Via Tokyo (已結業)

今次等左半個鐘終於有位啦！我同朋友分別點左唔同既野，我就點左白玉紅豆抹茶牛奶雪糕。個白玉好好食😍😍😍幾好咬口而個抹茶牛奶雪糕都好香，抹茶味濃，牛奶味香。好正😋😋😋

呢排早晚開始涼涼地，但晏就依然熱熱的，然而就緊係要抓住夏天的尾巴食個冰🍧同雪糕🍦芒果草莓沙冰（$85） 實物同menu嘅相似度高達99%，沙冰質地係雪花冰咁軟綿綿💓；果醬係天然味道，唔係好假果種，仲要唔單止喺表層，連裡面都好有味，另外好似依稀食到少少牛奶味；而最驚喜係除左頂層有真果肉外，食落冰裡面都有😎，芒果同草莓都幾甜😻滿月綠茶芭菲（$81）頂層有抹茶pound cake、丸子&蕨餅，都係foodpigss🐷🐷最愛💓；雪糕係超重抹茶味，質地係黏黏地；下面就係紅豆、cream、脆脆&焙茶啫喱，十分豐富，食落好有層次抹茶蛋卷（$40）蛋糕好鬆軟，cream亦都好幼滑宇治抹茶芝士蛋糕（$48）喺濃郁抹茶味中帶點芝士味，味道不俗朱古力奶（$42）味道正常，但價錢略貴🤭，相對其他甜品而言，呢個試一次可以了總括而言，平時黎呢間店都係食抹茶培茶嘅甜品，估唔到連水果甜品都一樣高質🙆🏻‍♀

Via Tokyo尖沙咀金馬倫道分店，同港島店一樣有多款大熱抹茶甜品，仲有透心涼嘅冰品供應呢!~士多啤梨牛奶沙冰($75)顏色紅卜卜賣相好美喔!冰粒好幼滑，入口即溶!附上一小盅煉奶，建議食到一半至落，個人覺得唔洗加都好夠味。食到中間，仲有脆米同custard做內餡呢！滿月綠茶芭菲（$81）作為抹茶腔嘅我，點會錯過呢？用料好豐富呀：有抹茶曲奇餅、抹茶味蕨餅、抹茶蛋糕、小丸子，紅豆蓉、忌廉、焦糖味脆米、焙茶jelly 等等，當然唔少得主角抹茶mix焙茶味軟雪糕啦！雪糕口感幼滑，茶味十足又唔會過濃，仲可以一次食到兩種口味添！追加煎茶及焙茶各一客（$37），甜品伴熱茶正是真正享受！

大家都知道我對綠茶同埋甜品都係超喜愛嘅所以今日就同大家介紹一間綠茶嘅甜品佢都有好多特色嘅甜品好似係一啲沙冰啊蛋糕等等環境真係好日本好舒服而且仲好近地鐵站所以一出來轉過彎就搵到啦長野白桃沙冰 $138呢個沙冰真係超級超級好食首先入邊係好多白🍑桃肉而且淡淡都係食到🍑桃味嘅入邊嘅沙冰都唔係水嚟嘅係真係混合左桃既食物可以睇到入邊打得唔算好細所以就可以增加左咬口感覺而且頂層仲有好大舊桃肉添三 色雪糕窩夫$$70可以一次過試晒唔同口味嘅窩夫有綠茶芝麻同埋原味我覺得最好食嘅係芝麻味窩夫真係整得好脆好香入邊仲有白玉紅豆添宇治抹茶芝士蛋糕 $$48你一個蛋糕食落去呢係夠晒濕一啲都唔乾而且個底都係軟林林嘅唔係牛油脆底超級無敵重綠茶味我係覺得勁好食勁鍾意而且仲唔係好甜啱晒我個外型得好靚好特別白玉抺茶雪糕 $$49係勁大杯入邊係實心唔係空心所以即刻增加左對呢間鋪頭嘅好感因為真係勁抵食而且大大杯有重綠茶味所以我會比一百分

星期五晚同朋友食完晚飯，梗係要食返個甜品作結。港島人過左海就會唔多識搵食，就靠身邊的朋友帶路，然後佢就帶左我黎係餐廳附近的呢間VIA TOKYO! 自己好中意VIA TOKYO, 去親銅鑼灣，口痕都會想去買個綠茶雪糕黎食，因為真係好香好濃好滑。可能係我平時同朋友分享我成日食呢間，所以佢都特登帶我黎食。星期五晚不意外的好多人係度排隊，我地見上一餐已經食到好飽，就諗住外賣個雪糕，邊食邊行邊消化~ 哈~每次食親都係綠茶味，朋加叫我今次試下新口味。好啦，都唔可以成日都一成不變嘅，就試下個期間限定嘅芝麻口味。雪糕質感好企身，食得出用料好足，芝麻味非常香濃，食唔到渣，但入口又好幼滑。配料都唔錯，小丸子夠煙韌，紅豆夠香甜。食完個雪糕，真係可以好好總結呢個happy friday了~

