Top Blade Steak Lab (梭椏道)

營業中

休息中

來到何文田這間有出名又便宜的牛扒餐廳吃牛扒，餐廳主打牛扒，另有豬鞍漢堡及甜品等。牛扒份有三種一種是美式煮法，一種是法式，另總是比較高級牛扒比較淋生及脂肪度較為高一點的，價格比前兩者貴一點。喜歡吃牛扒的我二話不說便選了比較高級的那種，因為看到這間餐廳的食評也挺好，所以理應質素應該不錯。 果然沒有令我失望店員介紹的三成熟對這個牛扒的煮法剛好， 三成熟不會令到牛扒變得煙韌，另外脂肪也不會過多，這個牛扒的脂肪度恰到好處。除了這個牛扒外我跟朋友選擇share了一個漢堡，漢堡扒的熟度不會太熟，令到漢堡扒太老的，漢堡扒充滿牛味，不會乾巴巴的很濕潤，麵包則煎烤過，非常香口。兩個主菜的質素也很高。 回過頭來才說其他配菜餐廳提供無限添加的松露薯條，松露薯條每次添加也是新鮮熱辣的，而且會有小小的鹹味，就算只是吃牛扒也不會擔心不夠飽。飲品我們選擇了蘋果伯爵茶，蘋果伯爵茶喝起來非常特別，沒有在街上看過，伯爵茶茶味很濃，再包有一點蘋果味，非常好味。另外我們叫了一個dirty lemonade，他的意思是包有酒精的lemonade，lemonade的味道 十足，而且酒精的濃度恰到好處，非常值得嘗試。

一坐下，店員便會問到是否第一次來，店員會耐心講解餐牌上的食品，會指出該食品是用牛的哪個部位、煮法及建議的成熟度。我們今天選的是店員推介的 "客席主廚平鐵牛扒" 及 "美國390日谷飼Prime級平鐵牛扒"。"客席主廚平鐵牛扒" - 店員推薦5成熟牛扒肉汁豐盈，十分juicy。而且肉質鮮嫩，一點都不韌。咬下去很有肉味，亦帶一點點的焦香。牛扒另外配有醬汁，但略嫌味道偏甜。反而只吃牛不配汁更好，更能品嚐到牛原有的鮮味。"美國390日谷飼Prime級平鐵牛扒"- 店員推薦3成熟雖說是只有3成熟，但一點也不生。一切開可看到肉帶粉紅色，但不會有血淋淋的情況。咬落有很爽的肉感，肉汁十分香濃，每一口都能感受到肉汁流出。牛味十足，嘴裡更會留有牛的餘香，實在令人陶醉。牛扒下均有薯蓉墊底，雖是配菜，但味道亦不馬虎。薯蓉十分軟滑，更有淡淡奶香。不得不提的還有免費無限添加的黑松露薯條！這裡的薯條都是即炸的，每次添加都是熱騰騰。薯條更有淡淡的黑松露味，不用任何汁醬都已經十分好吃。

睇到啲post，即刻狗沖send咗比男朋友,佢諗都唔諗就話OK喎，咁我哋就決定試吓啦。揀咗一日平日六點半去到，一坐低就已經有位waitor好耐心教我地點樣叫餐係會最好食。咁我哋就叫咗兩塊唔同價錢嘅扒黎試吓。D扒幾新鮮，冇乜雪藏味D扒叫咗五成熟，唔會煮到過火，抵讚！嗰日咁岩做緊promotion, 啲紅酒買一送一啊，用嚟鬆扒就最啱啦，House wine都好有驚喜，幾易入口

朋友用openrice book咗枱，跟住帶我嚟食，真係好ok！啲相影得一般，但係啲嘢好好食！首先係個漢堡，裡面塊牛扒入口即化，好正，配埋裡面的洋蔥同番茄，真係未試過咁好食嘅漢堡。跟住係牛扒同豬扒，牛扒同漢堡個扒嘅質感唔太一樣，但係配埋個蒜，味道啱啱好！推薦medium，完全唔韌，每啖都係享受啊！friend叫咗豬扒食，都好得，豬扒下面有啲應該係酒煮過嘅洋蔥，配埋一齊食perfect！但係就係難切咗小小咯！薯條任食！個薯條真係好好食！食落有黑松露嘅味~

這間餐廳在旺角東站行過去不用十分鐘，位於一條不熱鬧的街道，正好令坐下進餐的人不用趕頭趕命。餐廳落單後上菜快，當晚坐在卡位用餐氣氛不錯，一路傾計一路食任食薯條，茄汁都用左半枝！主食點了牛排表現不過不失！因為掛住傾計啲牛排都凍住食，但食落居然不減牛味，煎的熟度令肉質剛好，唔會鞋烚烚！而且肉汁仍在，好快食晒。 反而同行朋友既慢煮牛既牛味被醬汁蓋過，略有失色，但肉質無疑是更嫩更juicyyyy。至於服務方面，服務員主動有禮，雖然一開始時有服務員大懞送錯多枝可樂黎，我地見佢開左唯有叫多個湯跟餐，但服務員回應快，有禮貌地介紹餐牌上既食物，亦有不停加薯條作為薯條怪既我都加左兩次總括黎講，同3-4名朋友傾計食飯既好地方，下次有機會會再黎！

