Ulyssa by Aldou (已結業)

一早聽聞係荔枝角番工既朋友不時讚區內餐廳既質素，星期日下晝途經荔枝角就去左呢間位於工廈既Ulyssa by Aldou～餐廳主打fusion菜，糅合東南亞以及西式美食，set lunch都有唔同既菜式選擇，唔夠喉更加可以另叫小食香煎紐西蘭肉眼扒8安士配薯菜 燒汁 - $118點左肉眼扒5成熟，外表看似正常，但一咬落去比medium rare更生...見到其他人叫東南亞菜似乎都冇咩太大問題，但呢塊隨意反兩反既牛扒實在令人卻步雖然用餐日期已經係兩個月前，當時想上黎打篇食評但不了了之最近無意睇到呢間餐廳既食評發現有食客同我一樣有牛扒過生既問題，決定要打番呢篇食評希望餐廳真係可以留意食客既意見，改善一下個別菜式既質素

一家四口帶埋婆婆同嫲嫲一齊去食聖誕大餐，環境都算不錯，服務態度很好，細心有耐性解釋餐牌食物，食物方面都不錯，雖然未算好好食，但都可以接受！值得一讚餐廳一早預備好嬰兒餐椅，一去到就可以坐定定！整體來講都係滿意的！

第一次同同事黎試呢間食晏，試左虎蝦肉意式番茄忌廉意粉$78，好足料，蝦夠爽，意粉軟硬度適中，唔會過淋，仲有好多汁，唔會太乾。另外半價（即$22）就可享用特飲，叫左杯藍莓乳酪沙冰，👍。 坐得都幾舒服，唯一冷氣不足，有點焗，如果可以改善下就好喇。

舊同學生日，今晚同佢去食晚餐慶祝一下，佢提議去佢工作的荔枝角區，附近的工厦有一間氣氛很好，食物又好味的Ulyssa by Aldou。餐廳雖然在工厦內，但裝修擺設一點也不馬虎，設計時尚，燈光柔和。枱上點有小燭臺，增添不少氣氛。檸檬葉燒法國春雞，原隻春雞燒得香噴噴，皮薄香脆，雞肉程粉紅色，肉質鮮嫩又新鮮，香草味濃。伴碟的蔬菜也很鮮甜。香草牛油芝士焗波士頓龍蝦意大利飯，半邊龍蝦加上香草牛油芝士焗至金黃色，龍蝦肉鮮味彈牙，又香又惹味，意大利飯粒粒分明，口感creamy！凍泰式奶茶，奶茶夠濃夠香，加埋忌廉更加幼滑。

西餐就食得多 新派東南亞x西餐就好少有你重要既係餐廳既裝修好靚 有女仔最鍾意既乾花吊係天花 配埋吊燈 好warm❤文青得尼又帶有點浪漫🥰.食物方面都好滿意Main course叫左德國脆豬手配燒菠蘿條🍍份量大大份朋友大愛脆豬手 外面脆卜卜好香豬手整得岩岩好 完全吾乾身肉質好淋 配埋芥末蜜糖醬🍯好好味😋菠蘿條有兩大條 好甜 食豬手食到濟 食返啖菠蘿 即刻好fresh!!!.香煎焗深海比目魚柳香蒜白菌意粉🍝條魚煎香左 完全吾會腥🐟意粉相對比較淡口味 但好香蒜味份量都好大碟.餐飲方面order左藍蝶花檸檬梳打近年愈來愈興藍蝶花 除左賣相靚藍蝶花飲落好fresh 加埋檸檬食完炸野飲返杯真係好夾！！！.最後order左個tiramisu作為完美句號細細件2個人share岩岩好好香咖啡酒味 個人好鐘意❤❤❤如果係慶祝只要提早同餐廳講餐廳會幫手畫碟寫上祝福說話好貼心既服務💯

今日同好朋友係荔枝角香工買完衫 佢提議上工廈餐廳食晚飯 於是就上網搵左依間靚靚地既西餐食👭原來佢係新派fusion菜 係mix東南亞加西餐D菜名勁長😂😂😂不過睇得出每道菜都好有心思咁fusion左Drink menu 好多野飲都勁吸引！係咪估唔到工業區都有咁靚既餐廳呢～好有情調 除咗我哋其他都係情侶🍸真係好靚！拍拖拍拖👫就岩哂～養生蟲草花肉骨茶：唔會好似普通馬來西亞肉骨茶咁重藥材味 反而仲有少少胡椒味 幾有飲☺️👍🏻椰汁咖喱肉丸：好好味！勁濃椰子味 咖喱好香甜 有三粒大大粒既手打肉丸 配埋啲醬汁勁好味😋帶子泡菜炒扁意粉：第一次食西式Mix韓式 個味道勁神奇！完全估唔到泡菜加忌廉係呢個味 推介大家試下🤣🤣🤣好特別！鯛魚柳配泰式莎莎：魚柳好新鮮～煎到脆卜卜 配埋甜甜既莎莎好新鮮開胃～估唔到係工廠大廈都搵到好野食🤩🤩

