Tardemah (K11 Musea) (已結業)

經朋友推介，黎K11 Musea經過時試下呢間韓式主打的高質健康面包💝 老闆好似係韓國姨姨，見到佢淨係識講韓文同英文😂💝艾草年糕方包🍞Mugwort Rice cake bread一份排包可以切開4-5份(圖片為一份)。因為餡料豐富，每日早餐食一份都好夠飽👍🏻麵包厚實鬆軟，餡料小小甜（唔會太甜）會有不同餡料包裹住，入面仲有少少年糕，好有口感😍我一次食咗兩塊都唔會太滯😌佢仲有好多款，下次黎會再試吓其他味道😍

尖沙咀K11開咗間韓式麵包舖，老板係韓國人，入面主打唔同高級貴價麵包，都要$70-$90一條麵包，一條切開有4塊包，都幾貴😂不過係朋友極力推介下，都買咗一條招牌麵包嚟試下！🍴艾草年糕麵包 $78切開個包，啲料勁多！有好多甜嘅豆，粟子同埋紅苺乾！食落艾草味係甘甘地，有陣微微嘅草藥味，唔臭，好香幾特別，啖啖料，甜豆加微酸嘅紅苺乾幾match，加埋年糕(好似麻薯咁)Q彈煙韌口感。麵包口感偏濕再軟，帶啲啲煙韌，真係非常豐富，本人唔係麵包控都覺得好好食！推薦指數: 8/10雖然一塊包要成$20，但食得出用料新鮮高級，有咩麵包係可以做到啖啖都有咁多料，真係淨食個包都覺得好香好好食！8分係因為真係偏貴，間唔中食就好開心，平返少少會高分啲🤭

聽講呢間係包界嘅𝙷𝚎𝚛𝚖𝚎𝚜🤣，差唔多成舊水一條包🧐，趁𝙺𝟷𝟷妙思有折嗰日即刻去咗買。人搶包我搶包，我係要擺得入口嗰啲🤣。揀咗三隻比較特別嘅味黎試下，見到個餡已經知道即刻碳水大爆炸...不過唔緊要啦，人一世物一世乜都要試吓！💖從來都覺得𝚀𝚞𝚘𝚝𝚊要放喺值得嘅地方，起碼呢個隻隻都係我想食嘅嘢先😛。.🍯拱佐諾拉蜜糖芝士方包 ($𝟾𝟺)：聽過呢個係人氣大選，店員係咁熱情推介話佢好鍾意食🤣好，信佢。返到去食咗先發現原來要叮熱🤣不過是但啦，室溫有室溫風味。第一啖少少𝚠𝚘𝚠！個包底勁香蒜味，加埋芝士喺鹹香鹹香咁🧀！叮熱後芝士係半硬帶少少黏稠感，會比較濕潤，淋埋蜜糖落去勁香，不過個蜜糖係屬於比較淡味嘅花蜜甜💃🏻，最濃郁都係芝士同蒜香鬆軟包包底🌝。.🌸艾草年糕方包 ($𝟽𝟾)呢個我對佢嘅期望值超級高！！！因為我係口感撚煙靭控，諗住呢個應該會正𝚇𝙳。同埋佢係仿照韓國嘅傳統年糕湯，入面有齊糖漬栗子、鷹嘴豆、紅豆同年糕🌞係真係足料到不得了。遺憾嘅係出嚟口感不似預期😢，餡料爆滿嘅同時搶晒包底嘅比例。食到少少苦苦地嘅艾草香，但即刻就會比餡料嘅甜糯搶過晒🙏🏻🥲𝙰𝚒𝚢𝚊 𝚂𝚊𝚍.

對唔住！我明白口味嘅嘢人人唔同，但真係伏到核爆！巨難食🥶🥶🥶想分開2 parts講解下：1）飽體 - 估計面團未打到出筋，口感似在家造的免揉麵包，好粗糙，咬落冇質感。完全沒有小麥香氣，可能用的是低質面粉。麵包亦偏濕，是做麵包的死穴！2）餡料 - 難以形容的死甜，根本食唔到無花果/栗子味，甜到”喝”喉，栗子亦有怪味。明明買無花果栗子包，但入面加左提子乾同高溶點芝士，提子乾又係好甜，芝士又淡，其實夾埋好古怪。總括，成舊嘢嘅甜度可以當甜品食，又甜又濕，味道和口感都十分差。全家人都唔肯食，雖然成$89/舊，但最後都掉咗。

