Sashay Cafe & Wine Bar (已結業)

HAPPY CHRISTMAS EVE,提早同26號生日既弟弟慶祝生日~已經唔系第一次光顧了,早餐都試過兩次,是不錯的選擇今次第一次試SET DINNER..頭盤->湯->主菜->甜品->COFFEE OR TEA主菜有兩款,分別系龍蝦同焗蠔;我簡左龍蝦湯得一款;龍蝦意大利雲吞湯~主菜有三款,分別系牛扒配鵝肝..另外一個系好似3文魚,同埋總有火雞~我簡左牛扒配鵝肝,牛扒7成熟.肉很淋...不錯甜品,不能不提,朱古力CAKE配上雪糕..十分夾..即使很飽也要吃Drink,i choose hot chocolate家人簡左香檳,需另加錢~同場加映,弟弟的birthday cake,來自four season hotel^^

周日朗晴，與食家到港島走走。想試試All Day Breakfast，上開飯搵到呢間Sashay。在上環碼頭行了半小時才到，身水身汗，幸好即到即有位。想不到下午三點還有不少食客，我點了House Mix，而食家就要了Egg Benedict。House Mix $80製作簡單，沙律、荷包蛋一隻，煙肉一片再加多幾粒煎腸及彼得包，份量偏細，似下午茶多一點，吃後如一陣風。食家的Egg Benedict $82是漢堡包皮加煙肉再加蛋而成，蛋煎得軟滑，她說與在外國吃的相差甚遠，這價錢來說份量太少。座位舒適冷氣夠，亦可幸Latte $40 及 Cappacinno $42 味道不錯。未必是這店的問題，也許只是我倆不懂閒適情趣，這種飲食文化還是試一次便夠。

半年前，同學特意從報紙剪下介紹這家咖啡店的文章，雖然當時滿懷興趣，但是那時的我還未有覺悟單單為了吃，而過海。現在，「過海搵食」已經變成例行公事，加上現在已經熟悉了過海巴士的路線，於是決定於今天兌現半年前對自己許下的承諾。這家店子很接近蘇豪區，雖然比較偏遠，但是靠著店舖號碼不難找到。以咖啡店來說，店子面積比較小，勝在店內環境佳，服務周到，工作效率高。快速地掃瞄餐牌，食物大多屬輕食類，也有意粉等比較像正餐的食物，價格以地域以言是合理的。要說最昂貴的，莫過於飲品，咖啡平均四十元杯。起床的第一餐想要吸收點蛋白質，於是點了客Egg Florence(English Muffin With Spinach AND Poached Egg & Hollandaise)，星期六及日不供應套餐。不消十分鐘食物便上桌，賣相當然十分吸引，質素更是令人讚嘆。這裡的水煮流心蛋，火候和時間都掌握得很好。輕輕切開外皮，內裡的蛋黃傾瀉而出，流經下層的水煮菠菜再被英式鬆餅吸收，蛋黃味濃自不用說，更起了強烈的層遞呼應作用，流心蛋的美味由上延續到底，蛋是以大路的黑胡椒調味，十分討喜迷人。許多人都不喜菠菜的強烈草青味，由於我

Strolling around SoHo one afternoon looking for a new bakery just round the corner, and found this little cafe. Which is famed for giving patrons with a camera (but...not mobile phones!) a 12% discount off the bill. The liittle cozy cafe is meant to be camera-friendly, look at this beautiful graffiti, and the mosaic table and so on...how can foodies who love both food and taking pictures like me not feel like home here? There were some amazing Brunch items on the menu, but given that I'd just ha

有一日, 我同朋友想到博洛尼亞食lunch, 點知到左先知close左, 所以,我經過中午見個餐牌有早餐食, 供應一系列不同種類的早餐 特別想吃英式早餐, 我立刻叫左english breakfast set. 朋友叫左Eggs Benedict. egg Benedict好食，蛋味香濃, english breakfast set, 蛋好滑, 多士要立即吃, 味道都 ok.