今晚來荔枝角呢頭行街，係網上見到呢間餐廳裝潢好有文青，所以就前往食晚餐，一入到來就見到好多聖誕裝飾，有一邊牆身有花花裝飾，充滿少女心😍加上座位好闊落，所以坐得好舒服，適合同三五知己或者情侶慶祝💕食物方面質素好高，我地前菜叫左鮮蝦芒果🥭沙律，好開胃，鮮蝦都鮮甜加上上面有片片杏仁片，有口感又好清新，好開胃。 主菜叫左帶子泡菜義大利麵，感覺好新穎，味道好有驚喜，原來泡菜同義大利麵好搭，我地叫左微辣，對於唔食得辣嘅我來講，感覺不太辣，剛剛好，帶子都好鮮嫩，香煎帶子煎得剛剛好，好味道。 另外我地仲叫左烤春雞，味道超讚😍雞肉不會鞋，好嫩滑，配菜都非常出色，食得出係經香煎過嘅蘿蔔，青瓜同小粟米，好香口，好爽口。小食方面我地叫左芝士肉醬焗薯皮，好好好味道，脆口嘅薯皮包住濃郁的芝士肉醬，有好少好少的薯蓉，好味道。下次會再來幫親，性價比超高，食物好味仲可以享受埋個環境

荔枝角果然為文青的集中地，逛完小手作，來吃個浪漫晚餐。這裹環境非常舒適，裝修雖然簡單，牆上掛有燈飾，晚上一閃一閃，每一個角落都非常浪漫。除了環境討好以外，食物的質素還很不錯呢！以西式與泰式為主打的餐廳，市面上鮮見，這裏可謂雙雙輝映。菜單不久就會轉換，今次選的牛扒真的非常出色，我叫了三成熟，就真的來了三成熟的牛扒，肉質鮮嫩，點上燒汁和芥末醬，好Juicy!虎蝦牛肝菌飯份量不算少，虎蝦肉質爽口彈牙，配上牛肝菌調味正濃，加少許火箭菜口味清新。吃完主菜嚐個芒果糯米飯，簡直是完美的晚上！糯米很黏，加上椰奶要比芒果甜一點點，混著吃就剛剛好，份量也挺多的。

(沒有帶相機，影得比較差)魚肚羹很鹹，很重麻油味口感不太做到羹的效果而且賣相很一般只是找個普通家用大碗裝著不是太吸引牛扒份量、賣相都算是正常表面的調味同樣有點過鹹但吃下去還可接受可是根和渣比較多單點二百多元的扒來說應該可以更好燒海鮮拚盤有半隻龍蝦可惜不夠熱味道、肉質也是普通要讚的是龍蝦頗多膏龍蝦只有半隻是意料中事可惜其他海鮮的種類和份量也偏少和小魷魚串又是太鹹應該是表面的類似七味粉和鹽下得太多了蜆和青口較細小，味道正常不過有部份會有沙螺是較好味的一款環境不錯正常西餐廳裝潢總括來說食物很一般下次再來荔枝角區應該會找其他餐廳試了

參考openrice工廈餐廳食評，被Ulyssa by Aldou不少好的食評和食物照片吸引，但換來是一餐不愉快的晚餐。當日預訂8:30pm 入座，立即就order Set Dinner B 包括海鮮拼盤，湯，2 主菜。好快菜就送上，但係無分頭盤主菜，一口氣4樣食物一同送上，於是我同朋友就先飲湯，食海鮮拼盤，然後意粉，最後到牛扒。一路都覺得食物唔差，如果係頭盤主菜相隔一段時間會更好，因為食完頭盤，主菜都凍左。點知食到牛扒就出事，我地order 係5成熟 medium，但切出黎感覺太生，我同朋友都接受唔到。唯有叫staff (男)黎同佢講番其實我地係order medium，有無咩辦法可以整熟多小小，個staff 望完都話塊扒係medium rare，之後佢拎去問下同我地落order 既staff (女)。點知幫我地落order既staff 知道之後，竟然好大聲講左一句 「 下！又唔早講 以家先出聲話生 」我同朋友即刻呆左，仲好懷疑係唔係自己聽錯，但望到個女staff 係望住我地，就好肯定係話我地，同真心覺得唔好受同嬲。後來男staff 過黎同我地解釋因為廚房師傅收左工，無廚房師傅係到，

