Thailand King

營業中

休息中

呢晚同朋友聚舊，到訪呢間位於加連威老道、嘉嘉蘭圍交界嘅泰式小店。餐廳位置比較隱蔽，但佈置好有feel，門口仲有少量戶外座位，啱晒一班朋友食飯飲嘢及吹水。黃咖喱軟殼蟹（$148）- 黃咖喱相對冇咁辣，但仍然香濃惹味，啱晒唔食得辣嘅朋友，軟殼蟹炸得好香脆。呢個咖喱汁無論配白飯、薄餅或法包到非常適合。燒豬頸肉（$88）- 燒豬頸肉入口好嫩滑而有咬口，燒得好香脆。呢個份量亦都非常多，點埋泰式醬更加惹味。芒果蟹肉炒飯（$108）- 炒飯分量非常之大，炒得好香，粒粒分明。炒飯配以蟹肉、洋蔥及芒果，味道酸酸甜甜開胃。炒椰菜苗（$108）- 椰菜苗炒得好惹味，賣相幾醒神，份量繼續超大碟，一碟三四個人食都冇問題呀。椰子雪糕（$58）- 呢個造型相當別緻，用椰殼裝住椰子味嘅雪糕。雪糕入口充滿椰子香味，味道唔會太甜，感覺清新。飲品點咗Fruit Punch（$58）同香茅薑蜜各一（$48），味道相當不錯。餐廳其實有唔少酒精飲品、啤酒及雞尾酒提供，啱晒一大班朋友傾偈飲嘢。

呢間酒吧主打泰式風格，食物同酒都有作出相對應調製。泰式羊架：羊架的肉質鮮嫩多汁，混合着泰式香料的香味加上炸蒜及配上泰式醬汁，一口吃下味道濃郁，如配上泰式醬汁，使羊架酸酸甜甜，個人偏向不配醬汁。泰式太陽蛋肉碎炒飯：太陽蛋煎得美，肉碎炒飯香葉香氣四溢，小小辣小小酸，而且炒得粒粒分明。薯條配黑松露醬：大大份，物超所值，大條粗波浪薯條，熱辣辣及酥脆可口。TEQUILA SUNRISE：色彩繽紛，容易入口，女士首選。DRY MARTINI：酒精含較高，口感濃郁辛辣。WHISKEY TAI TEA：威士忌混合泰式奶茶，很特別，又是太甜，又有少少茶及威士忌味，值得一試。SHOW ME THE COLOUR：色彩繽紛的6小杯，每杯都是不同的口味。廚房開放式設計，食物製作及調酒一目了然。最值得讚是所有食物即叫即整，新鮮熱辣。

尋日去左尖東附近買首飾，搞掂後去到 Thailand King 食飯，這家餐廳係比較偏僻的地方，但餐廳外面環境有少少似泰國本地既餐廳，令人有種度假的感覺。蟹肉蛋餅：整個蛋餅冇明顯既蟹肉，但蛋餅有蟹肉既鮮甜，質感厚實，可以作為主食。馬拉盞炒椰菜苗：口感爽脆，好少食椰菜苗，原來食落有少少天然甜味，配馬拉盞同少少菇類幾特別。菠蘿炒飯：炒得恰到好處，既有菠蘿的甜味，又有炒飯的香氣，份量超級大份，有足足三隻大蝦，新鮮啖啖肉，推介要試喱個飯。炸蝦餅：外脆內嫩，同樣比我想象中大份好多，蝦肉幾新鮮，配酸甜醬好好味。泰式豬頸肉：肉質鮮嫩多汁，有烤豬頸肉的燒烤香味，唔會太肥膩，配飯食一流。整體而言，Thailand King 價錢平民化，質素喜出望外，CP值幾高。

📍Thailand King 😍尖沙咀高質素泰國菜🇹🇭～泰式炸蝦餅😍講真未食過咁好食嘅蝦餅☺️懷疑係即場手打🤪非常軟熟爽口彈牙☺️👍～雞肉生菜包🥳味道極之誘人😍雞肉香滑軟熟☺️生菜新鮮🤪份量亦都好多👍～炒西蘭花☺️西蘭花好高質素☺️新鮮翠綠😍調味都做得非常好😘～金沙軟殼蟹🥳鹹蛋黃軟殼蟹🤪炸得勁香😛正到爆👍但係非常邪惡🤤🤤因為份量超多😃～太陽蛋酸辣肉碎炒飯☺️味道好特別☺️估唔到酸辣炒飯都可以咁好食😍👍～椰子雪芭☺️椰奶味非常之重😍勁香滑😛食到停唔到口👍😘順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍港鐵尖沙咀站B2出口 步行約5分鐘Thailand King (尖沙咀)尖沙咀加連威老道 嘉蘭圍 22-22A 號地舖

