Top Blade Steak Lab (希慎道)

營業中

休息中

一入到去已經超好服務，員工好好禮貌～薯條一見差唔多食晒就過嚟幫你添，好欣賞Order咗個豚肉通粉都幾好味～下次試埋個意粉薯條熱焫焫～好脆卜卜😍我2個人食咗3兜～真係食佢都飽！之後oder咗份牛扒，好香牛味 好淋～yummy～有質素好服務嘅餐廳真係唔多！會回頭～

👍🏼抵食指數：⭐️⭐️⭐️⭐️😋好食程度：⭐️⭐️⭐️之前朋友介紹過呢間扒房，因為佢嘅薯條係無限添加，已經覺得好新奇，香港好少有呢類扒房可以任黑松露薯條，而且價錢唔算貴，性價比極高。而呢間 Top Blade Steak Lab 位於唔算好多人嘅布慎道，大家經常去cwb 搵食嘅一啲都唔陌生。限時推介 #酸洋蔥平鐵牛扒五成熟嘅 #牛扒，（夾埋 #薯條 ）份量夠一人食，塊扒都幾厚身，咬落下都幾嫩，而且明顯有鎖住肉汁，味道同口感唔錯，亦無太過熟，但唔算係好高質嘅肉扒，呢個價錢算係咁。個 #烤蒜頭 好好食，味道好出，夾埋牛扒一同進食，口感一流！反而佢配上酸洋蔥就有少少唔太夾，可能我唔太好食酸洋蔥，感覺有嘅怪怪地。 #牛肉汁扁意粉
反而個扁意粉有少少失色，意粉煮得有啲生，咬落口就有啲硬，個牛肉汁就不過不失，唔算好出眾，普通牛肉汁嘅味道。所以建議都係食返牛扒會好啲。佢嘅薯條係值得一讚，好脆口，而且侍應時不時都會問食客需唔需要添加。任食薯條確實係佢嘅一大賣點，性價比都尚算高。

非常差的用餐經驗，我們四人每人點了一份主菜和飲品。牛扒和意面味道還可以，朋友點的豬鞍架，一半都是肥膏，全是油根本吃不下。跟店員投訴，他說因為這些豬都是一樣比較肥，然後他說要不換一個別的漢堡給我們。我們就答應了，等了20分鐘，當時店裡只有兩桌根本一點都不忙。我們期間催了一次，店員說馬上好了。過了10分鐘我們又再問，然後他們就說其實我們根本沒有在做新的給你。店員也有點難為情，這就說明可能是廚師發脾氣？哪有這樣的服務態度，浪費時間也很生氣。如果一早說明白不給換哪我們為什麼要我們等那麼久？完全是垃圾店鋪，以後都唔會返嚟! 今時今日咁嘅服務態度真的很過分

係附近行完街，想食好少少，於是就去左呢間主打食flat iron steak, 薯條任食嘅鋪頭！男朋友簡左是日精選嘅慢煮平鐵牛扒，而我就簡左經典香草平鐵牛扒。order 完之後佢就會先上薯條，薯條都係即炸同埋係你面前即撈，非常重truffle 味，都幾好食！你鍾意嘅話可以free flow 食到嘔都得，佢係70分鐘任食等左一陣就上啲牛，相比之下，慢煮嘅方式係比普通平鐵牛扒餐係滑嫩好多，再加上黑椒汁，非常好食。而香草平鐵牛扒就多左陣香草味，煎完口感雖然比慢煮鞋少少，但仍然keep 到陣牛味，可見牛嘅質素都ok! 美中不足係份量比較少，食量較大的朋友可能會覺得唔夠喉（可能佢都係諗住用薯條打爆你個胃)

Top Blade Steak Lab位於旺中帶靜的希慎道，主打坊間少見的平鐵牛扒 （Flat Iron）。每份足8安士，簡單以海鹽、香草等材料調味已經很好味！而且價錢也相當經濟，一份招牌香草烤平鐵牛扒，也只是賣HK$150，絕對是物超所值。逢週未假期，以及晚飯時間，餐廳更會提供任食薯條。這裏的薯條雖然偏幼身，但最好就是連皮即炸，配上白松露鹽調味，已經讓你食到停不了口！媽咪罕有的叫了日本啤酒🍻，好有興致！

OpenRice見好多好評就黎試下喇，叫左終極漢堡同埋是日特別版招牌平鐵牛扒，係慢煮牛扒黎既，加一啲自家製黑椒汁。再來兩杯番石榴汁～個漢堡唔錯既，都夠juicy，不過個慢煮牛扒比我想像中韌，同埋多筋～石榴汁都幾好飲，都好rich石榴味，同唔好似唔係溝好多水。最多人介紹佢任食薯條，係幾吸引既，我都係薯條控一個😁落左order無幾耐就會有staff拎住一煲薯條裝落你個碗到，食完可叫staff再添。份量好多，不過真心薯條一般，好似凍左再番熱又番熱既感覺，所以我食完都無再添了～總結環境都企理乾淨，staff都好友善，食物就一般般。

有時候好想食西餐，但係可能一塊好少少嘅牛扒都要二百幾三百先落到樓。銅鑼灣啲餐廳都唔會平得去邊，但係以餐廳嘅價錢嚟講，我覺得呢間扒房都冇得輸。如果你問我最正係啲咩，冇錯就一定係薯條任食。‣ Herbly Flat Iron Steak $185其實牛扒嘅質素就唔會話真係好好，如果想食好啲嘅話都可以加錢，但係我覺得肉質接受到，而且佢都盡可能整香啲。稍微有啲韌，但係整體嚟講我覺得都好唔錯。佢隔離仲有蒜頭俾你搭配住一齊食，我覺得呢個價錢加埋薯條任食都超晒班㗎啦。‣ All You Can Eat Fries $0重要嘅嘢真係要講三次，佢嗰啲薯條唔係粗薯，因為我個人都係偏好一啲比較脆卜卜嘅薯條，反而佢細條幼身容易炸得香脆，比較適合我。雖然話就話任食，但係其實食完個牛扒，食兩盤薯條你都投降㗎啦。