ℕ𝕖𝕧𝕖𝕣 𝔻𝕚𝕤𝕒𝕡𝕡𝕠𝕚𝕟𝕥𝕖𝕕 👍🏼呢間人氣韓國過江龍麵包定價真係麵包界既LV💸未必係可以成日食既價錢 ,但間唔中食下奢侈下又真係幾正既🤤仲有店既韓國呀珠媽真係好熱情咁介紹啲麵包😂搞到樣樣都好想試下🍞..................⁣⁣📍Tardemah HK🇭🇰尖沙咀 K11 MUSEA Tsim Sha Tsui 🌍Hong Kong....................⁣⁣👅拱佐諾拉蜜糖芝士方包 Gorgonzola Honey Cheese Bread💰 $84💬 已經係第二次幫襯🤤今次試呢款鹹包🍞超級足料又有香濃既芝士味🧀黑色既麵包有墨汁同蒜蓉香🧄,非常鬆軟☁️,再加埋佢額外既蜜糖淋落去,甜甜鹹鹹咁真係幾夾好好食😋(如果叮番熱小小啲芝士啱啱溶仲正☺️)雖然個價錢真係有啲貴,但整體黎講係真係足料同好食😌下次應該會再試下佢其它味🍡❗️🌕🌕🌕🌕🌗...................⁣⁣

以韓式味道作為賣點，一個麵包🍞的價錢就等同一份午餐🍜，有時經過見到門外色彩繽紛的介紹牌都好想試吓！今天心情麻麻，店員姨姨熱情地用普通話夾雜著英語介紹店內的熱銷麵包😂她不斷說好多香港人鍾意食這個蒜蓉麵包 Garlic Bread，一定要試吓。好，就睇吓佢有咩特別先~圓形麵包分成六分，方便人拆開一件件咁食。微甜的麵包皮包著約1 cm厚的蒜蓉醬，蒜蓉醬是完美融入麵包中的；內層厚厚的Cream cheese餡剛好在中央位，食落不會好腻，一啖一啖咬落去好有滿足感😜！環境設施 (8/10)：雖然今次無坐低食，但店面燈光明亮，優雅乾淨。服務質素 (8/10)：店員非常熱情，感受到她真心喜歡店家的麵包。回頭率 (6/10)：好食，但價錢實在是非一般的貴😅。P.S. 😀加熱食應該會更美味！

/ 人氣韓國過江龍麵包🇰🇷/꧁𝗧𝗮𝗿𝗱𝗲𝗺𝗮𝗵꧂最近先留意到 但原來已經開業一年有多韓國超人氣吐司包包🍞主打韓國原料製造天然無添加麵包多種特色口味選擇 甜鹹辣味都有店內仲有真阿珠媽serve你 親切友善不過索價八十蚊一條包 到底值唔值呢(❍ᴥ❍ʋ)☽ 𝙶𝚘𝚛𝚐𝚘𝚗𝚣𝚘𝚗𝚊 𝚑𝚘𝚗𝚎𝚢 𝚌𝚑𝚎𝚎𝚜𝚎 𝚋𝚛𝚎𝚊𝚍 拱佐諾拉蜜糖芝士方包 $𝟠𝟜濃濃芝士配上蒜香 令芝士味變得更有層次芝士鹹香惹味 淋上蜜糖居然令味道更上一層樓蜜糖淡淡甜味並無蓋過芝士風頭之餘 更出奇地配襯小提示此包 必 須 翻熱⚠︎︎翻熱後包體變得非常軟熟 芝士稍溶 好味翻倍( ˘ ³˘)♥︎不過麵包終歸麵包 定價始終有點過高☽ 𝙾𝚛𝚎𝚘 𝚠𝚑𝚒𝚝𝚎 𝚌𝚑𝚘𝚌𝚘 𝚋𝚛𝚎𝚊𝚍奧利奧白朱古力方包 $𝟟𝟠嗜甜🦦大愛♡´･ᴗ･`♡同樣必須翻熱 讓白朱古力內餡融化呀oreo味不夠重 如果內餡可以咬到粒粒曲奇就好了對我而言白朱古力始終過甜 而且是沒有個性那種甜 (又稱死甜) 不過非常欣賞麵包外層如菠蘿包的crust 好特別而且包體同樣軟熟 🦦話一定要先烘!!💬 好食係好食不過真係可謂包界Hermés其實諗左諗到底麵包要點整先值$80🤨可能要加鮮松

之前見到有個YouTuber介紹呢間嚟自韓國嘅bakery, 所以想試吓😆店鋪有廿幾款麵包選擇，我哋揀咗粟子忌廉芝士方包($78)🌰.食之前放入微波爐叮一叮，令到芝士溶溶哋，食落就更加香口🤤不過cream cheese嘅份量多過粟子，比例上有少少唔平衡😝麵包鬆軟厚實又飽肚，只係價錢都幾貴💸.店員全部都係韓國人，笑容滿面，服務態度好好，會介紹啲熱門款式，又會幫我哋分開兩次叮熱啲包，抵讚👍🏻

之前經過見到啲面包都好吸引，啲韓國姨姨好努力用英文簡單介紹面包啲味道俾我地。所以決定下次一定要去試下啲包。今次約左朋友去尖沙咀行街，就專登走去買完個包就走人～果然冇令人失望！我係試栗子紅豆忌廉包，入面好多餡！對鐘意紅豆嘅我好岩口味。栗子粒都唔細舊嫁，面頭有啲杏仁片增加啲口感，而且面包本身又軟熟。佢仲有好多款味唔同嘅面包，下次都會再試其他！雖然佢一袋面包價錢比起香港本土面包品牌係有點高，但佢勝在多口味、餡都唔少，我覺得係接受到嘅。

