TOSS 蘇媽.蘇媽

營業中

休息中

星期六放假瞓醒掛住佢哋個煎蛋，又要去朝聖嘆個早餐喺app點單時竟然見上星期侍應哥哥話無的美祿呀！今日要食雪菜豬扒米粉，屋企人食榨菜雞扒米粉，米粉等左一陣已來，雪菜偏咸左少少，屋企人食完榨菜覺得雪菜比榨菜更咸，米粉份量少左啲，比上星期的麵少左1／4啲米粉都食晒，先上豬扒煎蛋，豬扒份量十足，煎到好香口，肉質嫩滑，味道啱啱好2隻煎蛋實在煎得太好，好啱我口味，鬆化唔死實，外脆內軟，唔係嗰啲膠膠地實的的質地食左半，雞扒來了，雞扒比豬扒更脆口，但偏咸，可能開始人多，這碟的煎蛋唔夠豬扒嗰碟咁脆面平時早餐跟的嘅包我都唔食，但唯獨蘇媽個意大利包，我點都要食埋先滿足

之前YouTube 睇到好多YouTuber介紹蘇媽•蘇媽，均是好評，等咗好耐終於開到來屯門，仲要在市廣場，一於去試吓，初初開嗰陣時見排隊排得很厲害，等熱潮稍有緩和才去，仲要揀個啱啱開門、早啲嘅時間去，排隊都係等一陣就有位，睇咗啲Menu有咩特別嘢食？淨係揀推介嗰啲，一個炒粿條，一個炒板麵、阿森喇沙，有兩隻辣椒！1個檳城福建麵，飲馬來西亞拉茶走甜，都OK，啲嘢食都$7、$80/個！係馬來西亞為主，原來唔包嘢飲，揀完嘢食落單，啲嘢好快上：檳城炒棵條$108，大家一致話好味！椰香咖喱豬頸肉叻沙$88.00，滲滲，還好！都辣。特製辣椒板麵$79，家人評唔掂，又話咸，我覺得還好，只係冇乜料。檳城福建蝦麵$79，滲滲，還好。檳城亞參叻沙$78渗滲，2條辣椒，真辣馬來西亞拉茶（熱）$29走甜馬來西亞拉茶（熱）$29少甜美祿恐龍（凍）$40小計$530.00服務費$53.00總數$583.00唔錯，只係唔包欲品貴啲。

初嚐蘇媽早餐，意大利包外脆內軟，雞扒煎得香脆肉嫩，麵質略軟，對愛食爽麵的人就麻麻，煎雙蛋唔係死死實實嗰種唯美中不足是馬來西亞的餐廳竟然沒有國民飲品-美祿期待下次試午餐及下午茶

1. 大雜錦配油炸鬼 $178肉骨茶飲唔到藥材味，豬肉勁多肥膏，肉太少，豬臊味好重，豬手啲豬皮有件勁多毛，另一件豬手仲要有瘀黑咗；油炸鬼炸到好深色好硬，醬料份量好少；2. 招牌椰香咖哩叻沙 $83一上枱俾碗嘢個賣相嚇一嚇，啲米粉同餸份量少到要潛水先搵得返，同餐牌張圖完全兩回事，呢碗嘢收$83我覺得被搵笨；3. 熱桔仔話梅水 叫咗少甜 $38飲咗一啖，甜到封喉，已經叫少甜，但都好似糖漿原漿直出咁，即刻起痰，無誇張，唯有叫侍應俾杯熱水自己沖淡啲；呢啲食物味道質素唔值呢個價亦唔值得幫襯，仲要收加一服務費，只此一次唔會再幫襯。

話說之前去過深水埗同荃灣店食過蘇媽都覺得好正而家終於等到屯門開了，就約埋老友黎回味一下，星期6晚上7點左右到都坐滿人，不過等位都係10分鐘就入得，餐廳環境屬半開放式，出面都睇到入面情況。坐底睇下餐牌，大致上同本店都差不多，唯獨搵唔到我最愛既滷肉卷，唔開心，落單方式係用QR code，本店就人手落，不過唔識用都可以叫店員黎幫手。辣死你媽配仁當牛肋條落單唔洗5分鐘就上到呢個飯，辣死你媽係馬拉語椰漿飯咁解，並唔係咁辣的，椰漿飯用左班蘭葉染色變到綠色咁幾得意，椰香味唔算好重，配料有d魚乾，花生同蝦片咁，牛肋條就好腍身，又唔會腍到爛晒，呢個飯幾好。甲必丹咖哩豬扒飯又係好快就黎到既餐，好在豬扒都熱唔係凍既，証明都係新鮮，咖哩汁偏重椰香味，有少少回辣，不過質感就稀d，整體正常。馬來香蕉餅未食過試試，外面一層葉係唔食得架，入面既香蕉餅質感軟糯，少少香味唔算太甜，不過我個人不太喜歡，所以覺得麻麻地。咖央多士多士新鮮烘起香脆，夾住咖央醬同鮮油，甜甜地，圖中俾老友搶先食左一塊，正常係有4塊的。細雜錦肉骨茶可能廚房漏左單遲遲都未黎，跟左一次單先黎，所以最後先上，黎到大家都8成飽了，又要講講呢度同本店唔同既地方

