Red Mango (已結業)

母親節和媽媽到荃灣慶祝。齋鋪去得多，素食自助餐真係五隻手指數得曬。今次來這間店真的食得又飽又滿足。鋪頭在酒店門口對面，一上電梯就看到，方便易見。 店舖不算寬敞，有大約7張桌子，如果坐滿的話，應該很擠迫。幸好我們提前慶祝，坐得十分舒服。那裡起碼有20種美食，一望過去已在流口水。沙津薑茶串燒，各式各樣的素肉。青瓜釀雞球，又清新又有咬口，配塔很創新。平時齋鋪30-40元先有5舊的燒賣，那裡任拎。冬陰功湯。 唔辣，好夠味，好濃郁。一飲下去，一股熱氣直入肚中，甜美的味道在口裡迴盪。內有素肉丸，一絕。本身是薯仔狂，所以一看到這窩番茄薯仔，就忍不住去了5轉(雖然這是自助餐大忌)即叫即做的肉醬意份。最後當然是甜品時間，那裡有4,5種啫喱，味道都算OK又一次完美的自助餐。

這間素菜店，位於熊貓酒店的商場，本來還以為是樓上，好像酒店自己的餐廳，但是原來，位處於下面商場，其實只是小小一間餐廳，在外邊的廚房，採用開放式廚房的設計，顧客就可以到外邊自己領取食物，因此可以說是自助餐。左邊有個沙律吧，各式蔬菜，看來也挺新鮮而乾淨，絕不欺場；亦都有菠蘿、粟米、車厘茄，旁邊就有千島醬、藍芝士醬等等。其他菜式，就包括喇沙粉絲豆卜，味道不算太辣。另外旁邊又有一個肉骨茶湯，喝了兩口肉骨茶湯，味道其實也不差，散發藥材氣味。因為店方都可能是比較西式的作風，因此，大部份都是傾向fusion的素材，一張係中式素菜，或是酸齋、咖喱齋、扎蹄那些，都找不著。其他還有素雞腿，利用多層腐皮包在外面，就好像雞皮裏面有雞肉，最中間還有一條雪條棍，扮作是雞骨， 誠意可嘉，幾可亂真。有一件就扮作是牛肉，其實味道也有點兒相似，內裏當然也就只是麵筋，另外側邊有一個桃，味道甜香，煮完了更加甜。最後，還會問你有多少人，然之後贈送一個乳酪及班戟。香蕉班戟體積不算太大，作為甜品就剛剛好，內裏有些香蕉，但班戟皮不會太厚，旁邊乳酪輕微酸，又不太澀。其間多次邀請店員前來為我們拍照，他們亦樂意。即使過了他們的營業時間，

近年關注健康飲食，自己都開始學習多菜少肉，之前呢個呢間食素食自助餐，你覺得好味。所以今次再encore。今次都是光顧lunch buffet ，發現食物款式比上一次唔同，整體嘅食物質素比第一次更好。我好喜歡佢嘅沙律，當中嘅牛蒡絲及山楂都令我喜出望外，不斷加添。而佢嘅湯水款式亦好多，除咗木瓜湯，仲有肉骨茶及喇沙湯，我都飲完又飲。至於食品，我對素丸麻麻，好鍾意食佢嗰個手肘餅， 既鬆化又香脆；而其他食品，整體質素都不俗。當然個甜品亦不容忽視，是我最喜歡的原味乳酪，我食完又食！雖然係素食，我都捧住個肚走，不過自助餐時段只得一個半小時，有點緊張，約兩個小時會充裕一些。但我下次還是會再幫襯

食素10幾年，第一次食素食buffet今年生日屋企人帶咗我嚟食，原來生日嗰個，只係要比加一服務費就可以一包薯片嘅價錢就可以食到個自助餐真係幾多種類，好努力想嘗試每一樣都試一下，奈何真係太飽可能照顧到眼闊肚窄嘅朋友，佢有好多都用一匙羹咁樣擺放出嚟，等你就到個份量，食多啲款式食完野之後仲有甜品，唔係好求其嗰啲淨係比雪糕你，有香蕉班cake ,番薯糖水要讚嘅係啲湯真係幾好飲，停唔到到最後飽到好似有咗10個月咁樣，都要拎多碗湯飲唯一覺得爭小小就係燈光比較昏暗所以影相出嚟好黑

