The Jang － Korea Pocha ＆ Cuisine (新都會廣場)

營業中

休息中

韓式餐廳熱潮席捲香港，早前去咗集合多元化韓式地道美食嘅The Jang，主打菜式韓海熱炒海陸空更係sns人氣打卡熱選！呢款人氣王韓海熱炒海陸空除了中間海鮮湯底之外，還可以自選幾種配搭，揀咗辣炒小章魚配香辣無骨雞腳和甜辣炒豬皮👍一上枱已經見到大蟹仲有幾多海鮮同配菜，價錢才三百幾真係好抵食👍仲可以打卡😍中間海鮮區有好多扇貝同埋青口，所以湯底好鮮味。八爪魚🐙勁彈牙，呢度無骨雞腳味道夠晒正宗，辣得來好惹味😆食到噴火又可以食番甜辣豬皮解一解，q彈豬皮口感好似湯丸👍見到有莞島鮑魚粥，即刻點咗！平時好少食粥，但係呢個鮑魚粥真係吸引到我，莞島鮑魚用海苔餵大，岀晒名營養價值特別高，仲見到落足鮑魚👍果然啖粥味道都特別濃郁又夠鮮，食到底有少少鍋巴粥，好香口！

。今日收工嚟到葵芳新都會廣場行街，咁啱見到有一間新開張嘅韓國餐廳，呢間餐廳非常之特別，佢係四合一嘅，入面有四種唔同嘅美食品牌組合而成，一間餐廳就可以有四種享受。-既然有咁多選擇，當然每款都要享受啦，我哋唔會沖品牌多點做一份食物。分別叫咗韓海熱炒海陸空、炸雞四重奏、莞島鮑魚粥、海鮮辣炒碼麵。我哋另外仲仲叫咗奇異果沙冰，同埋一支燒酒，非常豐富。-韓海熱炒海陸空入面嘅海鮮，有好多種唔同嘅選擇，我揀咗小章魚、豬腸、無骨雞腳，而中間仲有一個雜錦海鮮湯。上枱見到非常之吸引，正中間就係一隻大大隻嘅蟹，而且仲有好多扇貝青口同埋蝦，好值得打卡。味道非常之出色，辣辣地好入味，而且海鮮都非常新鮮，配上調味，簡直不得了。- 炸雞四重奏我哋叫咗呢一款炸雞，佢總共有四種口味，分別係蒜香醬油、白忌廉洋蔥、甜辣、原味炸雞。雞肉都係無骨的，咬落口非常Juice，炸粉炸漿非常薄，而且炸到啱啱好外脆內軟，無論口感定係味道都好出色。-莞島鮑魚粥呢個鮑魚粥，簡直不得了，份量都好足，鮑魚大大隻，另外個粥係好特別，哋用鮑魚內臟烹調而成，所以味道更加鮮甜濃郁，再配上生醃辣醬嘅魷魚，超好食。-海鮮辣炒碼麵辣辣哋超開胃，而且海鮮種類非常

🌟餐廳：The Jang － Korea Pocha & Cuisine📍地址：葵芳興芳路223號新都會廣場1樓185號舖💰價位：$101-200⏰營業時間：星期一至日12:00 - 21:00📱電話：31050056想係一店食盡4大韓國特色品牌既美食🙋🏻‍♀️去The Jang － Korea Pocha & Cuisine就得😋呢間複合式韓國餐廳匯集韓國一流美食品牌，有齊百年老店韓式中華料理恭合春Gonghwachoon🍜、首間進駐香港韓式健康養生粥品 Juk Story🍲、知名連鎖炸雞 NeNe Chicken🍗 及布帳馬車熱炒自家品牌 Jang Pocha🥘今晚就約埋好友一齊品嚐各款特色韓國美食😬———————————————————🔹 韓海熱炒海陸空可以自選海、陸、空、湯，夠哂特別😝大大盤上枱好吸晴！海： 辣炒魷魚片，味道香甜帶辣，刺激味蕾一流陸： 辣炒豬腸，鹹鮮微辣、彈牙有咬口空： 香辣無骨雞腳，香甜又火辣，保留嚼勁湯：雜錦海鮮湯鍋，有齊紅蟹、藍花蟹、鮑魚紅扇貝等，超豐富！！食完飲返啖香辣惹味既海鮮湯特別滋味😋———————————————————🔹 香脆無骨炸雞炸雞四重奏可