好難得同好耐冇見嘅朋友聚舊，所以就帶佢嚟以前我哋成日蒲開嘅尖沙咀restaurant bar一齊又食又傾！朋友好鍾意食泰國菜同時又好鍾意飲酒🍻今次呢間酒吧餐廳就fit晒😎雖然地方唔係好大，但係都好cozy好有feel，好適合情侶、三四個人嘅gathering甚或者成班friend嚟happy hour💯本身酒吧餐廳都無expect會有好多選擇，但係呢度嘅泰國菜係由泰式刺身到冬蔭功湯，炒飯，甜品芒果糯米飯都有！要酒有酒，要無酒精飲品亦都有！真係將酒吧餐廳做到極致👍🏻我哋兩個人叫咗咖哩軟殼蟹(2隻)($148)，炒芥蘭($88)，花膠冬蔭功湯($78)同埋食泰國菜必點嘅雞肉生菜包($98)❤️‍🔥食辣嘢當然要叫返幾杯飲品清一清個口😝所以我同朋友每人都叫咗兩杯梳打($48-58)同原隻椰青($58)解渴😌花膠冬蔭功湯同咖哩軟殼蟹辣度適中，係會越食越上隱，停唔到口😂驚辣嘅朋友都可以大膽嘗試👍🏻個湯除咗有小小酸辣味之外，仲落咗好多唔同香料調味同埋冬菇大蝦嘅材料整🍤而咖哩軟殼蟹就炸得酥軟，好重咖哩味，混雜多種風味，真係泰好食😋我哋最愛嘅生菜包真係無得彈！泰式肉碎酸辣又開胃😋清爽可口嘅生菜🥬包住連埋肉

昨日拍拖行完大館的《曲詞印記》展覽後，都將近六點，便搭港鐵回尖沙咀食晚飯🤭，因為早幾天行過厚福街附近，發現一間環境幾舒適的泰菜餐廳兼酒吧，於是決定昨晚同男朋友一齊去食😁呢間位於厚福街後方嘉蘭圍的泰菜餐廳，《Thailand King 👑 》以酒吧餐廳嚟講，呢度環境好舒適，感覺上好似仲幾適合包場添，枱頭望見以酒樽製成的燈飾、有泰國特色的傘子裝飾，座位也很舒服，第一印象非常滿意👍🏻餐牌上選擇也很多，今次揀咗共四款美食及兩杯飲品，最尾男朋友搞笑地話「飽到腳軟🤣」，份量對於只有小妹兩人來講，實在太足夠😍相當滿足～1️⃣ 馬拉盞椰菜苗-濃得嚟係好味，唔太重口味，每棵菜苗包住晒啲馬拉盞，好好食😍😍😍2️⃣ 泰式蠔肉蛋餅-ふわふわ嘅蛋配上大粒蠔肉，好好食😋純蛋液好似無加麵粉，飽肚感無咁大，鍾意蠔餅的男朋友大讚🥰❣️3️⃣ 菠蘿海蝦炒飯-細個食開的菠蘿炒飯，係有肉鬆、提子乾，Thailand King嘅菠蘿炒飯同小妹細個食嘅一樣吖😍，仲有3片菠蘿🍍、3隻大蝦🍤，味道相當出色，賣相亦好靚添🫶🏻🫶🏻4️⃣ 黃咖哩軟殼蟹配泰式薄餅-親眼睇住廚房師傳，處理軟殼蟹、沾粉漿下鍋炸蟹，即叫即做👍🏻👍🏻；黃咖喱有少少辣，配搭泰式薄餅，

半開放泰式風情設計🇹🇭猶如置身泰國夜市酒吧🍻完全營造出閒逸的渡假風情🏝️餐牌菜式繁多📖供應多款沙律、湯品、炸物、燒物🍡主菜、咖喱、蔬菜、主食及甜品🍮炒飯色澤金黃、粒粒分明🍚有鑊氣又夠惹味😋海蝦大隻彈牙，菠蘿新鮮肉甜🍍四式拼盤好豐富🍴點一客拼盤就可試齊多款小食🍤包括雞球、蝦餅、墨魚餅和春卷😙原隻魷魚上陣，好大隻魷魚切成一條條好均稱，配埋自家製酸辣汁，微辣惹味紅咖喱香味撲鼻，海蜆厚肉🥘爽口肥美，鮮甜美味😃將香茅切碎去醃雞肉串🍢雞全翼也用上秘製醬汁💦配上泰式甜雞醬，味道更提升⬆️濃濃燒烤味，十分香口😍

