Season Plus

營業中

休息中

尖沙咀一間隱世西餐廳, 餐廳主打生蠔, 亦提供多款酒類飲品, 餐廳環境整潔, 對比一般酒吧, 呢度唔會大大聲播歌, 一個寧靜而又具人氣的餐廳, 非常適合三五知己gathering!而今晚我地唔食生蠔, 揀左試試佢地既海鮮!【烤焗海鮮拼盤】HK$298包括有芝士焗龍蝦、芝士焗扇貝、螺、燒蝦同埋芝士黑松露焗大蘑菇芝士焗海鮮類, 焗過依然keep到原本水份, 芝士味重, 龍蝦質地彈牙;而最最最值得推介係 #黑松露芝士焗大蘑菇大蘑菇極之juicy, 面層芝士軟棉棉, 芝士跟菇菌味同樣很重~正到即時ENCORE左一個食【芝士黑松露焗大蘑菇】HK$58【芝士明太子多士】HK$68多士暖暖的, 面層先佈了軟棉既芝士, 再佈上明太子, 多士邊位還是脆卜卜, 麵包中心位軟熟, 一口咬落去, 沒有預期既偏鹹, 反而有淡淡芝士香, 同埋陣陣鹹香味, 不錯的小食!【菠蘿梳打】HK$28梳打唔太夠汽, 飲落似Juicy多d, 但菠蘿味夠重!

同朋友一早約好咗嚟呢間酒吧餐廳食嘢，朋友話上網見到佢好抵食，呢間餐廳都算真係隱世餐廳，佢個位置都比較隱蔽，要喺山林道一直行再上樓梯先見到，但你一見到間餐廳，就會發現人山人海，好彩朋友一早book咗位，星期一晚竟然都full House餐廳雖然係酒吧，但係地方都好大，坐得都幾舒服呢度係食西餐，唔少得嘅當然係一啲飲酒嘅食物，例如薯條，炸雞軟骨，炸雞翼；仲有就係海鮮，呢度嘅生蠔好抵食，做緊promotion， 只要叫白酒，就$50有半打叫咗個燒海鮮拼盤，只要298就有一大碟燒海鮮，有一大隻龍蝦，扇貝，3隻螺， 4隻海蝦，大啡菇；呢個拼盤真係好正，尤其是隻大龍蝦，拆出嚟啖啖肉，個啡菇襯埋芝士同黑松露醬都好正半打生蠔：生蠔好新鮮，creamy又有海水味炸雞翼：呢個雞翼炸得好正，外皮夠脆，而入面仲好juicy西冷牛扒：叫咗五成熟，煮得啱啱好，仲跟埋薯角同沙律，份量好足食完之後終於明白呢間餐廳點解咁旺場，因為真係好抵食，同埋食物質素都好高

約咗幾個月既舊同事聚會終於約得成啦！同事介紹黎左呢間season plus ，話一定能夠飲飽食醉大滿足！好彩同事一早book定位，8點黎到已經全場爆滿，氣氛勁熱鬧，完全帶動我哋嘅心情🤣一坐低，已經二話不說order左半打美國中碼生蠔，蠔肉有半隻手咁大，啖啖肉而且有鹹鹹嘅海水味，好正呀再黎叫左兩個小食，雞翼同炸雞軟骨，呢兩個小食用嚟送酒真係一流，大大碟好抵食！雖然我哋冇叫到酒，但食下嘢傾吓計，唔經唔覺已經食晒重頭戲黎啦，海鮮拼盤😍款式樣樣都有啲，原隻龍蝦開邊、烤螺、烤蝦、扇貝、同大啡菇，呢個拼盤真係好抵食，只係要$298!!!!而且味道出色，一啲都唔馬虎！我哋好似食上癮仲叫埋塊西冷牛扒，牛味濃郁又juicy,仲配埋薯菜加沙律，食到舔舔脷！同事今次堅係好介紹，因為第日要返工，所以冇叫到酒飲，已經決定下次再encore!!!