拿破崙算係唔新嘅新品，好耐之前有出過。以前試唔到，點知今次一試就中伏🌚三層酥皮，夾住兩層抹茶同custard cream，舊版淨係得抹茶cream。一拎上嚟已經東倒西歪，點知個味道都🤢個酥皮又乾又硬，拮極都拮唔開🤦🏻‍♀️層次唔分明，一啲鬆化香脆嘅感覺都冇。食落又有啲燶味，完全遮蓋咗抹茶cream嘅味道。最濃嘅抹茶味係嚟自伴碟嘅抹茶醬😪雪糕又係歪嚟歪去，多客趕單都唔係咁掛🤷🏻‍♀️好彩水準依舊，伴以紅豆蓉、栗子、蕨餅，但蕨餅太甜，而且唔煙韌。鋪頭有日式嘅裝修格局，但冇日式嘅服務。夜晚好多人排隊，都見到入面有空位，但又唔盡快安排入座😐擠個雪糕又歪歪斜斜，真係再好味都令人好感大減🤷🏻‍♀️

黎到尖沙咀，岩岩食完個正餐，又唔想咁快同難得見嘅朋友散，自然就係要搵甜品食下。見到門口都有人排，本住見到人龍，代表唔會伏嘅心，就入左去喇。餐廳比較少2人座，如果2個人黎，好大機會會同其他人一齊坐，格局都唔算大，如果想坐耐啲傾計嘅話，唔算係一個好選擇。甜品方面，以綠茶雪糕為主打。咁自己就嗌左個黃豆粉白玉紅豆抹茶雪糕，因為個雪糕可以轉做培茶、綠茶或牛奶，自由揀兩款mix,咁我當然唔執輸，就揀左培茶同綠茶mix。一上檯，人都呆左呆，個雪糕未免斜得太過分啦掛！斜足45度，見到個雪糕咁，已經有少少失望。講番雪糕本身，培茶嘅香比較重，都仲食到茶味，但綠茶偏甜，但都唔算話差，但覺得一間專做綠茶雪糕嘅甜品鋪，得咁嘅水準，就覺得真心麻麻喇。雪糕隔壁都有啲配料嘅，紅豆做到起沙，加埋雪糕食，雖然有啲偏甜，但都係ok嘅。黃豆粉本身味就淡，加埋雪糕冇令佢突出左，都係同棉冰襯啲。之餘白玉，可能係我本身就唔識欣賞嘅關係，覺得係一舊冇味嘅糯米團。友人果杯，冇咩點食就唔加以評價，但雪糕都係斜嘅。總括黎講，性格比偏低，加上雪糕類嘅甜品，溶得快，要好快就食完，冇得坐得耐，本身就唔係一個好嘅下場選擇。

今次已經唔係我第一次食，對上一次食已經係好耐好耐之前，一路都忘記唔到佢嘅味道。一路都好想揾機會再食，但次次食完飯都已經好飽，經過左咁多次都冇入到去食。所以今次同朋友就的起心肝，特登dinner唔好食咁飽，之後再黎呢度下場～記得上次黎我地都排隊排左一段時間。今次我地9點頭去到竟然岩岩好唔駛排隊，用左最後一張二人枱～之後都keep住有人come and go，雖然都唔需要排隊，但都差唔多坐滿晒，證明佢都仲係有唔少捧場客！要留肚嘅原因梗係為左要叫呢個卷蛋啦！上次食完之後我最掛住嘅就係呢個卷蛋，因為佢嘅抹茶味真係我意想不到咁香濃，中間嘅cream超級滑，一個卷蛋可以整到咁好食都真係唔容易！雖然甜品係有第二個胃，但卷蛋始終比較飽肚。不過今次令到我有少少失望，因為佢冇我上次食嘅時候咁重抹茶味，出起市面上可以買到嘅抹茶卷蛋佢仍然係出色好多，抹茶味都香濃好多，但同以前嘅佢比較就真係退步左。希望我下次黎再食嘅時候佢可以回復返去之前嘅水準。另外就叫左個蕨餅抹茶雪糕。抹茶雪糕同我印象中一樣咁出色，我個人比較鐘意D帶有回甘嘅抹茶製品，呢度就好符合我嘅心意，佢嘅回甘程度唔算好大，所以怕苦嘅人都一樣可以接受到。雪

今晚同朋友係尖沙嘴食完飯之後就來左via tokyo諗住食雪糕當飯後甜品。間店好細但好多人排隊，基本上佢嘅分店好多時候去到都要排隊，真係太受歡迎。我地等左20幾分鐘先有位。我叫左個焙茶雪糕，聞落有淡淡茶香，食落覺得佢個味有d似奶茶，奶味又幾重，不過係偏苦少少，好o岩我呢d唔鍾意食甜野嘅人，個雪糕亦都好軟滑，又唔會好快就溶。朋友叫叫左牛奶雪糕同抹茶雪糕，我兩樣都試左啖，但就無試d配料，抹茶雪糕嘅抹茶味好濃，亦都係偏苦，至於牛奶雪糕味道亦都唔錯，唔會太甜，好有牛奶香。整體來講，覺得via tokyo 嘅雪糕有一定水準，尤其抹茶同焙茶系列，價錢亦都合理，下次來打算試下雪糕以外嘅野。