呢間餐廳其實想食好耐，但一直都搵唔到機會。今日約咗朋友食飯，終於一嚐呢間嘅牛扒。呢到嘅staff好好，一開始會講解menu上食菜式。我地就叫咗兩個扒一個burger。呢到有任食薯條。雖然係任食，但一啲都唔馬虎。薯條新鮮炸好，暖暖地脆卜卜，而且有陣淡淡嘅松露味，好好食！羅宋湯都好足料，有少少辣味。主菜上場！呢個係herbly，上菜嘅時候已經切好一片片，見到中間仲係粉紅色，係好靚嘅medium，肉味濃郁。呢個就係guest chef嘅flat iron，佢嘅grill mark好靚，入面亦都仍然係粉紅色。舊扒入面唔會有筋或者多餘嘅脂肪，唯一可以挑剔嘅就係佢嘅乾蔥汁味道濃咗少少，搶咗牛味。呢餐整體上都好滿意，特別係服務同食物方面。Staff嘅服務好好，每次都會逐枱問要唔要添薯條，夾完落碟跌咗落枱嘅會執翻😂用餐完嘅時候亦都會有staff問食物質如何，睇得出係一間有heart嘅餐廳。

老公超鍾意食薯條，去歐洲旅行時，食左5日我已經頂唔順，佢竟然話，休息一日再食過，結果，整個旅程，食左十幾日薯條😁(每日幾餐)，如此瘋狂，如此熱愛，仲要食極都唔熱氣，食極都唔肥，得天獨厚，令人(我~~)羨慕。。。無意中發現依間餐廳，all you can eat，薯條可以無限添加，仲要係新鮮即製，脆卜卜，加埋黑松露鹽，好味。。職員有禮貌，會主動介紹主菜，主動詢問是否需要加薯條，叫左個慢煮牛(客席主廚平鐵牛扒)，不過牛味唔夠濃，配菜嘅薯蓉ok，最驚喜係個蒜頭，好fresh,又唔會青，好少食到咁嘅蒜頭，欣賞。。。另外，叫左個豬(西班牙粟飼豬鞍架)，夠淋，不過都係豬味唔夠濃,除主菜外，仲加左$38，有一碗羅宋湯，一支支裝汽水，羅宋湯穩穩陣陣，冇咩特別。。。薯條係餐廳嘅主角，亦係老公至愛

收藏好耐但成日附近無泊車位所以無緣食，今次再碰碰運氣竟然有錶位！lucky~叫左個美國豬鞍🐷同每日限量既prime牛扒🐮兩個都加左combo，沙律菜🥗好fresh，甘旬湯ok，汽水唔夠凍!呢間主打薯條任食，有少少松露粉調味又熱辣辣，食完encore左一次🤤豬鞍因爲西班牙豬缺貨，用左美國豬，所以一般，但同d配菜幾夾。Prime牛扒10個讚👍🏿👍🏿👍🏿三成熟都唔會血淋淋，肉質淋又有牛味，配菜個薯蓉超好食！唯一缺點就係上菜太快，湯同沙律未食完，扒就已經上，d野好快就凍晒。

第一次來到這裏吃晚飯，有意外驚喜！首先服務態度不錯，預約了，在用餐前會致電confirm，雖然好多餐廳都會，但適逢我用餐前睇緊戲，時間可能有點出入，餐廳寫住只留枱5分鐘，但我問可否預多少少時間俾我，我地睇完戲會趕過嚟，店員一口答應！隨後到達餐廳，另一店員會問你哋試過未？未嘅話我會介紹一下！到送餐嚟，因為枱面太小，店員也很努力將一枱的食物處理放好！食物味道相當唔錯，再加上個燒蒜，真係perfect！一個字！無限添加薯條🍟都係一個好idea，新鮮炸起熱辣辣！日後有機會，一定會再嚟食過！

大部份人多吃的是牛仔骨，牛腩，牛筋，牛什，也是大部份人必選牛的身體部位。牛肩？竟然是這間「Top Blade Steak Lab」主打，不得不走到位於旺角梭椏道看個究竟!門外裝修並不華麗，甫進餐廳，舒適格局，精緻餐碟已安放在餐桌上，配上牆上裝飾，環境顯得高貴起來。從餐牌上及經老闆詳細講解下，點下了"香草平鐵牛扒"($150)5成熟是老闆安排的，牛肩切開一片一片上碟，配上香草(Rosemary)，紅酒牛油夾雜着乾葱，輕輕的塗在牛肩上，香口美味，半個煎香了的蒜頭，甘甘甜甜，別具一格。"客席主厨平鐵牛扒"($188)5成熟又是老闆安排的。牛肩經過慢煮烹調，配上秘製燒汁，每片味濃多汁兼不靭。加上香口滑溜的薯蓉及迷你番茄，香甜。薯條無限添?是真的~烤得熱騰騰，真材實料，味道爽脆，绝對没有添上其他發粉。除上述兩款牛外，另一個牛扒是美國加州brandt家族嚴禁用抗生素及荷爾蒙，更用自然飼養法及純素谷飼的prime級牛扒，價錢只須$248。希望下次可以嘗一嘗