對上一篇食評，係跟女友去銅鑼灣食0既pantray。pantray D全日早餐好食到癲 (但好油)，可惜執0左。早排想寫福井茶室，未的起心肝寫就執0左。一直希望找到好食又平的西餐/早餐，似乎搵到了。我0向堅道返工真係冇啖好食，六年來執左三/四間食肆，如果各位爸打絲打0向果區返工，就會知有幾惡劣。幾個月前某次做到頭暈眼花，見呢間0野幾平 ($56起未加一)，於是就入去試。佢Set lunch推出佢過日式咖喱呢類0野，我真係接受唔到，西餐玩呢D委實騎呢，不過佢D意粉、西餐就好好食，正唔正宗我就唔識食。Veggie Lasagna (初期版)裡面是紅蘿蔔，好食過肉，芝士又靚。上年做冬果日中午去食，廚師用車厘茄整左隻兔仔比我，有少少感動的。近期佢改用茄子同菜葉，稍為失色，但個汁然依搭夠。呢D唔係咩大餐廳，但真係好鬼認真，意粉永遠都煮得0岩0岩好。上星期 (1/6/2011)食過佢隻扁意粉覺得好掂，al dante之餘，個吸水度同家用好大分別，街買唔番，應該廚師係用特別方法煮過；鯷魚同香草係我0既自選配搭，我梗係話自己搭得好食ga，不過佢個鯷魚真係選少上盛，冇話淨係得個咸字。拿，自選唔係唔好，但

同朋友食完飯，想係Soho淨淨地飲杯野傾吓計，其實都幾有難度。行到鴨巴甸街口，見到依間無乜人，係門口望緊menu猶豫之際，有位女士好nice問我們食咗飯未，我話食咗只想飲杯野，她二話不說地歡迎，咁friendly實要試吓啦。原來依間係Café & Wine Bar，仲有Dinner Set，個drink list有好多選擇，因為我和朋友都唔想飲酒，見它們又有咖啡飲，但再望吓個coffee list裡又有coffee cocktail幾特別，所以又想試吓。朋友－Irish Coffee：有兩層，上面泡下面咖啡，好重威士忌味，鍾意飲酒的人一定喜歡。自己－Baileys Coffee：等咗差唔多15分鐘，個杯上面有一層cream打得好靚，酒味不濃，咖啡味比酒重，好香滑，值得等。另外見到有熟客留位食dinner，賣相唔錯，應該係以健康菜式為主。整體感覺好好，好舒服，下次一定會再來試其他食物和飲品。

星期五晚上，雨紛紛的蘇豪，沿士丹頓街，由喧鬧的行人電梯走到寧靜鴨巴甸街，到達晚膳的餐廳 Sashay Cafe & Wine Bar. 只有數張檯，裝修簡單，有幅幾特別的大壁畫。Set dinner 可選2或3 courses, 包咖啡或茶。頭盤有 Ceasar salad, smoked salmon green salad, French onion soup 選擇。主菜有煙鴨胸、魚柳或什菜闊麵 。甜品可選 cream brulêe 或 tiramisu. French onion soup - 用料豐富，但不知為何沒甚洋蔥味，兩片蒜茸多士略硬。 Veggi Lasagne - 什菜新鮮，用上大量茄膏，比傳統以芝士作餡較清新。伴菜爽脆，醋汁帶甜十分開胃，美中不足是份量略小。 以茶杯奉客的 cream brulêe 及 tiramisu 賣相別緻。可惜cream brulêe 似略爲 overcooked, 欠缺滑溜感覺，面層糖片亦不夠脆口。 tiramisu十分creamy ，雖然酒香欠奉及略甜，但是配合帶澀的 house coffee 剛剛好。環境寧靜、食物不俗、價錢合理

星期六約左女朋友上山頂諗住去之前先係中環食個午飯先本身諗住去前少少嘅博洛尼亞點之去到勁多人, 間野又細, 應該有排等, 唯有下次再去喇於是就行番落少少睇下有咩餐廳經過呢間紫色嘅鋪頭覺得佢幾靚同埋企係門口嘅老闆娘又好friendly咁向我地推介佢地嘅brunch我見之前都未同女朋友食過brunch, 所以就試下喇入面嘅位都唔算多, 但咁樣反而坐嘅空間唔洗咁迫, 環境幾舒服,因為maincourse 要3點後先至有所以我地都決定聽老闆娘話試下D brunch女朋友叫左個The Works, 我就叫左個Egg Benedict平時星期1-5可以+$20~30叫野飲, 不過weekend就要原價先有雖然有相機有88折, 不過d tea 同coffee平均都要50蚊杯, 仲貴過starbuck 同 pacific coffee我同女朋友都仲係學生, 只好叫一杯Iced Baileys Coffee 黎share喇一開頭仲擔心食呢D ham ar 蛋呀 會唔飽但其實份量都都幾夠, 最後我同女友2個都食唔晒自己個餐 XD最多埋單$182, 都ok ge~我地第一次食brunch, 所以無其他benc

