The Restaurant

營業中

休息中

4月星期六去吃午餐，湯麵包和飲品是自助式，呢日餐湯係忌廉磨菇湯，香滑有磨菇蓉，好味，麵包有方包，小牛角酥，藍苺酥同奶黃吉士酥。一次過飲咗兩碗湯加兩個牛角酥。叫咗兩個午餐，炸魚薯條同BBQ豬仔骨, 兩個都配有皮薯角，點茄汁最夾。最鍾意佢嘅什菜，唔係雪藏貨唔係白烚，係有南瓜茄子西蘭花翠玉瓜椰菜花，烚過再炒，有味道。餐廳換過獨立有背座椅，好過以前好多，以前一條長櫈又冇椅背，每次出入都搞著身邊嘅人。

星期五lunch, 唔想食茶餐廳，想搵個四正d嘅地方食個靚lunch, 很久沒去ibis了，今日一於來這裏吃個set lunch.今日好彩，無訂位都可以直入，但一坐底已full house了， 穩陣d建議打來訂位。雖然不是貴價酒店，但餐廳整體舒適乾淨，玻璃窗直望北角碼頭海境，採自然光下幾舒服。唯座位略嫌少少逼，少許似飯堂。Set Lunch有6款，主菜有意粉、沙律、豬扒、肉眼扒等等，而餐包、西湯、飲料則自助形式任你拎。點了豬扒跟飯set, 一上台嘩左一聲，因為豬扒有三大塊，再配上飯及蔬菜，真係好大碟。味道也不錯，用了蘋果汁，酸甜度配上豬扒幾夾。整體而言，雖然唔係用d咩貴價材料，但set lunch 味道及份量都幾不錯，又唔會趕你走，係一個不錯的午飯地點。

以前自由行去歐洲，一定知ibis呢間連鎖budget hotel，不過一直都冇機會住。有日朋友約我黎酒店，我O左咀，想點呀原來係黎食野！呢道既lunch time時段係無限飲soft drinks, coffee or tea 同埋...我！最！鍾！意！既！磨！菇！湯！呀！呢度既忌廉磨菇湯好幼滑，磨菇都打到變蓉，所以十分足料架！其實一行入黎就已經聞到佢既香味，雖然未必個個喜歡咁濃烈既菇味，不過我就好好好鍾意勒！好好好！睇返個menu先！睇黎睇去都係Set F吸引D，結果同朋友揀埋同一款賣相唔係太吸引，味道亦唔能夠同各大扒房相比。不過呢個價錢同呢個質素，絕對性價比高既。

今日約了朋友響北角食晏，行經Ibis, 見到有個素食既set好似幾吸引，想上去試下。 朋友就對素食怕怕，好彩有幾款啱佢胃口既set.我就係比呢個紫薯蓉番茄焗大磨菇吸引上來既，顏色十分鮮艶，分量雖然唔大，但因湯同包係無限添食，呢個大胃王都十分飽。朋友點咗炸魚薯條，分量大到佢要切部份魚比我，炸得好鬆脆，粉漿唔厚，魚肉嫩口，不錯呀。最好既係有啲沙律菜伴碟黎中和下啲脆卜卜食物，感覺上無咁邪惡！

話說之前已知呢度有抵食set lunch, $50左右連沙律吧同任飲，食過番尋味，點知而家禮拜六日變咗brunch buffet, $80就有沙律吧+任飲+熱盤，變相更抵食好喇，話明brunch就梗有西式早餐必備嘅牛角包、多士、煙肉、腸仔、蛋、cereal浸奶等等一連串item。。至於主菜呢，竟然有燒春雞，牛仔骨，白汁龍脷柳等，絕對唔輸蝕於更高級嘅酒店，同埋真係啖啖肉，飽到上心口尤其燒春雞肉質新鮮亦唔嚡口，我食咗兩大件仲有個香蒜炒雜菜都唔失禮， 不過茄汁長通粉就酸咗少少後尾飽得滯冇飲到蘑菇湯，食咗creme brulee做甜品，焦糖甜味適中，不過個燉蛋就杰咗些少，但以整體咁多嘢食同呢個價位嚟講，我都收貨架啦同埋呢，題外話，呢度啲櫈冇得挨，坐耐咗有少少攰

