Sweetology (已結業)

今早喺灣仔開完會，下午就同個同事衝去葵芳上training。葵芳呢個地方除了係中學時代去過後都好似無再入去，估唔到變咗咁多，新都會廣場裝修後多咗好多人！由於去到時剛剛過咗午飯時間，我地又趕時間，行過幾間餐廳後決定入咗呢間Sweet,O’logy (其實我都唔知間餐廳個名係應該點打出黎…)揀呢度係因為諗住係輕食應該一叫就好快做起上枱，個門面幾光猛，同埋門口放嗰塊板介紹見價錢都相宜，門口的接待員都好熱情招呼。呢間餐廳走甜品路線，所以都似出面啲細店咁以白色環境為主，但都有一啲簡單熟食，我同同事就每人叫咗一碗烏冬速食。月見溫泉蛋叉燒烏冬 $68估唔到份量都幾足夠，紫菜剛上枱時還是脆的，幾條厚厚的海鮮菇豐滿多汁，爽口美味，吸了湯的濃郁味道，叉燒肥瘦度尚可，或者我自己本身比較鍾意偏肥的，問過店經理，佢話因為樓上寫字樓客比較多注重健康，故叉燒大致上會較瘦的，再配上中間的一個溫泉蛋，完完全全中和了整碗肉味十足的烏冬。特級嚴選牛肉燒烏冬 $68同事選的牛肉燒烏冬我都試咗兩啖，相對會係牛味較重的湯底有一種清香的感覺，牛內的份量頗多，相反烏冬好似比較少，牛肉本身幾有牛味，但稍為煮over咗少少，因為有少少韌

晚餐不想考慮太多，所以看到這一間價錢還可以就進去，服務態度尚可。叫了月見溫泉蛋豬軟骨烏冬（$68）跟燒汁雞扒飯（$60），飲品跟餐冰鮮果茶，侍應一聽已跟我們說果茶是用糖漿開的，已有心理準備是難喝的，一上桌果真是咳藥水味。燒汁雞扒飯份量非常小，雞扒只有半個巴掌大，一共有兩塊，味道還可；豬軟骨烏冬...湯底像是用鰹魚汁加水煮成，烏冬就像是平日在超請買的X一烏冬...不難吃仲，但也不推介。雖然價錢已經說明質素，但同樣價錢我寧願到茶餐廳叫炒炒麵，質素絕對比這裏好一百倍。

為咗呢間餐廳，我決定寫上啦我第一篇嘅食評。呢間餐廳實在令我太失望啦！一心諗住開開心心咁樣去食個早餐。點知一入到去店員嘅服務就好奇怪，佢好似完全唔理解我哋講咩咁樣，已經重複咗order兩次都要落錯order！我哋嗌左兩碗沙嗲牛肉餐肉出前一丁，媽啊， D面完全係冇出前一丁嘅味道，勁淡，啲牛肉完全係”銀”到阿媽都唔認得，亦都一啲沙嗲味都冇! 從來冇食過咁難食嘅沙嗲牛肉公仔麵! 價錢仲要唔平，咁樣一碗麵+1個多士加一杯嘢飲要$40，感覺極之失望一定唔會再理黎!

早前同媽咪去葵芳行街，本來想去euro gogo食晚餐，但太多人冇位，就揀左隔離既呢間sweetology黎試。叫左個野菜柚子烏冬（$59），同一個甜品（唔記得個名，$62）。野菜柚子烏冬個湯底偏咸，得一條菜，兩塊紫菜，一束金菇，兩粒冬菇，同少少柚子皮。配料太少，而且柚子皮太少，完全唔出味。跟餐有杯野飲，揀左鮮水果茶，但黎到係咩水果都冇既，飲落只係一杯普通冰紅茶。個甜品有雲呢拿+士多啤梨味雪糕，少少餅，有啲生果，底下有啲啫喱。味道正常，但我覺得唔值62蚊。環境方面尚可，因為少人，都算寧靜，仲有bb凳提供。

放工去新都會廣場食飯，間間都好多人等位，見到依間餐廳冇乜人排隊，又唔想等就走左入去，點知咁就中咗伏🤬🤬🤬。點餐嘅時候以為冇乜問題，見侍應已經落左單，點知隔離枱遲過我地入都有嘢食。原來係佢冇落到單！！即刻搵第二個侍應出嚟，但無人理我地，叫左好耐先有人應。而且態度很差，浪費咗我哋好多時間😡而且食物方面又唔係特別好食，杯凍朱古力好似溝水咁，雖然佢都唔係貴，係$70-80左右，但係都唔會再去，無乜值得去既地方😟

從來唔寫食評，今次忍唔住要寫第一次食時，覺得好好味，所以黎食第二次，點知。。。落單時問個侍應benedict係煙三文魚定火腿，佢一臉茫然咁答我:主要係菜囉。我再問，咁除咗菜、蛋同包，有無其他餸，佢答: 好像有火腿。我心諗是旦啦，咁就叫咗一份。問佢有無drink list, 佢又一臉茫然咁望住我。。。最後我叫杯冰奶茶啦，結果我果set黎咗杯凍檸茶個benedict係一件配巴拿馬火腿，另一件配煙三文魚。。。我老公叫咗個咖哩吉列豬扒飯，點知應該係同咖喱一齊煮嘅薯仔同紅蘿蔔竟然係白烚再淋啲咖哩汁上面之後夠三點可以點甜品，我見到張相個甜品幾吸引，叫咗另一個侍應問佢呢個係咩，佢又係一臉茫然咁話，應該係士多啤梨窩夫，我唯有話，你肯定係就幫我落單啦，總之我要呢幅相果個，佢走去問完經理後返黎話:原來係厚班戟配雪糕呢間餐廳個個員工都唔知餐牌上賣緊咩🤦🏻‍♀️唔會再有下次

