Reserva Ibérica 西班牙小食吧及咖啡室 (海運大廈) (已結業)

跟朋友逛街，由海運嗰邊入，一入到商場，佢已經話要唞唞飲杯嘢先。橫掂呢間café bookmark咗，一於入去😁去得西班牙cafe，當然要試下來自西班牙的伊比利亞豬， 即是黑毛豬😍慢煮伊比利亞豬肉漢堡配薯條及辣椒蛋黃醬😋漢堡除咗豬肉外，更有芝士，蕃茄，生菜作配搭。應該是黑毛豬的脂肪滲透肉內，一咬落去甘香，味道清而不燥。薯條炸得非常香脆，還有那個辣椒蛋黃醬，少少辣味又有少少蛋黃甜味，攞嚟點薯條相當滋味。一人一杯冰凍的熱情西班牙(西班牙水果香草)紅色的飲品好靚呀！裏面包括新鮮水果同香草，酸酸甜甜好解渴。我哋坐吧台，同場加映師傅即場片火腿，手勢利落，免費欣賞。下午3時後還有下午茶。

約了好友在尖沙咀下午茶聚 ， 帶了我到這間充滿西班牙風味嘅餐廳。 裝修格局 都充滿西班牙異地風情， 吧檯上面懸掛著的西班牙火腿， 令人腦海中充斥著一嘗高質parma ham 的慾望～Tea Set 和小食套餐選擇夠多～西班牙式下午茶$138白毛豬火腿（30月以上） 芝士拼盤及竹籤小食小食組合相當豐富， 奶類製品，澱粉質，肉類， 蔬菜，乾果果仁～ 西班牙辣椒～喜歡西班牙多士， 塗上高質橄欖油，入囗鬆脆得來入唔乾。 西班牙小辣椒 炸過特別香口。主角白毛豬， 薄薄一片味道層次豐富， 甘香唔會太鹹， 油份唔重較乾身。芝士拼盤分量的式， 配合乾果杏仁啱啱好～Caffee Mocha 朱古力咖啡 Tea set 餐飲補差價 (+$20) 可可味偏重，好濃郁， 唔太甜， 完全蓋過咖啡嘅味道。番石榴混合果汁 跟餐另加$20 賣相一般，但果味也算濃郁而且即叫即做~伊比利亞火腿炒蛋及牛油果配西班牙脆包$88賣相好靚， 顏色豐富，打卡一流👍👍伊比利亞火腿喊度啱啱好， 越嚼越有肉香～ 😋 牛油果又香又滑， 配合中間嘅滑蛋和又香又脆嘅西班牙脆包， 健康美味，亦可以算是一份富西班牙風味的 All Day Bre

去年起光顅了數次，lunch set扺食好吃，前菜多選擇。今天再光顧，前菜依然很好。不過，主菜較遜。墨魚仔貓耳朵面，墨魚仔冇味，醬汁唔知係唔係落得太多paprika，入口時好似好多粉咁。不過，今次上菜出晒事，～2:35pm吃完前菜後，主菜遲遲未見，向侍應查詢，侍應支吾以對，說類似等埋一齊先，我猜他的意思是集合幾張單才煮。眼見只5枱，我已汗顏。過了15mins，鄰枱碟魚上菜了！咦，我碟魚卻未上？再過15mins，魚終於上了。 又話「等埋一齊」？🤷‍♀️可憐侍應要幫廚房找藉口。 由前菜到主菜，等了半個鐘！

餐廳位於尖沙咀海港城空間唔太大 想食嘅話訂枱比較好.今次我哋嗌咗西班牙小食套餐($238)當中包3款tapas 分別揀咗:✨西班牙凍湯✨炸魷魚圈配蛋黃醬✨迷你Jamón拼盤因為餐廳主攻風乾火腿拼盤內分別有三款唔同嘅火腿每款嘅熟成程度都唔同店員都會好有耐心咁同我哋講解.另外亦嗌咗西班牙海鮮risotto ($268)個意大利飯煮完之後應該有焗爐焗過所以個面同底都有啲乾 略嫌有啲硬由張相入面都見到 飯邊完全燶晒海鮮嘅份量都算多 但係唔夠調味.整體嚟講都不過不失但仍然有進步空間想試西班牙菜嘅都可以去試吓但佢價錢唔算平所以大家可以衡量吓🤣.📍 Reserva Ibérica 西班牙小食吧及咖啡室 (海港城) (尖沙咀)尖沙咀廣東道3-27號海港城海運大廈3樓OT305A號舖

