味非常出, 啖啖磨菇粒, 飲到lam lam脷! 再糊一點相信口感會更上一層樓。Medium的牛柳沒有overcook, 恰到好處, 沒有吃到肉筋, 好滿意。Rib eye味道更香更濃。是晚甜品為creme brulee, 表面的焦糖脆脆, 加上滿佈香香的雲厘拿子, 香滑美味。甜品吃到一半, waitress捧出birthday cake, 同時播出birthday song。服務OK, 只是不夠主動。整體比起有些華而不實的

多謝老公同我慶祝結婚一周年，帶我食左一餐咁完美嘅晚飯，要認真寫呢篇食評~ 我問佢點搵到呢一間餐廳~佢話同事介紹喎，開頭佢帶我入去，個門口有d怪怪地，要推開一道防火門再入...心都有d驚會係一噸失望嘅晚餐?點知推開門入去，環境好好，而且人唔多，都幾浪漫咁，算佢啦~ 餐廳喺蘭桂芳無咩名氣，不過食物水準講真好過唔少人氣食店。老公話個呢黑松露蘑菇湯一定要飲，真係好香truffle味!我特登留番個蒜蓉包飲湯時先食，侍應哥哥加水時，竟然問我洗唔洗幫我換過d熱既蒜蓉包!!...完全無諗過會有咁貼心嘅服務!! 加晒分~!!main course 老公點左西冷同埋魚，兩款都好好味，西冷肉質鮮嫩，不過都唔夠魚扒驚喜，入口好似會慢慢融開咁，唔知點解可以煎得咁好味...伴碟的薯蓉同埋菜粒又吸到d魚汁...搞到我忍唔住清碟咁濟...食食下老公玩surprise~原來佢預早同餐廳訂左我最最最最鍾意食嘅芝士焗龍蝦呢~~~lum晒啦..好濃郁嘅cheese呀~龍蝦好新鮮彈牙食得好開心 雖然好飽，但係食甜品有另一個胃嘅 呵呵餐廳知我地慶祝特別整左個甜品拼盤比我地有tiramisu、士多啤梨乳酪窩夫 同埋朱古力旦糕呼~

聽同事講老蘭有一間餐廳D蘑姑湯好味，於是就同BEST FRIEND放工一齊去試佢一試，不過間野真係幾難搵個入口，向正INITIAL上面，望就望到，但都唔知個門口向邊!!原來係INTITIAL旁邊有個大廈入口，搭LIFT一字樓~!講番食物啦~MENU選擇唔算太多，不過價錢出奇地平，打開都有D 呆左一呆..SET DINNER有湯有SALAD一個MAIN(有約5款選擇) 同甜品都只係200幾!!! 落左ORDER後WAITER好快遞上一籃香噴噴既蒜蓉飽，要特別提下個橄欖醬，勁襯個飽~ 好快比我同朋友KO晒唔知係唔係見我地勁讚嘆，個WAITER哥哥主動問我地洗唔洗加 ~ 頭盤因為我唔食鵝肝，所以要左個CESAR SALAD，一般、正路野。朋友仔就話個鵝肝有驚喜~ 煎得夠香，裡面又軟WOR~期待既磨姑湯出場，未送到黎已經勁香!!!!!!佢地當晚推介白松露，果然係名不虛傳!!!!!!!!我同朋友都飲得好開心~除左香之外，仲有好多好多磨姑茸，又CREAMY~十個正!!MAIN COURSE我地2個都叫左SEA BASS，勁鮮味!! 肉質好滑~食完晒0個幾樣野已經好鬼飽(鬼咩ENCORE左一轉GAR

之前跟朋友在網上 Bid 了 Coupon (買 $100 可當 $200 使用) , 拖拖拉拉在最後一天來了吃飯! (而且又可以免corkage)Set Dinner 印象都有 6 款, 價錢大約每份 $250 左右, 都可以接受! 環境不錯, 服務一般, 而且超小人, 我們坐了一晚也祇是多一台客人, 9 點左右他們已經想我們走了! 不過有一點生氣是我們 3 個人點了 2 個 set dinner, 加上我們用 2 張 Coupons 價值 $400, 我們點了 2 個 Set Dinner 其實已經 over 了, 但是 Waiter 跟我們說因為有 7 折, 要求我地再加 order, 於是我們再 order 了 2 杯酒, 我們真的感覺很神奇, 為什麼他們明知我們用 coupon 是不可以再有 7 折, 而要求我加單? 另外明明說了有免corkage, 結果張單又加左, 雖然有減返, 但係佢地係收埋我加一先減, 變想我都要比 $20 一支, 當然我不是不肯支付, 祇是有點不開心!! 後來我計算方式如下:- Set Dinner $250 x 2開瓶 $20

