The Ashley Road Trading Company

營業中

休息中

呢間company其實係間酒吧，lunch set大大份，都算抵食。推介菜式係香草非洲雞扒，佢個醬汁真係好特別，好好食，雞扒亦都好嫩滑，但係意粉偏硬。服務態度尚可。

現在大家都未有得去旅行，娛樂也減少，間接省下了錢，最好就是用嚟享受美食輕鬆一下。「民以食為天」，始終都無錯，M 先生吹雞約四人飯聚吃午餐，我倒是相當樂意啦，又可以吹吹水！地點方便大家，也選擇尖沙咀。這裏中午人客不算多，可能同店的位置屈咗入街有關？開了支「法國白酒」$298 互相分享：先點個「泰式小食拼盤」$138，展開今趟美食之旅：燒豬頸肉、炸爽彈蝦餅、泰式小春卷，都很新鮮熱辣，春卷出奇的好吃，外酥內軟，餡料好像有些芋頭粒粒，用來點附上的 Basil 汁，香口而不膩，而且一大盤最啱作為伴酒菜呢。這裏午餐一向水準不賴，每位包一客「法色洋蔥湯」外貌對板，表面放浸一件用芝士焗好的法包，吸盡湯汁，洋蔥除了溶掉在湯裏，還有相當多，可以滿足口感。若果不要湯，可以選擇「蔬菜沙律」，食材新鮮，也沒有失手的理由：我的主菜選擇，放縱一次吧！「澳洲牛肉芝士漢堡」$98回想起來我都好久沒有吃漢堡。近年漢堡已經「升呢」入得很多大餐廳，也可以賣得好價錢，不再是快食快閃的 Junk Food。牛肉是澳洲草飼牛，半生熟程度，以肉質來說是蠻鬆化， 蕃茄生菜也很新鮮，而且包是煎過的，又脆又鬆，合我這個包癡。當然還有那塊半

美味停不了，不如就順時間繼續 go go go，分享生日飯。食完中午飯，就匆匆趕去吃下午茶。我們沒有叫 Afternoon Tea，反而叫了「All Day Breakfast」，咁話明叫全日供應早餐嘛XD 反正我們兩個都是雞蛋控，所以吃得蠻歡樂的。某程度上，「All Day Breakfast」已經被演變成為一種所謂生活態度，大家一窩蜂，最緊要 IG 打個卡，好似好有悠閒個性同識享受人生的感覺。賣的是背後的「品味」，實用性可能已是次要？！當然「品味」兩個字，任你演繹。有句說話，「To eat is a Necessity, but to eat intelligently is an Art」，意思大約是「食嘢，是生存必需；但若食得聰明，就是一種藝術。」呢啲弗洛伊德啲 friends 講嘅說話，可能可以應用在有魅力的「All Day Breakfast」上。英國人一般只會稱下午都有供應的英式早餐做「English Breakfast」。原因是倫敦街頭的上班族和香港一樣，要東奔西走；而早餐是三餐中最重要的，因為他們吃了早餐後便有力量完成整天的工作，這才是「全日早餐」背後的象徵意義。我也

不如講吓西式小店。記得之前在尖沙咀有間即煮意大利粉小店，因為在公司附近，精品咖啡又好喝，可惜現在已關門大吉 。要尋覓性價比高，又對胃口的意大利粉店，都要睇緣份。當然一分錢一分貨，不要好似雪E刻意將酒店級盆菜與「基隆」的相比，吃得自在好吃就行了。你要幾好食幾正宗的酒店或者星星級意粉都有，不過「等價交換」。做人活到依家，唔係咁都唔明白係嘛？俾兩蚊你去消費食正宗日本和牛或西班牙黑豚肉好無 XD回歸正題。這店一來日常交通蠻方便，二來價錢相宜，出品對小弟胃口也很好坐。加上之前疫情禁晚市堂食，中、下午想出外吃飯，我也不太會選擇一大班朋友分枱坐，遲點兒先啦。查實意大利一個如此大的國家，其實每個部分都有它的特色。若只講意大利粉，Pasta 已經有超過三百五十種，不論是螺旋粉 (fusilli)、長通粉 (penne)、馬鈴薯湯團(gnocchi) 或寬麵 (tagliatelle) 都有不同特色，可算是今時今日做法最多樣化的西式麵食之一。我媽在家也會煮 penne 吃，不過就是很家庭式 local 胡亂炒的製法囉。此食店的意粉不會煮得過腍，麵條爽身有咬口，即是大家所謂的 al denté，基本之一，也

當日，跟好友到尖沙咀 I Square 英皇戲院睇戲 <月球隕落>！若非好友帶路及推介，我也不知道亞士厘道 <The Ashley Road Trading Company> 這是一間酒吧西餐廳！店名 <The Ashley Road Trading Company> 更令人想不到啦！如果餐廳落閘無開門，會令人聯想到這是什麼公司？Menu黑松露薯條好友發現，每次幫襯食薯條，總會有兩種，較金黃色的薯條較為香脆！醬汁正是薯條的靈魂， 黑松露醬提味卻不膩滯！所以，落單點選時，朋友要求多黑松露醬！茄汁令人開胃！白酒 $338 750ml/ 支對我來說，這款白酒易入口！多謝他請飲酒！Cheers!  

