XTC Gelato (已結業)

有好多味....企左係到諗諗諗,食咩味好呢,,好似隻隻都好味,,又唔想要好普通,但係又要好味~最後,就選擇左黑芝麻and楊桃~黑芝麻：好味呀!!!食第一啖,wa~好香好徇芝麻味,,真係有好多一粒粒ge黑芝麻~而且,又唔會好甜(出面果d會好甜)~楊桃：都好味!!!!好清甜,,又會有d楊桃皮~唔會太甜~~岩岩好~~good!!

原來都有一段時間沒來xtc了，也加價了，現在兩球要$33呢。我們選了一球，記憶中好像是$25，我們選了蜜瓜雪葩。蜜瓜味很清甜，入口細滑，而且尚算解渴，比起其他味道不會過甜，是一個不錯的解渴之選。但是發覺選擇好像少了，希望下次來有多點特色味道呢。

食完餐好唔得既晚飯之後, 好想食番d好野補數! 本來諗住去cova, 點知去到既時候cova都已經收左, 行到黎天星見到呢間, 記得之前係呢個見到好多人讚, 所以就入左去試. 女職員好好笑容招呼我哋呀. 我個frd一個人試左成十隻味個女職員都無黑面, 仲話任試唔嬲... 我同佢講如果我個frd試完唔買我一定攞佢銀包出黎比錢.我見到佢個石板街好吸引呀, 個朱古力雪糕仲黑過iscream嗰個呀 (我係以朱古力雪糕既顏色黎判斷究竟個朱古力濃唔濃既人... ), 試左一啖... 好重古古力味呀真係. 以家d gelato真係越黎越似雪糕喇.... 雖然話gelato無雪糕咁肥, 不過我最後但係為擔心肥既問題而捨棄左朱古力, 揀左我最愛既冧酒提子... 一入口好重既酒味... 有少少過重既感覺.... 不過好彩我係一個鐘意酒味既人, 所以我覺得好好味喎, 不過如果係無咁鐘意酒味既人就可能覺得佢無咁好食喇~~~

上次o向又一城食唔到, 明明諗住睇完戲食, 都會唔記得今次o向尖咀食完飯, o黎海旁行o下, 無意間經過...有心去食就食唔到, 漫不經意卻會俾你遇上或者食o野都要講緣份!!?行入去, 見到十幾款味, 心大心細, 揀唔到好朋友話"你腸胃敏感, 都係叫雪皅試o下好la~"於雪皅區, 比較特別o既味有哈密瓜同楊桃我見平時少人用楊桃做甜品, 所以決定一試!!最初我好怕會酸, 但食o左第一啖就知無揀錯了~楊桃唔止唔酸, 仲要夠甜(但唔過火)果味仍然保存到, 唔會話好似食冰咁, 淡晒味而且雪皅一入口即溶 {我諗食得漫o的一定會變水}下次我要試埋其他味先得!!

食飽烤肉後，循例去xtc「到此一遊」。男店員初建議我試香蕉焦糖，跟住佢再sell下其他，結果二人愈講愈唔對路，因為男店員都驚訝本人這款又食過那款又食過…hahah~我盡量會謹記曾幾何時某職員教誨：一濃一淡的配搭就是雪糕配sorbet的信心保證。雖然我說不上個個月都一定食一杯xtc，但都間唔中兩三個月食一次，咁xtc其實都keep到穩定水準。合桃walnut雪糕配草莓sorbet係其中兩款，這兩款被我的選中率都高達70%，首先就係唔會太甜，其次就係草苺係反映真實「甜中帶酸」。食後感：說來都有點羞愧，食雪糕食到似後宮三千佳麗揀牌仔一樣，但真係閒時一杯對我來講似追求極樂。^3^食咩都要肥，咁梗係揀好食又值得既野至抵肥。yo++++

再一次進入青春期,整個人也迴光反照起來,連口味也變得年青,邊吃著甜品邊大叫:{等陣去食雪糕}在我口中說出,聽落是否有點不可思議?幾個人吃罷沙律甜品,徒步到天星碼頭的XTC,繼續尋找失落多時的青春.{我說自己}.一大班人去吃雪糕,又是很久沒有試過的活動.一向愛吃XTC的雪葩,今次順理成章,要個番石榴雪葩.在仲夏夜之中,雪葩比雪糕更消暑.酸甜的石榴味,粗鞋帶點沙質感的雪葩,旋即在舌頭溶化了,口中感覺極奇妙.路過Haagen Dazs,眾女生見到其櫥窗上,貼上甜品tea set廣告,雙眼發亮起來.下次妳們去吃tea set,可否預埋小弟一份?

想試呢度好耐啦﹗今日同男友經過﹐俾今日精選既香蕉拖肥味吸引左入去 ^ ^ 試食左一細啖玫瑰花瓣味﹐但覺得麻麻地﹐味道有 D 假同甜左D...最後要左兩球($33)﹐當然嗌左香蕉拖肥味啦﹐仲有男友最鐘意既蜜瓜味 ﹕)香蕉拖肥味幾特別﹐唔錯﹐有 D 餅碎係入面﹐香蕉味又幾濃﹗蜜瓜味雪芭就好清﹐都幾好食 ^ ^ 不過雪芭同雪糕黎講﹐可能個人都係比較鐘意奶味重的雪糕多D.食呢個既好處應該係無0甘肥同膩吧﹗

