Second Bite Bar & Grill (已結業)

好友兼街坊得知這店新推出鐵板餐，大份抵食，便相約放工後一起Dinner~先點了一份小食:鹹蛋黃金雞翼(6隻)，即叫即炸，熱辣香口，雞皮金黃酥脆，佈滿鹹蛋黃醬，富濃厚蛋黃香，鹹香惹味，雞肉嫩滑多汁，非常入味，齒頰留香，必食!再點了頂級巨型牛肩肉眼扒餐:是日餐湯及餐包，南瓜忌廉湯，溫熱暖和，香滑甘甜，與外脆內軟的牛角包配搭合襯~巨型牛肩肉眼扒，份量十足，入口軟腍，肉汁澎湃，油花豐富，油潤甘香，淋上黑松露汁，味道更濃厚，配菜西蘭花及粟米中和油膩感，南瓜/原味薯條則增添飽肚感，豐盛味美~蘋果汁，富酸酸甜甜的蘋果味，冰涼止渴，消滯解膩~ 原價$22，跟餐加配只需$8，抵飲!水，店員自動加水，服務周到~小食及主餐即叫即做，濃惹味美，滋味十足，而且大份抵食，兩個人share食很飽足~

深水埗長沙灣一向都係美食集中地,今日係明愛醫院附近收工,同女朋友諗住係附近搵食.一路沿青山道行,好多都係茶記呀小炒咁,女朋友突然話想食西餐.一路行行下行到昌華街,斜路仔上兩步就會發現一間風格係長沙灣比較突出既西餐廳. 門面好乾淨,招牌黑色凸字底燈, 有室外座位.入到去有10張枱左右, 間格用左好多玻璃, 可以直接見到廚房入面情況. 門口餐牌有好多吸睛既海鮮拼盤推介, 但天氣凍始終都係想食返D熱野. 晚餐餐牌有好多鐵板餐既選擇, 諗都唔諗就入去坐低左.我揀左B餐安格斯西冷,女友始終鍾情海鮮,叫左個大蝦濃汁海鮮扁意粉. 餐湯係菠菜湯,重點係餐湯跟牛角包!!! 講返個湯, 奶味好重,女友飛佛, 比佢搶哂黎飲...牛角包熱辣辣好鬆脆, 點菠菜忌廉食都好夾!女友既扁意粉黎先, 聞落好香, 海鮮份量比預期多. 雖說是大蝦汁, 但食落有D龍蝦汁既味道. 隻蝦吸左D汁既味道好夾. 意粉煮既時間都幾岩心水, 唔會太熟.之後到我既鐵板安格斯, 叫左5成熟. 一黎落汁前切左舊, 肉味好濃, 可能係牛部位既關係. 配菜係小蘑菇同薯條. 薯條炸得好脆, 落左汁食落都唔會淋哂, 蘑菇無咩草青味. 野食份量好大,

好耐無食西餐，所以專登和朋友試一試呢間西餐廳！ 平時大多食西餐都係尖沙咀，今次想係屋企附近發掘一下一進餐廳，見到客人都不小，所以我地只好坐係吧台度食！ 又有另一番風味！餐廳係間seafood bar restaurant，所以也可以飲酒🍻不過明天要返工，酒精還是留待下次吧！ 我地二人點了一個懷舊鐵板餐：安格斯牛西冷扒餐（$158），套餐跟一個牛角包🥐、南瓜🎃湯同埋一杯飲品！ 落單時偷望人地點了個大蝦🍤濃湯扁意粉（$178），所以我地都單點左個意粉！ 食完牛扒餐同意粉，我地都超 級 飽！ 餐廳有幾點都值得讚賞！ 首先，一坐低，侍應好快俾左兩杯熱水俾我地！ 唔知有冇人同我一樣，如果餐廳提供杯凍水/冇煲過既水，係唔飲架呢？ 所以餐廳提供熱水👍🏻👍🏻👍🏻好貼心！ 其次，我食緊意粉時，侍應見到我將d 殻擺左係個碟仔度，即刻拎左個小杯俾我裝殻👍🏻👍🏻最後就係餐廳係有open kitchen 既設計，廚房用玻璃隔住，鐘意望廚師煮野既，可以一路睇 一路食😄😄😄最推薦係餐廳既鐵板餐，因為價錢最相宜，又有前菜同飲品！

