Tea Express Bar by Jrink (已搬遷) 新店位置

抹茶芝士丸丸($42)呢間主打日本茶飲、養生飲品，全部飲品既賣相都好吸晴、好治癒。採用日本靜岡有機抹茶粉，飲品即叫即沖，店員係你眼前用茶筅製作綠茶，誠意十足。綠茶馥郁甘香，底部仲有丸丸，軟糯而且非常煙韌。

So fresh & lovely Mermaid drink💙🏖🧜🏻‍♀️🐚🍹 & Matcha drink💚🍃🍵🍡 ..平時行K11都係睇藝術展品多，行到口渴 想買杯野一路行 一路睇 一路飲就最岩。經過見到呢間飲品店最近推出左新品💙Mermaid Dream💙 真係好靚靚 好fresh 好海洋氣息🌊 呢。 真係好陽光`好海灘既感覺，上面仲有靚靚魚尾🧜🏻‍♀️`貝殼🐚`海沙粒🏖 裝飾 好鐘意💕。飲落似胚芽好立克既味道，但其實係用左燕麥奶 加上奶蓋&木糠，感覺好健康又唔會膩。而奶蓋淨飲已經好好味 搞勻又有另一種味道💙 好滑呢。 用上日本土橋園百年老店既靜岡抺茶粉。抺茶底真係好濃 味道好出，加上百搭既奶蓋飲落又香又濃又滑，仲有煙煙韌韌既丸丸🍡 好好咬，不錯呢。..另外既 & 都吸引到我，唔知又好冇味呢❓😋✨tea is so awesome & so are you✨..

飲品店多得隨處可見，要突圍而出都要有返少少gimmick呀！最近見到身邊有啲朋友拎住一杯杯好靚既飲品係IG打卡，即刻迫不及待要黎試!!《Mermaid Dream》$48呢杯係三月新品，藍加白既組合真係好治療，靚到咁我諗無人可以抵抗得到😆首先面層係極濃厚既奶蓋，加左燕麥奶、白朱古力，味道好濃郁，好似飲緊好立克咁，表面仲有好多木糠碎、白朱古力，口感超豐富呀😍奶蓋下面係牛奶，奶味香濃口感都好滑👍🏻其實我好怕甜嘅嘢飲，不過因為呢杯完全唔會有呢個情況出現，所以好快就成杯飲晒😆《芝士草莓幫幫》$42又係一杯好靚嘅飲品。面頭既芝士奶蓋又係超濃厚，芝士既咸香突出，味道係我飲過之中數一數二！不過店員建議同下面既沙冰撈匀飲，會更好味，但係我鐘意就咁食個奶蓋🤣沙冰既草莓味好香好天然，味道一啲都唔假，微酸微甜好清新，但係冰粒可以再打碎少少。鐘意茶飲既你一定唔可以錯過呢間，味道真係唔會令你失望呀💯💯！

jrink mermaid dream尼杯咁靚嘅系3月限定 用尼打卡真岩哂 佢真系超級靚 好有海灘既氣息😂 佢其實系用左燕麥奶同奶蓋 之後系上面加左白朱古力同木槺 佢個燕麥奶非常之好裡面系無燕麥所以大家吾洗擔心會飲到好飽 佢地仲系用北海道牛奶 所以佢成杯嘢都好滑 佢再on top加左奶蓋不過大家放心佢無做到好膩嘅感覺 佢加朱古力真系加哂分 因為佢本身成杯嘢無另加糖 所以一路飲就一路食啲朱古力咁甜度就岩岩好☺️hojicha latte佢系用左岡山嘅嘅焙茶再加奶 佢個焙茶底非常濃 茶同奶既比例好好 而茶底系即刻磨 所以焙茶既味道好出 不過佢都一樣吾會再另加糖所以如果鐘意飲甜嘢嘅朋友就一定要叫佢加 如果吾系佢只會得奶本身嘅甜度佢仲有得買咁尼啲杯袋😍 我覺得佢地啲design都好得意😍😍😍😍

平時出街飲士多啤莉味既飲品會怕味道好假🙈但呢個 #芝士草莓幫幫 $42 好好飲😝上面有軟滑既奶蓋，咸香十足仲好好口感😋😋底層既草莓沙冰有粒粒果肉🍓顏色鮮豔，非常吸引～沙冰味道清新天然，士多啤梨味一啲都唔假，好中意呀💓💓酸酸甜甜，飲到尾都唔會覺得太膩！如果沙冰打得再幼滑少少就更加好🥰👍🏻👍🏻.📸#Tea Express Bar by Jrink尖沙咀河內道18號K11購物藝術館2樓201號舖