去完青衣日落，搭小巴回程葵芳總站，就喺新都會搵食，首選荳子但一見人龍還是算了😂然後發現了這間，我一直都很愛吃韓國菜，難得朋友沒反對就入內.一坐下，侍應放下三碟小菜，然後執拾隔離枱不小心弄跌了隔離膠板，然後我們其中一碟白蘿蔔整碗倒瀉了，他不發一言拿回膠板，執了弄瀉了的白蘿蔔，換回一碗給我們，但沒說過任何話.飲品和配菜都很一般，炸雞ok.想食炸醬麵，我本來想叫個普通，朋友看到有安格斯牛炸醬麵就忍不住叫了，最後眼闊肚窄收場😂炸醬麵和牛肉都好食.其實店內食物質素唔差，可惜都敗在侍應手上. 如果廚師是餐廳的靈魂，那麼侍應就是餐廳的身體，客人只會看到身體表面而看不到靈魂，第一觀感都是先看外表，我沒興趣理解他的服務態度原因，但這種服務態度實在會影響食客的心情，如果是公司本身制度不好就希望公司可以改善，要不是整間餐廳絕對會毁在侍應手上.

The Jang係葵芳同尖沙咀都有分店，店鋪分左兩面一邊係燒肉一邊係食韓國炸雞🍗。我地叫左兩款食品，兩個人食左一半炸雞四重奏已經好飽，燉牛排骨食左一兩塊，剩返全部打包拎走😂。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 芝海炸雞四重奏 $258係13款炸雞味道揀4款，每款均有3件，足夠4人Share。以鐵板形式上枱，側邊圍滿炸雞🍗中間係芝士🤩，等到芝士半溶之後就可以整芝士炸雞，不過芝士火候好難控制，上枱無耐可能太大火，卷左幾件炸雞啲芝士已經變左一餅😑。我揀左招牌、蒜香醬油、秘楓糖、初雪，個人最鍾意初雪口味，炸雞面灑上芝士粉，配搭左幾塊薯片都係佈滿芝士粉，唔加拉絲芝士都好好味。其次秘楓糖都唔錯，甜口味道加埋拉絲芝士。整體炸雞大件肉質嫩滑，咬開入面見到肉汁，唔會乾爭爭。♥️ 燉牛排骨 $148牛排骨好大塊，牛味香濃肉質軟稔，全部都好入味。- - - - - - - - - - - - - - - - - - - - - - - -

同同事黎食lunch，諗住試下新野，個前菜有芽菜，泡菜同埋白蘿蔔。芽菜冇味，泡菜完全唔辣，唔知食緊乜，白蘿蔔就正常啦。叫個staff添啲芽菜，點知佢話冇哂，又比左啲無味嘅脆肉瓜比我地，仲要態度勁差。無幾耐啲餸黎到，我地6個人，個staff求其放左係是但一個人度，完全吾打算問。最離譜係送左碟炸雞黎，一放係枱果下成隻雞跌左落枱，最勁係佢明明目擊成個過程，但佢一言不發轉身走左！不過我地都吾想搞事，所以咩都冇講。呢個石鍋牛肉拌飯都吾係好夠熱，完全做吾到飯焦效果，其實啲餸還可以，但真係吾會想再幫襯！

