So Bar (已結業)

We walked past So Bar and decided to have our dinner there and we feel it was quite interesting to have another line of food offered by their popular sister, Semua Semua. It was located at Granville Road, few minutes walk from Tsim Sha Tsui MTR.The ambience was cozy and relaxing, with indoor and outdoor seating arrangement offered. For their indoor, it was normal table and chair setting while their outdoor was of bar table and chair setting. For bar restaurant, other than wide range of drinks of

之前食過蘇媽，主打馬來西亞地道菜。今次搞搞新意思開埋酒吧，即刻約fd chill下 😂酒吧環境寬敞，分室內同室外位置。燈光柔和有氣氛，樓底高感覺relex冇壓迫感。吧抬位仲好靚，裝修風格高檔時尚。🐔炸雞皮 💰💲78真正外脆內軟，小小鹽調味已經好好食！🐟香酥魚手指 💰💲98每條魚手指都非常粗身，外層炸到脆卜卜，魚肉冇雪藏味，嫩口多汁，香口卻不油膩，沾埋沙律醬食更滋味。🦀🥘甲必丹軟殼蟹燉飯 💰💲178原隻軟殼蟹放係燉飯上面，好邪惡！燉飯口感細膩又濃郁，充滿咖哩既香氣，辣味好夠。米心有嚼勁不軟爛，濕潤而不黏膩，幾出色既東南亞fusion 菜。

| 𝚂𝚘 𝙱𝚊𝚛 🍻 |蘇媽就食過好多次，但係最近經過尖沙咀嘅時候見到一間靜靜地環境唔錯嘅酒吧招牌寫住「蘇媽蘇媽x so bar」先發現原來又開咗新嘢，咁當然要嚟試吓啦！佢哋係兩間完全唔同氣氛感覺嘅餐廳嚟，出面係酒吧，行入少少就係平時食開嘅蘇媽.^◡^.♥︎黑椒帶子海鮮闊麵（$178）黑椒味好重，有少少辣幾過癮，但唔食得辣嘅人要留意吓！本身以為係闊條麵，但係睇落有啲似扁意粉🍝佢嘅麵質好爽口彈牙，而帶子亦都好新鮮～♥︎甲必單軟殼蟹燉飯（$178）一樣係一個帶有少少辣味嘅菜式，不過佢哋嘅辣味就好唔同，呢個係混合咗咖喱同埋椰香，辣中帶甜≧◡≦而且佢雖然係燉飯，但係飯粒咬落仍然有少少咬口，不得不提嘅當然係佢嘅軟殼蟹亦都好香脆可口因為我哋去到嘅時候時間尚早，諗住食晚餐為主就冇飲酒，不過佢嘅環境好舒適，酒吧來講都係一個唔錯嘅選擇！@sobarhk 📍九龍尖沙咀加連威老道10號加威中心地下💰人均消費：約$200

每次行過加連威老道，都覺得呢間So Bar 好靚好有味道💕💞So Bar 既露天位置氣氛好休閒，有南洋風味。雖然而家天氣咁熱，但係坐喺室外位置都好涼爽，因為天花有好多吊扇，而且感覺更加輕鬆，好啱傾計。🍽️🍴酒吧食物都好特別，加入咗好多馬來西亞元素。🥗So bar salad $138有大量花生碎，蔬菜，火龍果，蜜桃粒，Rojak醬酸酸辣辣，好開胃，有南洋特色。❤️💕🐔馬來亞當歸燒春雞 $ 228充滿當歸藥材味，第一次食呢個味道既燒雞。 兩個人share都幾飽肚，春雞皮脆肉嫩 夠juicy ，仲有薯角同沙律菜。

喺假日最chill嘅時間未必一定係大吃大喝又或者野外生活，基本上簡單到兩杯飲品都已經可以營造出chill級假期， 😋與此同時想飲番杯都唔一定要去熱鬧人多嘅地方嘅，靜靜地享受有陣時仲可以品味到裏面嘅精髓。 😏喺宜家地小人多嘅環境下，慢慢就會衍生出一個地方有兩間聯名嘅餐廳，🤣佢哋食嘅嘢飲嘅嘢亦都有可能非常唔同。 其中一個例子就係So bar , 實際上就係蘇媽蘇媽 x So Bar😎Breath of joy —— 喺燈光嘅襯托之下，就可以睇得出呢一個富有表現力嘅飲品，而呢一杯whisky 最大嘅特色就係加入左清新嘅冬薑，大大增加咗清新感， 😝體驗熱帶風味同優雅愉悅和諧, 🍹飲完一啖再深呼吸就更加感受到淡淡花香。🌺Durian kiss —— 真係諗都冇諗過榴槤都可以成為酒嘅主角， 🤨鍾意榴槤嘅人絕對唔可以錯過呢一杯包含着貓山王榴連果泥、百利甜酒、開心果利口酒🥃、奶油酒， 再加上令人沉醉嘅薰衣草芳香泡泡，🫧視覺效果已經一流。 非常柔滑嘅質感再加上濃厚嘅榴槤味道，感覺非常輕飄飄🫧燒土匪雞肉串—— 飲酒當然要配搭一啲小食啦，簡單又輕便嘅就有呢一個雞肉串，🐤孜然嘅味道十足，慢慢慢慢就會有後勁嘅辣