之前行過K11 Natural 門口開咗新嘢，試咗凍日本焙茶，覺得茶味十足不會太甜，好好飲， 啱哂我呢d怕甜嘅人！ 今次就試咗蜂蜜薑奶奶， 真係夠薑夠哂辣， 甜度仲啱啱好， 加埋面頭幾粒甜脆脆 ，將本身唔係好甜嘅飲品加添了少少甜味， 杯奶亦熱度適中，面頭打了－層綿綿嘅奶泡， 喺呢個冬天畀到一份窩心嘅感覺! 飲品亦有好多特別嘅選擇， 例如巨峰提子煎茶及抹茶芝士丸丸等 ， 下次我就要試伯爵朱古力！ 整體來說飲品質素並非珍珠奶茶舖可媲美， 物有所值！

I still remember finding :jrink hidden on Ormsby Street in Tai Hang, with the pretty brick wall, and amazing selection of novel tea leaves they sold. The can of banana latte black tea leaves I bought definitely gave me joy. As this wonderful tea allowed me to have a taste of both latte and tea.Visiting the Tea Express Bar by Jrink was another delightful experience. While waiting for my drink to be served, I asked the shop assistant (or actually the owner?) whether the shop in Tai Hang was closed

行下K11發現有間新茶店！見到餐牌好多款睇落好正😆 一於試下～。點左店員推介嘅抹茶芝士丸丸，芝士奶蓋好厚身！口感好幼滑，好香奶味亦唔會太鹹😋 個人覺得係飲過咁多奶蓋最好味嘅一個！😆 抹茶味比較清香唔會太濃，岩怕太重抹茶甘味嘅就岩哂👍🏻 丸丸都好煙韌好好食～ 另外一杯芝士草莓幫幫奶蓋一樣好味，草莓沙冰酸酸甜甜，裡面有唔少士多啤梨肉，奶蓋上有大大粒草莓都幾甜♥️ (大粒架但沈左落奶蓋裡面😂) 味道清新配埋奶蓋甜度剛剛好～依杯都好高質😋。每一杯都有個帆布掛袋送😀 可以一邊行一邊飲～掛袋嘅圖案文字幾可愛🥰

原來K11購物藝術館入面都有正嘢呀！好日系又好文青咁款有別於一般既手搖店佢地做每一杯飲品都好用心令我想起台灣既慢活感。依家買嘢飲仲會有環保♻️杯套送啊‼️.我點左抹茶芝士丸丸可惜我去當日丸丸已經賣曬了 試唔到😭就咁試下抹茶芝士先店員用茶筅將抹茶粉手打 將其完全溶化超用心 日本靜崗有機抹茶粉加上北海道3.6牛乳唔甜 飲到真正既抹茶味 #抹茶控 必試。個芝士奶蓋 同喜茶係99%相似我飲第一啖 即刻同朋友講 喂 呢杯掂wor朋友都試左啖 我地都覺很係好驚喜❤️呢杯嘢10分點都會有8-9分。.朋友揀左伯爵朱古力呢杯面頭有好吸睛既大粒綿花糖加朱古力醬略有伯爵味 同普通朱古力唔算好大分別記得搖勻先飲啊💙

港人作為不折不扣既珍奶粉絲，基本上出一次街都可以見到一人手拎一杯珍奶🤨今次同大家介紹呢間新穎小小，用上日本既茶底，冇珍珠不過有白玉，同樣都咁正🥰👉🏿✨抹茶芝士丸丸 Hkd 42 💸📌呢款最受歡大眾歡迎，有芝士奶蓋，仲有抹茶，再加埋啲白玉🥳完全係我心中既第一選擇！佢既抹茶係即叫即磨，難怪飲起上黎真係同坊間既唔同，茶味係寧舍濃郁，回甘個下好加分！而佢既芝士奶蓋俾得一啲都唔手軟架，咸香既奶蓋加埋抹茶真係好搭😍底下既白玉非常軟糯，口感upupup🐷👉🏿✨蜂蜜薑奶奶 Hkd 40 💸📌呢款係一月限定！大家想飲要快啲去😳用上本地薑汁，上面既蜂蜜脆脆係每日早上新鮮製作，有熱又有凍，等啲脆脆融化左之後，飲落仲會甜滋滋😚飲完成個身即刻暖返晒！佢唔會係好「辣」喉個種薑汁，真心唔錯呢🤭✨依家只要買野飲仲會送杯套～送埋呢兩個星期咋！送完即止,手快有手慢冇～美美的✨