在港島區上班的打工仔不容易過我想很多人和我一樣都會煩惱到底今天午餐吃什麼？就算只是簡單的「碟頭飯」普遍收費動輒四五十元今天同事就帶我去了一間酒店餐廳裡用膳本以為消費高昂　但想不到竟如此划算餐廳位於二樓 空間不大 位置與位置之間緊密 要小心說話以防止旁人聽見選定了食物後便可以動身了 這裡有自助區域 原來是屬於半自助形式的餐館當然不能與大酒店媲美 但實在令人驚喜連連是日任喝餐湯是羅宋湯 據說天天不同 天天新鮮任吃方包 大家可自行烘烤 脆脆的撘配牛油 簡單又飽肚飲料區選擇頗多基本如紅茶 咖啡 檸檬水 可樂 忌廉 還有熱牛奶 相信是全脂牛奶 奶味很香 續喝三杯點的主菜到啦香草醬汁濃稠 掛滿在扁意大利麵上雖然配料只有蜆肉跟蘑菇 但份量不少 你也可以自行加芝士粉跟辣椒仔調味這一頓吃下來加服務費六十元有找在附近上班的大家不妨多來　吃到腦滿腸肥再為下午的工作奮鬥吧不過因為自助形式的關係 很多人眼闊肚窄拿了一堆 結果吃不完就浪費了大家請量力而為 珍惜食物啊！以上。

係屋企附近既ibis第一次幫襯Dinner Set叫左个红酒燴牛尾配印度博餅牛尾炆得好冧而且勁入味 個咖哩汁亦調教得非常之濃味 送飯一流 但配埋跟餐既印度博餅都唔錯 唔可以話十分之酥脆 但不過不失 用配个牛尾就冇得頂 另外餐湯 包同飲品都係任添

今晚去左呢度試下佢地既dinner set, 因為聽朋友講佢地既質素唔錯（當然以價錢比）。而且一定有位，因為佢始終係一間酒店，而且地點唔係人來人往既大街上，但有海景架! 所以我會搵日試佢地既lunch set~Dinner set 18:00-21:30價錢由$70-99 （包任飲餐湯及飲料）我叫左"紅酒燴牛尾配素菜及煎餅"__HKD 81(Braised Oxtail in Red Wine Sauce with Vegetables & Roti)評語: 好食，牛尾好淋，汁好濃，配Roti 煎餅食一流，煎餅亦到好香唔厚。餐湯係粟米白湯，淡左d, 但我個main dish濃味所以balance返~ 任飲餐湯同飲料，你仲想點? ~服務: 有禮貌~環境: 舒適~ 寧靜~ 自己坐的話仲可以坐望海位發下呆~

繼上星期於北角上完第一堂後，今日再續。下大雨，加上天氣轉冷，就近地在附近的這間多次路過，但從沒光顧過的Ibis酒店餐廳吃個quick lunch。餐廳位於酒店二樓，部份可以看到海景，佔地不算大。原來餐廳供應的是半自助式的午餐，點了主菜後，便可以自己取餐湯，餐包和飲品。餐包只有白方包供應，可以用多士機翻熱。餐湯也是只有蘑菇湯一種， 湯很杰身，杰得像麥皮一樣，內有有很多蘑菇碎，而且夠熱；但可惜幾近沒有味道，要自加胡椒粉來提味。主菜點了芝士焗吉列豬扒飯，配香草番茄醬。厚切豬扒面上加了芝士粉，看起來尚算不俗。豬扒炸過，外層粉薄，尚算香脆，肉質不嚡不硬，但可惜豬扒完全冇味， 一點也不好吃。焗飯雖然炒過再焗，但卻太腍身，番茄醬也吃不出有香草味；最後也吃不完，因為實在不好吃！飲品除了有咖啡，茶，檸水，檸茶之外，還有豆漿！ 咖啡茶味道很一般，很稀， 就像美式咖啡一樣淡而無味。這個午餐，以酒店來亮的確是便宜，也吃得飽，但卻說不上美味。 區內不少食肆都比它水準好，而半自助的食物的選擇很少，餐廳有必要多加改善。

