影片
港鐵沙田站 A4 出口, 步行約15分鐘
繼續閱讀
電話號碼
53011818
開飯介紹
2015年於銅鑼灣起家的餐廳，主打創意手工意粉、薄餅，另亦供應酒類飲品、雞尾酒等；裝潢走清新風格，以白色為主調，氣氛休閒寫意。
繼續閱讀
營業時間
今日營業
11:30 - 16:00
18:00 - 22:00
星期一至日
11:30 - 16:00
18:00 - 22:00
公眾假期
11:30 - 16:00
18:00 - 22:00
公眾假期前夕
11:30 - 16:00
18:00 - 22:00
以上資料只供參考, 請與餐廳確認詳情
有關餐廳
有關獎賞計劃
今次已經係第三次嚟食呢間餐，真係值得推薦大家一試，今次嗌咗兩個意粉，一個小食，意粉分別係芝士牛肉醬千層麵 （$148），QB明太子帆立貝意粉 轉絲帶麵（$168 +$25），小食就叫左香辣水牛城雞塊 （$88）意粉同往常一樣都係咁好食，尤其是QB明太子帆立貝意粉，每次嚟都必食，今次就（+$25）轉咗絲帶面，絲帶面口感煙靭，但上次冇加錢食扁意粉，口感一樣咁煙靭，而麵條就相對絲帶麵冇咁粗，所以睇大家口味，我個人就覺得唔需要加錢轉麵都一樣咁好食！成個麵最欣賞係佢明太子份量足夠，撈完之後，每一啖都會有明太子，咬落去d面會係有卜卜卜嘅感覺，帆立貝方面勁新鮮，一份入面有3大粒，咬開佢發現佢煎到半生熟，成粒帆立貝都超腍同埋大粒，而且又唔腥，大家真係必試！至於芝士牛肉醬千層麵，都非常好食，屬於中上水平，芝士份量足夠，牛肉量亦都好多，最欣賞係麵上面有沙律菜，俾人感覺健康左少少😂而麵嘅周邊都唔會焗燶同硬晒，成個麵都仍然好彈牙，但比起其他地方嘅肉醬千層味道分別唔大，就相對上面個個意粉就冇咁出色同驚艷小食方面，叫左香辣水牛城雞塊，本身以為係炸雞，點知原來係雞扒剪開左，而且亦都唔係炸，好似係烤/煎，冇咁熱氣，但相對亦冇咁香口，而味道上比想像中辣，有譚仔小辣嘅程度，但加左個醬之後就變中和左個辣，變左10小辣嘅程度，就算食唔到好辣嘅人都份量值得一試！
繼續閱讀
我訂了七點入座，等朋友一起用膳，我在等人的時間侍應不停走過來催促我下單，說用膳時間90分鐘，我跟他說90分鐘之後我會離開，但他還是不停催促我下單，到八點的時候他過來說8:30要離開要加單要快，接着想把我的單拿走，可能是催促我埋單，我再跟他說8:30我準時離開在這頓飯當中，他們輪流過來七八次，令人不勝其煩，幫我8:30準時離開的時候，門外亦沒有客人等候頭，我見網上說這間意粉質素不錯，才來這裏是試吓，食物質素普通環境還可以，侍應令人太煩擾，請也不會再來，從來未吃過一頓那麼受氣的飯，不會有下次👎👎👎
繼續閱讀
今天和朋友於沙田吃晚飯，朋友介紹於沙田好運中心有一間手打意粉餐廳，我也急不及待想試試這家餐廳！菠蘿小龍蝦薄餅 ＄148CRAYFISH PINEAPPLE PIZZA雖然意大利人對菠蘿在薄餅上非常不喜歡，但是我卻認為菠蘿的微酸可以令薄餅更加美味，配合起小龍蝦的鮮味，恰到好處，薄餅非常香脆，令人食慾大增。純牛肉醬手製寬帶麵$148HANDMADE PAPPARDELLE BOLOGNESE寬條麵非常彈牙有咀嚼勁，麵條讓人很有滿足感，而每條麵條也充滿純牛肉醬！意式香草焗雞翼 $78 Baked ITALIAN HERBS CHICKEN WINGS焗雞翼均勻地圖上香草醬，肉質非常鮮嫩，肉汁多，雞皮燒得香脆，香氣十足！雜錦水果茶查的Basic是綠茶，配合起不同的水果，非常開胃
繼續閱讀
Lunch time點咗一個牛肝菌意粉完全係豉油撈意粉，超級無敵勁鹹完全食唔到侍應哥哥態度好好，入去廚房反映番但就無任何補救措施結果我都係食唔到一半有多後來一個疑似老闆娘嘅人態度超級差到付款埋單，佢部卡機壞咗，試咗好多次都唔得插又唔得，嘟又唔得，試咗幾張卡都唔得跟住八達通又話唔收呢個老闆娘仲要喺度唔客氣地串返客人唔俾現金總結係食物加態度都令人失望價錢又唔平午膳時間都空晒無人幫襯也反映了狀況吧😕無心做的一間餐廳可以不用再試
繼續閱讀
今次小熊貓去咗比較隱蔽嘅餐廳食lunch，位於沙田市好運中心嘅背面，喺熱鬧嘅沙田市之中嘅一點寧靜。🪴 一去到呢個巷弄，就覺得非常舒服，風景有茁壯嘅樹木，令人舒適嘅陽光，室內裝潢以白色簡約為主，空間感十足。今次試咗豐富嘅午市套餐。頭盤就有法式芝士浮台洋蔥湯同埋香濃野菌湯。🧅法式正宗嘅洋蔥湯，不單止濃郁，仲有一股淡淡嘅焦香味，因為廚師用心炒香洋蔥，再加上滿滿嘅芝士，跟足法國嘅傳統，令小熊貓食過返尋味。店員拎咗一枝好似香水咁嘅液體，原來係brandy,等我哋自己隨心加入洋蔥湯，提升整體味道，而且係一個好特別嘅體驗～🍲 野菌湯都十分之唔簡單，湯頭熬得非常濃郁，啖啖都係蘑菇蓉，加上忌廉，口感豐滿得來又非常之順滑。嚟到最重要嘅主菜，主菜有11種選擇，小熊貓就試唔晒啦，只係食咗其中兩樣，分別係冬陰功雜錦海鮮薄餅同埋牛油蒜香蜆肉扁意粉。🍕 冬陰功薄餅嘅薄餅皮又薄又脆加上冬陰功微辣嘅味道非常之開胃，仲有滿滿嘅芝士同海鮮餡料，啱晒都係大胃王嘅你。🍝 牛油蒜香蜆肉意粉我就食得多啦，咁多蜆肉嘅我就真係未見過，一拎開啲番紅花嘅時候，我都真係嘩左出嚟，呢個份量，簡直可以稱得上係以本傷人。🍰 最後嘅甜品都有驚喜，焙茶巴斯克蛋糕！焙茶同芝士意想不到咁合拍，香濃茶香味可以中和到芝士甜膩，一啲都唔會太甜，即刻覺得食多幾件都唔驚。而且層次豐富，上層係軟滑忌廉，下層係口感綿密嘅芝士蛋糕～ 加埋栗子蓉，nutty嘅味道仲可以昇華整體味道～總括而言，小熊貓覺得呢間餐廳係可以一試再試，環境舒適不特止，仲有一種可以令我哋遠離鬧市繁囂嘅感覺，偷得浮生半日閒😌 質素高而份量又十足嘅午餐，食到我哋捧住個肚走，所以weekend都建議大家一齊嚟chill吓。
繼續閱讀