呢間餐廳主力提供新鮮生蠔、海鮮、扒類同葡萄酒。 最熱門優惠包括有1️⃣$9精選南非生蠔（半打起）；2️⃣凡選購白紅酒即可以＄50換購各款生蠔或小食  ；3️⃣$98十幾款雞尾酒任飲。💗香濃果甜澳洲白酒($268/ 1支)呢款Moscato帶有白花🌸、荔枝、蜜糖🍯、水蜜桃🍑、忌廉等香氣，酒精濃度只有7%，味道偏甜非常適合女士同飲唔慣酒嘅人💗美國中碼生蠔(換購價$50/ 半打)蠔肉新鮮爽滑，質感較Creamy，食落帶d海水味，呢個價錢有咁嘅Size 已經超哂班🦪💗鵝肝醬脆片($48)鵝肝醬份量非常慷慨，足夠係每塊餅乾厚厚搽一層。鵝肝醬幼滑味濃，帶甘香餘韻，而且冇內臟異味🦆但個人認為似雞肝多d，食落冇乜鴨脂香。餅乾就普通梳打餅咁冇特別，不過都幾香脆🤔💗烤焗海鮮拼盤($298)🦞芝士焗原隻龍蝦：龍蝦有成隻手板咁大，肉質結實彈牙，面頭舖滿芝士焗所以唔乾，仲有勁多紅色脆卜卜嘅蝦籽同甘香嘅蝦膏。龍蝦鉗肉都好好肉，但底部有d苦澀。🧀巴馬臣芝士焗扇貝：扇貝肉好可惜太細隻唔夠肉厚，而且燒得過咗少少火。巴馬臣芝士味道濃郁，同時冇掩蓋扇貝原本嘅鮮味。🐚蒜蓉翡翠螺：螺肉大隻肥厚 ，食落鮮甜彈牙，冇沙同滑潺潺，重點係完全唔韌

香港地方唔大，鋪租又貴，所以有唔少餐廳鋪頭都唔係開喺大街大巷。所以，間中就會聽到有人發掘到d隱世餐廳、隱世小店。而今晚去呢間餐廳，雖然其實係喺尖沙咀佐敦鬧市區入面，但就真係有去搵隱世餐廳既感覺。由山林道彌敦道果頭開始行，行到盡頭，見到酒店轉入右邊既細巷，行幾步見到樓梯，上左樓梯就係餐廳。佢個環境係好似俾石屎森林包圍住既一間餐廳，但完全冇後巷果種污糟同嘈既感覺，反而係靜靜地幾舒服。所以都有唔少人坐左喺戶外既位，再開枝酒，嘆生蠔。我地大約八點左右黎到，d位都坐得七七八八。望一望menu，menu封面就寫住佢地係wine and oyster既expert。可惜，我唔多飲得，同埋我地唔太好生蠔，所以兩樣都冇叫。雖然冇飲酒，但我地叫左幾樣下酒菜，兩杯野飲同一個海鮮set做main dish。最先黎既係一口和牛粒。嘩，都幾大碟，我地兩個人慢慢拮，真係食到夠都得。和牛粒煎得夠，雖然未到表面香脆，但都幾香口，而且確實係好軟林。碟側邊有鹽同黑椒，沾一沾，拮下一粒，拮下又一粒，唔錯。跟住黎既係白酒煮蜆。份量都唔細，d蜆都疊到高高地咁。白酒唔係好濃，加cream煮果隻，清清地唔會搶左蜆既味。蜆就算係細隻d