話說因爲之前我爸爸曾經身體唔好，我又咩都唔可以做，只好決定介牛同初一十五食齋。咁啱撞正我同老公嘅結婚紀念日係初一所以老公就好貼心咁諗到同我去食個素食自助餐。 入座前要先收錢，好特別。個素魚生好得意，點埋個wasabi 食一流！素鰻魚連埋個汁食係同真嘅都幾分似。特別推介個素冬陰公湯，勁香勁好味，雖然望落去個色唔伀人我地平時飲嘅，但呢個好香椰汁味，開頭睇仲以為唔辣，點知又真係幾辣。入面嘅係素丸，好彈牙。呢度仲有自助沙律吧，估唔到有我中意嘅鷹嘴豆，紅菜頭。同埋有一個係醃左嘅牛蒡絲，超好味！佢呢度仲有素肉骨茶，藥材味唔重但都幾清。素麥樂雞又幾正不過乾左少少。呢度仲有即叫即整嘅pancake ，入要有香蕉。仲有乳酪雪糕食。呢度飲品有果汁同熱茶，其實百幾蚊真係好抵，可知係香港食素嘅餐廳話多唔多，所以有一間係咁近對我黎講真係正！

上星期日終於有機會一試。餐廳面積不大,有點暗。自助餐食物放滿一吧台面和旁邊。牛油果沙律好多牛油果。粟米木瓜湯很甜。我最喜歡炒雜菜,有金葫,翠玉瓜和燈籠椒。素魚和牛肉也不错。蒸熱的紫薯很健。當然還有不少豆腐菜式和點心。中西式菜式各佔一半左右。很多菜式如pizza批和意粉也没有試。甜品選擇較少。最後服務員極力推薦的香蕉班cake很不錯。服務員的態度很好。我是下午二時到,只能食到二時四十五分。因此有八五折。

有位特別嘅朋友從瑞典飛嚟香港探我同肥媽，決定請佢食一餐多謝佢，嚟返呢度，因之前嚟過，感覺唔錯！我哋一行四人，11：30am入座，全店只得一枱人，所以任我哋揀位，本來想坐最入，但見到有隻小小強喺枱邊經過，朋友建議坐近入口嘅裡面。食物同上次大致相似，但冇咗上次我勁喜歡嘅茄汁肉丸，真可惜！我食咗四輪，覺得以下食物最值得推介：1)杞子烚菜心：菜心鮮嫩鮮甜！一啲渣都冇！2)椰菜浸鮮竹卷：鮮竹卷幼身入味，腐皮軟腍，墊底嘅大塊椰菜亦沾滿湯汁，十分美味！3)彩椒炒肉乾：呢味我食得最多！大豆造嘅肉乾好入味，我食咗十幾舊！4)肉鬆豆腐：豆腐滑漏，同肉鬆十分夾！5)菠蘿咕嚕肉：似軟身齋燒鵝，好入味！6)香蕉班戥：呢個係一位女店員走埋嚟介紹，即叫即整，十分香甜！值得推介！可惜我唔記得影相已消滅咗！另外，我亦食咗1)黑椒牛扒：似微炸過嘅午餐肉，要點茄汁食！2)燒賣：冇乜特別，可食可唔食；3)肉骨茶裡嘅豆腐：似海綿質感嘅豆腐；4)紫心蕃薯伴乳酪雪糕：紫心蕃薯香甜軟熟，但乳酪雪糕偏甜！我見門口寫住入座先俾錢，但又唔見有店員嚟問我收，於是自己主動走出去俾，個男店員話本來想俾我哋食一陣先，真體貼！進食時間規定個半鐘，但