今日係我既生日, 唔想次次生日都食西餐, 所以今次男朋友book左食泰國野~好彩佢有book位, 如果唔係walk in都冇呀!天氣咁熱, 我地就叫左2杯飲品, 一杯Asahi, 一杯特飲芒果沙冰芒果沙冰冰涼爽口，清新, 十分解渴。適合在炎熱的天氣中享用.我地完全冇諗住佢係咁大杯, 飲到最後真係飲唔哂~燒豬頸肉燒豬頸肉外皮酥脆，肉質鮮嫩多汁，份量都好足, 大概有8-10塊. 點埋醬汁就Perfect!菠蘿海蝦炒飯這道炒飯色彩繽紛，菠蘿的酸甜味與海蝦的鮮味融合，入面仲有提子干. 上個2隻海蝦都好新鮮, 肉地夠哂彈牙, 而且仲好大隻tim! 炸蝦餅6件平時個炸蝦餅應該係佢既1/2, 每一件蝦餅都好大件.炸蝦餅外脆內嫩，蝦肉的鮮味透出，搭配甜辣醬更是絕配蠔肉蛋餅這道蛋餅包裹著鮮嫩的蠔肉，每一口都有口蠔肉. 上面同埋蛋餅都會有芫荽, 如果想食呢道小食既你地要注意哦~芒果糯米飯伴椰子雪芭這道甜品將香甜的芒果與熱糯米飯完美結合，椰子雪芭應該係hand-made, 個感覺幾creamy又唔會太甜~整體來說，無論是主菜還是甜品性價比高，下次會黎個happy hour!

以為過咗立秋就會涼咩唔係呀，天氣仍然到爆炸♨️所以都係想食清爽辣嘢🤣見到呢間泰國嘢評價ok就去試吓.位置好似係地圖見到有少少偏僻其實exactly喺利時商場對面.❇️燒安格斯牛肉沙律頭盤先嚟一客沙律，牛肉同沙律份量都好足味道都幾好幾開胃，食得辣嘅我哋都覺得辣度剛好。如果唔食得辣嘅朋友就要留意下啦.❇️香茅煮花蜆$128平時白酒/清酒煮蜆就食得多 第一次食泰式唔係平時嘅酒香味取而代之嘅係有香茅嘅味道同埋檸檬嘅酸味好清新💛好快就清晒成碟.❇️泰式肉碎生菜包$98 (豬肉/雞肉)我哋就叫咗豬肉呢個係我哋食過最好食嘅生菜包，沒有之一平時食生菜包最大嘅問題係咩呀？係唔夠生菜啊。呢個比足一大籃你。第一次食晒啲肉都未食晒啲生菜豬肉睇落去平平無奇，但係一咬落去就爆汁味道恰到好處，酸酸辣辣極開胃🤤🤤如果平時happy hour就咁嗌個生菜包配啤酒都應該幾正.❇️泰式冬蔭公意粉$138唔好睇個意粉細細碟其實都幾多 有四隻大蝦 都夠兩個人share冬陰功意粉個味唔會太辣唔太食得辣嘅應該都👌🏻OK仲有一個值得稱讚嘅地方係個醬汁唔油唔會好似平時啲炒意粉咁樣食完成碟油🥲This is nice~.❇️泰式蟹肉蛋餅$168呢個

今日食左間泰菜真唔錯👍抵食又正宗。。🥢泰式香茅椰汁雞湯 $68 泰式雞湯香氣四溢,椰汁入味夠濃郁,雞肉又鮮嫩彈牙。有少少辣辣的香料味,令人胃口大開。。🥢黃咖喱豬頸肉 $98黃咖喱好夠味!豬頸肉軟身又多汁,完全吸收到濃郁嘅咖喱香氣，配飯一齊食,簡直絕配。另配蒜蓉包 $25 蒜蓉包又脆,好襯咖喱。。🥢泰式蔬菜長春卷 $48長春卷內餡新鮮可口,包著清爽嘅蔬菜好清甜。。🥢芒果蟹肉炒飯 $108蟹肉鮮甜味濃,配埋芒果嘅清甜,米飯炒好爽，令人食慾大增。。🥢柚子Asahi Sour $78 / 芒果Asahi Sour $78 呢兩杯特飲都好開胃。柚子同芒果的味道特別清新

發覺我同妹妹好鍾意係尖沙咀搵野食🤣🤣今次食泰國菜 Thailand King係一間酒吧餐廳🙊🍢四式拼盤(🦀蟹餅、🦑墨魚餅、🦐蝦餅、🫔春卷)份量都多 各有三四件 🦀蟹餅外脆內軟 仲好Creamy 🦐蝦餅對半切開都大大件 仲有啲蝦粒係中間🥭芒果蟹肉炒飯🦀芒果好甜🥭 菠蘿粒都好多🍍 飯粒炒到粒粒分明🤩 偏乾身 唔會因為加左芒果同菠蘿變到濕漉漉🥳🍢焦糖鮮菠蘿🍍以呢個價錢有兩串 仲要一串有三件真係好抵食!👍🏻菠蘿燒到好Juicy 咬落去爆晒汁💦 夠晒甜!!🥘咖哩河蝦🦐有三種咖哩揀 🟡黃咖哩/🔴紅咖哩/🟢青咖哩 今次我地揀左黃咖哩 🥘咖哩味好香 蝦有五大隻 全部都索晒咖哩汁 好入味😋😋原隻鮮椰青🥥🥵熱辣辣既天氣就最適合飲個椰青就最解暑啦~大大個椰子 仲可以食埋個椰子肉 正!!芒果沙冰🍹一上枱大大杯芒果沙冰真係嚇親 🥭芒果好甜 打做沙冰好解渴 仲有啲芒果粒係到 好似食緊甜品咁🤤