1. Dirty Lemon Tea糖漿混合了焦糖漿和檸檬汁，入口有焦糖香味，挺特別，只是愛吃酸味的我認為可以再酸一點喜愛度： ❤️❤️❤️❤️2. Free Unlimited French Fries幼數條，脆口，無特別，勝在免費任食喜愛度： ❤️❤️❤️3. Herbly Flat Iron Steak店員說這是整隻牛第二嫩滑的部位，僅次於免翁牛柳（filet mignon)，非常嫩滑，我點的是五成熟，剛剛好，另配非常軟爛，入口即化的roasted garlic，非常香口，和牛扒一起入口，口感更豐富喜愛度： ❤️❤️❤️❤️❤️

公眾假期午市時間只有零星幾枱客，叫咗兩份special 青胡椒醬平鐵牛扒 ($248)。 啲配菜豆、茄子幾好食。牛扒就一般，咬得開嘅（最低要求😂）本身調味都好重，所以牛冇牛味都好正常。但即使咁重調味，仍然蓋唔到牛嘅少少怪味，可以牛質素本身都唔係好好㗎啦。薯條個個都話好好食?_? 可能我食嗰轉係最尾嗰批薯條啦，又凍、口感又奇怪。最後都冇添啦，廢事用啲唔好食嘅嘢，塞飽個肚啦。另外仲叫咗兩杯啤酒($55/$65)，店員斟得唔係咁好，好多泡，飲咗頭3啖都係泡。之後同店員講，佢都承認唔符合standard，於是斟多咗一小杯俾我哋。

🥩 Top Blade Steak Lab呢間食牛扒不嬲都好出名最正係個薯條任食 啲牛嘅質素又高就算我而家睇返張圖片都覺得好吸引既steak Lab 😍叫左 ”增量版“香草平鐵牛扒 extra large x1herbly flat iron steak煮得岩岩好 入面係好靚既粉色肉食落好香牛味 有咬口又唔會太韌好正🤤 睇到已經想食多次另外個蒜頭都焗得好好正自己喺屋企試整焗蒜頭 都焗唔到咁好食究竟係miss左邊個環節😂蟹肉藜麥沙律 Super Food Salad平時唔鍾意食藜麥但係呢個沙律又幾正

非常差服務態度，對待客人如乞兒，送餐到客人枱如和去乞，言語嚴重不尊重食客。投訴後，恶劣銅鑼灣店向客户不認衰同時，還用玩野的態度在電話中變本加厲，銅鑼灣店垃圾都不如。

🍴 香草平鐵牛扒 $185增量50% +$80 另收加一 （8/10）一塊大概係8oz，加量之後大概係340g，食肉獸大滿足！叫左三成熟，大概有九塊，肉質嫩滑有口感，有肉汁，牛味就冇乜，呢個價錢好唔錯，加量真係大滿足～任食薯條係幼身，好香脆唔油膩，有黑松露嘅香味，真係食兩碟都夠飽！推薦指數: 8/10講真好食過勁多西餐幾舊水嘅牛扒，高CP值，想飽肚又想食有質素嘅牛扒都會推薦呢間～唔貴又好食！

呢間餐廳既平鐵牛扒，好香好滑嫩，煎得剛好，肉汁豐富，牛肉味香濃；配着烤蒜頭吃，好美味午餐套餐，可以加藜麥沙律同自家靚湯。藜麥沙律加黑醋汁，新鮮既蔬菜、蟹肉鮮甜，好開胃；南瓜湯好濃香，綿滑順口，清甜好飲任食薯條，吃完一盤可以再添！薯條連皮炸，熱騰騰剛炸好，好酥脆、陣陣白松露既香味終極漢堡，麵包好鬆軟，餡好多，生菜、芝士、洋蔥，漢堡好厚，肉汁滿滿，芝士香濃，醬汁味道唔錯～而且店家貼心提供漢堡紙包住食，唔會整污糟手店員都好友善、熱情，座位也舒服，令人滿意！

Known for its flat iron steaks and unlimited fries, the restaurant opened multiple branches in Hong Kong.Flat iron is the second most tender cut after the tenderloin. Top up your happiness by choosing the extra large portion of steak. Their Spain chestnut fed pork rack is also very tender. Though the fries are all you can eat, it is suggested to order after you’ve finished a portion, because it is best enjoyed when hot, and of course to avoid waste of food.🔸Extra Large Herbly Flat Iron Steak🔸Spa

以前記得這店頗出名，所以造訪。星期六晚上7時，不用排隊，直接有位。非常好！服務態度正常，但有快餐店感覺。你叫佢做。你不動他不動。食物方面，牛扒也不是期望那種嫩肉。叫半成熟但吃感有啲似六七或成熟。外觀仍然五成似的。但是重點沒有牛味。豬扒也比牛肉相對好吃！伴菜也正常。蕃茄新鮮。薯條相對好食，是也可以去任叫。但是感覺到也是有點區緊。困擾是否真的任叫！價格兩個扒加湯及一杯啤酒，六百幾元，個人覺得價值與出品有點不以預期。大多因為牛扒無牛味店內氣氛也有點怪。全也個人感覺，不喜勿插！