Second Bite Bar & Grill (已結業)

一直住係長沙灣都冇發現呢間隱世工業風的西餐廳，今日朋友帶左我嚟一齊試下一打開份餐牌，見到好多嘢都想食呀。.最後我地揀左新推出懷舊鐵板系列，牛扒配黑松露汁，扒餐仲附有牛角包🥐和粟米忌廉魚湯，再加埋檸檬茶，簡直份量十足且價錢唔算貴。.因為唔知個扒餐咁抵食嘅關係，所以叫多左前菜同小食。小食拼盤（小）有洋蔥圈、烤雞件、炸春卷、炸薯條，都係即見即炸，配埋啤酒，簡直一流。不過個扒餐有埋薯條，所以好飽肚呀🤪.鵝肝帶子沙律菜唔算好特別，口感有少許乾身，加埋啲火箭菜，整體味道有啲不夾。

今次想食一餐平民牛扒慶祝完Sem見到ig介紹呢間平民扒房滿心歡喜地到長沙灣餐廳位置比較偏僻但店舖比想像中大 坐得幾舒服飲品方面：熱檸蜜 好似咸甘吉咁🤤飲落去好舒服 值得加錢試一下水果茶 不過不失食物方面：沙津：個菜有點苦 食唔到苦嘅朋友可以叫湯龍蝦汁海鮮燴飯 ：個龍蝦汁好濃味 但d海鮮唔入味 牛扒：size超大（同個鐵板一樣咁大）；牛扒嘅配菜除左有薯條，仲有芋頭條同埋蕃薯條，幾特別；雖然塊牛扒好大，但係冇牛味，個人認為仲衰過茶餐廳🥺，好失望

朋友介紹了一間抵食扒房Second Bite，地理位置有點遠，但她聲稱價錢好抵食，所以放工後決定前往一試。地點於長沙灣與荔枝角之間，長沙灣地鐵站🚉出了後要再走10分鐘。頂級巨型牛肩肉眼扒餐（$188）Giant Prime Chuck Rib Eye懷舊鐵板系列，👩🏻👧🏻草根姐妹選擇了一個價廉物美的扒餐，🥩超巨型肉眼扒！肉眼扒份量真的是多得驚人😱，肉扒比鐵板還要大！牛肩肉煎至六成熟左右，血水不多，肉質雖然未算軟嫰，但口感腍而且牛味濃郁，單是份量已令人相當滿足🤤。唯獨牛肉調味不足，若能加多點鹽來調味，相信味道會更好。肉眼扒下還有薯條🍟和雜菌墊底。尤其喜歡雜菌吸收了黑松露汁的香味，十分好吃。晚餐還配有餐湯、飲品和餐包，份量真心大，好抵吃😆👍🏻。西蘭花忌廉湯🥦質感Creamy，又夠熱，餐包是牛角包🥐，很不錯呢。價錢在參照份量，的確是超級超級抵食😆👍🏻，絕對適合肉食獸🙌🏻，可以推介比身邊有黑洞級胃量的朋友。芝士忌廉海鮮燉飯（$168）Seafood Risotto with Cream 每粒飯粒都吸收到忌廉湯汁的精華，飯粒軟腍，味道不錯，而且份量甚多。海鮮不算少🦐🐟🦑，只可惜完全欠缺鮮味，有點

約左住長沙灣的朋友食飯，行下行下就入左second bite。一坐下職員好快比左2杯水同餐牌我地食物選擇好多，而且好多都好吸引。前菜叫左香煎帶子鵝肝($108)，賣相好靚，除左帶子同鵝肝仲有火箭菜舖底。見到隔離枱的扒餐好大塊，我地都忍唔住叫左個五成熟的 頂級巨型牛肩肉眼扒餐($188)配菌皇黑松露汁，跟餐有個牛角包及栗米南瓜湯。牛角包是熱的，好有態度。南瓜湯好濃好多栗米，正扒餐一到，嚇親我地兩個女仔，肉眼扒超級大。重點係塊扒唔只大，仲好juice，好好食。四面煎得好香，裡面嫩滑，配菜有薯條、西蘭花、栗米同埋蘑菇，配菜有口感，栗米好甜，完全唔hea 隻碟的牛扒只佔了整塊扒的2分1。另外，叫左個小食拼盤($108)，有炸雞、炸芝士(芝士拉絲，好正）、春卷、洋蔥圈同埋炸薯條。春卷餡有蝦、肉同埋蔬菜，口感好豐富。小食跟3隻不同口味的醬，因應各人口味呢到食物份量好大，質素好高，價錢合理。職員亦好殷勤幫我地加水下次都會想再黎試試其他食物。