身為via tokyo既忠實fans，每個月至少食兩次🙊。佢成日都會keep住出期間限定既雪糕同冰，比起冰，我會更鐘意食佢d雪糕，因為食落有好濃郁既奶味😋。咁多款期間限定雪糕入邊，個人認為黑芝麻雪糕最出式，雖然自己對黑芝麻無咩特別感覺，但好鐘意食佢既黑芝麻雪糕！質感好幼滑，黑芝麻味唔會話好重，同牛奶融合得好好，每次見到有都會必點！除左雪糕，via tokyo都出唔少期間期定既冰，但大多都伏伏地，之前出既櫻花冰味道就似普通士多啤梨味道，而且冰溶得好快，食到最後好似飲湯咁。via tokyo既冰既質素一直好唔穩定，但上次monster 食既黑芝麻冰就好好食，但唔知點解櫻花味既冰入邊d核桃係苦既，下次都係食翻雪糕穩陣d。

今日同朋友係尖沙咀食完晚飯後，就黎到Via Tokyo，鋪頭比銅鑼灣分店大一點，我地等左15分鐘就可以入去。我地叫左個抹茶白玉雪糕同黃豆粉白玉紅豆雪糕。抹茶雪糕好滑，甜中帶澀，令人回味。但紅豆雪糕融得好快，而且過甜，呢個就麻麻了。食左大約10分鐘後，店員就過黎問我地仲要唔要，之後收曬我地啲野，似乎係想我地交枱，其實都係坐左10分鐘，都係想傾多兩句計，佢咁樣我地惟有走。搞到好似食快餐咁，希望可以坐多陣都唔過份吧。

🍵上一次見人食既roll cake好吸引於是有一晚食完飯就去吃了~因為上一餐唔夠滿足甜品就叫多左😆3人食好飽呢💛 抹茶刨冰$75意外的好食! 抹茶味超濃感覺似食緊雪糕👍🏻👍🏻而且又唔會好快溶可以慢慢食~💛 抹茶蛋卷$40都幾貴啊覺得…不過好軟熟入面既忌廉又多味道都算濃💛 沙冰$55有埋抹茶雪糕係上面都算抵食👏🏻一次滿足兩個願望依間既抹茶味道的確做得唔錯再黎的話會encore刨冰☺️味道：★★★★★價錢：$$

夜媽媽食完飯食糖水定甜品好？油尖旺一帶真係好多選擇，要揀間好食既真係揀到聽朝，不過揀定左想食日式甜品就易搞好多喇😊😊行到the one附近，鎖定左via tokyo，尖沙咀比銅鑼灣少人，feel good唔洗點排！見到有d新出既冰冰，但性價比唔太值，就揀番classic items，食返雪糕實無死！🍦🍦同朋友叫左個3色雪糕窩夫（抹茶、原味、焙茶）同埋熱焙茶latte，雪糕加上白玉丸子&紅豆，成個package好完整，以焙茶味道最出眾，俾我最快食晒😋😋🤗 焙茶latte味道都唔錯，仲有個小龍貓拉花，so cute!!下次都suggest尼尼間食飯後甜品，可以試下其他雪糕😝

之前長時間勁多人排隊一直冇試到！今次經過見到人唔多就等下啦！今次又唔錯噃！等咗十分鐘都冇就有位啦！仲要係我有8個人，晚上21:30！呢啲係食甜品時間來，都咁快有位，已經好開心其實 鋪頭入面啲位唔多 難怪經常坐滿啦！跟住我就是食咗期間限定嘅黑芝麻味雪糕，佢個樣真係好吸引呀！大讚！好味！真係同我行日本食嗰啲差唔多！冇得去日本項頂下口隱都係唔錯既選擇！ 我都是在朋友嘅抹茶味雪糕一啖，係唔錯！ 但對於抹茶控嘅我嚟講 ，我覺得個抹茶味可以再濃啲就更好

白玉抹茶雪糕（$46）我食過銅鑼灣分店嘅，覺得尖沙咀嘅抹茶雪糕保持到茶嘅甘味，但相對比較甜，不過依然係高質嘅，無論口感同味道都勝過好多其他甜品舖宇治抹茶芝士蛋糕（$48）就咁望就已經覺得件蛋糕賣相吸引，見到咁深嘅綠色就可以想像到陣抺茶味會有幾濃一入口，細綿軟密，好似食緊厚身嘅mousse咁，完全唔需要咬用上京都宇治最高級抹茶粉，甘而不澀嘅味道留係口中久久不散，而茶味中又帶有陣陣芝士嘅濃郁，兩者真係配合得天衣無縫