🍴精選生蠔（隻） HK$9、美國中碼生蠔（隻） HK$18、岩手蠔（隻） HK$39精選生蠔海水味足，好抵食，美國中碼生蠔大隻d，除左海水味仲多左股甜味，本身想食南非同法國生蠔，但賣晒，轉左日本岩手蠔，海水味同甜味兼備，鮮味更突出，果然一分錢一分貨。🍴唐揚手羽雞翼 HK$48外脆肉嫩。🍴烤焗海鮮拼盤 HK$298拼盤有龍蝦、扇貝、翡翠螺、大蘑菇、虎蝦，滿足晒樣樣海鮮都想食嘅願望，翡翠螺尤其出色，又香又彈牙。🍴美國特級安格斯肉眼 HK$248表面煎得夠香，叫左五成，熟左少少，不過油脂夠，唔會太韌。🍴牛油蒜蓉蜆肉意粉 HK$128相當大碟，牛油落得好重手，香到爆，同時亦都肥到爆。🍴菠蘿梳打 HK$28、雜果賓治 HK$28多d汽嘅話會爽d。📍Season Plus尖沙咀山林道52號環海大廈一期地下A及E舖

#尖沙咀美食 #小蓮星呑食尖沙咀🔻 Season Plus 尖沙咀山林道52號環海大廈一期地下A及E舖////男朋友話帶小妹去一間山林道嘅餐廳食蠔，行完成條山林道都唔見有，原來匿埋左喺盡頭嘅樓梯上面，自成一角，成個世外桃源咁。/ 🧃牛油蒜蓉蜆肉意粉 $128因為menu有叻叻手勢，所以揀佢😂好香牛油同蒜蓉味😍每條意粉都掛到汁！意粉軟硬程度啱啱好，蜆肉份量好多，新鮮厚肉無沙。/🧃美國特級安格斯西冷 $198都係因為menu有叻叻手勢，所以揀佢😂上面有簡單嘅黑椒同鹽調味，連香草都冇，但係正因為咁，更睇得出牛扒質素好，夠juicy肉嫩有牛味。/🧃精選生蠔 $9嚟到重頭戲😍$9隻嘅生蠔，唔知質素係點㗎呢！今日嘅係日本蠔，最少要叫半打。係細隻左啲，但都好新鮮，好爽身，充滿海水味，非常唔錯。/🧃美國中碼生蠔 $18、南非生蠔 $29、法國生蠔 $39即是唔係精選生蠔，但係價錢都唔貴。美國生蠔味道較淡，適合唔係咁食得生蠔，但係又想chill下嘅朋友，南非生蠔偏咸，法國生蠔就唔使講，$39隻大大隻，真係抵食到不得了！/////味道:⭐️⭐️⭐️⭐️⭐️賣相:⭐️⭐️⭐️⭐️⭐️價錢:⭐️⭐️⭐️⭐️⭐️環境:⭐️⭐️⭐️⭐️⭐️/#food

［尖沙咀］Season Plus.美國特級安格斯西冷食剩指數:5/100西冷切開幾juicy筋位都好少7成熟都唔會好韌調味方面簡單胡椒鹽都幾入味份量都算幾大伴碟薯角都ok.烤焗海鮮拼盤食剩指數:13/100見到現場好多人叫海鮮拼盤我地都跟住叫左一個拼盤有磨菇、龍蝦、貝、螺芝士黑松露焗大磨菇幾滑幾多汁菇個味同芝士都好夾.芝士原隻龍蝦🦞龍蝦係開邊焗啖啖肉肉質都算ok彈牙芝士味夠濃..菠蘿梳打🍍食剩指數:10/100菠蘿梳打有啲似多菠蘿味既雜果賓治😂甜甜地幾開胃

我估唔到呢間餐廳嘅位置雖然比較隱蔽 但係夜晚六點已經有好多識食之人坐低咗嘆番杯中碼生蠔4隻我哋因為唔飲酒 享受唔到餐廳用酒配生蠔嘅優惠 其實呢個優惠真係幾抵👍🏻 中碼生蠔嘅size夠哂大 每一隻都好鮮甜好肥美 性價比高煙三文魚明太子意粉呢個意粉好creamy 每一啖都食到好香濃嘅煙三文魚味道😋😋除咗上面個塊明顯嘅煙三文魚 佢仲有加咗好多落意粉度炒 加埋明太子令到成個意粉嘅海鮮味爆發🥰🥰海鮮拼盤呢個海鮮拼盤包括左龍蝦、翡翠螺、元貝同虎蝦 仲有一個大啡菇 用咗芝士嚟焗啲海鮮 令到海鮮特別惹味👍🏻我最鍾意食佢哋嘅翡翠螺 😻😻因為其他餐廳嘅海鮮拼盤通常都比較少見到有翡翠螺 而佢哋嘅翡翠我食嗰陣係有啲蒜味 爽口鮮嫩🤩🤩