食評一拖再拖，拖得耐始終都要寫，仲要可能有D已經唔太記得..... 是日為朋友慶祝生日，要搵一個免開瓶費既地方，呢個係好重要的 XD。原本搵左上環另一間，但打去已經full booking，最後呢度有位，所以就訂左呢度啦。呢度唔止免corkage，仲連切餅費都免添，超好~~~ 是日準時黎度又再意外包場，全晚竟然得我地一檯客人，果然係super monday~ 由於全晚得我地，環境當然寬闊又唔迫，我地可以嘈d又唔驚嘈親其他人，服務仲超好，因為淨係需要serve我地......set dinner 已經set好哂，基本上只能在menu內選擇，無得散叫其他食物的~ 4 courses都係 $248，如果好食既真係好抵，而是晚食過都覺得食物唔錯喎~先講佢個蒜蓉包，真係好好好好食，哈哈，我食左 5 塊呀!!!! 因為佢係熱辣辣焗出黎，好香脆又勁香蒜蓉味.... 雖然好熱氣但我都忍唔住一食再食~~~前菜我就要左鵝肝沙律，價錢咁平鵝肝當然唔會太大，但面底都煎得有點點脆脆的，真的外脆內軟~ 吃落有油香又不會覺得太膩，伴碟的蘋果和酸酸的沙律可以中和鵝肝的油膩，幾好食的~ 朋友們選擇了三文魚帶子沙律亦說材

呢幾日有朋友約食飯,要飲佢自己的紅酒,咁就google下,諗住睇下邊到免收開瓶費,係Facebook見到free corkage群組,入面有人講呢到免開瓶費,openrice評分又唔差,係蘭桂芳大家又就腳,就BOOK左黎呢到..坐低見到朋友們,估唔到朋友L咁捨得,佢帶了一枝93 Lafite,一枝94 margaux同一枝01 Lynch Bage,嘩咁多靚酒,一見到已經覺得呢次好大可能係不醉無歸,當時我馬上擔心呢間餐廳D野食會唔會襯唔起呢D靚酒?但見到都有其他客帶左D大酒來,所以照叫食物..一行6人,先開酒airing,同時叫了D主題野,鵝肝沙律,松露湯,海鮮意粉,白汁蜆肉意粉,炭燒牛柳..過左一陣,由於枝瑪歌同Lafite仲係未air夠,幾封閉,反而枝靚次伯開始有唔錯香氣,咁就一於先由Lynch Bage落杯,當時,餐廳上了麵包,估唔到佢個包幾香,併上紅酒都唔錯,無耐,鵝肝沙律上枱,仲夾!一來佢呢到個鵝肝煎得好靚,令當中的油份、香味鎖住係入面,二來鵝肝帶出了酒的幼細口感,突顯左靚次伯的煙草、果醬、礦石等複雜香氣。再黎個湯,松露菌湯:我想講呢個湯真係好好飲,香味唔錯,而松露味道亦十分

星期六要返工，連下晝都要返去開會，所以少有地留返係中環食lunch。同事話不如食豪少少，所以過左去蘭桂坊「搵食」。上到黎，成間餐廳靜英英，可能因為中環打工仔星期六都唔係好想留返係度食lunch卦(自己都係其中一份子)。最後我叫左肉眼扒，同事就食羊扒(食肉獸一族)。件牛扒好大塊，見到已經好滿足，食落亦ok。同事份羊都唔錯，有羊味，食落好香口。最估唔到既係埋單時無端端有八五折，原來佢地做緊promo，星期六有discount。望下張單，摸下個肚，星期六下晝仲要返公司開會既壞心情輕微減少左。

好開心朋友請食飯…朋友比得錢當然佢BOOK地方，黎左呢到，氣氛唔錯，一入到門口，WAITER有禮，問我地坐窗邊定入d，我地無所謂，就坐了窗邊，望住蘭桂芳，景觀感覺唔錯，全晚的服務亦無咩大問題，有禮貌。點菜：頭盤叫了caesar salad，湯點了松露湯，主菜我叫了sea bass，朋友就叫左羊架。Caesar salad無咩特別，都係清清地，真係十分平平淡淡。松露湯，一比之下就覺得非常好味，磨菇粒好好口感，黑松露好香，真的不錯，值得一試。Main dish的sea bass也是十分鮮十分好吃，佢煮得相當滑口，值得推介羊架亦好，而且特別大份，煎出來十分香，賣相又好看，入口嫰滑，唔太蘇，好正因為好飽，甜品只叫了Tiramisu，的的色色，杯仔好靚，酒味十足。全晚十分滿足，謝謝友人!

上星期同個朋友出街食飯, 食完飯佢話飲野, 佢話落左老蘭, 心裡都沉一沉, 想話係唔係玩野AR? 世界盃去老蘭?未逼過咩????結果真係好多人, 個個BAR都係睇波, 噪到想死, 見到有人派傳單話呢度傾計一流, 就上左去行過大廈後門, 開頭見到唔係太整齊, 以為死梗, 去錯地方... 點知行到入餐廳又完全係另一世界, 有D柳暗花明既感覺入面較暗好有FEEL, 唔係好多人, 可能我早去, 好多人都係食緊DINNER, 我地唔食淨飲野, WAITER 都話無問題, 幾好...我地飲左一兩杯紅酒, 又飯下BEER, 可能因為幾好FEEL, 又溝左酒, 都好快到頂....記得我地都叫左個甜品朱古力蛋糕, D朱古力好香好濃, 值得一試!!!見到食客都食得幾開心, 下次都可以黎食DINNER...