蘇媽蘇媽食馬來西亞嘢就係人都知，但係喺尖沙咀加連威老道新開嘅呢間同蘇媽蘇媽Crossover嘅酒吧，你就一定要黎試吓啦。酒吧嘅燈光非常柔和，非常有情調。叫咗個甲必丹軟殼蟹燉飯、黑醬照燒排骨、燒地獄麻辣雞肉串，全部都十級好食！醬汁排骨做咗fusion菜效果，好似西式嘅豬肋骨加埋大大條嘅薯條同埋茄汁，喺盤上仲擺放左沙律添，排骨原條燒香烤口感非常惹味。從來未見過咁大隻軟殼蟹，濕濕地嘅米飯感覺有啲似意大利飯，用上特色嘅馬來西亞醬汁配埋蘆筍，金黃色嘅飯一粒粒好鮮明。朋友最鍾意食雞肉串，$78有三串實在係性價比高，地獄辣確實過癮，一連要飲三四杯水先能夠解渴！榴槤特飲Durian Kiss 令人難以忘懷，有打卡的撞擊波打卡！鍾意食榴槤嘅朋友真係唔可以錯過，將榴槤打成軟滑奶昔再加埋少少酒精，味道原來可以咁夾！

在尖沙咀，蘇媽又開了一家新店，而且還附有一個分部，名叫蘇吧在主力的馬拉菜旁，以雞尾酒🍹為主打，串燒炸物為輔，裝潢有夠漂亮！Breath of Joy $128以酸為主 甜為輔 微辛，以威士忌🥃，熱情果，文冬薑，薰衣草， Shiraz，檸檬🍋，明顯以清新為主調，相當適合夏日享受Oolong gin fizz$118微酸甜澀，烏龍茶底入口澀而不鞋，選了甜香的西柚味，配鹹味的串燒一流燒地獄麻辣雞肉串$78Juicy！吧的串燒竟有這個質素也是意想不到，辛辣味帶有花椒麻香，辣度算明顯但不是不能入口的程度，不俗

尖沙咀新開的蘇媽.蘇媽，加入了酒吧元素，叫So Bar。 尖沙咀分店裝修有別於其他，走高格調路線，有室外室內座位，樓底高，坐得舒服。So Bar 的食物以西餐為主，有沙律，意粉，燉飯及小食等，有些菜式更加入馬來西亞的元素，幾特別。辣椒鲜魷扁意粉（$168), 扁意粉煮得剛好，煙靭有咬口，爽彈的鲜魷都有6-7 隻之多，醬汁味道跟泰式雞醬有點類近，每條意粉都沾滿醬汁，微辣惹味。更要讚的是，意粉溫度夠熱。香腸併盤（$198), 賣相吸引，有芝士脆皮腸及香草盤腸。香腸外脆內軟，特別是芝士脆皮腸，香腸外皮極脆，一口咬下，濃濃肉汁爆出。薯角有香腸般大條香脆，再配搭沙律菜，能夠中和肥膩的感覺，可醮上茄汁。送酒一流。餐廳是一間酒吧，當然有提供多款不同的酒精飲品，可惜今日要工作不能飲酒，唯有下次再來過Happy Hour 吧。

尖沙咀特色馬來西亞菜疫情抑壓咗好耐，放工想飲番杯舒緩一下壓力，我比較鍾意飲雞尾酒呢啲特色啲嘅酒精飲品。餐廳環境寬敞，座位舒適，有室內和室外的座位。酒吧昏暗嘅環境配色彩繽紛嘅馬來西亞裝修，餐紙巾和碟都好靚，好特別。加上枱面優雅的黃燈非常有feel，有啲似燭光晚餐🥰適合朋友或情侶💑約會談心。食物即叫即整，另收+1服務費。#馬來西亞當歸燒春雞 $228原隻BB燒春雞配超級粗薯角，雞味和當歸味都好濃郁，燒到好香，外脆內嫩，比想像中多肉，配上黑醋沙律菜更為開胃😋濃厚的中藥味感覺好補身#奶油大蝦意粉 #🍝 $168原隻燒大蝦🍤配彈牙菇菌，濃濃的牛油白汁包裹著軟硬適中的意粉，邪惡服務質素：7/10環境舒適度：8/10ᶘ ᵒᴥᵒᶅ個人口味評分：8/10