今日去咗尖沙咀山林道一間比較隱蔽嘅西餐食晚飯。依間餐廳係環海大廈地下，位置比較入，一般情況下都未必會去到果個位置。今次其實係朋友介紹我去嘅，朋友話佢哋嘅野食非常之正，而且仲有好靚嘅即開生蠔食添。中碼生蠔一份有六隻，輕輕淺嘗，兩個人剛剛好。每隻蠔都有三份一隻手掌大細，而且好新鮮creamy。兩人以上可以試下精選生蠔，店員話精選生蠔雖然比中碼生蠔細隻，但同等價錢，有成十二隻咁多嫁。日本一口和牛粒和牛粒油花均勻，牛味濃郁，每一粒都煎到剛剛好，鮮嫩有肉汁，入口油香而不膩。如果有叫到餐酒，作為佐酒小食亦都相當唔錯。白酒煮蜆白酒味好濃郁，而且隻隻蜆都鮮甜，蜆肉肥美飽滿。蜆既數量都好多，好抵食。白酒煮蜆都算係較低卡路里、較為清淡輕鬆無負擔的海鮮料理。威爾斯羊仔架一客四支骨羊仔架，配有沙律菜同脆薯。羊仔架非常之靚、一切開，羊肉仍然十分粉嫩。入口近乎無羊酥味，肉質鮮嫩唔韌，表面微微烤脆，好好食。

同男朋友定時都會四圍搵啲特色餐廳🍴去chill 下食好野今次試Season Plus係佐敦尖沙咀鬧市既一間寧靜優美既西餐廳🥰位置係比較隱蔽，餐廳自成一角，好似小花園咁環境好優美，令人好舒適好chill岩晒我地放工想放輕鬆食餐好😍平日晚餐時間黎到，個場都接近爆滿我地叫完野食已經坐爆晒🍴🍴餐廳主打生蠔🦪同啤酒🍻可惜最近腸胃麻麻，唯有下次再試🤤餐廳裝潢走酒吧風，設計幾morden而且有好多酒既裝飾睇埋佢有咁多酒精類選擇，都睇得出店家幾講究👍🏻坐位非常寛敞，燈光昏暗，非常岩三五知己或另一半黎邊食邊傾🥰我地落左單無耐唔係等左好耐就上菜😍🌟日本一口和牛粒上到黎有啲嚇親😳比想像中大碟好多份量係我見過最多既燒和牛粒店家好貼心俾左海鹽同黑椒俾食客調味👍🏻急不及待，入口有驚喜😆和牛粒非常軟腍，肉質又嫩又軟，同時帶有些少咬口而且油脂豐富，甘香可口，和牛獨有既香味係呃唔到人架😍😍😍加少少鹽可以提升牛香，牛味四溢，滿口油香真心推介👍🏻👍🏻🌟酥炸雞軟骨我同男朋友最愛，基本成日都會點黎食😂呢到既水準非常唔錯，首先份量又係嚇親人滿滿一碟😳而且雞軟骨唔係細細粒瘦擘擘落落得落軟骨個種，好易就太硬太乾入口有少少肉，帶有一啲

今晚小妹同朋友相約左係尖沙咀食飯, 朋友話今次帶小妹去一間隱世chill place到飲野傾計!餐廳環境幾大幾空曠, 除左有室內座位外亦設有露天座位! 餐廳提供多款酒類, 生蠔小食同主菜, 選擇非常多! 美國中碼生蠔蠔肉大粒鮮甜, 蠔味重, 口感微爽幾creamy!巴馬火腿盤🐖火腿盤有3款火腿, 淺色果款咸香味較淡, 口感較輕盈, 深色果款相對咸香味較重, 味道濃郁, 莎樂美腸油脂同瘦肉分怖平均, 味道適中而不膩!秘醬醬汁焗豬肋骨🐖豬肋骨份量幾多, 肉質厚實, 加埋濃濃嘅燒烤醬, 非常惹味!