今時今日lunch吃個晏都要60至70元不等，而且仲要等很耐位添今日蝴蝶結姐姐於北角附近發現了一間不錯又抵吃的西餐廳，重要是無須等位位於北角渣華道136號宜必思世紀軒2樓估唔到酒店都可以“平價錢”吃倒一個午餐bo（妳估下幾錢吃倒個lunch？）只需要HK$53，加一都是HK$58，餐飲餐湯麵包仲係任吃任飲（午餐價錢由40幾至60元左右，視乎吃哪一個餐）在自助吧，可以隨意裝湯，烘麵包搽牛油，沖飲品均是任飲任吃的，吃到妳滿足為止呢！蝴蝶結姐姐點了芥末醬炸雞扒配薯菜，味道亦幾好雞扒和薯菜都炸得金黃香脆，配那個芥末醬吃蠻特別如果不想吃薯菜，亦可以轉米飯早d訂位，仲可以望著窗外的sea view午餐添呀

好多人會話係酒店食飯好貴又唔抵,其實百貨應百客,便宜同貴都各有所需.但如果數到最便宜既,就一定係IBIS北角那間,首先好似成個FOOD COURT咁,但係好整潔,你可以自行去簡個海景位坐下.另外飲品,餐湯係任你飲除左是日LUNCH SET都係由$40蚊起,有那個Advantage Plus Card仲有9折,姐係變相免加1,真係仲便宜過茶記.所以食客除左酒店住戶外,都有不少街坊係度搵食不過咁,雖然任飲,但係個杯真係好細,應該叫左一口杯子...如果你口渴,你可能要不停行出行入.建議換大杯比食客不過我就對是日LUNCH SET興趣不大,最後簡左ALL DAY MENU中既W5餐---煙肉芝士漢堡包,伴酸菜和薯角$55.件頭唔算好大,但相信足夠我食飽.肉約9成熟,肉汁都算豐富,但略為油膩,有塊煙肉更加惹味,塊包沾滿肉汁,亦都係咁所以無咁乾.亦有蕃茄和生菜係入面,可以話係一個簡單又美味既BURGER.加埋脆口既薯角和解油膩感既酸菜,十分飽肚.再自己沖茶凍檸茶走甜,清涼爽快,埋單連加1$62蚊,咁既價錢可以係酒店埋單,真係難以置信

在附近看看有甚麼好吃，那家以"沙嗲牛肉包，瑞士雞腿"聞名的餐廳，但外邊看進去，多人擠迫嘈吵，假日無謂與人擠擁趕忙。走著看著，結果來到這兒，見有burger，環境寧靜，便一試。 點正餐後，餐湯及餐飲自助形式。餐湯相當普通，是淡而無味，亦無甚麼料的忌廉湯。餐飲亦不見得優質，玻璃杯頂多只有一百三十毫升，直徑小得檸檬也差點擠不下。自以為很聰明，倒了可樂再夾兩片檸檬，自製凍檸樂豈不過癮。豈料，可樂似乎是百事，並似乎溝了不少冰，甜，少氣而淡味，檸檬也沒甚麼鮮檸味。煎魚柳蜜桃汁伴香草飯魚柳還好，不是炸得非常乾。蜜桃汁挺特別，甜香果味，配魚柳或香草飯，都令人較開胃。 煙肉芝士漢堡包伴酸菜，炸薯角薯角輕微過氣，coleslaw酸菜正合我意，亦是酸酸甜甜開胃醒目。漢堡包的牛肉煎得剛好，熟得來還算有點兒肉汁，煙肉乾而香脆。可惜的是兩片麵包太普通，如得用些穀物包，甜包，較特別的麵包，相信會更加滋味。以五十多元而言西餐，任飲餐飲，可選對無敵海景，這兒還挺不錯。即使店員指示吾等先行結帳，亦沒有明言暗語，或投來目光'勸'我們快快離開。慢慢坐坐，看看海景，聊聊天，還挺不錯。