星期五到新都會工作加晚餐，除咗呢間基本都排10位以上，等約五分鐘順利入內，QR code 點菜，兩個人所以點兩個麵加一個餸（牛肉），麵食份量大而尷尬，足夠一個半人食，兩個人食有可能唔太夠，發現後希望改單，將份量減少（開頭怕吾夠，點左280g,所以希望改正常），職員話已經做好，自己唔識，都冇辦法，反正只係唔想浪費，但係又等左15分鐘，麵都未出，當然感覺職員服務質素非常一般，菜到齊後一食就知可能冇人得閒傳菜，麵基本冇湯（可能係索水），味道非常一般，唯一就係量大（可能對某啲人係優點）服務態度吾可以用差去形容，不過我絕對唔會有任何好惑，唔會主動俾水你，你有問題佢只係隨便答（麥記都識盡量滿足客人），食物質素一般（同街口乜都有茶記差唔多），價錢偏貴，我好肯定吾會再去。

之前新麻蒲執左，諗住試下原址新開既韓燒，杯及碟既衛生不堪入目，食韓燒運醬油碟都無，都算。叫個548牛肉套餐，擺碟真係靚。但塊塊厚到好似牛扒咁厚，肉質又干又鞋。炸雞我覺得mcd記仲好食過佢，我第一次真係食到放棄左大半碟埋單走人，真係無下次。

由於時間關係，隨機有位就入座食午餐叫了一份人蔘雞湯（如果可以，想一粒星都唔俾！）因為無人蔘香味，雞味超淡，雞內的糯米飯不足亦無咬口，完全唔得。個湯啖到無味，食完啲料係唔會想飲埋個湯🙄👎🏻一份石鍋牛肉伴飯（落辣醬後可接受，但無菠菜變翠肉瓜扣分！）生白洋蔥無炒香，芽菜太少，無泡菜另加一份68蚊4件甜辣炸無骨雞則味道不錯涼拌配菜芽菜👍🏻 夠蔴油香，亦有爽脆口感泡菜偏淡酸無辣味，一般白蘿蔔👍🏻不錯，夠爽口酸甜味剛剛好*可惜芽菜同泡菜份量不多，亦無法再添加（扣分）侍應稱一枱得一🥲 想食多少少都無，睇過落單App亦無另叫的菜單

經過新都會見到新面孔餐廳，當然要試試啦🤭！排隊都唔算等好耐，所以等位時間還可以嘅！有實體menu加上係qr code落單，所以都幾清晰知道點嘅菜式，亦會睇到賣相再決左👍🏻今次同朋友兩個人，所以只係點咗韓海熱炒海陸空配馬格利酒，已經夠飽肚。但如果兩位男士食就可能要加多個炸雞或者小食會更飽肚！韓海炒海陸空中間有個雜錦海鮮湯鍋，旁邊再有熱炒小食。湯鍋材料有紅蟹、紅扇貝、蜆、蝦、鮑魚、藍花蟹同白蘿蔔。紅蟹：有蟹膏、鮮味夠、蟹腳有肉嘅紅扇貝：一鍋有7隻，十分足料，貝肉新鮮彈牙蜆：細細隻，不過鮮味都夠白蘿蔔：最後食吸咗湯味超濃蝦、鮑魚、藍花蟹：依三樣食材都係朋友食，復述佢感受係好食嘅。鐵板鍋邊有3款海陸空熱炒小食，我哋分別點咗海係小章魚，陸係豬皮，空係雞。小章魚雖然叫小章魚，但其實唔係的的骰骰個啲，都算大件，而且辣味十足(可能keep住加熱，所以會越食越辣），小章魚入口彈牙。炒豬皮，俾100分，入口有少少漿口，富有食緊骨膠元感覺，而且辣炒非常惹味，會引唔住一塊又一塊咁放入口炒雞肉，都係辣炒惹味，雞肉唔會炒到老身，入口都算juicy👍🏻馬格利酒加上韓式餐前小菜，味道一流，朋友特別點名芽菜惹味，自己就