呢間酒吧嘅門面好靚，飲嘢傾偈非常之合適。有室外望街嘅座位，亦有室內嘅座位。今日天氣有啲熱所以我哋揀咗坐入邊。餐廳主要飲酒為主，所以食物選擇種類唔算太多。有沙律、小食、意粉、飯。佐酒小食選擇最為豐富。▶️Curry Stewed Rice with Fried Soft Shell Crab $178🌶見到餐牌有一個辣椒，估唔到都幾辣，有少少泰式風味。意大利飯面上有原隻軟殼蟹，有油分又香脆。▶️Popcorn Chicken $88一粒粒炸爆谷雞，夠脆唔會太油膩，有蛋黃沙律醬點，味道唔錯。▶️Deep-fried Japanese Jack Mackerel $88份量唔多，池魚脹卜卜，飲酒必叫，唔錯嘅佐酒小食。▶️Kronenbourg 1664 Blanc (France) $88我地叫咗一杯share , 一路飲酒一路食小食～

So Bar (尖沙咀) @sobarhk 距離尖沙咀地鐵站都幾近，好方便呢度係sobarx蘇媽 同一個入口有室內室外位置，我哋坐咗室外都幾chill食物選擇唔算太多，反而小食嘅選擇會多啲呢度仲有啲特色Cocktail🍸飲而且環境同員工服務都唔錯🌟Butter Prawns Spaghetti 奶油大蝦意粉🦐 $168用咗東南亞嘅烹煮方式有少少香料味，都幾重奶油🥛香口感味道都有啲似卡邦尼🥚上面有一隻大蝦同啲雜菌🍄蝦肉唔梅幾好食味道唔錯的🌟Roasted Spare Ribs with Malaysian Black Sauce黑醬照燒排骨 $268表面香脆，內裏仲有肉汁🐖而且啲肉唔會太淋, 仲爽口有口感已經預先起咗條骨出嚟，只係剩低啲軟骨，好方便食，真係啖啖肉大概有四條骨嘅份量配菜有6塊大薯塊🥔，炸得酥脆仲有沙律🥗用咗黑醋調味覺得油膩嗰陣可以食少少解油膩📍So Bar (尖沙咀)尖沙咀加連威老道10號加威中心地下#尖沙咀 #尖沙咀美食 #西式 #sobar #foodiehk #hkfoodie #hkfood #foodhk #food #foodie #blogger #hkb

今日係值得香港人紀念嘅日子，就係終於有返晚市堂食！既然咁高興，就約咗老公今晚出尖沙咀，支持吓香港嘅飲食業。位於加連威老道之上，最大個招牌嘅餐廳莫過於呢間蘇媽蘇媽XSo Bar，佢哋雖然同一個老闆，但其實係兩間定位截然不同嘅餐廳。蘇媽蘇媽喺深水埗已經食過好幾次，所以今日我哋就決定選址So Bar。So Bar顧名思義係走酒吧路線，設有室外同室內座位，我哋今日就選擇咗坐喺室內。餐廳內環境寬敞，裝修佈置甚有格調，so chill！呢度嘅菜式係帶有馬來特色風味嘅fusion菜。而既然係酒吧，當然會有特色調配嘅Cocktail。第一次嚟，菜式又比較特別，我哋起初都毫無頭緒。店員見我哋睇咗咁耐餐牌，就介紹我哋食呢個馬來亞當歸燒春雞。燒春雞嘅size都唔小，足夠2-4人分享。第一啖咬落去已經有芬香撲鼻嘅當歸味，而佢嘅生熟度都控制得宜，肉質仍然保持鮮嫩而且充滿肉汁，就算雞胸肉亦都非常嫩滑。而且仲有薯角伴碟，原個薯仔切成粗條然後再炸，外脆內軟，十分欣賞佢連配菜都做得非常出色。因為老公怕辣，所以我哋就揀咗唔辣嘅奶油大蝦意粉。大蝦係大頭蝦，外殼充滿奶油汁，肉質爽口彈牙。意粉每條都平均沾有奶油，仲帶點微微椰香