之前係facebook被尼間餐廳既大大塊牛排同芝士焗龍蝦吸引左，尋日終於有機會試。滿心期待來到，見餐廳裝潢幾靚我order左芝士焗龍蝦拼芥末牛柳粒一份，而男朋友就order左肉眼扒。奇怪既係，落單時男朋友想要3成熟，但侍應話牛排比較多筋，建議我地叫5成。雖然此舉非常貼心，但我地心諗：肉眼排唔係應該大大塊肉，無乜筋架咩餐包係牛角包，幾特別而餐湯係充滿濃濃西蘭花味既蔬菜忌廉湯，都不錯主菜來了～龍蝦既芝士味可以再濃啲，而肉質都有少少過熟，食落比較韌。牛柳粒分量好夠，不過就熟得濟而且調味比較重，食食下好咸...仲好油膩，搞到個胃好唔舒服而男朋友order既肉眼排雖然份量十足，有兩大塊，但味道就好一般啦。首先真係好多筋，要咬好耐；而且塊肉一啲都唔靚，好硬，完全唔值188蚊既質素...我地一致認為唔會再幫襯啦！同樣既價錢會有更好既選擇。雖然服務周到，但食物質素真係配唔上價錢...只係份量大無用架，食飽左，你比再多我地都唔會食得落。希望老闆會正視尼個問題啦！

小店早前同飲食blog 搞抽獎，好好彩咁抽中左，於是就來「領獎」。係蘇屋村附近，街道人流不多，有點隱蔽。看環境，確係適合同朋友來chill 下的地方。門外餐牌相片中的食物非常吸引。我中獎既係「龍蝦牛柳粒鐵板餐」龍蝦有半隻，加上芝士焗，好難整到唔好味既～ 我揀左出面餐廳較少有的黑松露汁，鐵板上將黑松露味發揮出來，好香！牛柳粒勁多，不鞋，淡淡肉！正！default 跟薯菜唔會太飽！仲有咸蛋黃炸薯條，超好味呀！又特別！咸蛋黃好香！跟餐有水果茶送，有點失望，我以為會係一壺上，點知，個presentation 普通成咁，味道也很淡，沒有真水果在內！陪食者叫左個set, 以下盛惠約$200 連加一南瓜湯好濃，夠熱！牛角包🥐有驚喜！香軟牛油味重安格斯牛排鐵板餐，大塊到呢！七成熟恰到好處！薑茶也很淡～ 似乎飲品比食品遜色～

約左友人嚟幫襯下首先有粟米湯同牛角包粟米湯味道唔錯反而個牛角包個面有少少燶要扣少少分友人叫左波士頓龍蝦牛柳粒佢話龍蝦味道ok我就試左粒牛柳味道都唔錯又唔算韌而我就叫左頂級巨型牛肩肉眼扒真係好大塊以為會食唔晒但一切落去就知中伏了好韌⋯友人試左一舊都話頂唔順好難咬我就勉勉強強咁食晒成塊扒差不多半塊都係咬唔落⋯黑松露醬又唔太覺有黑松露味⋯真係好難有second bite⋯

上年9月黎過second bite食過，所以今次見完同一個客既時候，諗都唔諗就揀番同一間，點知我太夜黎啦，同埋又唔知要見客見幾耐，已經無晒上次食過既愛爾蘭蠔，好可惜呀，下次我要黎book枱至得不過唔食海鮮都唔緊要既，佢推出咗新餐牌，上次黎都無見過，有封門牛柳同本地牛頸扒，我就揀咗B餐，$298，+38要咗餐湯、牛角包、沙律，再加$28多一客咸蛋黃金薯條。飲品方面飲水就算，因為夜深了個場得番幾枱客人食完齌聊天，個侍應可以專用serve我，不停為我添水沙律好fresh，咸蛋薯條好濃味，仲有多款醬可以揀，牛扒就切咗十塊左右，啖啖都係肉，仲有薯蓉同野菌，好足料好好食

今日專登過來食懷舊鐵板，老闆好好，原本午餐無鐵板，都可以破例鐵板上，牛扒好大塊，好好味，食完好滿足呀，還有餐湯和餐包送，食到好飽，價錢好合理，感覺係物超所值了！

放工後同男朋友去荔枝角搵一間攝影公司籌備結婚的事，點知傾下傾下，傾到差唔多9:00，周圍無乜餐廳，就醒起以前在附近食過second bite係印象深刻，見openrice寫23:00先關門，所以打咗個電話問咗真係未閂之後，就去咗食士別三日刮目相待，今次黎到居然多咗個鐵板餐😯價錢都OK，我就叫咗$168 芝士波士頓龍蝦配芥末牛柳粒餐，+$38要咗一杯特色雪糕芭菲，再+$8要杯熱的燉檸檬蜜南瓜湯個牛角包係熱辣辣兼軟綿綿架！好好食！所以餐廳都無提供牛油😂因為已經夠香熟真係好少有餐廳有呢種飲品，乍暖還寒時候飲就最fit正餐來了～好大盤呀龍蝦就水準OK啦，相比之下牛柳粒就好正😳細細粒，口感豐富，又爽口，同埋好多粒呀，一個女仔係食唔晒！！！但我男朋友都點咗另一個鐵板餐，又係勁多，佢都自身難保，所以勁唔好意思我食剩咗😭但女人係有2個胃，最後個甜品我係食晒既。勁靚呀，入邊係朱古力雪糕加cream加士多啤梨同藍莓～結論：臨結婚前一個月要再過黎荔枝角開會，如果到時再過黎食既話，會記得唔好高估自己食量😂叫一個主餐加小食或前菜就好，哈哈