Egg benedict 係我生命中其中一個最愛菜式。不過依間餐廳真係整得差勁👎🏻麵包跟本無烘脆又唔熱，週邊沙律還有水，攪到麵包又濕又冷，回想入口嘅感覺都仲想打冷震😖溫泉蛋肉醬長通，上枱時長長嘅一條頭髮瞓响上面😱服務員立即收番起。補上的一碟，通粉都煮唔熟透，硬柴柴😰難怪長期都有枱又唔駛排隊，真係差到一個點☹️食過都怕怕🤢

表妹距地放假黎屋企食飯食完之後無咩做就即興落葵芳食糖水又唔想咁悶食舊式糖水就黎左呢間喇其實距除左食甜品之外有正常意粉 飯 食款式多羅羅而且價錢適中之後我地就慢慢簡左自己鍾意食的甜品等左一陣一款款甜品就上台喇甜品唔算太甜都好新鮮而且熱辣辣應該係即刻整的同埋環境裝修都好光猛坐得舒服而且唔趕人走又唔洗排隊食完係隔離即刻可以買戲票睇戲地點方便又就腳係食宵夜的最佳之選距都算收得夜所以大家可以過來試下不錯的選擇！

平時去葵芳，多數都係去葵涌廣場掃小食，但今次想搵個地方坐下食晚餐，到了新都會搵食，找到一間西餐廳，看餐牌食物好似不俗價格合理，於是就試下了。 店子面積不大，裝潢以白色為主調，西式的設計，牆上掛了數幅畫作，鐵藝吊燈，感覺柔和簡約，不過位子有點擠迫，坐得不太舒服。 假日晚市套餐，有主菜，包餐湯及熱飲。 磨菇湯，熟識的罐頭湯味，只係多左菇粒。 溫泉蛋肉醬長通粉，$66，有好多肉醬，味道好濃偏鹹，長通粉份量較少，口感有點硬唔夠腍呀。 日式吉列咖喱豬扒飯，$68。 飯份量較少，咖喱味似即食咖喱汁，味道一般，吉列豬扒好乾，口感硬，唔好食呀。 熱咖啡，尚算有咖啡味。 凍檸茶，友人的。 蛋糕，跟餐加$12，味道好淡。 食物水準唔太好，服務一般，試下就算了。 葵芳興芳路223號新都會廣場1樓167號舖

諗住簡簡單單食個下午茶 點知是日特飲係道地柚子綠茶？！ 綠茶窩夫普通 但球雪糕應該係我食過最難食嘅 人造甜味 放左半個鐘都唔溶證明唔知有幾多化學物質😵 杯涷奶茶仲過分 飲奶水丫？

葵芳掃街掃到有D悶?其實都可以去商場食下野我地叫左兩個lunch set：日式咖哩吉列豬扒飯同埋溫泉蛋肉醬長通粉，兩個lunch set都有餐湯同餐飲，凍飲加$2餐湯係粟米湯 類似罐頭牌子果隻，比較稠身，飲晒其實都已經開始有d飽咖哩豬扒飯份量好多，豬扒脆卜卜。如果咖哩汁可以再多d 淋曬落個吉列豬扒到就好，因為本身汁比較少。但豬肉入面個肉比較難切開，有點實，咬落有少少韌餐飲叫左凍奶茶小冰 黎到好似淨係小左一粒冰咁......本身個味已經有d淡 跟住咁多冰就搞到更加淡....

經開有點餓，扮下貴族去high tea，叫個芒果大蝦牛角包配薯條，牛角包唔鬆軟，有點硬，蝦唔新鮮，好有雪味，薯條亦都凍晒，我食左一點都走了，總括黎講得外表，華而不實。

我地星期日去葵芳行街，果到真係好多人。所以去左新都會到睇下有無好野食，點知去左呢間SWEET-O-LOGY裝潢睇落都幾不錯，感覺乾乾淨淨，都幾多人下既，不過等左5分鐘就有位啦..不過午餐既選擇唔算好多，價錢都比較貴少少。我地兩個人就叫左個日式豬扒咖哩飯同埋黑松露野菌意粉，咁因為日式豬扒咖哩飯就會送返個西湯既(白湯，無得選擇)。但個西湯就咩料都無，一睇就知係金寶湯D FD，一D料都無。而個日式豬扒咖哩飯就一般一般，同平時去FOOD COURT食既無咩分別，而黑松露野菌意粉都係好一般，不要帶有太多期望。整體而言呢個價錢唔太值，而且D座位都幾迫下，台之間都幾迫下，感覺就係沒有下次。

經過係葵芳新都會地下，見有間甜品店，裝飾幾靚就入去試下，叫左個梳乎班戟，點知中晒大伏⋯⋯😓❌未食過咁難食嘅梳乎班戟！完全冇空氣感，「實的的」咁。pancake 本身已經好乾，仲要面頭得果少少蜜糖。真係dry 爆。🤮-💸$78，m記早餐嘅hotcake 都好味過佢。-最多咪叫pancake, 完全稱唔上梳乎里班戟！😤-回頭指數：0/10（感覺被騙，伏中之伏）

叫左個香草忌廉汁雞絲意粉，我以為已經係最安全，碟野係好大碟，不過佢係我食過最難食嘅意粉，啲雞肉啲雪藏味好勁，食到想嘔，服務又吾係好，真係吾會再有下次，最正常係得杯熱檸茶