現今網上寫Blog,寫食評風氣正盛,加上數碼相機已經普及,很多人出外用膳,總是拿著相機影相,不是影美女,而是影食物.單鏡反光玩景深,傻瓜DC仔內置閃燈out晒Focus,手機影到鬆郁濛,全部都可在網上食評相睇到.久而久之演變成為一個社會現像.那些少見多怪的人眼中,覺得我們有如"集郵".有美女唔去影,走去影隻雞,傻的嗎?當大家去到餐廳用膳,有沒有試過被人阻止?有些餐廳是可拍攝食物,但不能拍餐廳環境,有些餐廳是連食物也不准拍.好像早年天后清風街的"順",廟街老牌冰室"美都",牆上貼著"請勿攝影".是其中一些例子.我在十年前擁有第一部DC,已開始出外影食物,當然曾受到阻止,不過也是好聲好氣地勸喻,從未試過受過無禮對待,話要強行刪除照片,始終我們是客,餐廳方面點都不會亂來.以上是被拒絕的例子,那麼有沒有餐廳,是講明任你影,而且更會有折頭?士丹頓街尾的"Sashay",正是鼓勵大家帶相機,結帳有八八折優惠,絕對是綽頭之舉.我問店內的女店員: (帶相機來有折,係咪鼓勵人事後在網上寫下食評?)她說: (當然唔係,因為附近的舊中環警局,警察宿舍,都係好多拍友熱門攝影地點,所以便推出這個優惠.)原來如此

小店座位不多,但蠻寬闊的.我喜歡兩邊有大玻璃可以讓外面的光透進店裏.服務員妹妹很醒目,我在外面等的時候已經替我點好要吃甚麼.所以我才坐下一會,食物就來了.門口有一塊寫着是日午餐有甚麼的黑板,一律$40. +$10有是日餐湯(好幾款選擇),再+$18有鮮榨果汁,再+$20可以選任何的咖啡或茶.(然後再加一.)如果是日午餐不合意,還有餐牌上的其他和種種早餐食物.因為原本沒打算喝咖啡,所以就點了青豆湯.平常喝的都是比較清淡的版本.這個應該是加了酸忌廉,整個味道就變得很濃郁.蠻大的一碗,還附上兩片又熱又脆的蒜蓉包,喝完都已經半飽了.午餐本來想吃pesto,可是那個有雞肉.我怕會太飽,所以就要了spicy tomato penne.全素的,不過又酸又辣,一點也不寡.只是當我吃完了penne,白口吃那些番茄時有點被辣到.Penne煮得稍微太軟,但這樣才能吸進醬汁吧.那杯cappuccino其實是最早來的,不過我加了糖,喝了兩小口就把它先放一邊等吃完東西再喝.到喝的時候還蠻暖的.奶泡厚厚實實但不失幼滑,奶味與咖啡味平衡得好,所以我覺得很好喝呀.這裏就是讓人覺得很舒服的小店,自己一個來hea又得,跟幾

又是跟上回Le Moment有點相像的境況吧，本來看到食友的食評，見此店又賣咖啡又賣酒，本來是想來喝杯咖啡的，某天曾經走過過來，但來到門口，被店家抵吃的晚餐嚇呆了，真的想不到蘇豪的3 Courses Dinner，都是一百三十八元，遂決定改日再訪，與女友一起來嘆個晚餐也好。都是先醫好肚子再喝餐後咖啡，每人都點了個3 Courses Dinner Set，餐湯或沙律、主菜及甜品三個科目都是三選一，對我和女友來說，就即是三選二了，另包一杯餐飲，店員說加二十五元就可以有杯酒喝，既然店家的名字為Sashay Café & Wine Bar，就喝它一喝吧。是日的House Wine為Coteaux du Languedoc AOC 2008年Languedoc-Roussillon酒區的Devois Des Agneaux，店家慷慨的倒至近三份二杯滿，不是我嫌錢或嫌酒腥，以量來計是值回票價的，但香氣的迥盪及可能至於味道方面都會有所影響，至於此酒看其色水很深色，果然是非常之新，嗅起來頗有果香。味道又如何，此法國紅酸度屬於一般，喝起來有濃郁的櫻桃味，酒精的辛也挺強，單寧非常之厚實，看來都是要Deca