我剛剛在外賣平台叫了屯門市中心新開幕的蘇媽食物，估唔到送來的食物十分差，叉燒份量十分少及乾過豬肉乾，我去太興買半斤叉燒$68的份量及質素好佢十倍，炒菜的份量少得可憐價錢收$98食物質素差.........，叫了兩份雞翼共四隻送來只得一份兩隻，估唔到新開幕的質素差到極點，本人打電話去投訴有個女職員接聽，她只叫我打去外買平台投訴及取消，我想問蘇媽餐廳的投訴電話佢答我無投訴電話，我想找店長投訴，她說店長及廚房廚師好惡，她再次叫我打電話去外賣平台投訴，希望這間餐廳的管理層及老闆正視問題，祝你生意興隆一本萬利

見到蘇媽蘇媽進駐屯門十分開心。我經常去深水埗，荃灣及旺角的分店。十分喜歡他的肉骨茶濃濃的藥材味，而且可以免費添飲。不過，今次去了屯門新開TOSS 蘇媽.蘇媽。食物質數就差了好多。首先，裝修同以往的不一樣，少了點茶室的特色。價錢亦比以往高了少少🤏。今次叫了細雜錦肉骨茶配油炸鬼，高佬麵配炸豬排及椰香咖央多士。肉骨茶配料有一字骨，三層肉，豬肚，豆卜，冬菇等。肉骨茶在過去的分店中以其濃稠的湯底和可添飲的特色而受到食客的喜愛。然而，這家分店的肉骨茶在口感上並未達到以往的水準。肉骨茶過於咸，並且完全缺乏藥材的味道。隔離枱向服務員查詢添飲問題，得到回覆是肉骨茶份量比較足所以不提供添飲服務。而且Toss的路線是與其他分店不同的。另外跟配的油炸鬼，可能已經放置了幾天，失去了新鮮和脆口的特點。整體來說是十分失望。另外兩款食物就普普通通。就不再作評論。小總結📌其質數令我一度懷疑是否真的分店😂📌建議去其他分店

感覺屯門蘇媽蘇媽來得太遲，當其他的星馬菜早已站穩陣腳，真正主打馬拉菜的蘇媽卻姍姍來遲，而選址更是較為二線的位置。對於蘇媽蘇媽的開幕，屯門友似乎興趣缺缺，果不其然屯門分店完全不用排隊，有違屯門分店人山人海的常態。曾到訪過荃灣店及沙田店，而沙田店跟屯門店一樣，名字冠以「Toss」，原來是蘇媽蘇媽的新品牌，風格上比較型格華麗，但注意Toss肉骨茶是不能添湯的，店方表示由於肉骨茶質素提升所致，是故去開傳統蘇媽的定會相當失望。論風格而言，個人較愛荃灣店哪種走傳統路線的馬拉餐廳，平實風格卻是真正的表裏一致。而新路線Toss雖然型格華麗，但骨子裏就跟茶餐廳無異。服務而言大部分店員尚算親切，但專業度有待提升。留意到餐盤竟有破損，作為新店有點令人詫異，又加上蘇媽定價不夠親民，新店期間人流稀疏也是有跡可尋。在沙田店嚐過麵食，食味上都幾有特色，今次再下一城，挑戰主打以外，二線卻又甚具代表性的「辣死你媽」。這是非常傳統的馬拉國民代表食品，基底是椰漿飯，配搭不同的配菜和肉食。辣死你媽配烤雞脾($83)賣相忠於傳統，一片翠綠的班蘭椰漿飯，班蘭比椰香更突出，可惜飯身偏軟爛，班蘭椰漿沒有拌勻下，賣相有點倒胃口，擱涼了