School Food (已結業)

SchoolFood係一間韓式餐廳，佢有好多間分店，基本上質素都係差唔多。今次同朋友點咗個芝士煙肉年糕、一個肉絲蛋包飯同埋10件壽司。食物嚟嘅速度好快，staff態度亦唔錯！👍🏻

夜媽媽行屯門，咁啱見到呢間韓國嘢，見佢未閂門就入去食宵夜。因為鍾意食蛋，所以我就揀咗呢個火山疏乎蛋，以蛋料理嚟講，呢個火山疏乎蛋看似特別，因為坊間韓式料理好少咁樣整蛋，上枱嘅時候同餐牌嘅樣差不多，係用咗一個好似裝蔘雞湯嘅碗裝住，感覺個碗勁熱，因為熱到沙沙聲，食起上嚟，上面部分嘅蛋就幾好食嘅，有啲似平時焗蛋，但係估唔到喺碗邊嘅蛋全部有陣燶味，可能因為個碗太熱，令到入面邊嘅蛋燶咗，呢個真係令我好失望。唔知係咪淨係我食嘅呢個煮過火，出現燶嘅情況。不過如果俾我揀，我就未必會再食呢樣，因為真係好差，大部分都整到燶哂

今日媽媽大人話好掛住烏卒卒壽司，所以下午就嚟食啦，記得對上一次係4定5年前既事，當時school food好多人排隊食，仲會限時90分鐘添，而家反而好少人食，可能係潮流唔興卦。下午入到去都係得3，4枱客，反而感覺唔多吸引🤷🏻‍♀️餐牌就4頁，主打都係食壽司，必食烏卒卒，但媽媽大人話好咸🤷🏻‍♀️另外，仲叫左花海鰻卷，同花郎卷，鰻魚少到呢，差d以為佢上錯添😒花郎卷好散，一夾就散晒仲叫左雞翼同炸豬扒，豬扒好難食，油味好重，肉質又唔得，雞翼都還可以，係生左少少，但辣味夠重既，都還接受到。另外，叫左卡邦尼年糕，份量少，而且醬汁太多，都可以食既，不過真係唔可以太期待🤷🏻‍♀️不過食物質素係差少少之後，但好開心佢係走塑！

#school food小食拼盤炸得夠香脆，特別係炸生蠔個醬汁似千島醬，酸酸甜甜甘 五糊四海芝士飯係小編既至愛好濃郁既芝士味，仲愈食愈香辣‼️香草雞肉意粉味道較淡，食落乾身左小小墨汁魷魚壽司味道都幾特別由於魷魚事先餣過，所以整體食落咸咸地甘紅菜頭壽司相對之下就比較清新因為有青瓜、蛋、菜莆等配料，口感較爽口肉醬芝士年糕既味道相當奇特，唔推介芝士真係好充足，但味道唔夾

週日約左朋友去屯門睇早場戲$50確係抵睇，睇完響屯門市廣場搵野食，一時無咩心水經過就去左這間，下午一點半去到無咩人唔駛等位幾好，價錢都算大眾化。點左三樣野食，二百埋單算係咁。紅葉花卷7件 ($45)賣相退步左以前去食花卷放得好靚，依家連花卷頭尾都放上碟而且仲好鬆散，但味道就唔差，蟹肉青瓜味道清新有軟硬口感！蕃茄海鮮年糕($82)比想像中好味，茄汁唔酸好濃味，年糕好煙韌彈牙，有蝦有蜆多配料，令整體味道豐富。廚師卡邦尼年糕 ($75)卡邦尼汁好濃郁，食落好creamy，沾上年糕好美味，做得好出色，每次來都一定會食，值得推介。

屯門市中心大部份都係連鎖店，今日就食左呢間四維都有既韓式餐廳。之前都有食過呢間野，但係只係叫左卷物，今次叫左主食試下。紳士先生 $65呢個卷中間係午餐肉，小人本身好鐘意食所以覺得幾好，但普遍黎講就無咩特別。花遊園 $78滑蛋下邊有啲叫做醬菜既野，有啲似榨菜但係有咬口啲，撈均食味道幾好。水冷麵 $72望落個樣醜到....一啲都唔討好，但係佢有個酸酸地既汁加左落去，麵質煙韌水都夠凍，有興趣都可以試下。環境好似無咩特別，職員都友善。但價錢上就唔係好抵食，啲卷物更甚。

This is a fusion restaurant, both Asian and western style food can be found in this restaurant,but mainly are Korean food! /As I am very hungry during tea time, so I ordered this glee pork mushroom pasta. The glee pork was very crispy! Yet the coating was too thick! I can hardly really taste the pork flavour! /While the sauce of the pasta actually do not match with the glee pork! Makes the whole dish weird !/The portion is quite large! I cannot finish it at all! And the price is quite valuable!

想當年school food好紅 算係高質嘅新式韓國野之後慢慢越嚟越多更高質嘅韓國菜 然後school food都原來只係得返3間星期日晚大概8點半到 可以直接入座餐牌由以往嘅一大本 變到得返4頁紙而且仲好唔美觀hahaha✨水冷麵 $72佢哋嘅水冷麵同筆者認知嘅有小小出入完全無冰亦都唔係好冷餐牌上聲稱佢有兩隻辣椒 半隻都俾多佢唯一可以讚嘅係個麵幾煙奀✨烏卒卒 $75呢個係筆者當年嘅至愛今日食返 雖然味道都算唔錯 但已經稱唔上好味 成個擺碟亦都擺得好求其✨濃香松露韓意 $72聞落好重芝士味 但食落係無乜味年糕量唔多 而個意粉嘅質地亦都唔合格 好淋✨柚子浮冰梳打 $33呢個就正路嘅柚子沙冰咁啦 佢有片橙喺上面筆者硬係覺得杯野飲都有啲橙味hahaha都幾清新幾好飲嘅9點就有店員嚟講last order 然後開始掃到執野9點半就已經無晒客 喺呢個情況下筆者都唔好意思再留但我出到舖頭外再睇 明明10點先last order 其實咁樣成件事真係好趕客 好唔舒服囉總結嚟講 school food嘅水準真係差咗唔少但味道都唔係難食嘅 經過想食韓國野都還可以嘅