23-10-2010食完 lunch 卻無 coffee/tea 飲 (邊度: http://www.openrice.com/restaurant/commentdetail.htm?commentid=2126153), 當然意猶未盡,「唯有」轉場齋飲 被呢度落地玻璃內的環境吸引了, 又見有 pancakes with maple syrup 供應, 2 人又入嚟坐坐.朋友如常 chamomile tea (杯裝), 我就如常又係 caffe latte... 面頭拉了樹葉形 latte art, 不過奶泡太鬆, 氣泡又太多喎 咖啡 base 就幾香濃, 唔落糖亦唔覺苦, 澀味更加係無, 不過我覺得奶味唔太夠, 質地亦唔滑, 奶泡真係太鬆了.旁邊仲有件 chocolate chip biscotti, 帶點橙味, 不過 as expected 好甜又好硬, 勉強咬了一啖還是放棄了.而 share 食的 pancakes with maple syrup 就認真唔掂... 一切即剝落成粉, 食落又乾又粉 (仲好似有點「乸喉」...), maple syrup 仲要落得好少,

一間叫「SASHAY」的Cafe，老闆是新加坡人，不著商業感覺的二百呎小店，馬賽克配紅磚牆，被她的生活味道牽引來飲杯伯爵茶。中國人愛趁熱鬧，「十．一國慶」中環街道平均二人共用半呎空間，無立錐之地的壓迫感令人不愉快。還是外國人與世無爭，在半山圈出一處叫「SOHO」的地方，讓他們好好享受人生。最近多了一位來自新加坡的鄰居，位在士丹頓街尾與鴨巴甸街交界不起眼的位置，現任老闆聰明，替Cafe穿上落地玻璃的透視裝，引起途人注目，客人觀看途人散步半山，帶著半露天茶座的感覺，很寫意。馬賽克的檯椅都是用人手逐粒鑲嵌，這些手工的味道，令偶想起喜歡藝術創作的妹妹，她家的陽檯及茶几貼上色彩悅目的小磚塊，偶問她花了多少時間佈置，她說一個冬天，多雨的季節貼磚塊會起「皺紋」，有時貼錯了位置，又要重新弄一遍，點滴的生活味道不易得來。紅地磚起伏不平，店員懂得墊以硬皮紙穩定小檯，偶經常因為這小小的問題而發脾氣，這天就不會了。原打算與主持人談談工作進度，但馬賽克檯子太小，容不下筆記簿，反正亦氣氛懶惰，乾脆轉話題，談談冬天的蛇宴怎搞。說到今年金蠔狀況，主持人說要到一月沙井蠔才肥美，偶笑說妳們的味道百吃不厭，不如先冬至前吃一

早前經過~發現新開左間CAFE..打算日後再試今日得閒路過..就入黎坐下撞岩LUNCH時間...見佢個SET都幾抵就嗌左個頭盤要左mushroom soup..一黎到~幾吸引~仲有兩塊GARLIC BREAD但一飲落口就知道...味道好似金寶忌廉湯...無乜點煮過咁GARLIC BREAD 超硬...可能係諗住俾人浸落湯掛...再黎主菜LAMP CHOP...賣相不俗...一食落口...面層幾夠味...再咬落去...發現完全唔入味而且好似得三成熟咁..明明要既係五成...ANYWAY...畢竟係CAFE...食物水準唔會高得去邊最後無食到佢地個甜品OTHER左杯黑咖啡...CREAM不夠....不知是豆還是咖啡師問題飲落口味道過於甘甜....相信非大部份人喜愛今次只係恰巧經過想入黎試下無相片提供...可惜未知我仲會唔會有下次再黎或者下次黎剩係飲下野HEA都OK既