這次在海港城去了一家特色餐廳吃甜品，這裡是家西班牙餐廳，環境雖然不大但挻舒適的。除了食物供應，還有美酒售賣☺。下午茶時間還有甜品套餐，跟餐可選擇HKD$45以下的飲品，多了只需補回差價。-💥熱朱古力 HKD$55，這個是大杯裝版本，飲品有美美的心型拉花😍。這杯朱古力味道濃郁，感覺是黑朱古力味較重的，與鮮奶味道很配合，口感滑身味道不甜🤤。-💥熱情西班牙 HKD$55，用了西班牙水果和香草混合而成的飲品。用了長型的小茶壺裝著挻特別的，還可作保溫之用🙈。茶飲呈淺紅色，聞起上來味道很香，茶味香濃味道酸酸甜甜的，邊吃邊喝很享受☺。-💥西班牙炸油條配朱古力醬及雪糕 HKD$78，即叫即製所以口感脆卜卜，一份有四條。面頭均勻地灑上肉桂粉和砂糖，味道甜甜的但不太油。另有雪糕和朱古力醬拌著，別有一番風味。-💥西班牙炸多士配配雪糕 HKD$78，這個也是即叫即製的美食，一份有四件。面頭也是有肉桂粉的砂糖，炸多士外脆內軟，口感軟綿綿的，不會感到油膩。這個感覺是西班牙油條的軟身版本🙈，兩者各具特色，味道也不錯🤤。飲品和甜品的質素也不錯的，價錢一般，環境舒適。

早前路經海港城，係玻璃窗外見到人食西班牙海鮮飯，個外觀非常靚食，所以印象好深刻。今日親朋友生日都黎呢到食返餐好既興祝。結果都無令我失望，不論賣相同味道，都係滿分！不過唯獨個甜品唔太岩我口味，有d太甜，所以下次可能都係唔叫算了。今次叫左兩個set lunch同埋一set tapas ,再加西班牙海鮮飯。全部都係水準之作，相信佢收咁貴，用料同廚藝都係落足力，我反而覺得一人三百幾都幾抵食。主要重點推介都係佢d tapas同埋西班牙海鮮飯，個飯真係好好食！

一向都喜歡西班牙文化，所以都特別喜愛西班牙菜😍😍海港城shopping,見到這家西班牙cafe就一於嚟tea一tea啦🍸🍧🍰見到好多獎項相信質素有保證😝室內掛滿原隻火腿，而且即叫即切非常講究👍點了一份甜品set 有炸多,士炸油條配雲呢拿雪糕,加上ice cappuccino夏天真係好適合🍸多士非常鬆軟，而且仲有白砂糖，口感非常鬆軟，而且甜度適中，加上新鮮生果 nuts非常之match☺️西班牙油炸鬼食過好多次呢個算係非常出色👍外酥內脆非常香口，還有陣陣麥蛋香非常推薦😎仲有兩個馬卡龍，賣相一流！咖啡全部即磨，而且感覺上也非常有研究，呢我這杯iced cappuccino口感偏酸，陣陣咖啡濃郁香氣非常喜歡💕總體來講，非常不錯，喜歡西班牙🇪🇸到這裏來打卡吧！

行經海港城， 突然想食啲異國風味餐廳，諗起我之前食過的西班牙菜餐廳。鋪頭裏放咗好多風乾火腿 、紅酒和罐頭類等等，格局簡潔而不失典雅。慢煮伊比利亞豬肉漢堡配薯條及辣椒蛋黃醬首先要讚下個包，做得好鬆化，而伊比利亞豬肉好綿 滑，可能係慢煮關係，一啲都唔鞋身，豬肉味濃。配上芝士蕃茄和菜做配料，感覺新鮮， 夾埋一齊食，感覺非常滿足。薯條方面，相信也是即叫即炸，炸得鬆化好味， 再配上特別的辣椒蛋黃醬，令味道昇華。伊比利亞火腿卡邦尼意粉上枱時感覺份量不大， 如果男士們就未必夠飽了， 但質量是可以的。火腿有四片薄薄的， 食落味道很香濃， 卡邦尼意粉沾上了火腿的香味，比起平時食開的 卡邦尼多了一個層次。

