Sweetology (已結業)

好少黎新都會，見到呢間唔使點排隊就黎左試。①原條蒲燒鰻魚蛋包飯賣相不俗，$88食到咁高質既鰻魚都唔錯！②特濃五重朱古力蜜糖多士磚伴雪糕幾大份，啲粉都好足，同相圖竟然差唔多值得一讚！可惜OREO塊餅腍左啲。

兩個人晚上8:45到，已經冇晒烏冬，淨係得返飯。本身想嗌明明太子吉列豬扒蛋包飯，但係又已經冇晒明太子。最後我哋嗌左咖喱漢堡扒蛋包飯同埋雞扒飯。漢堡扒同雞好一般，冇乜煎嘅感覺。咖喱味道有啲假，冇乜咖喱味同質感。而且又冇乜配菜，雞扒飯得兩粒西蘭花，漢堡扒飯得啲紅薑，外貌真係唔多吸引，直情好似食緊好頹嘅碟頭飯咁。食咗三份二，就食唔落去！最後最後，仲連檸茶都有問題，有成浸清潔劑味道！呢個味道真係對唔起呢個價錢，好失望。

印象中，葵芳新都會好耐之前係有間甜品店叫甜牙牙，唔知由幾時開始，就由甜牙牙改名為Sweet-o-logy😂之前一直都未試佢嘅甜品，所以有次見無乜人就入左去試😆😆·杏仁布朗尼蜜糖多士磚伴雪糕($68)睇menu啲相覺得幾吸引，就決定試試佢，但份量唔算特別大份，一個人食可樂會有啲多，但兩個人食又唔夠飽🤣😂·Brownie幾好食，好重朱古力味，啲cream係都好香，雖然我本身唔太好cream🤣都忍唔住偷食左啲😝多士磚炸到好脆，好好食，我中意撈埋雪糕一齊食，咁味道就豐富啲😚因為淨係食左一個甜品，同A先生一齊share，但食完就發覺唔係好夠喉🥲當減肥算喇🙉🤣🤣

今日有事要做，難得來到葵芳新都會廣場，打算搵隱世美食小店，結果搵到呢間小店。先講食物：是次點了一個廚師推介，霜降牛肉山椒湯烏冬，烏冬煮得不夠，稍微硬了點(純粹個口味，本人喜愛軟一點)。山椒湯底辣味夠，胡椒味重，但偏鹹。霜降牛肉，牛肉竟然順紋切，咬落非常韌，好在切得非常薄，先未令塊牛肉咬唔開，但已經失去咗霜降牛肉入口即融嘅口感。餐飲點了熱咖啡，咖啡唔夠香，味道一般，唔算太苦澀服務：樓面只有兩個人，態度唔算差，不過不失。

係新都會mall shopping到一定金額,佢有餐廳coupon送俾我地,其中就有Sweetology coupon 咁一於試下啦叫左個日式叉燒烏冬面$66D叉燒正路 ,冬茹都正常,糖心蛋都正常但個湯出事,冇咩味道,D栗米係CAN栗米冇咩味人手好少,RECEPTION係佢,WAITRESS係佢,出餐都係佢 平均分3/5

同朋友葵廣濕平完 食tea醫肚芒果梳打檸檬綠茶兩杯都冇咩特別 係影相幾靚ge Oreo朱古力窩夫配朱古力雪糕個人覺得個窩夫可以脆啲但朋友覺得剛剛好既Brownie 同雪糕都好食既

曾經嘅甜牙牙依家變左日式餐廳🧐到底仲係同一間定係轉左手?.📍Sweetology.🍜豬軟骨湯烏冬配溏心蛋 ($66)-餐牌寫明係日本直送讚岐烏冬黎~麵質彈牙🥰溏心蛋唔錯~豬軟骨都好入味!🍛日式照燒汁雞扒飯 ($66)-雞扒大大塊!燒汁甜甜地撈飯又ok喎😋跟餐都會跟咖啡/茶/朱古力，仲全日免收加一🤩抵食啊!

