Red Mango (已結業)

先講Salad Bar，蔬菜新鮮，紅菜頭汁必須要試。配上汁後，會不自覺地吃多幾碟菜。另外講湯，當日我試的是木瓜湯，很多料，清甜好味，飲湯後都不需要其他飲品了。其他主菜都好好味，素鴨雞鎚用腐皮做到好似肉咁。最後試了蕃石柳乳酪，清新好味，吃了兩大杯。當天不太多人，環境清靜，坐得舒適。

見呢間野標榜素食 而且價錢不算太貴 就同幾位朋友來一晚健康之夜 門面幾靚 入到去就開始作戰喇素雞～勁硬，擺左好耐咁青椒～凍既素蝦～又係凍既 又淋哂素大腸～硬到不得了！！又無味食左小小都停哂手連甜品都不知所謂最好食係生果總括 比200蚊食呢間 不如食麥當勞p.s. d 員工全部都唔識汁野，我叫佢收碟，佢問番我收邊隻碟，不知所謂

先不說是否素菜，單以味道而言，不可一不可再。好吃的沒有，普通的有1-2道，難吃的更多，整體來說完全不合格。素食是賣點，但這裡只是在一道道煮得不好吃的菜上，把真肉換成了豆製品。說實在，在家中隨便炒碟油菜已經好吃多了!連簡簡單單一個菜湯，都因為加入什麼素魚腐，變得又腥又臭…而且基本上每道菜都是那幾樣東西併出來的，3道菜上有素肉鬆，2道菜上有素肉澡…全場也不過7-8道菜…唯一可以入口的只有素炸魚…但不得不說一下藍莓乳酪十分好吃(只有一款)，可是…這裡不是甜品店吧…

自助餐，本非小人所好，但友人提及一種自助餐是小人一定未試過的，姑且陪他一次。抵步才知原來是素食餐……😖意料之內，沙律吧自然是放滿了一大堆頭林林總總的蔬菜水果。比較有看頭的是連沙律汁也是用新鮮蔬果調製而成的，吃下去就像是在真實的蔬果上加上一些打茸的蔬果醬汁，清新到爆，或許這就是夠天然吧。除了沙律之外，凍盤也有涼拌菜式，均以香鮮為主。其中墨西哥素雞沙律有紅腰豆，酸酸辣辣，醒胃的前菜。純素沙律即是涼拌海菜加入木耳絲，主要以麻油調和，爽上加爽、香上加香。而風味小青瓜涼則混入蘋果醋，又是另一番的酸香，對於嗜肉者可謂一清腸胃之作。老實說，一串串從沙嗲汁拿出來的串物，是素還是不素都不打緊，重要的是沙嗲汁好不好味。這個沙嗲略欠香氣，滑度中等，至於拮著的素肉則稍硬，須要嚼很久才可吞下，很費力氣。煎焗芝士素豬柳，焗得金黃，看起來相當吸引。食過後就發覺只是面層有焗脆的麵包糠夾著半溶芝士及素肉，首先食物攤涼了，其次滿口都只是芝士味，素肉質感不似豬柳，平平無奇。台式素肉燥腐皮卷則做得不錯。肉燥細細粒，和著甜甜的醬，頗有台灣風味，包入腐皮成卷狀煎好，香口惹味，趣味盎然。黑椒蕃茄素鴨胸亦幾可亂真，素鴨切成厚片質感跟

今日一行3人一齊去慶祝遲來既母親節,特別揀左呢間又有素食又有乳酪雪糕既red mango~睇左前面d食評膽粗粗黎試....熱食選擇唔太多, 腐皮超大片任夾, 洋蔥煮薯仔幾好食, 炸墨魚圈好食, 冬陰功湯好飲 款款入口都夠暖, 有d清淡有d偏咸, 未到前面既食評講到咁差.... 沙津有3種沙津菜揀, 菜同配料都幾新鮮, 仲有3種汁可以配, 藍莓汁食落怪怪地 ... 蜜糖芥茉醬好食 乳酪雪糕今日有原味,哈蜜瓜,西柚 呢3隻味任食~哈蜜瓜同西柚都好滑, 甜度屬可接受水平, 幾好食 但原味就比較甜同入面有多d碎冰, 乳酪味唔太濃........小失望... 呢個價黎講不過不失啦...中意任食乳酪雪糕+素食既人試試都可以但如果係食開素既老一輩, 你地應該已經有幾間覺得ok既素菜餐廳, 就無謂試呢間了