正值lunch time尖沙咀周圍等位，得佢一間不用等位便入去試一試，一入到去原來🉐️我一台（心想會唔會伏），waitress 給我menu 一睇，lunch set 都有好幾款，價格落左一百蚊左右（有D貴），仲有加一服務費。我當日叫左個豬扒，味道ok,賣相一般，一般港式西餐味道，不要要求太高但一定可以食飽你。裝修有點老舊，台與台之間有點近，距離遠D會好D。衞生情況也是一般，餐具只是直接放台上，所以我也自行再消毒餐具。趕時間食個quick lunch ok, 但係如果唔趕時間附近太多選擇了。

已經有好多個月冇嚟到食啦 估唔到依間餐廳越來越少人 初初嚟食嘅時候全場坐滿 仲有人等位 而家得個三四枱食客 冇計啦多咗人work from home 條街自然少咗人食lunch 再加上尖沙咀咁多新餐廳開咗 好多人都貪新厭舊 不過 估唔到佢哋嘅質素真係差咗好多 首先係個湯 洋蔥湯 好淡 青口意粉 青口都算多有四隻 但係賣相唔靚 點解唔擺靚啲先上枱呢 雜菌意大利飯 汁太多 雜菌太少 但係味道係ok嘅 同埋飯嘅質感都唔錯 豬扒配薯條 估唔到佢嘅豬扒份量咁多 而且肉質好嫩口 值得一讚 仲有個大蝦闊條麵 大蝦都幾有彈性 大大隻 闊條麵每一條都有汁包裹住 唔會太鹹 麵質都煮得啱啱好 總括嚟講以地舖嚟計佢個性價比都算唔錯 人均消費都係一百蚊左右 坐得都算舒服 侍應服務亦都ok 如果佢碗湯可以改善一下咁就更加好啦 

話說約咗朋友仔係尖沙咀玩晏咗，呢家要搵一間超過10點仲營業嘅餐廳真係有難度，最後搵到呢一間bar可以去到12點，所以諗都唔諗就衝咗入去食🤣Pepperoni Pizza $148大大份既辣肉腸pizza，我鍾意佢個薄脆餅皮🥰。比起平時啲pizza好厚既麵粉皮，食兩舊都飽到痴線，呢個薄脆餅皮入口除咗更具口感，更加突顯到芝士同辣肉腸嘅味道，值得推介👏🏻Ashley Platter $188入面包括有炸魷魚、炸魚、薯條同埋雞翼，味道正常，但勝在大大份而且樣樣都有啲，最啱同朋友開心share😛Pork Rack $158一上碟俾佢份量嚇親呀😳，豬鞍好厚而且配有薯蓉同埋沙律菜，豬鞍結實既肉質令我切開嗰陣都相當費力氣😂 由於食到近骨頭既位置肉質呈淡粉紅色，驚生所以無食曬，所以我下次唔咪會再叫呢味😂但值得一讚既係薯蓉，因為佢混合左黑松露，食落口層次更豐富，有驚喜！🤤Tandoori Chicken $78入口好重嘅孜然味，雖然佢提供咗一款無咩味道既醬俾你點，但都係減淡唔到呢舊雞嘅重口味，食落口好重香料味，個人就覺得陣味太勁啦🤣我同朋友一人叫咗一杯cocktail,分別係 White Russian$

同事介紹呢間勁午餐抵食，所以嚟試吓。午餐嘅款式都幾多，包埋湯/沙律加餐飲。蘑菇餐湯味道不過不失，蘑菇味都算幾濃而且食到蘑菇粒。卡疆香料配鮮蝦帶子意粉見到個名覺得幾得意，所以叫咗，其實係甜味帶有少少辣味，所以都幾開胃。蝦同帶子都各有好多隻，餐廳都幾大方低溫慢煮厚切豚肉扒配mozzarella cheese賣相唔錯，厚切果然係厚切，今次食就覺得有少少un，但朋友話平時嚟食嫩滑啲。整體來講，份量好足夠，亦都好足料。午餐時段都唔多人嚟食，可以同朋友或者同事靜靜地傾吓計