26.8.2013再見Quarry Bay系列(3)同事凱絲辭職了, 於是我相約她, 一同外出, 吃餐farewell lunch. 不想太普通, 我就揀了一間看到海景的餐廳吃午飯.  要在我公司附近, 尋找有海景的餐廳, 結果, 有三間. 第一間是利嘉閣, 在嘉里中心的酒樓, 已在去年吃過開年飯. 另一間就是這間在Ibis Hotel內的餐廳. 第三間就是會在較後的食記中介紹.這酒店類似是商務酒店, 你看不到什麼豪華的裝潢, 倒是平實無華的, 就連酒店內的餐廳都似canteen格局. 細小的餐廳內, 窗口只有幾個位. 餐廳內採用長櫈子, 不好坐的. 但唯一的好處, 應該是可以遠眺東廊和維港吧. 誠然, 能夠在午餐時間見到如此開揚的景觀, 正好為忙碌的一天, 加油, 打氣!餐廳提供六款午餐, 價錢由$38-$55不等, 已包括了自助任取的餐湯和餐飲, 另要加一服務費. 是日餐湯是忌廉湯, 質地未至於好淡, 味道濃稠亦算是滑的.我倆也點了煎鯛魚柳芒果忌廉汁配雜菌意大利飯及時菜($48). 煎到金黃色的鯛魚柳, 外皮微脆, 內裡白嫩. 意大利飯則滿有菇香, 菇碎也沾在飯粒中. 唯飯的cre

下午要到北角, 出碼頭剛好見到這間酒店有下午茶($25起), 便去試一下。地方闊落環境舒適, 點了磨菇庵列($30)及炸魚薯角($32), 炸魚非常好味, 庵列不是鮮磨菇但味道也過得去, 咖啡奶茶自助, 好友談心敍舊一流。

趕上班的中午，又要匆匆解決「吃」的問題。由家裡一直走到北角，竟然還沒有找到合意的。終於來到北角地鐵站，眼前出現了宜必思酒店餐廳的宣傳牌，寫著「午餐 $38 起」，酒店喎，真是便宜得沒話說啦。酒店的裝潢以精簡為主（我去旅行也會想住這種酒店啊），餐廳裝修也是很簡約的，像飯堂多過像餐廳。很簡約的，像飯堂多過像餐廳。當然最煞食的，還是這個海景！是日的午餐餐牌上的食物價錢要由 $42 起跳（物價上漲嘛，沒辦法，但樓下的宣傳牌要改一改了，明天新修訂的商品說明條例要生效了）。餐湯和飲料是自助的，是日只得一款。又是吃素日惹的禍，這個令我摸不著頭腦的忌廉湯讓我喝得有點顧忌。主菜從 set lunch 那幾項去挑，國際品牌酒店無論如何都會有點素食的，例如這款炸南瓜薯仔餅伴雜青沙律芝麻油醋汁（$42）。這個價錢，要在比較好的茶餐廳吃個飯也有點勉強。［自己出去斟的咖啡就甭提了。］我想這一道其實是日式西餐來的，左手邊的雜菜沙律上面明明是日式芝麻沙律醬啊－餐牌的英譯就比較傳神了。這個兩塊南瓜薯餅似是日式可樂餅的樣子，熱辣辣相當香脆，裡面以南瓜蓉為主，很香甜。後來我發現，這兒除了酒店的住客之外，還有不少街坊和附近的