Saravanaa Bhavan (已搬遷) 新店位置

作為印度咖喱嘅粉絲，時不時都要去印度餐廳食個飯止下癮。上openrice搵到黎呢度，見幾多好評所以試吓。7:30左右，餐廳開始坐滿人。因為懶得諗所以叫set呢個係特製薩拉維亞套餐。可以見到相當豐富，最後都食唔晒。米飯係印度飯，比較削，感覺亦都冇平時食嘅白飯咁滯。呢個係辣豆，用嘅其實係鷹嘴豆，係咁多款裏面相對上比較辣嘅一個咖喱。因為比較濃味，所以其實唔覺得佢係素，送飯一流。呢個配菜係用咗豆蓉混合雜菜煮成，去年喺印度旅行嘅時候都食過唔少。特色印度酸咖喱，都唔算酸。呢個係北印度套餐，一樣係咁豐富，配菜同埋之前嘅套餐有啲唔同。比較特別嘅係有雜菜黃飯，雖然色水比較深色，其實味道唔濃，主要係香。本來已經有好多餸，個餐原來仲送多兩塊Naan. 不過唔係炭火烤，唔算好香口，不過都煙韌。叫咗一個mango lasi中和一下辣味。好難得走嘅時候見到餐廳門口有香草同糖。呢個係喺印度嘅時候常見嘅減口臭小吃，果然係夠地道

第一次真係嚟到食印度菜嘅餐廳，感覺好新奇！嚟到打開menu有南北印度嘅菜式，menu有10幾版，版版都密密麻麻，睇到眼花撩亂。因為真係太多選擇，唔知點揀，員工都好熱情推仲啲嘢食俾我地。首先嘢飲嗌咗個mango lassi，好重芒果味，味道唔錯。另外嗌咗貪得意Masala Chaas，其實就似係plain yoghurt嘅味道，為呢餐印度菜帶嚟清新嘅味道。前菜要咗一個Idly Vada, 入面有個似doughnut嘅炸圈同米糕，食落感覺幾得意。成日聽印度薄餅，但真係嚟到食先發現印度菜有好多種餅。首先嗌咗個parotta & vegetable set, 跟餐有一個薯仔咖哩，係我係呢度食最鍾意嘅一款。仲有呢個餐嘅千層餅有啲似我地平時食開啲蔥油餅，好煙韌，點啲咖哩食好夾！另外嗌咗個芝士咖咖加份naan, 呢度啲芝士唔係平時食開個啲半溶拉絲，而係一舊舊咁樣，份咖哩食落都有啲辣，所以要搭埋啲naan食，naan拎上手比頭先種餅乾身少少，都係好煙韌，係我係呢度食嘅3種餅最鍾意一款，唔怪得大家諗起印度餅第一時間都係諗起naan。最尾仲嗌咗個dosa, 嚟到大份到有少少嚇親，拎嚟打卡都幾正！當然唔係淨

朋友鍾意食辣 但又想食下川辣以外既辣 於是我地就去左食印度菜😋間印度餐館就係阿士厘道 上到去 見佢環境都幾好 乾淨 闊落 👍👍本來仲擔心會吾識點菜 但原來餐牌中英對照 仲有埋相睇 幾好👍我地分別叫左印度芝士炒飯同印度酥油烤餅等左一會,店員攞左一大盤既酥油烤餅, 我地真有的驚喜😍大大盤又香又靚既烤餅都只係賣60蚊, 真可謂平靚正烤餅兩邊香脆中間鬆軟, 好好味, 烤餅仲配左4款醬料, 有辣有吾辣 任君選擇 值得一讚👍再過一陣 芝士炒飯都上埋枱,炒飯旁邊又係有醬料可以混著吃 炒飯微辣 內有印度芝士 不過, 印度芝士相對我地食開既歐美入口芝士味道遍淡旁邊既醬料係沙律醬 三樣加埋就會沖淡返炒飯既辣度😁可惜我地就只有兩人 食吾到太多 下次叫多兩個朋友 再試下其他印度菜式😋😋