這類韓式fusion菜曾經紅極一時，但後來越開越多，不少都被市場淘汰掉。曾經很喜歡School Food，九龍新界不少分店都嘗試過，這次再來真的很失望。菜單也只剩很少款式，4張紙已經寫完了。烏卒卒每次來必點的墨魚飯卷。這次再吃…墨魚是軟的，一點也不爽口；飯也是過分綿，很鬆散的感覺。盤子的裝飾也是隨便畫兩下就算的感覺。水冷麵以前吃的時候，都很喜歡那種辣到流鼻水的感覺，但現在吃已經不覺得辣，辣汁也很稀，冰塊碎碎的，感覺很容易肚子痛。

之前係食開沙田新城廣場嗰間既schoolfood, 不過佢執左之後就冇點食過了，今次去開屯門，再去試番，果然冇令我失望！我都幾中意呢類型既餐廳，韓國餐廳？但又有d 西餐成份喺入面，款式又多元化！希望遲d 開番多d 分店！講番正題，今次我地就叫左餐牌入面呢個叫"紳士先生",個名好得意呀，但入面其實就係餐肉黎，外面有蛋包住，而包住既除左有餐肉外，仲有芝士，味道好夾好好食。之後仲叫左個廚師卡邦尼年糕，年糕好煙軔好好咬口，食落去好creamy,口感好豐富，但份量就真係少左d, 自己一個食都唔夠飽🤔😅

以前依間韓國餐廳好多分店,但而家得番3間好可惜😣因爲之前同朋友食過都覺得依間野幾好食,所以今日咁岩經過屯門見到就即刻入去encore😝烏卒卒($75)依個見到好多人都有叫黎食,墨魚味道好濃郁,配埋壽司食落去好開胃好夾,而且夾落去d壽司吾會一夾就散好好食😛廚師卡邦尼年糕($68)年糕好煙韌彈牙,每一啖咬落都好creamy,上面配料有煙肉配埋韓式粉絲口感好豐富,而且帶點辣味可以中和忌廉既油膩感😋

入到屯門食嘢， 唔知食乜嘢好， 穩陣起見， 已又多位，一定係school food。選擇多，我又喜歡辣。泡菜香腸酥呢個口感一流， 外脆內軟， 我個人認為是小吃中必吃的一款豆腐海鮮湯味道不差，但用料不多~難以用這個飽肚。不會只有鹹味， 豆腐香滑， 如果再飽肚一點這個一定滿分。烏卒卒次次來都會叫的一款，真心好味。帶少少香甜而易入口。必吃之選。個人覺得school food的食物算係比較大眾，而且定期推出新款式俾人食，真係好。起碼唔會好悶。

以中學校椅、點唱機作裝潢擺設的韓國潮流食店，長期播放流行K-Pop，賣的是韓國卷物、年糕、飯麵、小食和水果沙冰等，勝在賣相佳、有創意，成功得到年輕人的喜愛，分店開不停，長龍得以放緩。十多款Mari卷物，改良自傳統紫菜卷，餡料多樣，必吃加入墨魚汁的烏卒卒 ，Carbonara忌廉炒年糕，香濃煙韌，將牛肉清湯雪成冰的水冷麵，入口透心涼。School Food主打時尚的韓式輕食，餐點創新賣相吸引，我覺得最好吃的是飯卷。

school food 算係韓式西餐，食品選擇好多，所以我同男友周不時都中意去開School Food餐！我自己就比較中意食卡邦尼年糕，平時多數年糕都係食撈韓式辣椒醬，不過出奇地同白汁都好襯！梳乎蛋其實係韓式蒸蛋，空氣感幾重，明明好大碗，但係食完總係有股空虛感覺🙈韓國野樣樣都中意落芝士，連食個雞翼都要撈滿芝士拉絲～食落都唔會太漏～不過咁多種食物入面，泡菜炒飯先係我既最愛！加咗紫菜同泡菜既炒飯，簡簡單單但係已經好好味！

2019年5月1日 當日下午女朋友和朋友有表演， 去了屯門大會堂那邊， 之後當晚就在附近的屯門市廣場入面搵野食， 女朋友很喜歡食韓國菜， 於是乎就選了新派韓國餐廳既SCHOOL FOOD入去食。 內裡裝潢跟西餐廳很像， 位置很多， 服務員知道我們點了很多菜， 亦肯給了我們一張4人枱，呵呵。  今次點了數款菜式，分別是： 烏卒卒紫菜卷、泡菜香腸酥、滑嘟嘟海鮮鍋、 牛骨清潭面和一份炸雞。 烏卒卒紫菜卷 由墨魚汁和墨魚粒組成， 食落口有一粒粒墨魚粒， 很有趣。 泡菜香腸酥 非常得意的食法， 有點似熱狗但把麵包部份都烤脆後再切片上碟， 整個食落口很香脆。 滑嘟嘟海鮮鍋 夠辣味，豆腐很滑， 內有韓式年糕，很配湯。 牛骨清潭面 這個牛湯很清淳，幼面條爽滑， 牛仔骨肉很腍，肉味濃。 炸雞 炸雞沒有炸得過老， 雞肉仍然保持肉汁， 腌得很入味。總的來說， 很像是去了提供韓國食物的西餐廳， 內裡的食物有新意， 亦有一定水準。