一堆朋友好耐冇見 食飯當然唔可以隨便今次就試下呢間屋企附近既西餐廳😚我地一班大食鬼叫左幾個小食同主菜😂小食方面叫左呢個雙拼薯條（番薯條同薯條）好味到連喉嚨痛既我都忍唔住食左兩條🤭大食既朋友必點呢個巨型牛肩肉眼扒餐一上到枱我地都嚇親 因為有兩大塊扒😂我地簡左配洋蔥汁 食落去都重牛味👍🏻跟餐仲有包，湯同飲品 真係夠晒抵食😗我地都叫左幾個意粉share食 呢度既意粉全部都用扁意粉 我既最愛☺️大蝦濃汁意粉非常多料 我地幾個人都人人分到啲海鮮👍🏻鮮蜆忌廉意粉就相對大蝦濃汁意粉淡味道 不過都幾好味👍🏻呢個白豚斧頭扒食落有驚喜 唔好太‘鞋’ 我地叫左店員推介既八成熟 旁邊配菜都同樣出色👍🏻👍🏻大食既我地仲叫左個意大利飯😂黑松露味非常突出🤤

👫放工同同事食晚餐，想食西餐就嚟咗呢間位於長沙灣嘅second bite🤤 Menu選擇繁多，呢到嘅主打係海鮮🦞，仲有鐵板、意粉等等😆 食完主食仲可以嗌甜品同酒類嘆下添😳一一一一一一一一一一一一一一#香煎雞扒司華力腸餐 <$128>▫️招牌水果茶 <+$8>呢個餐有餐包同餐湯，餐包熱辣辣超好味👾餐湯就偏鹹，飲完好口渴😥有得揀洋蔥汁、黑椒汁或菌皇黑松露汁😁份量超多，有兩大嚿雞扒仲有切開咗嘅司華力腸🙈雞扒皮脆肉嫩，而且好厚切，食落仲好多汁添😍除咗雞扒同司華力腸之外仲有薯條蔬茶做伴菜，兩個人食完夠曬飽🖖🏻.#鮮蜆忌廉意粉 <$148>蜆嘅份量好多，蜆肉全部大大粒而且好新鮮，食到有海水嘅味道🌊扁意粉口感偏硬，但加埋香滑嘅忌廉汁無得輸🤘🏻.#草莓可達 <$48/杯>呢杯mocktail飲落係好香甜嘅士多啤梨味，口感好似奶昔咁😳一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️10% Service Charge

最近出左雙糧，想對自己好d今次來到second bite 食來到估唔到佢推出左懷舊鐵板餐系列作為食肉獸既我當然唔放過簡左頂級巨型牛肩肉眼扒餐來食餐飽入到店內整體環境唔錯同大部分西餐廳一樣燈光偏暗，配合埋餐廳自身既裝修同牆上既裝飾別具格調，如果同埋朋友一齊黎食野吹水，感覺一定好好作為港式鐵板餐 一來當然唔少得西湯及餐包而呢間餐廳就用左牛角包來代替普通餐牛角包食落去都幾軟身又唔會太過濟 作為前菜來講都幾正幾特別而今日既餐湯係菠菜湯飲落菜味果面較多清清地都幾好飲之後到主菜，巨型牛肩肉眼扒配薯菜＋黑椒汁塊扒有成塊面咁大食落去牛味好重，肉質好好咬落唔會太硬而個汁唔太辣較得岩岩好冇遮住D牛肉味，每啖咬落去都充滿肉汁，好juice另外，佢配菜係薯條同蘑菇幼身薯條食落去都幾香口，蘑菇個菇味好正，帶左少少牛油香最後就叫埋杯凍檸茶飲品方面就不過不失，整體食完好飽，好滿足最後一提係餐廳侍應服務態度好好，同埋d畫幾得意下次會叫埋朋友再黎

長沙灣係舊區 但其實都有好多寶 今日放工經過呢間西餐廳🍴佢既Menu 有好多唔同系列既野食 小食 salad pasta 等等 仲有cocktail! 講到最抵食一定係佢個鐵板餐 同朋友叫左一個西冷牛扒 一個雞排司華力腸 配湯 餐包同野飲今晚餐湯係菠菜忌廉湯 好fresh都好足料有粒粒既菜係入面 法式餐包都好唔錯 因為好鬆脆 🥐🥐 有入口即溶既感覺尼到主菜 牛排叫左5成熟 口感適中 另外佢既黑椒汁好唔錯 有少少少少甜味中和辣味 點綴左成塊排雞排超級大塊 口感鬆軟 😬仲有兩塊扒都有菇做配菜 佢啲菇好入味仲有係特燈煎過 非常有心思

前排家姐介紹我一定要帶女朋友食呢間餐廳，見佢近排返工返到無心機就帶佢食好嘢。廚房位於成個餐廳嘅中間，可以見到兩個廚師煮嘢食，好有透明度，可以保證一定乾淨。波士頓龍蝦脆片($298)上枱時見到成隻龍蝦已經好震撼，平時多數已經斬曬件一舊舊。最面層有龍蝦膏，龍蝦肉， 跟住就係香滑芝士醬，最底層係已經有味嘅三角脆片。 側邊仲伴著少少蕃茄粒，辣椒粒同橄欖粒。跟埋有三款醬，食得出係香草牛油果醬，忌廉芝士同埋辣蕃茄醬。如果想清清地就點頭兩款醬，如果覺得唔夠辣就加最後一款醬。食完中間，食埋龍蝦頭，裏面仲有好多膏。餐廳仲畀埋個鉗我哋食埋啖啖肉嘅龍蝦鉗。分量大到可以做主菜。啤酒($68)甜甜地，唔會苦，最啱送脆片食。