去咗位於葵芳新都會廣場Sweetology一間店舖食嘢，幾好不用等位。見到個餐牌最吸引嘅就係個蒲燒鰻魚蛋包飯啊，所以就叫咗個嚟食。原條鰻魚鋪上香滑蛋面，鰻魚上面以紅色醃漬蘿蔔同香蔥作點綴，顏色配搭幾吸引。而且店舖撰用珍珠米煮飯，飯粘度適中，可惜飯香味一般。鰻魚味道同一般其他店舖嘅鰻魚差不多。不過鰻魚醤油就好少。此外，蛋煮得唔錯好滑，值得一讚。其實呢個鰻魚蛋包飯係一個餐嚟㗎，佢仲包咗杯嘢飲，咁我就叫咗杯奶茶，奶茶都幾香。

今日5-12-2020 (Sat)艮晝同女友人WK行街,行完要食tea喇,WK想去EURO GO GO,我哋去到多人排隊,但呢間唔使,所以我哋揀咗呢間,啱啱坐到張卡位.睇吓menu,冇窩夫類嘅甜品,問問侍應佢至拎嚟,睇完後,我哋決定要:1. 日本珍珠米飯系列,$66.00嘅豬軟骨溏心蛋飯豬軟骨嘅肉質鬆軟同入味,唔錯.味道: 5分至於飯,口感正常,但唔係好似日本珍珠米.味道: 3分2. 多士磚系列,$68.00杏仁布朗尼蜜糖多士磚伴雪糕Share食咗第一碗飯後就到,所以要食先.成個主調都係啡色;原以後杏仁布朗尼係杏仁味,但原來係布朗尼上加啲杏仁片=.=”,布朗尼質地正常.濕濕地咁,味道唔太甜.味道: 3分蜜糖多士磚呢? 蜜糖滲咗入多士磚,而多士磚係硬嘅,唔係好明白點解可以整到咁硬.味道: 0.5分3. 跟飯嘅餐飲,熱咖啡呢個係WK飲,冇乜comment.服務:踢一腳郁一郁:落單時叫佢俾杯水,冇俾到,之後再叫至俾.上豬軟骨溏心蛋飯,唔會主動問係味share食,更唔會自動俾兩個碗,要叫至俾.上杏仁布朗尼蜜糖多士磚伴雪糕又係,同樣唔會拎兩個碟嚟.(兩個碟就幾靚)最後叫餐飲,同侍應講明係餐飲,佢

最近約左朋友出黎食飯，呢間野都真係好抵下，我同朋友叫左個餐埋再share 個甜品，埋單每人都唔過100蚊啊，經濟又實惠。我地食完正餐叫左個咖啡味既甜品，左邊成個月餅果個係Mocha奶凍，食落去有d似咖啡味既涼粉，奶味好重。右邊既係咖啡雪糕，咖啡味比起奶凍重好多，重點係呢兩個甜品有咖啡味但係一D都唔苦，點餐個陣我地仲好擔心會係伏，不過最後都有叫到，好采都食得過仲幾好食。

甜品係唔錯但晏晝飯真係唔得。同同事趕時間唔想排隊見有位就入咗嚟，和牛糖心蛋飯74，連吉野家水準都冇。料唔多都算，係無汁！有部份飯仲要太硬好乾，唔知擺咗幾耐。無汁+飯硬真係唔知點食。完全唔值呢個價錢......餐具淨係比兩個匙羹一張紙巾，竟然連筷子都冇。都懶得費事再問佢攞。如果唔係隔離西餐要排隊都唔會過嚟。佢嘅鰻魚飯同甜品係okay 啲但係呢一個牛肉飯真係唔得....如果食西餐嘅或者食甜品嘅應該都冇咩問題嘅，但係佢所謂嗰啲日式野就真係「我真係恭喜你呀」。