工廈愈黎愈多好野食今次就試試依間環境比想像熱鬧得多。香芒雜菜鮮蝦沙律感覺非常清新, 芒果肉非常甜, 配有廚師煮過嘅大蝦, 開胃好食香煎紐西蘭肉眼扒配燒汁肉質紋理分明, 肉味濃郁，點了七成熟, 但入口感覺一啲都唔靭, 有水準海鮮龍蝦生蠔凍盤配有海蝦, 花甲, 黃金螺同埋龍蝦, 入口有豐富海水味,凍盤海鮮味道非常鮮甜虎蝦牛肝菌意大利飯廚師特別煎香虎蝦, 入口有香脆感覺, 另外意大利飯軟硬適中, 配以牛肝菌汁 ,口感一流芒果糯米飯, 比外面餐廳冇咁甜, 唔會有種太膩嘅感覺, 糯米有濃濃嘅椰汁味, 為呢餐飯畫上完美句號

諗住搵間有d mood既餐廳同個fd慶祝生日，上網就搵到呢間食評吾差既餐廳，所以就一試。餐廳雖然位於工廈，但一啲都吾難搵，地鐵站一出附近就到了，好方便。👍🏼有d裝飾燈同埋乾花配襯下令到個環境幾浪漫，燈光暗暗地，亦都幾舒適。🥰餐廳就主打新派東南亞西餐。我地就叫左個Set Dinner A，網上訂位再加叫套餐既話會有85折架！即刻抵左好多！咁我地前菜就擇左手打肉丸配香茅青檸椰子汁，個買相好似獅子球，比牛肉球還要大粒，個味道配搭都幾新鮮。蟹肉素翅魚肚羹食落好似碗仔翅，而且有啖啖既蟹肉同埋兩個人都每人飲到2-3碗，好大碗啊！泰式蕃茄辣肉醬意粉🍝 個味道真係有d辣，但辣得黎幾開胃，吾好睇佢好似細細碟，食到呢part都已經飽飽地喇。另外個主菜再擇左香煎慢煮羊柳肉配迷迭香燒汁，口感都幾軟熟，味道吾會話太羶。飲品方面就無太講究，嗌左d正路d既茶類。預先打電話去留件cake寫名慶生日。食完咁多咸味野再食返甜野簡直中和返成件事，呢個Tiramisu吾算話好甜，成個伴碟出到黎效果很不錯總括來說三五知己黎食都係個吾錯既選擇。

We have been there many times. It was quite good before, but the food quality drops a lot recently. The steak was overcooked and extremely salty, even we asked not to put any salt or seasoning on it. The waitress was still quite nice, but maybe the chef just doesn't care about customers. Won't go there anymore.

⚠️ 你要係工廈職員先可以入內用饍架！😉今日同同事去咗依間餐廳度食佢嘅Brunch Set，環境好幽靜，啱晒一少班人傾吓計，食下野。餐廳係木系裝修，佢有掛到啲乾花，感覺好舒服，同事話有healing嘅感覺喎!😇😇我哋分別叫咗三個套餐，1️⃣香蒜辣味雜菌蜆意粉：我輕輕數過都有8粒蜆，雖然唔係好肥美，但都叫足料既。👍🏻2️⃣虎蝦肉🦐意式蕃茄忌廉意粉：我點既，味道唔錯，creamy得黎，有蕃茄中和下，唔會太膩，蝦肉都足料👍🏻，隻隻都有一隻手指尾咁長，但就唔夠鮮甜😅。食完之後發個口好有蒜蓉味，個醬應該打左啲蒜蓉落去。3️⃣煙三文魚蘆筍忌廉意大利飯：依個同事等左都一段時間，但整得幾好食😋，意大利飯既軟硬度都適中，但係煙三文魚🐟太碎，食落唔夠有口感。整體而言，佢pasta餐都較細份，男同事應該唔係好夠飽，但食咗唔會肚餓囉。同事叫咗杯green tea latte🍵☕️，都拉花都拉得幾靚，好治療呀，而味道聽講都唔錯，唔會太甜。😍😍

收工搵野食。荔枝角區都算方便。地鐵站附近。剛剛見到只是平日晚才有折。但要叫指定2人套餐。因2人餐有78折。馬上用open rice 即晚訂位。沙律。小窩湯。主菜。飯或意粉超抵食。女生食已經好飽。送餐茶。晚上餐廳內人數不算太多。但也坐滿一大半。位置及地方都寬敞。環境舒服。還有小燭光。讚。店員都好nice.如假日來的話。和好友一聚應該是個不錯的地方。暢談愉快。仲有連儂牆。可以表達下意識推介扒類。薯榕都好好味。