吃過不少素食自助餐，這間最乾淨企理精緻。很多素食自助餐粗製濫造，這間卻非常精緻，每道菜都精心配搭，有主要用料、配料及適當的香料及視覺陪襯，而那個羊肉串好惹味，香料好足，肉感好真。素雞肶也過癮，又脆有夠味。香口0野唔少，但食完唔覺熱氣，我估關鍵是店家沒有用萬年油，也用焗代替炸。廚師真係抵讚，唔會因煮份量大而求其，好似個菜芯咁，加杞子，每條都煮得0岩0岩好，唔會老也不會生。個炆冬菇好有家庭風味。個沙律吧唔錯，藍芝士醬，幾得意；凍虎皮尖椒好剌激，好辣好爽。個墨西哥莎莎醬同玉米片都好好食，但略淡。咖喱唔錯，唔係現成求其加D素雞溝出來，真係煮出特色，出面食唔到；叻沙一般；肉骨茶唔記得食......若要數不是，好的飲飲品選擇較少，個果汁好化學；此店衛生極佳，惟獨是茶包可以再放好D。開頭想彈佢熟的葉菜比較少，但諗到葉菜易出水而久放賣相不佳，都係接受現在佈局。素乳酪誠意可嘉，但冇奶始終唔太好味，我唔識整部機，阿姐好勤快有禮幫忙，唔該晒，整體服務也極佳。下次一定會再幫襯。

buffet食得多, 但素食buffet真係第一次, 事緣係無意中見到網上介紹素食自助餐, 睇完之後好有興趣, 以為只係香港同九龍先有, 原來荃灣都有一間, 其實我地呢幾年細食咗, 已經冇乜食buffet或者放題, 但見佢近近地又趁老公生日, 於是大解放一次啦~呢度lunch同dinner都有buffet, 而dinner就有兩個時段, 咁食buffet當然係食頭輪啦~ 由六點開始, 入座計食90分鐘, 果晚我地未夠六點已經去到, 見到都好似準備得八八九九, 雖然未開始得, 但都比我地入去坐住, 飲住嘢等~ 飲品方面, 有d茶包同即沖飲品, 試咗個薏仁, 但好難溶, 而且好杰, 唔適合食buffet時飲, 建議都係沖返杯茶飲, 消下濟, 咁先冇咁頂肚, 可以食多d嘢架嘛~唔知係咪呢度個環境太open, 為防有人食完走數, 佢係採取先付款後入座, 如果決定入去食, 就要先响門口比錢, 跟住會有張紙你貼住响你張枱邊, 以便識認~成間餐廳唔算好大, 廚房連取食物地方佔2/5, 入面食用地方佔3/5, 當然外面都可以坐, 裝修簡簡單單, 沒有特別花巧, 最特別咪就係有個食物金字塔囉~夠鐘出去拎

本人係一個食肉獸無肉不歡。最近有個朋友講起想試下食素。一聽到完全無興趣去食。之後朋友上openrice揾到呢間素食自助餐。朋友想試而本人覺得素食既自助餐同正常既有咩分別呢出於好奇心我陪左我朋友去試下呢間食店。一去到感覺放食物既位置可媲美酒店式既自助餐。開始唸食乜時唸住係得幾樣傳統素食店都會有既嘢。點知去到睇既時候有彩蛋。有吾同款式有中式有西式。我特別推介冬陰公湯。雖然係用素整。但係都有鮮既味道。仲有就係斑蘭味素叉燒色。斑蘭味十足。外軟内滿。汁既份量剛好。呢個好大既驚喜。其他熱薰都不錯。甜品亦多樣化。用呢個價錢食到一個高質既素食自助餐簡直係物超所值。仲改變左我呢個食肉獸對素食既睇法

之前在西九龍中心的分店因緣際會吃不到；趁著今年跟家人慶祝週年紀念，趁機試試荃灣新開的分店；很驚喜這裡的美食有很多選擇及種類，有一些食物用湯匙盛著的，很符合食自助餐小份量、試多點的原則 食物種類的誠意實在滿分，單是沙律也準備了8種沙律醬，同是黑醋已經有兩個不同口味種類，而且更有一款我家人盛讚的蛋黃醬，竟然是自家製的！種類繁多的美食，囊括世界各國的特式，冬蔭功湯用料很足，不是用現成的湯包溝水那種粗制濫造，而是誠意滿分在湯裡可以撈起姆指般粗的香茅！還有其他香料都是真材實料的而且Pizza會定時新鮮出爐，跟一家素食界聞名的素Pizza一樣好吃! 很驚喜～！服務方面，不論店面及廚房工作人員，都很熱情向你介紹不同食物，招呼一流，也感受到他們是投入提供美食的熱情～有一點很有趣，我是在入座時已經付款，這體驗是第一次，離開時拍拍蘿柚就走人，十分方便～