朋友生日，而壽星表示想食西餐，所以我地特登搵咗呢間評價幾好既西餐廳。我地首先嗌咗幾樣小食。呢個炸雙色薯條係粗薯條同蕃薯條，炸得好香脆，會令人食到停唔到口。招牌炸蝦春卷亦炸得好香脆，點埋嗰醬更加好食，而且旁邊仲配有沙津菜。又係雞翼怪出動既時候，叫咗水牛城辣雞翼，酸酸地辣辣地咁非常惹味。我地揀咗嗰鐵板餐，會包埋餐包、餐湯同飲品。呢個頂級巨型牛肩肉眼扒，真係冇改錯名，一上菜比佢嚇親，超級大塊同厚身，仲要有成兩塊咁多。味道方面，牛味頗重而且幾juicy。平時食西餐多數都會食牛扒，今次試吓新野，叫咗呢個白豚斧頭扒，估唔到有驚喜喎。店員建議八成熟，呢個熟度真係啱啱好，肉質鬆軟仲好重肉香。呢個大蝦濃汁意粉真係勁足料，除咗大蝦仲有其他海鮮。意粉用咗扁意粉，特別掛汁，而且嗰汁係好濃味既龍蝦汁，好好味！鮮蜆忌廉意粉一樣好足料好多蜆，意粉亦煮得岩岩好，不過個汁略嫌比較淡味。黑松露野菌risotto，一上菜就聞到黑松露香，未食都已經覺得好好味，果然食落口都勁重黑松露味，勁正！

由於小妹生日，朋友就搵左呢西餐廳幫我慶生❣️一入到去就見到個開放式廚房，而且格局舒服😌嗌左幾樣餐前小食。首先係雙包薯條，即係有粗薯條同埋番薯條，另外有茄汁同忌廉醬點，兩款薯味都好出！水牛城雞翼嘅酸辣程度調校得唔錯，而且做法係將炸雞翼用上醬汁炒過，令每隻雞翼沾滿醬汁炸蝦春卷炸得剛好，非堂脆口，亦有沙律醬點，旁邊仲有沙律伴菜牛肩肉眼扒鐵板餐叫咗五成熟配洋蔥汁。有兩塊扒，真係誠意十足😂呢個餐仲會送埋餐湯牛角包同嘢飲，非常抵食！西蘭花湯味道仲好唔錯架，絕對唔Hea鍾意食蝦嘅朋友要嗌大蝦濃汁意粉，醬汁充滿着濃濃嘅蝦膏味🤤鮮蜆忌廉意粉完全唔會膩，而且每粒蜆都鮮甜飽滿最愛係呢個黑松露野菌燉飯👍🏻😍飯粒軟硬適中，黑松露味好夠，大推！八成熟嘅白豚斧頭扒肉質鮮嫩，毫無豬膻味

老公話同事帶佢食咗間好味西餐，佢就帶我去食。餐廳裝修好特別，有好多新潮畫作。芝士流沙粟米($58)。黎到已經聞到好香炭燒芝士味，但係望住條粟米唔知點開始，好彩店員幫我哋起曬啲粟米粒出嚟，可以好斯文咁慢慢share嚟食。一食落去首先有香濃芝士味，跟住食到鹹蛋黃味，最後係甜甜嘅粟米。要嚟做頭盤簡直無得頂。大蝦濃汁意粉($178)。一嚟到原來有咁多款海鮮，有三隻蝦，青口，蜆，下面仲有幾粒菇點綴下。幾款海鮮都唔差，個意粉同個名好符合，真係有好濃嘅海鮮味。個份量一啲都唔細，兩個人食都好夠飽。總結係，啲餸菜配搭好特別，下次一定叫一大班人去，可以叫多啲唔同種類嘅食物。