今晚想試試印度食素咖哩，我記錯地址點知去左重慶大廈😌😌然後立刻轉位..！店舖係位於亞士厘道～到亞士厘道轉右手邊，直行，抬頭會見到大招牌，大家千萬唔好去錯，素咖哩只在亞士厘道店在四樓，以為去錯地方，細心一睇，就係目的地門口招牌寫係印度連鎖店，係印度第一，應該有水準，期待餐牌上寫有70間分店...！我難以估算餐牌上有套餐選擇，我地無叫，反而單點食物！原味煎餅，煎餅極長，你睇下我要升高黎影相就知！煎餅要快快手食，否則唔趣煎餅一邊趣，另一邊軟，幾好食！有四種醬汁選擇，我一一試了😄我最鐘意呢個汁特色鷹嘴豆面及薯蓉配炸圓脆餅，一共六小件有洋蔥，薯仔，鷹嘴豆麵，脆餅，唔好睇佢細細，內容材料勁豐富！本身入口唔覺得辣，但辣味慢慢上心，可見香料用得充足印度餅，熱辣辣，新鮮整，等左一陣，見係新鮮熱辣辣，抵返曬～印度豆蓉咖哩咖哩有新鮮香料，紅蘿蔔，豆豆，少少辣，好豐富口感

上個星期去尖沙咀食飯，去咗一間印度餐廳初嘗印度料理。去到餐廳大概8:30左右，但係食飯時間唔係話好多人。不過最有趣嘅事呢間印度餐廳入面食嘅人全部都係印度人同埋外國人，真係一個華人都見唔到啊！感覺都好似幾正宗既印度嘢食！坐低冇耐，見到隔離有個哥哥仔食緊一碟好大碟嘅煎餅，煎餅嘅味道向着我嘅方向飄來！陣味好香好香！所以我忍唔住都order左一個!呢個原味煎餅配埋三個醬，我自己比較鍾意食中間白色嗰個醬，因為白色嗰個醬唔辣嘅而且好香椰香味！而另外果兩個醬就十分之辣，鍾意食辣嘅朋友應該覺得好好味。而煎餅同我平時食開嘅有少少唔同，佢有一陣牛油味，口感有啲似餅乾好脆，即使唔點醬都好好食。之後再嗌咗個芝士咖喱飯，呢個芝士飯對我呢個唔係好食得辣嘅人來講係一個好大嘅挑戰！ 雖然佢好辣但係越辣越想食，尤其是有埋佢白色既芝士醬簡直冇得彈！嚟到印度餐廳！梗係要食下印度咖喱㗎啦！於是我哋order左一份咖喱連薄餅！印度咖喱果然冇令我失望！份印度咖喱果然好足料，有好多唔同嘅香料同埋配菜，上碟時仲係熱辣辣。連埋個薄餅一齊食辣辣地咁真係好開胃。最後我哋叫多個乾果米餅，佢同普通嘅薄餅有少少唔同。佢嘅口感亦都係我未試過嘅，我

放工過後，去咗印度餐廳食嘢第一道招牌菜就係原味煎餅，一嚟到我都話咗聲嘩好大個餅啊仲要係用餅卷成條狀，然後配合四款醬料，包括有芝士同三款辣醬，應有盡有適合唔同口味嘅人。第二道菜啲車打芝士炒飯第一個口感係非常好食，飯粒來自印度米，飯裏頭蘊含着芝士粒，非常乾身，適合我呢啲口味嘅人。因兩道菜都係小辣，所以我哋嗌左兩杯嘢飲其中一杯係雜果賓治飲品內裏充滿果肉，非常好飲。嚟到第三道菜係乾果米餅，一嚟到嘅時候已經聞到陣陣嘅果香，用手拿起其中一小塊會小塊都有果米，熱空空，口感軟熟鬆化。 佢配埋薯蓉食，感覺健康，味道香口。之後我哋再嗌多兩個印度薄餅加咖喱醬，咖喱醬非常清香同有少少辣，每一發熱烘烘嘅薄餅再加小小辣汁放入口，口感好正，咖喱醬內還有豆腐粒，辣得來黎食番粒豆腐粒可以舒緩當中嘅辣，口感非常軟熟。呢餐真係好味呀，我下次會返嚟再幫襯過。提提大家，你知道每一張枱都有兩支水，當大家好辣嘅時候即刻飲返舒緩當中嘅辣，感覺餐廳非常親民，同平時食既好吾同，值得一試。