晚餐後例牌去xtc開餐。翳焗的天氣風都冇滴，食雪芭都唔錯。專揀未食過的來試味，試了布冧雪芭、番石榴雪芭、紅色石榴…布冧雪芭—食得出夠熟的布冧，夠香甜，不過平日對布冧麻麻，結果冇買。番石榴雪芭—這個真係似食緊蕃石榴，口感有點鞋脷的凹凸感，聞落帶甜漏，香甜得連紅色石榴的香味甜味都蓋過了。紅色石榴—試味時這個甜甜酸酸咁，在試味時反而我曾經錯覺以為似orange ginger，甜甜地又唔算太甜。食後感：初初都係因為很多雪糕味都食過晒，揀唔到雪糕做配搭就把心一横揀了雪芭配雪芭。原來蕃石榴雪芭配紅色石榴雪芭係一個錯誤的配搭，試味時同放埋落同一個杯係兩回事！我真係估唔到蕃石榴的香味甜得有咁大的威力，它的味道都幾霸度…或者配第二個味可能ok~但配紅色石榴真係唔多掂！紅色石榴試味時單一個味都仲明顯，但落杯後真係咩味都食唔出，淨係獨沽番石榴味。>.<

琴日去左food expo,...一路去pier前滿心歡喜，好期待食XTC既雪糕$33/2SCOOPS 印象中之前試過$27架!貴左咁多既?不過好味就算啦香橙燕麥葡萄乾橙味食得到不過唔突出，幾好，唔會搶味(否則橙既味道好濃烈)燕麥係食到佢既口感但係食唔到佢陣味，相信唔食燕麥既人都接受到葡萄乾好漲好大粒，但係甜左少少草莓雪芭唔會話凍到牙軟兼頭痛，有果味唔藥水，真材實料，呢個係令我一直都好鍾意XTC既sorbetto既原因～朋友食薄荷朱古力味起初見佢個雪糕既色唔係藍綠色都有d奇怪，因為平時食開果d(cheap d果d)係藍綠色既而佢呢個係白色雪糕球，有朱古力碎同薄荷葉，感覺好天然而朋友亦大讚我呢個香橙燕麥葡萄乾味既gelato!另外，每次黎呢間XTC，店員都好樂意比人試食，試/買都開心D而個杯雪糕都畢得好大杯，好開心

從碼頭下船，見到有XTC，冇食過的我當然要一試。細看下發覺今日雪糕味道較為普通，冇其他食家講的特別口味係選冇可選之下，要了XTC朱古力同開心果。朱古力味較為突出，冇太大的奶味，比起平時的朱古力味雪糕更濃更滑，感覺天然但又不會只得甜味。之於開心果味個人覺得較Da Dolce 失色，味道只是淡淡的，沒有很濃烈的感覺，不過有些開心果碎更添口感。總括來說，個人覺得朱古力味真是值得推介，出乎意料地好食。但整體感覺冇我想像中咁好，價錢也不便宜，所以不會經常食。

再次用平價方式過海~站在下層享受與海的近距離接觸~一下船後小比就急不及待攝進有冷氣的小店~為的當然是尋找最愛~一如以往~小比看到有黑芝麻的話才會放縱自已~但黑芝麻真是太受歡迎~經常都沽清~所以今次遇到就一定不會放過了吧~除了鐵膽外~每次也會多試一個新口味~今天就要了橙薑雪葩~fresh~沒有太多橙味~但享受薑的微辣感覺~好薑蜜feel~同時亦發覺一樣怪東西~~就是....為甚麼用杯裝的~也是一球球的呢~?!還是第一趟呢~~哈~感覺份量多了很多~~看到嗎..真係多到就跌.....好開心呢XTC的黑芝麻實在無一間雪糕店能有所及~芝麻沙外還混入原粒芝麻~次次食完都要照鏡撩牙~haha~雖然又加價了~不過也值的~繼續繼續~

自從銅鑼灣執左之後, 好奈無食過lar!今次又係試黎試去, 款款都好味, 攪左一輪, 最尾終於要左cheese cake + coffe (因為無o西開心果), 今次個店員'不" 得好大杯, 好開心!2樣都好好味, 不過coffee 就溶得勁快, 到最尾唔係食, 係要飲! 下次再試其他味!

Heading太catchy了!!幾個月前的食評竟然完全給它遺忘了..對我這個常吃xtc的人來說, 就只有一種favorite flavor. 但遍遍要是已絕跡xtc多月的"Ube竽頭"!! 它不是一般香竽奶茶或雪糕的味道. 因為是純天然和沒加什麼什麼香精油的......所以它只有純, 濃, 香!!! 你一看顏色就知道沒加色素啦, 可那竽頭味仍然齒頰流香. 還吃得到一粒一粒的軟糯竽頭肉........真得一試難忘. 在短短的有限發售日期裡我只碰過它兩次...那天的青綠色的是青蘋果, 很錯的選擇哦. 蘋果味的確有, 還有青蘋果皮...可是整體好"散". 一點都不討好. 所以凡事都有好, 有唔好! 有balance就ok.好愛xtc, 但為她寫食評小之又小, 我都好surprise.p.s. 這分點服務超好的~ 我每次都笑住走=)

最愛的雪糕店！新鮮，好味，唔太甜，選擇多，份量合理！最喜歡它的～＊開心果－粒粒果仁，味道天然！其他店的味道很人造，沒有吃過比XTC造得好的開心果雪糕了！＊朱古力－很濃的朱古力！沒有偷工減料！不過小朋友可能會覺得澀澀的了．．．＊薑－　很清新，很天然，也不會太濃！＊雲呢拿－其他地方吃雲呢拿像是很蝕底，但它的雲呢拿是用天然雲呢拿條製的，味道真的很好呀！

呢間野女朋友好鍾意.食過第1次就搞到佢成日都要去食.今次要左個藍莓芝士同豆腐.嘩.個藍莓芝士好味到暈.好正,如果大家會去食就1定要試下喇.雖然加左價.但我1定會再去食.!!