今日又同老豆撐枱腳, 就喺附近搵嘢食, 上網見到呢間西餐出咗鐵板餐,之前食過一次海鮮都覺得幾好食, 所以今次就試埋佢個鐵板餐啦😂鐵板餐都有幾多選擇, 老豆揀左巨型牛肩肉眼扒, 我要左豬排拼雞翼, 會有餐湯同埋餐包🥐南瓜湯好好飲仲有蕃茄粒！巨型牛肩肉眼扒可以揀黑松露汁,上枱果下真係嚇親😨,係未見過咁大塊鐵板牛扒,2塊大牛排仲有重疊左😱下邊仲有好多粗薯條,牛扒既肉味好濃, 配埋黑松露汁好好食,同埋其實真係夠兩個人食😂。豬扒拼雞翼餐都好大份,有兩塊豬扒咁多,而且一啲都唔鞋口, 雞翼都炸得好juicy!!最後都真係食唔哂要打包, 咪做大嘥鬼呀😂😂

二人行，無訂枱，原本門口接待表示無訂座就只能坐bar枱，雖然位置窄又坐得唔舒服但我唔想再另覓食肆，所以照進了餐廳。幸好進去後被安排了二人枱，建議大家想舒舒服服光顧最好預先訂座。食物份量比預期多，平時一份扒餐會唔夠食，但這次一份已夠飽，牛扒點了五成熟，有肉味、肉汁！我們另外點了份前菜牛油果蟹肉沙律脆片，好清新又香蟹味！推介！

同honey慶祝週年紀念，佢揀左呢間位置有d偏僻嘅小店。呢日full booking，要8點先有位食第二輪，喺荔枝角慢慢hea吓先行過嚟，都差不多要15分鐘，頗遠。我地忍口無食過野，所以要等到8點真係好肚餓😅menu裡面好多都好吸引，最後我地揀左秘製手打肉餅脆蛋漢堡、鹹蛋黃金雞翼、美國頂級牛板腱。先講秘製手打肉餅脆蛋漢堡，平時唔多食肉餅嘅我，竟然會叫呢個，因爲可以食到佢既肉汁，果然真係無揀錯！肉餅好juicy，同埋流心蛋黃一齊食，味道好夾，麵包有烘過，脆脆地，漢堡包份量好大，食左半個已經飽左一半😅😅 而雙色薯條係蕃薯條+薯條，新鮮炸起好好食！之後係鹹蛋黃金雞翼，第一次試黃金雞翼，其實係雞翼連鹹蛋黃一齊炸，每隻雞翼都好大隻，而每啖都有鹹蛋沙沙地嘅感覺，味道唔錯，但比較適合3-4個人食，因為總共有6隻，兩個人每人要食3隻真係有d漏！其實食完雞翼已經8成飽，仲有5成熟嘅美國頂級牛板腱未食🤦🏼‍♀️ 雖然叫左5成熟，但我覺得有7-8成熟，所以肉質較為韌，肉味都算濃，如果唔係過熟應該會好d，反而伴碟嘅薯茸好幼滑，牛油香味好重，唔錯！我覺得呢度一班朋友嚟食會好d，因為每款食物份量都幾多，兩個人好難試

同事們一併專門坐車去吃午餐，因為都是想吃扒餐，店員告訴我們由於扒餐是晚市的，如果要点只会用碟上。点了1個雜扒餐，2個牛肩肉眼，安格斯西冷。雜扒不俗，就是雞翅炸得太干了牛肩肉点了6成熟，完全不行。完全切唔開咬唔爛，2份連一半都食唔到。西冷醃過，沒牛味，太鬆。配汁是冷的，廚房既然識唔識將晚餐做午餐，餐廳老板不如不要再於午市俾員工擺出來啦。食完都唔知食咩，除左差就係差。貼錢買難受

超難吃，快餐店的質素，肉眼牛扒係超大塊，但難食到我老公只吃了1/4，太多梳打粉。所謂的招牌豬扒，其實係平時茶記的薄豬扒，大x樂的厚切焗豬排都好味過呢度，加上豬扒又係勁多鬆肉粉，極度難食，完全中伏