Top Floor Bar & Grill (已結業)

今日第一次光顧TOP FLOOR, 裝修比想像中認真, 以午餐時間來講環境十分清靜舒適唯獨是有點難找, 由於餐廳在4樓, 但LIFT只到3樓, 如果能清楚指示在3樓上一層樓梯就非常好. 沙律吧, 冷盤, 餐湯是自助形式, 所有的COLD CUT, 蔬菜, salad dressing, 生果都很新鮮, 擺放得整整齊齊, 而且還有Smoked salmon, 實在很奢侈西蘭花忌廉湯很香濃又夠熱, 飲了兩大碗由於人客不多, waitor的服務十分週到, 你可以先吃完前菜才叫佢起main dish, 直頭係酒店水準簡簡單單的肉醬意粉令人滿意, 意粉有少少煙韌, 不會煮得過林, 肉醬汁亦夠多, 食到最尾一啖依然有餸最後的 tiramisu很軟滑有酒味這個午餐實在滿足有餘, 希望能keep住水準, 絕對會再幫襯

果曰妹妹生曰，所以請佢去食dinner。預先book左枱，所以去到就五洗等！環境好舒服，我地2個嗌左個buy 1 get 1 free set dinner..真係幾抵食！！個湯幾好飲，牛排都幾juicy 。另外，9:00前happy hr，野飲特價，佢地推介果杯manhattan dream真係好好飲！！除此之外，我地仲叫左$88 3隻生豪+白酒。。全程服務態度都好好，好體貼周到，仲會主動同我地傾計開玩笑。當晚以為set dinner個dessert係碟上，就係booking時要求係碟寫happy birthday..最後原來係用杯上。但另外來左個焦糖燉蛋，仲寫左happy birthday..有個風趣大隻嘅waiter 問d字靚唔靚，其實係佢經理親手寫！個經理真係好好人！而個燉蛋入囗即溶又五會太甜，好好味。成餐飯都好舒服，又開心！呢間仲有得booking生日 party 同公司聚餐！值得一試！

本人很少寫食評, 所以耐到連自已之前的LOGIN都忘記了.有次行過見到張傳單, 好似好抵咁, 晚餐買一送一都係488+10 services charge諗住新地方開業, 食物應該不會太差, 睇埋OPENRICE食評, 都諗住OK, 所以去左試食完好唔開心囉1. 本來他們安排失誤而主動俾杯野飲我, 話免費, 點知仲計左我錢2. 邊有人話$488+10% services charge , 這個total 原來仲要另外加平時的10% Services charge...請問你為了這個SET DINNER 有咩特別服務提供過呢? 不如直接話個SET 係$540 啦...3. 個SET的食物同茶餐廳水準無分別, $100都俾多佢.

Nice place. Nice food. Nice service. Nice mood. So Delicious! very nice dinner set. $488 Only + 10%. Value of money!

六月下旬‧晴其實早一陣子也試了不少團購，可以推介的例子不多。這裡的併盤也算不錯，生蠔六隻、翡翠螺及凍大蝦各四隻、藍貝鮑魚兩隻及波士頓龍蝦還有餐酒，2人價$348，加上味道及鮮度令人滿意，不錯的。此外店子的泰式及印式食物也做得有板有眼，泰式及印式食物也不錯。

首先哩間餐廳有兩條樓梯可以上去，其中一佢樓下揀哂牌，連大廈都有埋 heading 招牌， lift 都有貼埋餐廳名，點知去到三樓出 lift，豪門深鎖，又無指示，咩都無，只有一個招牌同一個爛的門鐘。我同另一個 friend 去到咪以為唔通咁快執咗。 call 另一個朋友，佢又話已經入咗去坐低咗，我哋四圍揾先知原來要係天台行過去。點解餐廳唔貼過指示牌呢？要客人四圍揾。唔貼指示牌都唔緊要，咁就唔好係樓下楝過牌係度呀嘛？咁個個咁會行去另一個入口囉！上到去，Ｄ侍應個個十下十下咁，好似全部都係新手咁。咁都算，你招呼唔熱情，Ｄ嘢好食都ＯＫ啦。點知.....我真係無諗一個三文魚天使麵可以難食到哩個地步。個廚師係當日失去味覺，定係佢以為佢Ｄ材料可以新鮮到靚到完全唔駛調味料？Ｄ三文魚完全係淡而好味，又＂鞋＂又乾。我哋其中一個朋友係超鍾意食嘢，我基本上係無食過佢會食剩嘢，但佢竟然食剩哂所有三文魚咁濟。而我都唔算係咀雕的人，但係我食咗一啖，真係想放低叉走人。同個侍應講，佢只係問Ｄ嘢有咩問題，有意見幫我哋反應下。我個朋友好認真咁同佢講有咩問題，佢係有少少尷尬，但係唔知得佢真係應同我地意見。我只係同佢講咗一句＂

Everything we tried is good except the steak , which is a bit ordinary. The curry taste like really curry in an Indian restaurant . The Asian snacks platter and Caesar salad are good. This time we ordered their signature seafood platter , only 300 something and we got a small lobster, 4 big prawns, abalone, oysters (very fresh) and 田螺，something like that wd cost at least $600 in other restaurants. One of us tried the prawns/egg roe angel hair, very tasty! The steak is a bit disappointing , we