母親大人一向喜歡素食，當我一知道最近有一間高質素嘅素食自助餐廳後，一於book桌來試試先午市時間計入座90分鐘，1300準時到，見到店內已有90%入座，店面好細間，侍應生更曾經提議坐在店舖外面的後加桌，其實是在相片的範圍，人來人往，母親大人覺得咁多人行過都望住會食得唔夠舒服，所以最終都係要求坐返入餐廳。食物方面選擇都算多，有甜品，刺身，沙律，飲品。味道都算是不錯，魚生都整得好相似一個半圓形係食物Bar，不過出去拎食物時其實都已經算係出咗餐廳範圍，環境係呢間餐廳扣分之處。甜品當天我點番薯糖水及蒟蒻啫喱，番薯數量多，薑味可足，而舉約啫喱十分之彈口，好QQ，我都食咗兩杯除咗環境之外，食物質素都為中上，但價錢略為小貴，可以到第二間分店再嘗試

Joey妹就嚟生日，細妹提議嚟呢度同佢慶祝！上次經驗唔錯，加上我鍾意食齋，決定嚟多一次！11：30am，準時入座！我哋三個係第一批客，仲要係頭幾個入座，所以一切食物款式份量俱全，碟碟滿滿熱辣辣，等我哋剪綵！細妹俾錢後(可俾信用咭)，好！開始出動！所有食物放喺門口入口處，呈L型擺放，夾之前，當然又係我部手機食先～我冇食沙律，因為唔想嘥quota, 但見啲菜好新鮮，兼有四款沙律醬汁！我先嚟第一輪，睇返個碟，最好味係茄汁德國素肉丸同黑椒牛扒！前者好有茄汁獅子頭feel, 大大粒，好有肉丸味！後者好鮮味，有咬口，軟硬適中！肉鬆豆腐係凍食，肉鬆拌住滑豆腐，味道啱啱好！冬菇同菜芯都好新鮮！冬菇炆得腍，菜芯夠鮮甜，兩樣都值得推介！豬大腸(係真嘅我一定唔食！咁核突！不過係齋嘅可以試吓！)，味道普通！唯一最難食嘅係涼拌海帶雪麵，凍係凍，不過啲雪麵係浸腍哂嘅苟蒻，啲汁仲要係甜！撈埋海帶帶有少少腥！真係OMG！我細妹叫我唔好要，但我唔想浪費食物，都食哂！另外要讚吓個肉碎釀豆卜，好多肉碎好多汁，豆卜入味，值得一試！細妹夾咗一大碟，每樣分咗啲俾我，所以我都試咗1)麥樂素雞(味道幾好，不過凍咗！)、2)串燒(外型

之前篇食評正在審批中，由於上載相片嘅數量限制咗12張，呢篇食評再補充一吓值得推介嘅食物同照片！我前後食咗四轉，最喜歡茄汁素肉丸、黑椒牛扒、菠蘿排骨、素魚扒、肉鬆豆腐、蕃薯拌荔枝味乳酪雪糕！試咗菠蘿汁同番石榴汁，但兩次都驚過甜，溝咗半杯水，果然，溝咗半杯水，味道啱啱好！仲想提多個值得改善嘅地方，裝乳酪嘅碟太細，枱面只有大餐匙，我食到好論盡，拌蕃薯食時多次掃咗落碟邊甚至跌咗落枱！宜提供餐巾同小茶匙，餐巾方便放餐具，小茶匙方便食乳酪！

今日去食lunch buffet $130 一位 。但食物完全唔掂 最基本的蔬菜唔好食 又唔熱唔凍 唔知想點。款式唔多 基本上行一次你冇咩意慾再想出去。本身都不帶太大期望 點知比預期還要差一定唔會再黎。如果你地係想食素 我就完全唔推介大家去。