吃了午市套餐，每天款式都不一樣，但價錢較便宜。跟餐有一碗南瓜湯，很creamy，但沒有甚麼南瓜味🌟吉列豬排飯🌟擺盤很漂亮，鹹中帶甜的咖喱汁墊底，沒有蓋過豬排，依然保留香脆的口感。拌飯一起吃口感豐富，份量剛好。🌟泰式肉碎煎蛋飯🌟肉碎的口感比較乾，類近扎肉的質感；一個泰式醬汁，加上煎蛋的蛋黃濕潤了肉跟飯，但肉碎本事得味道並不突出。🥬值得一提的是，伴碟的蔬菜款式不單調，而且有稍微煎過，去除了青澀味，更容易入口。☕️隨餐有一杯飲料，點了咖啡，不是一般的茶餐廳質素，是好喝的咖啡，奶另上。YT｜Meh Meh ProductionFB｜Meh Meh Production

這家店是我午餐的心水店。午餐定價合理，份量十足，大部分午餐也只是百元以下，在尖沙咀而言，可算不錯。這兒其實是酒吧，所以用餐的環境比較暗，是酒吧輕鬆的氣氛，但不算嘈雜。洋蔥湯湯汁淸澈，有著淡淡的洋蔥味，帶一點咸香。午餐選了煎三文魚配松露汁$88這三文魚份量十足！外皮煎得香脆，魚肉保留半熟狀態，口感嫩滑！再加上香濃的松露忌廉汁，香滑滋味，正！配菜有多種蔬菜，茄子、露筍、蘿蔔和西蘭花，滿有心思。香煎羊膝$88香煎羊膝的份量大得驚人！羊膝大過拳頭！雖然肉質唔算嫩滑，有少少乾身，但啖啖肉，加上黑椒醬汁，稍稍濕潤，味道ok, 是典型西餐的味道，加埋脆薯條，十分飽足。香煎豬扒$88豬扒是厚切的，有兩大片！豬扒煎到表面微焦，口感爽身，唔太乾，也沒有豬的羶味，配上gravy、加埋翠肉瓜、茄子、甜豆西蘭花和白飯，味道沒有太單寡，同樣的十分飽足，完全吃不完。餐飲選擇了咖啡。咖啡是即磨的，選用lily Coffee, 味道甘香，加上鮮奶，入口順喉。簡單的午餐十分飽足，不錯吧。

This restaurant bar is so amazing. The staffs are so friendly and lovely. You'll feel at home and safe. You can also choose different kinds of beers, alcohol and wines. Leo the bartend is very professional. I really recommend this restaurant bar. Summer, Arsel and Arati the floor staffs are great.

尖沙咀要搵西餐食其實好易，但價錢上都不平宜，朋友介紹食lunch 之選，試下呢間日頭做午市，夜晚做酒吧的地方，佢有lunch set揀，都有特別精選揀，價錢上可能比較平，食物比較有質素，豬扒厚得來肉不會好實，幾好咬口，薯溶都好足料，朋友的牛仔骨都話好味仲有洋蔥湯，塊麵包既芝士好足，不過我吾中意飲，下次都可以再去！我見都好多一班人book 左位去食

今日約咗個女仔朋友係尖沙咀happy hour 於是就行咗去亞士厘道搵餐廳啦因為佢想「呼吸」所以我哋搵咗間地舖餐廳佢點左個椒鹽豆腐黎到係六粒大大粒嘅豆腐。佢話以為會係一粒一粒細細粒嘅椒鹽豆腐用来送酒椒鹽豆腐好食喎，啱啱炸起我地每人食咗三大粒本身佢想order白酒煮青口，但係今日我唔想食所以就冇叫到啦而我就揀咗一款辣肉腸Pizza。睇開我食評嘅朋友都知道我又係好鍾意食pizza。呢度個Pizza唔錯啵～都係即刻整而且個皮又薄又脆，我朋友不停讃好多辣肉腸佢好鍾意哈哈

尋日喺附近剪頭髮，髮型師叫我地行多40分鐘先番去因為太多客.... 😑行行吓發現左好野，就係 li度星期三四既 happy hr超級抵30元一杯 prosecco! 如果 4至 6點係 20元一杯添咋即刻坐低叫左一杯同埋fried calamari and fish and chipsfish and chips 個fish 好厚肉好滑同埋個醬有黑松露的！！如果唔係趕住番去剪頭髮我地一定會再叫多幾杯。下次應該會再專登星期三四去幫襯🤣