之前都冇特別試過印度菜，雖然呢座大廈喺地鐵站附近，不過我地都搵左一段時間。人客大多都係印度人，間唔中都有D香港人同外國人食。鋪頭地方都大，有好多位，有室內座位同埋室外座位。我地就坐左喺角落嘅卡位，坐得好舒服。menu裏面有好多款菜式，但係因為第一次食都冇咩頭緒食咩好，佢地就介紹我地食當日2人份量的today's combo。咖喱裹面有D好似素雞嘅素食，咖喱唔辣，素食軟稔但有咬口，配上原味嘅薄餅，十分煙軔，好有飽足感。另外油炸鬆軟大包配咖哩醬。店員拎出黎戈時脹卜卜，用手指督落去個陣，仲有好多熱氣走出來，相當新奇，食落有些少似油炸鬼出最出面既味道。我地仲叫左甜品，開心果印度式雪糕，食落似雪到變冰既雪糕，好適合食完辣既菜式後食。

原本想食係同一座樓嘅中菜，但誤打誤撞跟人出錯lift 見到呢間印度菜就入去試下，原本都無為以無肉食嘅，坐低望咗一陣先知原來係食素食嘅，唔緊要照叫，叫咗個飯餐叫Saravanaa Special Meals，初初仲以為會唔夠食，黎到後原來好豐富，唔只材料豐富，色澤都好豐富，menu 寫嘅野有酸辣湯，辣豆，配菜，印度香料，雜菜扁豆醬，特色印度酸咖哩，乳酪，牛油奶，特製鷹咀豆酸奶，印度薄煎餅，酸瓜，甜品，米飯，印度炸餅或印度麥餅，打都打咁長，佢上菜嘅時間都好開心，一個盤上面有齊咁多野，另外仲有盤炸餅加薄餅，一個人食都可以食到唔同種類嘅味道同口感，原本唔知邊樣打邊樣，但一個人嘅好處就係可以慢慢試，呢幾個就比較有印象同突出: 酸辣湯 – 顏色似羅宋湯，呢個同平時飲嘅上海酸辣湯好唔同，係真係有酸味同有辣椒味，好飲 雜菜扁豆醬 同 辣豆 – 其實我分唔到邊個係邊個，但呢有雜菜嘅豆醬係辣嘅，但有切粒豆嘅係唔辣嘅，呢兩個都好香豆嘅味道，食得出食材味 印度咖哩 – 呢個應該無搞錯掛，好香咖哩味，而且辣味係有啲深度嘅，唔似四川辣椒油嘅面層嘅辣，用黎配飯同配薄餅食都一流，呢兜我係成兜清晒嘅 有三兜白色嘅野，一

估吾到會食到一間甘正宗既印度菜。同朋友係尖沙咀四圍行，又吾知食乜好，食咖哩大家都諗到重慶大廈，但我地又吾想去。無啦啦行到呢邊見到有一間就上去望一望，其實去到門口有小小驚，因為吾似餐廳既。之後就入去望一望，有個印度叔叔招呼我地。其實我真係聽吾明佢地講乜，因為所有員工都係印度人，不過佢地好熱情不停介紹個餐牌🤣🤣好彩個餐牌有中文咋，仲有圖片添。我地就一人點一份試下,價錢亦吾算太貴。。印度套餐：呢個套餐好特別，係有10種醬汁加白飯，仲有幾片烤餅。10種醬汁我真係無辦法講得出係咩名，有幾款我食得出🤣🤣乳酪，甜蘿蔔泥，薯仔咖哩。其實10款都吾同風味，不過有一種太辣，有好多黑色辣椒🌶️我每種都用泥拌飯食，試下😬😬。但原來我留意到印度人係將啲飯放入烤餅再加汁食咖！原來甘食係好食啲，包住食又無甘辣，偷睇人地學番泥😆😆原味煎餅：哇。。。好大份，捲住一大條，有薄荷汁，乳酪汁，咖哩。煎餅好香，有小小咬口，一舊舊撕出泥沾汁食，好正！三色飯:就係三種拌好既飯。有咖哩，乳酪，黃飯。再加甜蘿蔔泥。份量真係好多。米飯係長米，完全吾同我地平時食既泰國米，珍珠米，係一條條既長米，啲汁拌飯食真係好香。呢度真係大部分都係印度人泥