因為友人生日，我們便去了這一間出名食牛，仲要係專食Flat Iron的牛扒專門！曾經諗過食午餐的，但原來午餐和晚餐的價錢一樣，但晚上卻有無限添食黑松露薯條，當然精明的我們便選擇了晚上來了在OpenRice中設有取票功能，的確很方便誠意大家先選用雖然地點有點偏僻，但人流都很多！我們兩人分別叫了不同的牛扒，包括Flat iron steak和guest chef's iron steak兩種牛扒味道都是很吸引的，但份量都是較少啊，如果可以添加蔬菜配菜會更吸引！Flat iron steak肉味很香，配菜蒜頭都很好吃，很難得可以整夠蒜頭吃入口！guest chef's iron steak這一款都是很出色的！當然唔少得仲有無限添食嘅黑松露薯條職員不斷拎出熱辣辣嘅薯條！食薯條的小貼士：店員會先給我們兩隻碟放薯條！我哋為咗可以食到最新鮮嘅薯條，會先請店員先放滿一隻，等我們吃完一碟才考慮再添咁就可以唔浪費，又可以食到熱辣辣嘅薯條

在openrice揾咗好多間扒房，top blade算是比較特別和親民的扒房，也因為標榜著免費冇限量吃黑松露薯條，吸引了不少人去潮聖我們大概6點到達餐廳，因為未到晚餐時間，便享受了半小時的包場服務座位不算多，大概只容納到20人，環境裝修都十分簡潔時尚。我點了一份香草平鐵牛扒，侍應在我們點菜時提及過$150和$188的主要分別是在煎煮的手法上。我點的牛扒較有口感，牛味略欠，五成熟。男友點的是客席主廚平鐵牛扒，肉質較我點的易咬，牛味較濃，另外再配了一個醬汁，但我們認為原味吃更能吃到肉味

裝潢還可以，舒適簡潔。叫了客席廚什麼先煎後慢煮steak. 及沒有西班牙，轉了美國的豬扒。送的薯條，我麻麻地黑松露味。 口感比麥記好少少。 個人較喜歡粗波浪紋。蕃茄湯，鮮味嘅，但飲到一半發現了黑淑，黑淑份量over.Salad, 正常沒有驚喜。主菜先講牛扒，sauces 沒乜特別，忘了是什麼味。 牛扒，肉質可以，可是牛味好少，近乎似白水煮的味道，失望近乎沒2的牛味。配菜薯蓉，ok 好味。最搞笑係叫5成熟，俾左7-8成，唔專業豬扒都係肉質可以，little juicy, 但係冇乜豬味，如白水煮。Services, 一般，態度生硬。 唔識講野

男朋友係食肉獸～鍾意食牛扒o係網上面見倒介紹依間扒房，任食薯條咁正～決定黎試一試！餐廳裝修型格，水泥配霓虹燈好鍾意佢卡位間隔"STEAK WITH YOU""No Steak No Life"好有心思餐牌～店員問我地係咪第一次黎食好細心講解每一樣野食～仲同我地講burger like ＆ share fb post有優惠價～就點一份牛同burger 啦～另外加38蚊可以揀湯／沙律／汽水兩款，都幾抵湯好足料，幾好味，唔錯未上主菜，店員上左薯條先～有黑松露味～不過唔夠熱同脆，有少少凍左所以之後都冇再主動要refill客席主廚平鐵牛扒薯蓉好味道～牛扒好香～肉質柔軟～味道濃郁，唔錯超級漢堡包有烘過～ 好香口～個burger 唔算太出色～牛肉味較淡，半價好抵食整體感覺唔錯，可以再一試～

烈日暴曬下走了十多分鐘才來到這家小店，竟然也幾乎滿座，足見它的魅力。適逢店鋪做promo，在fb like post就能半價享用漢堡。兩個人點了香草平鐵牛扒跟漢堡，加了$38要了兩瓶可樂。都還未落單薯條已經送上，也會及時refill。薯條有淡淡的黑松露味，中段稍微有些軟身不過都尚算香脆。牛扒很快上來了，肉質很鮮嫩，當然肉味就始終欠缺了一點，脂肪含量也不高所以也肯定不會像肉眼那麼香。但是確實是一個很特別也很值得的嘗試，漢堡等了一陣才上，味道很好，講真我食不出和一般漢堡扒的分別，反正就是好味味道對得起$160的原價，更何況現在是半價。服務很好，很耐心介紹餐單牛扒的區別。環境也挺不錯不會很吵，是可以和朋友再來的地方~(除了要再次忍受烈日的暴曬)