平時好鍾意飲甜野，所以一直都唔想side quota 去試所謂既抹茶甘苦味，之前同朋友經過K11 抱住唔甜應該唔好味既心態去試抹茶芝士丸丸，點知有意外驚喜。睇住茶藝師整抹茶，見到真係用抹茶現打，本身見到無咩乜落糖驚自己飲唔慣、不過試左又ok wor！奶蓋本身帶有甜味，抹茶無糖，加上抹茶丸丸，店員叮囑要攪勻先飲，唔係個味道會一層層分開飲唔到個配搭特別之處，我就梗係兩樣都試下，又唔講錯，喜歡甜味既我唔攪勻真係會覺得完全唔甜，但攪勻之後發現個味道好match、值得我寫個食評表揚👍 另外朋友叫左伯爵茶朱古力，我又梗係再試試唔攪勻同埋攪勻既味道啦，結果發現原來平時d 店員真係無講錯，攪勻係好好飲，唔攪勻的話個伯爵朱古力會太「傑」，同d 奶未融合埋，同攪勻左真係味道差好遠。😂終於明點解一杯飲品都可以有咁多種口感。真心推薦，攪勻既抹茶丸丸同埋伯爵茶朱古力！

K-11新開低糖茶飲概念店【Jrink】主售特調飲品同鮮萃茶由以前既大坑搬到黎尖沙咀 專賣外帶茶飲🥤佢地既抹茶係即叫即用茶筅手打 令茶粉完全溶化用上日本靜岡有機抹茶粉 加北海道3.6牛乳✨🎄聖誕特飲🎄✨ 抹 茶 草 莓 忌 廉 $48賣相好似成棵聖誕樹咁😆抹茶苦中帶甘 加上士多啤梨蓉做底士多啤梨既酸甜中和左抹茶既苦甘 個味好夾😍仲有面頭上既抹茶忌廉我第一次食到咁濃既抹茶忌廉‼️😱抹 茶 芝 士 丸 丸 $42用抹茶鮮奶加上白玉係底 芝士奶蓋係面白玉軟糯夠煙韌 芝士奶蓋偏咸但溝埋落抹茶到就岩岩好💖

Jrink本店位於大坑，但後來闊別兩個多月，終於在尖沙咀K11開設新副線飲品店Tea Express Bar by Jrink，雖然之前從未光顧大坑店，不過卻是對其一系列茶飲大感興趣，尤其是聖誕限定的草莓抹茶幫幫最令人垂涎三尺。Strawberry Matcha Bonbon ($48)下單後可以目睹店員即席以茶筅刷泡抹茶，加入日本士多啤梨果蓉同北海道鮮奶基底之上，甜度輕微令抹茶甘香份外醇厚；底層士多啤梨果蓉酸甜有致，果香天然毫不帶藥水香精之感；雖然士多啤梨同抹茶兩部分各自表現出色，但始終兩者之間並不算相當融洽，充分攪拌均勻後亦無可避免口味偏頗不均，喝到士多啤梨果蓉時抹茶味就顯得微不足道，反之亦然。事實上，整杯飲品精髓所在在於面層堆積如山嘅抹茶忌廉，質感幼滑如絲而抹茶濃度亦相當出眾，初嚐一啖後完全欲罷不能，尚未開始飲用底部飲品前便已經吃了八成忌廉，尤其是忌廉上加上脆米豐富口感，即使單吃忌廉亦彷如品嚐一款獨立甜品一樣毫無膩感，喝罷整杯飲品後，禁不住連僅餘留在杯邊的忌廉亦刮得一乾二淨。整體而言飲品質素其實甚高，雖然價格較一般茶飲店高，但感覺上物有所值，畢竟香港大多數抹茶飲品都只以現成抹茶糖

今日行過k11 ,見到有人購買這飲品，看見顏色鮮豔所吸引，又聽到購買D人説到好好飮，便購買一杯，飲後其實一般，也可以形容差劣。購買嗰個人都唔知係米做媒引客上當，仲要買四十幾元杯，超貴，冇下次。😩👎👎👎

尖沙咀嘅 K11 有好多鋪頭仔賣有機天然食品，其中一間新開嘅就係呢間飲品店 😙 原來佢哋系大坑都有分店 😀 呢間飲品主打系茶飲，覺得佢哋嘅飲品系真正嘅純天然，無論係沙冰定茶都系茶味重，甜味輕，但唔會淡。廚房係開放式 🤗 可以見到店員係落單後即刻去磨抹茶粉Strawberry Matcha Bonbon ❤️ ($48)呢杯聖誕限定嘅沙冰好靚好似聖誕樹 🎄 底部有一層薄薄嘅士多啤梨蓉，酸酸哋，但唔會掩蓋咗抹茶味 😄 沙冰打得好幼細，冇任何冰粒 😉 成杯飲品由 cream 到 slush 都系茶味行頭，飲得嘅抹茶粉 😛 如果鍾意飲甜嘢嘅話建議特登同店員講想要甜少少Yuzu Gencha ❤️ ($38)有時試簡單嘅飲品反而更加突出到舖頭嘅配方掌握得好唔好～ 柚子茶🍊都同上面杯一樣唔會太甜，柚子嘅微酸啱啱好，另外仲加咗少少嘅紅石榴籽有啲咬口，成杯飲品 開胃解渴