平時都會間中唔做食肉獸去茹下素，收工就經過去開清真寺又想食下啲印度野，唔想去重慶大廈就一於去亞士厘道望下有無岩，行唔夠半條街就見到indian vegetrain resturant 仲唔係你，價錢都未睇就上咗去。 入到去原來好多印度人同外國人係度食，都有8成滿，但空間好闊落，唔怕迫同嘈。 真係第一次食印度素食，menu 底印咗行咩食物代表咩素食，似乎印度人對素食都幾講究，我地純粹只係唔想食肉，所以就亂咁揀啦，選擇都好多元化，食印度野唔少得就係烤餅，煎餅，仲有飯，小食等等，我地就叫咗烤餅，炸磨菇，跟住見到隔離枱叫咗一盤飯入面好多細細碟嘅醬同餸之類嘅野就跟住點埋一份。 水呢度應該唔包嘅，但就有樽裝水可以開(收費的)，因為唔想浪費水樽所以我地唔飲水一陣飲返自己隨身水樽嘅水。 第一碟黎到嘅薩拉維亞套餐上到黎真係好得意，有十碗唔同味道嘅汁，由咖哩、酸辣、豆到乳酪都有(詳細自己睇返menu 啦)，而且有配飯加同2款共4塊薄餅，我地見印度人會落手拿起啲飯，我地唔識食就當佢平時啲飯或者薄餅咁加汁黎食，味道好豐富，炸餅同薄煎餅配合起黎各有風味，不過啲飯就唔似平時食開泰國米咁有米香同黏，係偏散同乾身嘅，

今日同friend行過尖沙咀食lunch，就諗住試下平時冇乜食過嘅印度菜。個menu入面有好多種印度菜可以選揀。個店員都好好人，見我地唔知揀咩就推薦左野食比我地。原來印度菜係有分南同北印度菜，呢兩種野食係有唔同風味。我地就叫左幾款有特色嘅薄餅，第一款係瑪沙拉印度酥油烤餅。呢個烤餅好大份，多人黎食嘅時候可以選擇。個餅入面有薯仔餡，薯仔餡都好香濃，仲有4種配料喺隔離，可以點醬料黎食。個人較推介啡色嗰個，味道有啲似沙嗲醬，幾惹味。第二款係印度千層煎餅及蔬菜套餐。覺得呢款煎餅比上一款嘅餅好食。較厚身同有口感。兩款配菜其中一個係上面提到嘅薯仔餡，另一款就係一種豆類。第三款就係nann，再叫左一個瑪沙拉咖哩芝士，店員推介可以用nann包住咖哩咁食。我覺得nann係所有叫左嘅餅入面最好食。呢個咖哩都係全部入面最好食嘅醬料，不過都真係幾辣，但係好香同埋惹味，值得一試。

今日收工朋友仔話帶我去食印度咖哩，之前有食過都唔錯但都有少少香港口味，朋友話依間好正宗，去到餐廳大部分客人都係印度人，而且依間餐廳係素食，岩晒夏天熱冇咩胃口。我地要左一份芝士咖哩、蔬菜班戟、茴香黃飯、燒薄餅同薯仔咖哩角。薯仔咖哩角之前有食過係我鐘意嘅味道，依間都好食好香咖哩味外皮酥脆，但食多兩三啖就覺得好辣，唔食得辣真係會中招。蔬菜班戟好特別，醬汁好似菠菜泥再加洋蔥蕃茄清新得黎充滿印度風味，有四個唔同嘅醬汁，有一個係有洋蔥辣椒粒酸酸辣辣配班戟一齊食好夾。芝士咖哩好香，辣味唔算辣，一般人都可以接受到，芝士好特別一粒粒，同咖哩一齊食會冇甘辣，煙韌嘅燒餅吸滿咖哩，燒餅點咖哩食超好味。最驚喜係茴香黃飯，粒粒飽滿分明，啖啖清香，撈咖哩一流。我地原本以為食物會好重香料味，食岩岩好，而且菜式好多，下次可以再去。