今次同朋友嚟呢間長沙灣好好食嘅second bite西餐廳， 整體而言覺得餐廳嘅環境美觀同優雅， 主菜嘅擺設都好靚今次同朋友首先叫咗一碟水牛城雞翼做前菜， 呢啲水牛城雞翼非常之啱做前菜， 雞翼嘅味道酸酸辣辣， 再加埋附上嘅沙律醬， 點一點更加開胃然後分別叫咗兩個主菜， 一個係海鱸魚燴飯，另一個係頂級美國燒牛腱排， 牛腱扒嘅賣相非常精緻， 廚師好有心思用唔同嘅蘑菇同埋配菜做伴碟顏色非常鮮艷美麗， 牛扒叫咗五分熟， 更加係砌好咗一塊塊咁樣上碟， 好有牛肉嘅原味， 廚師嘅技術亦都好好令到牛肉嘅肉汁可以得以保存海鱸魚燴飯亦都做得相當好， 食落感覺海鱸魚嘅肉質好fresh, 呢個意大利燴飯嘅飯嘅 調味 都做得相當好店員嘅服務非常親切， 好細心咁樣叫我哋食雞翼就拎咗一個兜畀我哋裝住啲骨，值得一讚！

有朋友話喺長沙灣發現隱世西餐廳。長沙灣都有好野食？好，就去試試。叫Second Bite，門口設計高級，唔似喺長沙灣找到的餐飲級數。店內裝潢artistic，有好多有趣的畫作，用心的裝修連天花的燈，都以畫作設計。好，馬上進入食物的環節。手抓海鮮好特別，就叫呢個其他餐廳少見的菜式！我叫了個迷你的size，適合1-2個人食。嘩好正好大盤，見得到得熱烘烘，非常適合冬天食一上台已聞到香味..... 好吸引呢！馬上穿上「口水肩」，穿上手套，開餐！用手食，想食咩就攞咩，好有「尋寶」的感覺，nice dining experience! 睇下有搵到什麼「寶藏」喺好可愛的魷魚BB呀！其他海鮮有蝦、青口、硯，另外粟米、秋葵同西蘭花都好吸汁好食正正的晚餐當然少不了牛排🥩呢個美國頂級牛板腱（8安士），上台的賣相已經令人食指大動。一食落口... 好juicy 好有牛香味，wonderful! 成個餐廳環境氣氛好好，好chill 好relax。格局同價錢都貼近中環的水平。Not sure 對於呢區的市民，會唔會太貴了。晚餐以外，我見lunch set 都要成百蚊。

今晚，男朋友專登帶我到長沙灣新開餐廳過浪漫二人世界，心裏還是甜甜的。餐廳位置靜中帶旺位置，離地鐵約7分鐘步程。這裡佈置頗有心思，二次創作的油畫掛滿不同角落，雲石餐檯，甚有藝術特色；座檯之間闊落，坐得舒適，是飲酒聚會之選。水果茶 $25/杯初時以為是普遍帶有水果飲料，原來是充滿果香的冰茶，帶點薄荷，味道清新而不甜，足以消暑解膩，好飲！秘製手打肉餅脆蛋漢堡．雙色薯條．沙律 $138厚身足料的漢堡，2個人分享都很很很很足夠！麵包外皮香脆，裡面鬆軟；戒牛的朋友不用擔心，自家製手打肉餅是豬肉，吃一口，肉質外焦裏嫩，肉香隨之擁撲而來；漢堡內不是普通的煎蛋，而是炸蛋，如果你在花蓮吃過炸蛋的話，味道幾乎一致，半熟炸蛋外面酥脆，內裹充滿蛋香，咬一口蛋液就流下來了，非常滋味：再配有生菜、蕃茄及芝士醬汁等等多層餡料混在一起，口感非常豐富，飽感十足。薯條及蕃薯條炸得酥脆，不太油膩，配以茄汁及酸忌廉去品嚐，簡直是雙重美味。沙律比男朋友食哂，未能提供評價。招牌越南野生大頭蝦蝦汁扁意粉 $238必點之選！店家使用大量蝦長時間熬製成獨有蝦湯，故爽滑彈牙意粉沒有過於軟腍，不但吸盡蝦湯精華，再淋上濃郁蝦汁，鮮甜突出，非常

呢間長沙灣嘅小店都好多好評，又有好多節目介紹過，我都有啲興趣，搵埋個朋友一齊去試下。星期一晚客人唔多，我地坐得舒服，都傾左好耐計，始終大家去完旅行無耐，都有好多話題。menu都好多選擇，見好多人點生蠔、手抓海鮮等，但我地都係揀左啲自己想食嘅野，哈哈。味噌花雕蜆，一份有成十粒大蜆，隻隻都好大，好有肉地，佢用左個味噌湯底，好特別，食落都幾入味，而且亦都食得到有花雕香另外點個沙律，朋友鐘意牛油果，順下佢意。份沙律好大兜，問心食完我飽左五成，好彩唔係點左太多野。沙律新鮮，唔洗加太多調味，都正。牛油果好香，而且佢打到好滑溜，亮點係面頭啲蟹肉，真係好多，見到係明顯有蟹腳，真材實料，仲好鮮味最後點左個大頭蝦嘅扁意粉，意粉味道濃郁，主角大頭蝦亦都好大隻，咬落啖啖肉，十分新鮮。荔枝白桃梳打