喺尖沙咀嘅一條小巷子入邊，搵到呢一間隱世泰國料理！餐廳裝修別緻，充滿度假嘅風情～泰式肉碎生菜包(豬肉)💰HK$98爽脆嘅生菜包住充滿泰式風味嘅豬肉碎，營造出一種清爽嘅反差感！而且味道辣辣哋，令人食慾大增～泰式香茅椰汁雞湯💰HK$68每一啖飲落去都係椰汁嘅芳香，雞肉份量多，肉質非常嫩滑～四色拼盤💰HK$208呢個拼盤相當豐盛，有蟹餅、蝦餅、墨魚餅同埋春卷！每一樣都係即叫即炸，蟹餅有濃郁嘅忌廉香味，蝦餅同埋墨魚餅都爽口彈牙，春卷酥脆可口～青咖喱豬頸肉💰HK$98青咖喱有醇厚嘅椰子香氣，咖喱質地濃郁而且微微辣，豬頸肉肉質軟嫩彈牙，掛汁能力高～蒜蓉牛油法包💰+HK$25好香蒜蓉味同埋牛油味，法包烘到外脆內軟，點埋青咖喱，將味道再昇華到去另一個更高嘅層次～芒果糯米飯伴椰子雪芭💰HK$108芒果相同香甜，配埋暖笠笠嘅糯米飯同椰汁，味道正宗！旁邊嘅椰子雪芭味道有驚喜，富有濃郁嘅椰香味，入口質地幼滑，令人流連忘返～芒果沙冰💰HK$58超級大杯，係清甜嘅芒果香味，仲有粒粒芒果肉增添口感～不得不說，兩位廚師都非常之認真講究，店員又態度親切，唔怪之得餐廳充滿人氣啦～

呢間尖沙咀泰國餐廳價錢公道，味道又唔錯，我不時都會同朋友黎食😳🐣椰子雞湯湯底椰香四溢，雞肉滑嫩入味☺️🐟Salmon sashimi三文魚切得薄而滑嫩，第一次食呢種酸辣味嘅三文魚，幾特別😋🍗四式拼盤內有蟹餅、墨魚餅、蝦餅同炸春卷，岩晒同朋友share❗️用黎佐酒就更夾🥰炸物都會即叫即炸，食落香脆，仲唔會覺膩！個人最中意炸春卷😍🥦炒西蘭花泰式炒西蘭花 嘅口味😊 食落都幾辣同惹味！Thailand King 📍尖沙咀加連威老道嘉蘭圍 22-22A 號地舖

食物ok, 價錢大眾化。可慢慢坐低傾計同食嘢。唔會一嚟就好push落單或者 拿拿聲上哂菜咁趕，店員亦好友善，不錯。唯一疑惑係芒果糯米飯用嘅芒果唔似菲律賓式泰國芒果，味道較淡，感覺似台灣水仙芒。但整體都ok.

今日嚟到喺尖沙咀主打泰國菜嘅Thailand King，店內環境開揚，天花位置以酒樽作吊燈裝飾，佈置充滿泰國特色。而且食物高質之外，份量都好大碟，幾個朋友聚餐嚟食就可以一次過試唔同嘅食物啦🤤好鍾意呢度嘅青咖喱豬頸肉同燒魷魚筒，同平時食嘅唔同，咖喱汁香濃仲充滿椰香味，再加埋燒到脆脆地嘅豬頸肉，惹味開胃！記得要追加埋Roti 同蒜蓉包呀！！ 😍 四式拼盤嘅墨魚餅同春卷都唔可以錯過，炸得金黃香脆，酥脆香口😚 想食炒菜嘅話，都有唔同配搭，我哋就咗蒜蓉炒椰菜苗，清脆爽口。最後食埋傳統嘅泰國甜點芒果糯米飯同椰子雪芭，清爽又消暑。✨泰式原條燒魷魚筒✨青咖喱豬頸肉✨泰式薄餅✨蒜蓉牛油法包🥖✨四式拼盤 - 蟹餅 蝦餅 墨魚餅 春卷 ✨蒜蓉炒椰菜苗✨芒果糯米飯伴椰子雪芭 ✨鮮芒果梳打✨鮮青檸梳打