颱風過後整整差不多都下著連棉細雨、為著手頭要事，路過亞士厘道、細雨下的中午，給路過之（街招餐牌）而停下腳步、價錢索價公道，眼見還有時間就取經一趟...Top Floor Bar & Grill是在4/F，原來大厦有兩條（前後） 電梯可上，一條是直接到達店舖大門、而另一條則到達樓層後還要自行上一層，第一次探訪，我亂碰下竟走上後者全層分為In door同Out door兩部份，露台全用上高柗及高櫈，感覺好自在同寫意、可惜當天雨下無間，不然我想一定有不小客人喜愛戶外、進入餐室，我也不忘舉機拍照餐牌有麵、飯、及扒類，價錢則有七十多元起...今日要上粟米忌廉湯，入口順滑較棉、不會稀稀的，間中也有細小粟米粒、不錯 唯獨有點可惜的是沒有餐包供應，未能沾上餐湯同吃、有點美中不足今日選取煙肉忌廉濶條麵carbonara濶條麵入口不會硬崩崩，柔韌度剛好、但個人認為汁較亁身，蛋香味欠奉、煙肉粒香味亦煮得欠火力，薄薄的忌廉汁也只能在刻意的咀嚼下才能找上，如果你不是我太苛刻的話，無疑這道煙肉忌廉濶條麵也是絕可收貨超濃的咖啡也在吃畢意粉後奉上、入口濃而帶苦，對我來說中中庸庸、消消膩未為不可埋單落樓才發現此單沒有

餐廳是新開的,在這裹試過happy hour,覺得裝修不錯,華麗又時尚,既舒服又不會太拘束,餐廳又有露天雅座,天氣好的時候,我喜歡坐到 露天的座位,較relax.而且在尖沙咀很難找到這種餐廳.所以今天我專誠約女友來試晚餐,先來一個海鮮拚盆，端上來時,擺設很靚,看得出廚師的心思,盆下面很多冰,上面是海鮮,包括生蠔六隻,大蝦四隻 、翡翠螺四隻 ，澳洲鮑魚二隻 ,波士頓龍蝦一隻 .看到我們不捨得食但真的餓了,好先來一口白酒,再吃生蠔,生蠔外表新鮮,但不是肥美那種，味度帶淡淡的海水味,ok大蝦肉質結實及很鮮味,正翡翠螺味度ok,澳洲鮑魚,估唔到鮑魚肉質可以有這彈性,爽口,味度剛好.有驚喜主角波士頓龍蝦,肉質彈牙,多膏,好味,很快海鮮拚盆已吃剩一盆冰再來一杯白酒,好味.未夠喉,再點了女友喜歡的Caesar Salad 和我喜歡的沙樂美腸pizza.Caesar Salad有蒜蓉飽跟的,沙律菜新鮮,蒜蓉飽很香,好味.沙樂美腸pizza,pizza上面沙樂美腸,芝士等材料豐富,味度小小辣,好味未完,未完.還有甜品,甜品是侍應生細心推介的,我們試了一個有朱古力外層,裹面有芝士味的cake,味度頗特別,

男朋友生日, 本身食舊式有氣派餐廳Amigo.但突發的家事要取消.取而代之的是新開小店Top Floor.友人口碑不絕. 最緊要佢果陣岩岩新開, 服務超好, 食材新鮮, 價錢合理.的確. 以預期平實普通的一頓生日飯. 給我們帶來驚喜.我們點了當日推介新鮮生蠔.都忘了是來自什麼國家. 但不忘的是 蠔, 的確十分鮮味.什麼調味都不用加 味道都很理想.凱撒沙律羅馬菜 鮮甜 我們差點要搶食.烤蘑菇友人極力推介牛油味濃郁 蘑菇大小適中忘了價錢多少 總之是抵吃之選肉眼扒.忘了名字. 點了七成熟.來到 卻像只得五成熟. 但味道不俗.肉質鮮嫩 有牛味.自攜白酒一枝, 不收取corkage. 只因當時還未有酒牌吧.現在不知曉了.餐廳知男朋生日, 餐廳服務員送了一件西餅給我們還貼心的附上燃點著的蠟燭.餐廳還有提供雪茄售賣服務只因男朋生日, 過過癮, 充充闊氣, 買了兩枝. 到戶外地方淺嘗一下. 就此渡過一個平淡的生日.

一去尖沙咀, 想去高級食肆都定必過百，幸好最近有朋友介紹一小店開業，一試..正正...樓上環境有氣派之餘又夠靜, 岩晒帶情侣黎食..一睇過MENU,價錢都唔算貴, $48-68. 包埋野飲, 無加一呢個意粉係上次食影GE, 唔記得叫咩名! 試過兩次都好SUPRISE, 好有地道GE感覺, 問返佢地GE MARKETING MANAGER CINDY, 原來間店菜式由超過十個唔同國藉GE廚師主理,個SET LUNCH 每3日都轉一次, 好似我上次食呢個意式茄汁燴牛柳天使麵, 幼身天使麵軟硬適中,以番茄,雜菜等跟牛柳熬製兩至三個小時, 講真, 聽到咁有心機, $48-$68 呢個價錢..又食得飽又有咁GE質素, LUNCH 同 下午茶 3.30 LAST ORDER 係帶女去TST GE 第一首選!

用團購HK$348coupon去試一下它的二人用海鮮拚盆，先說內容：有大蝦四只、波士頓龍蝦一只(約400 grams)、澳洲生蠔六只，翡翠螺四只，澳洲鮑魚二只。再說用料：可以說不過不失，生蠔沒有想像中肥美，按理澳洲生蠔應不會如此差；至於服務則十分好。環境適合聊天，可以安排獨坐一邊。總體來說，若食物質量可改善則值得再試，目前為止則一試無妨。順便提提：食物數量不多，所以較適合兩位女士或兩位食量不大的男士。