第一次被約去食素食自助餐，店子不大，簡約裝修，擺食物的地方也不是太大，所以也不抱太大期望，不過反正志在慶生，我們一行12人被安排分3枱坐，就算去大酒店都會咁安排，最多係拍埋d枱，所以坐位都ok嘅。一坐下已被一陣香茅味吸引了，所以先來一個冬蔭公湯，跟住被11人問辣唔辣，一句回應少辣後，即刻一條龍去排，這湯好濃的泰國香料味但加了椰醬，所以喝起來祇是少辣又和味，仲有人再添，至於另一款湯就唔知係乜，仲要留位食其他。跟住沙律吧，三款生菜超新鮮爽脆，仲有2款橄欖，三角豆，粟米...。好有誠意的是沙律醬不是用一般千島汁/蛋黃醬或奇妙醬之類，而係用奇異果/芒果/香蕉打醬，味道是比較清淡健康的再來就開始熱食了，可能換了menu, 去之前睇食評話好味道的雞脾不見，但其他好多都好食:串燒加埋沙嗲醬，好濃味，完全唔覺係素食。焗新薯加了一些香草鹽/華鹽，又好味，外脆內軟的泰式檸檬魚，又一驚喜，魷魚圈好似真嘅一樣，桃駁李煮鴨，好清新，好創意，韓式串燒好熱好味，但那塊魚片稍硬，如改用豆腐片應該會更吸味及較軟，其他肉碎豆角，一些炒瓜，茄子都幾好味，掃了幾次都差不多要停一停，抖一抖，一些樣子較冇咁吸引的如:清湯大香菜，

近期推廣素食，發現呢間新開既素食餐廳，主打自助餐，未試過素食自助餐，自助午餐$98，晚餐就$168 ，午餐和晚餐均分為兩段用餐時間，每段一小時三十分，我覺得第二段時間會好D，因為無下一批客人，應該唔會被趕走，決定試下午餐，要餐前付費，只收現金, 餐廳地方細，枱亦細細的，擺放得頗擠，幸好我們只有三人，不太影響，但如果一大班朋友，就要分開坐了。其實食物種類選擇不太多，但好精緻，熱盆約有七，八種，大部分都係西式烹調，特別喜歡芝士焗蘑菇，好鮮味，焗蕃茄，面上有粒粒芝士一齊焗，茄汁素肉丸，炒粉絲，仲有好特別既雞腿，其實係腐皮捲埋，似到不得了，又靚又好味，至於沙律吧，有多種蔬菜，豆類，好新鮮，有幾款醬汁可選擇，職員好快補添！甜品係南瓜糕，不太甜，好味，另有自助乳酪機，任食幾多杯，藍莓味架，咖啡同茶都係任飲，呢間素食自助餐廳，絕對不遜於其他自助餐廳，美中不足係如果能夠增添粉類，甜品，飲品選擇就更加好👍

今日同事話食素吾知食咩好，最後我地去左Openrice找野食，見到一間荃灣素自助餐198一位當然諗住試下，七個人決定左星期五晚八點去試。未入去已經要比錢，之後貼張紙係桌度，佢又吾係開放式吾明點解要咁做，但冇所謂啦。見到都好多選擇，冷熱都有又有湯同甜品。以下係我和一半人的感想：意粉凍多油，奶皇包心係硬，瓜炒牛肉好咸，但鰻魚更咸，飯係凍，义燒包汁好甜同濕，沙爹正常，雞腿好味，沙律多汁好味，湯一款都正常，乳酪偏甜味道假，茶正常冇特別，食左一個鐘都有家已停手，當飲茶傾計作結尾。

本來都唔諗住俾劣評，人哋都係大開門口做生意嘅。但見到有人久唔久就上fb啲素食群組賣廣告(我自己都係睇fb先去試)，為免有人再中伏，唯有將經歷寫出黎，試唔試就閣下自理。首先，全晚食到熱嘅嘢係得兩款素包，燒賣同湯。個湯如果唔睇名，係飲唔到有乜嘢料嘅味道。但啲包就無牌仔寫住係乜嘢餡嘅，一定要試先知係咸定甜包。可能平時食乳酪被寵壞咗，呢間係第一間我見得一個味道而又無配料嘅自助乳酪。所謂熱食係有好多盤，但refill得慢都仲可以唔熱嘅。家慈都嫩過啲蘆筍。草菇明顯係開罐頭。串燒又乾又鞋，想揾啲汁點下都被人刮乾刮淨。服務最好嘅係收錢，一入座就收錢。一眼睇哂嘅舖面亦一眼睇哂無service。一家人去食成千蚊，真係唔可能有下次。