今日中午行過呢間餐廳，俾原條鰻魚蛋包飯吸引到。心思思想試吓，員工阿Tak笑容親切咁話，試吓囉，有位呀！我同媽咪就行咗入去。Tak話隨便坐，有放menu嘅位置都可以坐。我哋揀咗個梳化位坐低。係忐忑完一輪揀二人餐定散嗌之後，都係決定叫兩個套餐—原條鰻魚蛋包飯同咖哩吉列豬扒蛋包飯好快就上菜，兩個飯嘅味道都好好！未去到驚為天人嘅感覺，七十幾八十幾蚊個餐包飲品又唔收加一，性價比都算中上食緊嘅期間，有一家四口入座。Tak細心咁為佢哋安排座位，避免違反限聚令。坐下不久，好奇心強嘅哥哥(大約3-4歲)拖跌咗分隔枱嘅膠板，Tak迅速上前協助，並笑說:整爛咗都唔怕，最緊要唔好整親！我哋食飽之後，Tak收拾餐具嘅時候，仲詢問我哋嘅用餐感受！在一間收費唔高嘅餐廳，得到5星級嘅服務！

因應疫情，所以約朋友食飯同傾計都要改喺中午， 今日就約咗個朋友喺葵芳新都會廣場食，行咗個圈見呢間舖頭午餐幾抵食，就試吓啦。兩個人揀咗個精選二人套餐$188(免加一):1️⃣胡麻豆腐沙律，我一向無乜興趣食沙律，但朋友話啲沙律菜好新鮮👍2️⃣吞拿魚玉子燒，以為係熱食，原來凍嘅，但味道都唔錯。3️⃣吉列豬扒配飯，塊豬扒炸得啱啱好😋，好食。4️⃣汁燒雞扒烏冬，個燒汁就好惹味，但塊雞扒就煮過咗火路，好嚡口，唔掂😣。5️⃣是日甜品，普通雲呢拿雪糕6️⃣餐飲兩杯呢個價錢，有咁多嘢食，其實都🆗️嘅

有成年都冇見過Miss 🍬,晚上同🤴🏻去葵芳食飯行街，順便等Miss 🍬放工兩位女生一齊去食糖水聚聚舊，9:00pm到左新都會廣場嘅’sweetology’試下佢嘅甜品🍮。未入去侍應會問係食晚餐/甜品，我地揀左甜品就送上份只有甜品嘅餐牌📔我就點左‘楊枝甘露西米露伴雪糕‘$48，酸酸地又甜又滑😋剛好驅散左晚餐時食左個唔好味嘅意粉🍝，有足半個芒果🥭，雪糕🍦好重芒果味但美中不足係西米露唔夠粒粒分明，有一兩舊唔散但可接受😂😂Miss 🍬叫左‘芭娜娜窩夫配峰蜜伴雪糕’$52我就冇試但望落幾靚成隻香蕉🍌船咁😁😁要讚下👍🏻👍🏻位男侍應，點完餐見我影緊餐牌會等埋我影完先收，仲保持到笑容叫我慢慢，比錢時見我一手都係銀仔💰主動問洗唔洗唱返紙幣💵超超低讚👍🏻👍🏻👍🏻👍🏻

和風牛肉溏心蛋飯 $74 ~ 個西蘭花生到….咬崩牙, 我有理由懷疑煮呢個西蘭花既時間唔超過5秒, 生到一個點, 比一般西餐既配菜更衰, 純粹得個顏色靚! 溏心蛋幾好, 有少少蛋味! 牛肉有點少少嚡, 不過份量都多, 味道唔太甜! 有菇菇點綴, 尚算抵食! 日式咖喱漢堡扒蛋包飯 $76 ~ 漢堡都幾厚實, 煎得好香口, 肉質唔會好 “削” 亦唔會嚡, 日式咖喱有點淡口, 蛋包飯好滑留, 最緊要係造型靚! 白飯都軟熟!餐飲可選熱朱古力, 這有點驚喜! 朱古力唔太甜唔太稀, 不過肥同唔解渴!