Season Plus❤️🔄又再介紹回購餐廳比大家了！中意食蠔既你地相信對於Season Plus都唔陌生，有時會黎平平地食下精選生蠔過下口癮，喺尖沙咀呢間Season Plus位置都幾隱世嫁不過唔算好難搵。好在可以靜靜地食野同傾計，仲有少量戶外位坐都幾舒服嫁。💁‍♀️烤焗海鮮拼盤（$298)👍"有芝士焗原隻龍蝦，巴馬臣芝士焗扇貝，蒜蓉翡翠螺，牛油蒜蓉焗虎蝦同芝士黑松露焗大磨菇""大磨菇夠哂Juicy 海鮮都幾有鮮味 值得一讚係個大龍蝦食落啖啖肉之餘仲有好多膏喔"💁‍♀️精選生蠔（$9/隻）👍"超抵食$9/隻 如果想追求更高質素可以㨂番美國中碼生蠔/南非/法國生蠔""中碼生蠔已經食到更重既蠔味 法國生蠔當然就更加creamy 啦"

和朋友行完街興之所至話想食生蠔， 因為喺佐敦附近就諗起呢間僻靜嘅［Season Plus］， 多年來迄立不倒藏身於住宅區嘅角落。平日晚上時分餐廳人客也不少， 大家都想搵地方晚飯消遣一下～朋友叫咗白酒同生蠔， 試咗一，兩款精選推介。最平嘅（$9）比較細隻， 但質素都唔差，不失鮮味，入口先有好鹹嘅海水味， 肉質唔算得上肥美但係都好爽脆～ 这個價錢實在超值，一打生蠔都不過百鬆啲蚊， 餐廳堂食仲有專人開蠔，性價比相當高！檸檬雜飲$28檸檬酸度濃郁， 極度醒神開胃！黑松露雜菌意大利飯$128充滿黑松露香氣， 意大利飯份量很足， 忌廉幼滑，包裹著每粒米飯， 煙韌滋味。😋烤焗海鮮拼盤$298期待這個烤焗海鮮拼盤， 賣相精美有睇頭！😍分量剛好夠二人， 龍蝦開邊， 翡翠螺，海蝦， 大扇貝， 加上芝士烤焗特別惹味！ 龍蝦肉唔算太弾牙但超多膏， 扇貝鮮甜，配合鋪上嘅芝士醬汁極惹味！ 翡翠肉質夠爽， 虎蝦烤過肉汁保持特別 鮮甜！ 烤大啡菇也不能錯過，非常多汁充滿芝士香味～！朋友喜歡吃羊， 餐廳沒有羊扒不過有羊仔架， 肉質非常幼嫩， 咬落仲充滿肉汁， 一啲都唔羶， 配菜嘅薯角份量好多，還有沙律菜 ，超豐富美味！

在繁忙的生活中找到快樂的時光除了有美食更重要的是有好友相伴☺️白酒配生蠔對我來說實在是一大享受😍同樣地 好友也喜歡 果真志趣相投✨這次在Season Plus點了果味的白酒，酒味醇且香甜，對女生來說十分容易入口☺️✨生蠔雖然不算很大隻，但每一口都是很清甜新鮮的味道，絕對跟這裡的白酒是最好的朋友😀✨比目魚扒大大件又厚肉，煎得香脆，有少少黑椒調味就能令人吃到魚肉本身的肥味和鮮味😍✨芝士龍蝦的蝦膏十分多，蝦肉如實，如果焗得再嫩一點更棒😉✨肉眼扒大大塊，每口肉汁滿滿，牛肉味道濃郁；很喜歡配菜薯塊，炸得香香脆脆，邊食邊傾，很快食完😂這裡有少少隱敝，不過食好東西要行一點還是值得。