上星期六到荃灣Red Mango吃自助午餐。最近被熱烈討論的餐廳。在香港久違了的素食自助餐。（秤重式的或下單點菜的自助餐是有的，這一種自己隨意取食物則少之又少。）連加一服務費是$119。需餐前付費，並只收取現金。到達後才知道餐廳的地方很小。桌子與桌子之間的空間很狹窄。食物存放的地方只有這一角落。就在門口的位置。除了餐廳內的座位，餐廳外也有少量座位。這裡的空間感較好。然而，會被途人觀看食相。這便是餐廳內的情況。我和朋友被安排坐在右面角落那一張桌子。幸好我們只有三人。多人聚餐的話，要分開桌子圍坐，桌子與桌子之間留有空位，方便出外取食物。取食物的時候，最好是一碟取多份量的食物，可減少離座的次數。再者，一小時三十分鐘的用餐時間，多人聚餐的話，談話時間不能多。午餐和晚餐均分為兩段用餐時間，每一段為一小時三十分鐘。選第二段用餐時間會比較好，因為餐廳方面不用安排下一批客人用膳，即使用餐時間已過，也不要客人立即離開。（當然，我們也不應坐得太久，以免妨礙職員收拾餐桌了。）昨天的食物。左面還有沙律菜、湯和中式點心。食物款式大約有十多種。我覺得食物味道好的話，款式也不需太多。若喜歡的食物因選擇多而不能多吃，

今日星期日咁o岩係初一~ 預早book定呢度一行4人一齊嚟試o下素食自助餐~ 我地食第一輪11:30-13:00~ 好彩一早book定ja~ 店員話兩場午餐已經full晒~唔知同今日係齋期有無關~ 我地去到未夠鐘入座已經好多人排隊等緊...呢度係要入座時俾埋錢先ge~ 請注意只收現金~我地排o左5分鐘左右就入到座...呢度坐位唔多...燈光有d暗同埋有d焗...如果坐外面可能會好d...食物方面...一行L型o既bar檯就放晒~ 全部都係素食~ 不過選擇俾我想像中要多~ 就算係蔬菜類...好多都用o左西式o既煮法~好似d三色椒上面有好香o既蒜同香料~ 真係好好食~蕃茄又用o左芝士同蒜去焗~ 仲有用腐皮做...捲得好靚...又炸得好脆o既"雞鎚"~ 好好味~ "紫菜魚塊"同埋"冬菇燒賣" 都好好味~ "叉燒包" 餡料又多個包又軟熟~ 好食!!!仲有"香茅肉粒串燒"~ 加埋花生醬真係好好味~有一個薯仔球真係焗得好好味~ d皮有少少燒汁, 甜甜地咁~ d湯都好足料~ 有粟米紅蘿蔔同紅菜頭~ 好甜又無味精~沙律bar d蔬菜都好新鮮~ 仲有幾款醬汁俾你揀~ 唯一唔係咁好食o既有一個類似"叉燒"

食緊既時間, 商場有好多人行過都會望住話就話係顧客專用, 但因為area太open, 所以vi覺得design有d尷尬 一開始睇佢menu個圖, 諗住杯野唔會有好多yogurt點知見到個店員jit d yogurt果陣jit到好高, 有d supriseVi 簡左個濃情朱古力 (chocolate lover), 因為見到佢有brownie, 士多啤梨同燕麥粒,三種野好似幾match咁而yogurt就簡簡單單咁要左原味第一啖食落去個yogurt酸酸甜甜, 冰感都唔會太重加埋d 朱古力醬都幾match第2層就開始有好多士多啤梨粒, 雪得有d硬, 都唔算太酸, okay啦下一層就係燕麥粒, 幾有咬口脆脆地, 配埋yogurt又ok wo之後一層就係brownie喇, 一心想試下個brownie睇下好唔好食,點知中哂大伏一食第一啖, 有點臭..... Vi有點無奈, 而且個brownie 好大雪藏味, 大失所望!!!同埋brownie 太淋, 好似濕左水既面包, 一d咬口都冇!!!! 極失望!!