諗起印度咖哩，一定會諗起重慶大廈，今次篇篇唔去這印度餐廳集中地，反而去了附近亞士厘道的一間印度素菜餐廳，原因是有位印度朋友介紹。雖然叫做素菜，但由於餐廳的製作用上了很多香料，所以不容易察覺是無肉餐，當日點了一個北印度套餐和芒果拉昔，先講個北印度套餐，一盤野有瑪沙拉咖喱芝士、牛油炒豆蓉、瑪沙拉鷹嘴豆、蔬菜乾、雜菜黃飯、印度煎餅、鷹嘴豆酸奶、烤印度煎薄餅和酸瓜，每款份量都多，不大食的話一個餐夠兩個人食，呢個餐最正之處係可以用煎餅和煎薄餅配上不同的食物和醬汁，雖然不知用上什麼香料，但款款都很有特色，味道很適合我口味，至於芒果拉昔，芒果味濃，無乜落糖水增強甜度，真材實料。總括而言，這印度餐廳的水準高，味道好，碟頭又大，想食印度菜也會再次來臨。

正宗既印度餐廳，好多人一諗都係重慶大廈，但係都已經變得好旅遊化。要搵地道既印度菜，如果冇當地人介紹既話，真係幾難搵到！咁岩有一個印度朋友介紹呢間餐廳，話係佢地既食堂咁，就去試一試！說實話，門口唔算好光猛，又得印度文，一開始有少少驚，但入到去店員好親切帶位同介紹不同食物，地方闊落又乾淨，幾好！店員介紹下，叫左幾樣野，等我每一樣都介紹下：北印度套餐呢個簡直滿足哂我地想試下唔同印度菜既套餐！有8個小盤，有不同咖哩，辣度都不一樣，又有印度芝士，乳酪，前菜同甜品。當然，食物是最地道的，或許有些是太辣，有些不是太接近香港人口味，但呢個絕對係一個好好既嘗試，有齊不同食物，同朋友一齊share！洋蔥pancake店員都介紹左幾個香港人會岩食既野，呢個洋蔥pancake，好似茶樓食既薄餅咁，但厚一點點，入面有好多洋蔥，煙煙un un咁，外面又煎得好香脆，加上不同既咖哩汁，好好食！炸磨菇一開始仲以為黎錯左，完全見唔到磨菇既存在般。原來做法是將磨菇點粉漿炸，加上黑胡椒，香蔥洋蔥入去抄，食落口好似避風塘風味，唔講唔知係印度菜，好惹味！Lasi Lasi係印度當地最common既野飲，乳酪加上水果，加上不同香料

甚少食印度菜，加上餐廳主打素食，於是選左尼間餐廳。講起印度菜，基本上分為南印菜、北印菜、宮廷菜等。高溫潮濕的南印以米為主食，偏愛含辣多汁的咖哩料理，口味較重，味道較為辛辣。北印料理注重香氣、較少辣味，口感較溫和，以添加乳製品為其特徵。入到餐廳，環境空間夠，有戶外和戶內座位。靠牆的卡位比較舒適。同朋友點左菠菜煎餅，蔬菜咖哩，後來鄰座朋友話Cheese Masala dosa好味，於是叫左三樣野再加2杯Mango lassi。留意臺上水另計費的不久，mango lassi 和食物陸續到。Mango味道幾甜滑，不愧是芒果王國，印度芒果頗滋味菠菜煎餅有特色，餅翠菜香，可以有4種醬任妳調味，個人愛橙色的醬汁，比較香辣，而椰子醬就比較清新感。至於瑪莎拉芝士煎餅有點偏鹹，但加埋醬汁食就變得好味。薯仔收藏係餅中間。至於蔬菜咖哩，青豆和蘑菇熟度剛好，咖哩汁有點辣，但加埋煎餅食就變得滋味。