呢間過江龍嘅麵包店遲遲唔行動去試嘅原因係麵包定價太高😓雖然有鹹有甜好多選擇但一份都起碼$70-80真係食到一餐晚飯😓 但見到唔同平台提到有啲麵包款大約$30就試到 所以咁啱附近行街順便買嚟試😄-📌蒜蓉麵包 Garlic Bread $46承上 本身睇到有人分享10月價錢係$30 轉眼間2個月加咁多我都呆咗 不過見到唔少人推介 我自己都好中意蒜頭同cream cheese嘅組合😍😍所以即管試吓😋😋 焗熱食超級香脆 蒜蓉味唔算好濃烈覺得可以再勁啲🥰🧄🧄 cream cheese餡料方面係偏甜 我諗因為原材料有落煉奶嘅關係 整體嚟講似係一款甜麵包🥲唔好諗住細細個包好快食晒 我要分開幾餐食 食少少已經覺得膩好飽😂😂

呢間麵包店啲Bread花款勁多，而且非常韓式，由韓國店員打理。啲口味、組合係較少見但又會夾到個味。🔷艾草年糕方包 💰78Mugwort Rice-cake Bread(Korean Mugwort, Glutinous Rice Cake, Chickpeas, Chestnuts, Red Beans, Peas, Cranberries)呢個係其中一個best items，本身衝住佢個年糕味去買，點知原來個艾草味會係主角咁出色，口感偏煙韌真係不得了，中間仲有各種豆，有甜有鹹咁好特別。

其實已經留意左呢一間韓國過江龍麵包舖 @tardemah_hk 好耐㗎啦！但一直都覺得佢定價偏貴，成日都唔捨得，今次經過見到有買二送一優惠，終於受唔住誘惑，一次過試咗三款味道！😻當日大概五點左右去到，雖然見到好多味道都賣晒，但每日有三十多款口味選擇，所以仍然係花多眼亂啊～.been checking out this korean bread place for ages now @tardemah_hk 😊 but always thought it was a bit more expensive 💰 but saw there was a by 2 get 1 free deal so it was a perfect chance to try it! tons of flavors to choose from 😆 overall, loved the bread esp when its toasted 🍞and when theres tons of cheese inside 🧀 def check this place out!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫

行過尖沙咀K11 Musea好幾次都無留意到呢間韓國有機烘焙麵包店Tardemah位於B2層...要行到好入先見到鋪面大而裝橫簡單,如果唔係刻意去搵,應該會係行過亦吸引唔到眼球個種, 好易錯過...今次去到已經係夜晚6點幾,由於麵包係每日新鮮製造, 每一款都係賣完即止, 基本上夜晚去到剩返5-6款仲要每款都係得一,兩個, 原本都有好多款式,擺放就分左鹹同甜兩邊。樣樣都好吸引但全部都要7,80蚊一個,好貴！一入店韓國阿姨就好熱情去介紹邊款皇牌熱賣最後揀左鹹、甜方包各一試下,埋單$173😅一拎上手真係好有份量！好有重量未食都感受到有幾足料👆🏻呢款優質公州栗子方包係韓國阿姨極力推介面層係似菠蘿包皮咁-甜甜脆脆有咬口個包估佢唔到咁鬆軟✨真係勁鬆軟！同佢拎上手嘅感覺對比好大,仲以為係好實嘅質感。栗子餡多又夠甜, 好味但僅如此。👆🏻呢款又係熱賣人氣方包-拱佐諾拉蜜糖芝士方包仲會跟一小盒蜜糖俾你點嚟食（姐係個包入面得芝士）雖然咁嘅配搭好似好普通但呢個反而好有驚喜！叮熱嚟食,包同芝士都好軟熟,神奇係食落有淡淡蒜蓉香味, 又唔會搶過芝士味,就算唔點蜜糖都勁好味😋👍🏻雖然好貴但食得出用料靚同足😌而且味道口

今年年頭已去過一次，放工去,大概6點麵包差唔多賣晒，所以放棄咗。今日出開TST中午時段就過嚟睇下，款好多，packed 得好靚，每款入好袋仲有個牌仔註明係咩包😚，有中文，英文同韓文，好用心嘅設計😍，不過整體定價都高，HKD70～80都好普遍。我揀咗蒜蓉包，一個切開咗6件，HKD30, 用完八達通俾錢先見倒旁邊有個牌寫住滙豐咭有95折，太失策🤦‍♀️，一如以往返到屋企用焗爐heat 下先，蒜蓉味唔係個個啱，我鍾意就覺得好香，焗完成屋都香噴噴。包面色澤都深，咬落少少甜，脆脆地好香👍，除咗蒜蓉，香草仲有cream cheese， 不過本人就覺得cream cheese 唔算太夾，可能用其他芝士會更吸引。

好味，質感豐富，食過韓國麵包的一定冇say No.未食過就快d試食下。有完粒紅豆，切粒栗子及條狀年糕，綠茶包混入少許黑芝麻，甜度適中。包身軟熟分量十足，可用微波爐反叮30秒更可口美味，值得推介。