西班牙海鮮飯($248)係香港黎講算唔錯，海鮮好足料，有蝦、青口、蜆，魷魚……飯面有啲白色醬汁，撈埋一齊食更惹味🤤不過份量唔算太多，建議兩個人再叫其他小食。西班牙紅蝦湯麵($298)正常發揮，唔會特別推介😅Churros with Nutella chocolate & ice cream ($78)個人覺得唔夠脆，不過都唔差既。食物整體唔錯，服務就有待改善。地點好方便，行街經過可以試下，不過要book定枱阿。

最近海港城出左coupon，所以同朋友訂左呢間餐廳試下👯👯◽️之前經過都見到主打係Ham，所以都叫左一個拼盤試下，佢分有3種唔同既Ham，由淡到濃味，個肉味都有明顯分別，不過我地6個人分就每人得一啖仔😂◾️仲叫左個炸魷魚圈，可能係預比人送酒啦，十分鹹😩◽️另外我地都叫左個香蒜蜆肉意粉，無蒜香，無蜆肉鮮味，十分普通🙂但收$188👎🏻◾️不過漢堡就十分出色，pork burger 肉質嫩滑，肥瘦平均，雖然連住筋個d位有少少難咬，但都係合理既。薯條都好多，滿足👍🏻而beef burger 有得比客人選擇幾多成熟，可以配合返個人口味！讚👍🏻👍🏻👍🏻◽️不過普遍而言，如果唔係有coupon就未必會再幫襯了。

疫情底下中港城真係好靜呢間嘢我唔會再返去食不過食物真係唔錯點解我唔會返去食呢因為佢唔會畀嘢你飲其實我哋已經每人點咗杯氣泡酒sparkling wine老老實實確係唔錯同食物的確係配對到但係老人家問佢攞杯熱水飲講到明唔介意畀錢佢都話冇因為menu上係冇嘅其實生意已經唔好食飯時候淨係得三張枱佢比起坊間嘅西班牙餐廳係多咗啲地道嘅西班牙小食其他餐廳係冇㗎但係呢啲嘢食真係挽救唔到我嘅心淡如果你唔介意嘅話佢嘅西班牙鑊仔飯真係幾地道西班牙腸仔都好好味肉質夠實

是日放假海港城拍拖去，人山人海，行到肚餓二話不説就入去呢間食一坐下就馬上點菜，叫了三個tapas加一個黑毛豬拉面，黑毛豬拉面真係好好味，個湯底我差不多喝曬，黑毛豬又淋又juicy三個tapas分別是西班牙🇪🇸番茄🍅肉丸，大蜆和沙甸魚多士，味道都ok，但份量只夠一至二人食，價錢還可接受，最後嘆杯latte，繼續血拼

朋友預早訂定檯一齊到這間西班牙小食吧吃西班牙小食和飲酒， 星期日晚飯前大約六點， 我們一行四人到尖沙咀海港城海運大廈的Reserva Ibérica， 之前已經很想試試這裏的西班牙小食， 今次終於有機會。 我們每人點了幾款taspa， 當然唔少得紅酒啦！ 再眾多款小食入面我最喜歡parma ham和西班牙凍湯， 肉質柔軟入口甘甜的Parma Ham和甜甜酸酸口感清爽又醒胃的西班牙凍湯， 推介大家要試下！一下子感覺自己好像去了西班牙一樣， 但當日我們坐的位置近門口， 商場外經常人來人往， 好像有點食得不太自然的感覺。

一入去好熱,想要杯水。 個侍應已經非常不耐煩同我講要水呀就幫襯一支氣泡水70蚊喇..老實講你個環境一啲都唔高級. 仲以為好多雜物紙皮畀人見到, 你估你係五星級酒店咩.咁既餐廳一杯水都要同人計較。 喺疫情底下, 我選擇走因為你間餐廳真係冇咩特別。我畀得價錢就係要service真係一啲都無。 真心不值

朋友介紹話restaurant week menu 抵食，即刻去試試。餐廳地方細細，只有幾張枱同bar枱。其中一邊有賣佢哋嘅product，例如酒、意粉、ham等等⋯果然食物水準唔錯午餐有頭盤，主菜，甜品同飲品，個咖啡好有心機畫咗好靚嘅花，令到成餐飯好完滿下次再去要試吓佢啲tapas同ham先得員工嘅服務態度亦好好有少少插曲係有一位店員（唔知係咪係新黎）不停上錯菜上錯枱，但全店其實只係得5張枱，都幾搞笑